TUH RAH -X
___________ __________
[TUH RAH]
[ *P.C Malsawmzuala* ]
Ṭhen 10-na
Kha Silai ka mansak vang khan an boruak chu a lum satliah lovang, a sa hat hatin ka ring tlat a ni. An whats app group lama a landanah pawh emergency meeting an ko chûk chûk a nih kha. Mimal inah a ni tawh vangin ka tan inrawlh a rem chiah lova, ka hre lo der ta ringawt mai a ni.
Whats app-lama an sawi hmang chuan kei chu ka sulhnu chhui ngaihna an hre lo a nih hmel viau a, ka bike number lah zan thil a nih vangin motor khalhtupa lah khan a chhinchhiah thei lo a nih hmel bawk si. Kha Taxi pu kha a ni an rinhlelh tak ber chu! Zawnga tuar ai Ngauvin a tuar dawn emawni. Min hriatchhuah hunah zawng a talh pawh min talh duh hial ta ve ang.
Inthlan a hnai tial tial a, mi hriatpui si loh chuan ka boruak tawn chu a rip sawt kher mai. Hma han lâk dawna tih vak ngaihna awm si lo; silaimu sem tih ang reng thawm te chu kan hre chho ta nuaih mai a. Mipui vantlangin an hmuh danah pawh 'kumin inthlan chu a chiri dawn hle mai' tih a ni vek tawh.
Chutiang boruak ni nuak nuak leh chiri tak mai karah chuan Mizo Youth Party Vice President leh Aizawl Central constituency-a in candidate Zarzosanga chu rukbo a ni ta mauh mai a! Chu boruak lian tak mai chuan Mizoram mai nilovin India ram a nghawng phak tlat! Chanchinthar ngaihnawm tak te pawh a ni mahna le.
Chu inrûkbo dan chanchin, nitin chanchinbu lama an ziah dan chu hetiang deuh hi a ni.
"Pu Zarzosanga, Mizo Youth Party Vice President leh Aizawl Central contituency a MLA Election-a ding tur hi nizanah an vengah chhiattawk an awm vangin mitthi inlamah a kal a, mitthi in aṭanga hian dar 11:00pm velah a ṭhian te chuan a haw niin an sawi.
Inchhung a luh tawh hnuah amah rubotu misual te hian inchhung a luh veleh an luhchilh nghal niin a lang a, an thawm hriaa a pa, Pu Ngurchhuana tho chhuak chu silaia lo tin chungin bengchheng siam lo turin an vau zui a. Pu Zarzosanga chu a kut hnungkhirh chungin a mit an tuamsak a, an hruaichhuak ta a ni.
Kan palai zawhna chhangin Pu Ngurchhuana chuan anmahni hriattheihna tur thil a neih loh thu a sawi a, an hmai an tuam a, pistol an ken thu sawiin an motor tlanliam hma chu ngaihven zui lo tura an tih vangin an motor tlan liam hnuah pawnlama a chhuah ngam chauh thu a sawi a ni." tih hi chanchinbu lama a landan tlangpui chu a ni. A in ang deuh pût vek bawk. https://darxikaziakfung.blogspot.com
Mizo Youth Party office bearer thuchhuah pawh a na khel khawl khawp mai.
Zing dar 10:00-ah chuan MYP office chhung kilkhatah chuan ka ṭhu khar tawh a. Member pumhuap inhmuh khawm an huaihawt vanga va lang ve ngawt ka ni. An Vice President rukbo chungchang ngaihtuah tur a nih ka ring.
E khai, tam tak an ni. An building chu a lian ve viau a nia an tlim hmur mai. Kawngpui thlengin an hnawh khat vek a, an ṭhalai rual hlawm bawk si a, buaina a chhuak mai ang tih hlauhawm tak a ni.
An inkhawm chu an party president-in a kaihruai a, an Vice President rukbo a nih thua inpunkhawm an nih thu sawiin secretary report pe turin a sawm a, tam viau e ti lo chuan thawm a reh duk a, an ngaihthla uluk hlawm kher mai.
Secretary chuan report a han pe zova, an President lo dingchhuak chuan Resolution an pass tur chu a han chhiarchhuak zui a. Nakinah mamawhna a awm takin tih thu-ah video-in ka lo record nual bawk a, an boruak chu a sang sawt viau mai.
A duh a piang thusawi hunah phei chuan an thuvuak thlak chu nathei tak hi a ni ringawt mai. Kawngzawh nghal mai rawt pawl te an awm a. Police lam han nawr duh pawl te an awm bawk a! An chikim ve viau mai. Programme an hman zawh hma deuh chuan ka chhuahsan ta a. Inkhualtelem ang maia mi chuti zozai han bawl chiam mai chu a zia lo ka ti hle mai.
A sawi lawk tawh angin Madini chuan Zofa Ṭamhnem Restaurant-ah chuan min lo nghak reng tawh a. 'Eng nge i tih?' ti a zawhna min pek chu chhanna mumal ka neih loh vangin a ner deuhin ka hria.
"Tunlai boruak, inthlan vel chungchang hi eng nge i hmuhdan?" tiin ka zawt a.
"Hriatthiam a har ka tia, hmannia silaimu sem ringawt te kha ka hrethiam chiah lo. Engmah hi chhuichhuah tak tak a awm thei bawk si lova. Tikhan a thamral leh ringawt ang a, a semtu pawh hriat chuang loh khan. Tunah inrukbo a ni leh a, Mizoramah helpawl kan nei bawk si lova, hriatthiam har deuh a sin. Party leh party inbeihna a ang deuh te ka tia. Mahse, inrukbo em chu niin ka hre bawk si lo. Ngaihdan mumal pawh ka nei thei lo."
"Nangni lamahte chuan report a lut ṭha viau ang chu. I hre deuh ang chu ka lo ti ngawt a..."
"Report chu a lut ṭha tho. Mahse, thutawp han siamna khawp engmah report awm nghal hek lo. Ṭul lovah kan phar buai vak vaka a ni mai."
"Zanin lo phei i tum em?" a ti zui zat a.
"Phei lo mai dawn emawni. Ka chiang lo. Eng emaw tih ngai ka nei a."
"Eng nge i tih dawn?"
"Thil eng emaw siam lawk ngai ka nei a."
"Ti ve ziah, ka awih em em lo," a ti hlak a.
"A nia lawm mawle, nge maw i awih loh ngawt ni."
"I lo len te ka ring ve ṭhin alawm."
"Nih leh ka lo leng ang. Mahse, reitak chu ka awm hman lo mai thei a..."
"I hman lo chung chung chu ka phut chuang lo che."
"Ka lo tum dawn nia, zan te han ni phawt sela," tiin kan inthlah thei ta hram a.
Zan lam chu lenchhuah loh ka duh zawk asin mawle. A chhan chu ka information dawnah hian Assembly House kawta bomb tihpuah tum an awm tlat mai a, chumi chu ngaihven ka duh. Eng pawh ni se, dar 10 leh 11 inkar tih a nih vangin leng hmasa zet ila ka haw hma deuh mai ang chu. Madini berin hmui min tihchhah khum a ni ber tawh a, a rilru nawmna atan tal ka va lan ve hrim hrim chu a ṭhat ka ring.
Theih ang anga video hmanga thlalak ka tum vangin ka phone-a video awm leh thil pawimawhho chu computer-ah chuan ka dah lut vek a, Tin, Madini hian phone en neuh neuh a hrat vang hian a hmuh ṭul lo tur whats app lama ka dawn ho pawh ka suan lut vek tho. Automatic download a ka dah vangin video ṭhenkhat phei chu eng nge an nih pawh ka hre lo. Nakinah ka la thliar leh mai ang chu. Ka whats app install thar zawk pawh chu ka 'hide' daih a, Madini bula awm dawn chuan fimkhur a ṭha e.
Tichuan, zanriah eikham hlimah chuan hawhma inring takin Madini te inlam pan chuan ka tlanchhuak ta a, zana thil thleng hmachhawn tur awm bawk nen phur ru ang reng tak chuan ka tlan par par a.
Ka patea te inah ka lut kawi hmasa a, ka nutei pawh a lo zia ve zel a, tunah chuan ngaihtuahawm a ni tawh love.
Madini te step-ah chuan a thim a thimin ka inpal chho leh nasa mai. Hausa roh fu si veranda light tih thim an ching tlat!
Eng committee emawni niawm tak an ṭhutkhawmna pindan lamah chuan an ṭhut deuh ṭuai vangin hâwkdâk chhuahin ka ring ka va fân thui duh ta bik lova, thlanglam veranda-ah chuan Madini nen chuan kan ṭhu dun ta daih a, inchhung aichuan a lo nuam zawk daih mai. Kut a hlei sam deuh e tih lovah chuan.
"Khi i palai te an nih ka ring ve ringawt a, an lo va thawkrip awm ve a?"
"A tirtu lamin inhrechiang deuh ang chu ka ti mai a," tiin min chhang thla hneh kher mai.
"Social Front committee-ho an nih khi, ka pa hi secretary a nia, kan ina ṭhutkhawm tur emaw an ti tlat zel a. Hmundanga tihna châng pawh an hre tawh lo," a ti zawm zat a.
"In thleng zo ber a niang chu. Infel tihna a ni mai alawm."
"Chulam nen chuan a inkungkaih vak pawhin ka ring lo," tiin hnai fe-ah chuan min han thlêk a, mitmei ven tur awm lo ta chu puarna tur awm mang si lovin sahel kan keih sek lo thei si lo.
A pate ṭhukhawm ṭin hma deuh chuan ka chhuahsan a, khâm hnêp hnâwpa chhuahsan phei zawng ka ni law, ka hmabâk tihtur la awmin mawnga hawlh ba ang maia min tur tak sek vanga kal ta mai ka ni.
A nihna takah chuan khawpui nula mal vâwng leih lawih, thauchhia awm hlek lova chum ru deu tât. A khawivah lawi lah a ruala nausen pathum hraipuarna tham tur zet ni bawk si, Chhuankite kau an sawi ang seiha nuimawi leh chhawrthla eng pawh an kimki hialna tur khawpa sakhmel duhawmna paitu chu nuamsaa kalsan mai theitu chu pasalṭha an tih pawhin pasaṭha athuai tal a ni hial ta ve ang.
Ani kalsan hi thil awlsam a nih loh vang hian alawm a nazawnga ka pan ngam loh ṭhin zawk ni.
Dar 9:30pm-ah chuan Assembly House building ep lam, Secretariat Annexe building kawtah chuan ka bike chu ka hung a, hmundanga kalsawn ta lo chuan Secretariat building luhchhohna tur step-ah chuan ka ṭhu zui ve mai bawk a, mi veivak an la awm neuh neuh a, Assembly House building hnaih deuhho chu uluk tak hian ka lo en bik deuh a.
Dar 10:00 a rik chhoh hnuah chuan Motor veivak chu an la awm zeuh zeuh a, mihring kea kal chu an awm tawh lo tluk a ni. Police pattrol rual khat chu Vana pa hall lam aṭang hian an rawn tleh thla dal dal a, a muanawm bawk a niang anni duty-ho pawh chu nui ham ham chungin Khatla lamah an her liam phei tak kha.
Hun pawh a liam ve zel a, lirthei tlan pawh a khât sawt viau mai. Dar 10:45 velah Police pattrol pawh an lo kir leh a, keilah ka ṭhutna ngaiah ka lo la ṭhu khar mai si a, an hotu hmel deuh chuan, "Eng nge ni i tih?" tiin min rawn zawt a. Ni e, zawh awm reng pawh ka ni. Ka ṭhu rei ve ta em bawk alawm le. Ka chhan hnuah chuan ngaihṭhat lohna pawh neih hmel em em lo hian chhaklam hawi chuan an kal zui ve leh mai a.
An liam chho fel ṭep tawh, petrol pump zawn vel an thleng ang tihah chuan anmahni tawk zawnga motor pakhat lo tlan thla chu ka lo en reng a, Assembly House hungchhungah chuan motora tlan reng chung hian eng emaw an vawm lut zauh chu ka hmu than hian ka hria a, anni lah chu ding takin an tlan zui nghal mai bawk si.
Um tumin ka bike chu ka chawiher mawp a, chutihlai tak chuan an thil thehluh chu a rawn puak ta dur mai a! Châng reng ti lo chuan a han puah meuh chuan ka va han phu nasa kher ve leh e.
Ka bike chu tinungin an tlanna lam pan chuan ka umzui ve nghal thuai a, ka tlan chak ve viau emaw ka ti a nia Sikulpuikawn ka va thlen chuan ka ho der mai. Khawilam nge an pan awm reng ka hre ta hauh lo mai ka ti. An motor number lah ka hmuchiang bawk si lo. A ho duh hle mai.
Muangchang chuan ka inher a, Assembly House, bomb puahna lam pan chuan ka inkhalh phei leh ta nghal a. Pungkhawm an lo tam hman teh e.
A hmaa bike ka dahna bulah chu mi an tam deuh vangin thlang deuhah chuan ka dah a, Bike aṭanga ka chhuk fel chauh chu mi pakhat hian ka banrekah tak mai chuan nghet zet mai hian a lo man chaih mai a. Nichin lawka police zing a mi, "Eng nge i tih?" tih min zawttu kha a lo ni a.
"Eng nge awmzia?" ka ti thuai a. Police dangin min rawn dinhual nghal mai bawk a. https://darxikaziakfung.blogspot.com
"Rampui, office bia la motor rawn tir teh se, office lamah min lo zui chho lawk rawh," tiin min en zui a. A kawnghrena Handcuff chu a la thla a, engmah sawi leh i pawh awm lo chuan min buntir nghal mawlh mawlh mai a.
"Engatinge min man ngawt?" ka tih lah chuan min chhang bung nghut tawh mai bawk si. Midangin min rawn chîm tur chu an lo dang bawk. Ka inngaihtuah buai kher mai.
Police motor-a thana lam kan pan laichuan ka inngaihtuah fim thei ta deuh hlek a, ka awmna hmun kha a dik lo, rinhlelhawm ka ni tih ka hrethiam ve ta chauh a, man hmasak ber tur ngawih ngawih ka ni. An pattrol vawihnihah khan ka lo awm reng mai bawk si a.
Pindan pakhatah hian min dah lut a, chair-ah chuan min ṭhuttirin uluk fe mai chuan min han en a.
Min mantupa kha ka hmaa dawhkanah chuan Pen leh a ziahna tur nen a rawn ṭhu lut ta a.
"Tunge i hming?" tih leh ka chanchin tlangpui min zawh hnuah chuan an office lama min hruaichhan chu min zawt nghal a.
"Engvanga Bomb kha tipuak nge i nih?" tih chu min zawhna hmasa ber a ni.
"Ka tihpuah a ni lo ka pu."
"I tihpuah a nih loh chuan tu tihpuah nge ni ta ang?"
"Ka hre lo, motor aṭanga an rawn thehchhuah a ni."
"Tu te nge a thehchhuak tute chu?"
"Ka hre lova, ka umzui a.."
"Chu i man ta em?" Min zawhdan aṭang reng chuan min burbun nghal vek a ni tih a hriatsa mai a, a manganthlak ka ti kher mai.
"Man lo, ka umphak lo."
"Khawi lai thleng nge i um? Eng motor nge? Eng nge a number?"
" Sikulpuikawn ka va thleng, Bolero a nia, a number chu ka hre lo."
"A ṭha e, a nih leh kha chen chena rei kha eng ngati nge i ṭhut?"
"Ka lenghaw ka ṭhu chawl mai mai, engmah tih tum pawh ka nei lo." Thil awmzia chu sawi mai tumin ka ang zuau hman a. Mahse, ka duh anga a vawrtawp ka la thlen si loh vangin tuna lo sawi ting tang kha chu ka kal thui ve laklawh tawhin ka hre deuh bawk si. Ka ngawi thei hram e.
"Thurualpui i nei em?"
"Ka tih a ni lo ka tih chu mawle aw..." ka hnungzângah chuan tairaw tiang hian fiakṭhak khawpin an rawn hlap a, ka inring lo bawk nen ka er zawk thei!
"Ṭha taka kan zawh lai che hian kutthlak kher ngai lovin sawi ṭha ve mai la a ṭhat ka ring." Ngawi reng chuan ka en kal a.
"Tute maw i thurualpui te chu?"
"Thurualpui ka nei lova, ka tih pawh a ni lo."
"Hlap chhuah kher a ngai dawn ni maw.."
"Min hlap mah ula chu bak sawi tur ka nei lo, Thudik ka sawia in awih lo a nih chuan tihngaihna ka hre bik lo," min vaw leh nghal mai dawn emaw tiin ka insehruh khawp a. Vuak chu min vaw ta em lova.
Ka tih a ni lo tih thudik ka sawi an pawm ve mai ka lo ring chu ka rinsual hmel ta kher mai. Midang rinhlelh tur an hriat miau loh vang chuan mawh zawng zawng min phurhtir an tum a ni tih min han chhaihkual vel dan aṭang chuan ka hrethiam ve mai a. Ka ti ta sa sa bawka a tawp thlenpui rak law law teh ang. Police-ho engmah thil ngaihtuaha chhui ṭha peih lo ho hi a ṭul leh an mawng kan hlimsak kûng kûng anga a ni mai lawm.
Cell pakhatah hian keimahin min dah a, a khawharthlak duh rek rek mange ka ti. Naktuk lamah chuan ka insawifihlim zo ve tawh em ang chu.
Office chhunglamah chuan ka nu ṭawngri niawm tak te pawh ka hria, min rawn tlawh chêk ang chu maw. Engtinnge hriat pawh an lo hriat zawk le. Chanchin han hrilh turin ka haklai chauh chu ka kawl chhun a ni tawh mai bawk si. Ka mobile leh wallet, bike chahbi nen lam min 'seize' sak hmak mai bawk si.
Madini'n a hre ngei anga, engtin tak ngai ang maw? Ani phei chuan midang zawng aiin report a dawng hma ngei ang le.
Ka nu te lo lan hun nghak chuan kilkhatah ka ṭhu khar a. Mahse, office lam thawm a reh ṭhap hnu thleng chuan an rawn lang thei reng reng lo mai a, min hmuh an phalsak lo a ni ngei ang le. An rilru ava han hrehawm dawn em? Ka mittui a tla zawih thei hial...
Ka inngaihtuah buai ata langin chhin khat mah ka chhing lo tih khua a lo var chuan ka hre chhuak chauh a, midang lo thawh hmain muthilh ka'n tum leh hnuhnawh bawk taka ka hlawhchham chiang viau thung.
Kawngkhar ri rak rak chuan min tiharh zawk a, a tlai a tlaiin ka lo chhing leh sek si a ni maw.
Ka nu leh ka pate-a chu constable pakhat hian kawngkhar chu a lo hawn sak a, an rawn lut chu an hmaizah a na duh kher mai. Ka nu phei chu ṭawng pawh a ṭawng thei lawk lo nghe nghe. A rilru ana dawn em asin. https://darxikaziakfung.blogspot.com
"Zothan, eng nge thil awmzia hi ni ngai a?" Ka patea chuan a ti tawng mai a.
"Ka pate, kha bomb puakah khan inrawlhna pakhatmah ka nei hleinem. Ka tih a ni lo," chutiang bak chuan chhandan tur pawh ka hre chuang lo.
"Nizanah i pindanah Silai pasarih zet an man bawk a..." a tih chuan ka mengphawk kher mai! Eng ti ti ti a, kan in te an lo dap maw! Ni lo, a khirh chingchivet zo vek dawn a nih hi. A tira thil awmzia ka lo sawi mai lo kha ka inchhir lek lek mai. Tuna han sawi tlaikhawhnu lah chu tlawmpaêkah ka la tawh bawk si.
Chhan mai ngaihna hre lo chuan ka melh ngai ka melh ta reng a.
"Eng emaw chu i sawifiah a ngai a ni. Eng nge i thil tih chiah hi a awm zia?"
"Pate, mi tupawhin thil ṭha lo tak ti-ah min ngai ang tih ka ring. Nangmahni ngei pawhin. Mahse, ka dem hran lo che u a, ka hriat ang hi inhriat ve miau loh vangin tumah ka dem hran lo."
"Nanga dem leh dem loh lam ka zawh loh che chu, eng nge i thiltih hi sawi rawh ka tia lawm," ka patea pawh chu a lawm lo hle a ni tih hairual a ni lo.
"Pate, dik lovin eng thil mah tih ka nei lo, min ring rawh. Tuna sawifiah mai theih pawh a ni lo. Thil dik chu a lo langchhuak ve mai ang." A lungawina khawp ka sawi zo lo tih chu ka hre reng. Mahse, han sawifiah duah kha ka thlavang hauh intiin police lama an lo thlen leh ka hlau bawk si. Ṭul ka ti ta rih lo a ni.
Beidawng takin ka awmna cell chu an chhuahsan tih pawh ka hre reng. Ka luhlul lutuk hi chu a ṭha ber lo mange tih te ka ngaihtuah phah rum rum a.
Engtia kan in te lo zuk dap thawt thawt nge maw an nih reng reng le. Silai lah kha a bawm chawpin Almira chungah ka dah ngawt mai kha a ni a, an dap na na na chuan hmuh loh thu a awm lova, an hmuh miau si chuan rinhlelhawm chu ka ni zual zel lo thei si lo. Bomb puakah ka inrawlh lo ti eng ang mahila silai case-ah chuan thubuai rip tak ka hmachhawn hmel tho bawk si. A manganthlak hle mai. Duh aia hmain ka hnuchhui lai puanzar a ngai dawn a ang viau.
Engtikah tak min rawn hruaichhuak ang maw tiin ka nghak tukpum chu a ni deuh der a, ka ril lah chu a ṭam pherh hrep!
Kan police, a ni lo lam zawnga pasalṭha anga lang te chuan ka computer an check ang tih a ni ka hlauh ber ni. Engkim mai kha ka hnawhlût thawr mai bawk si. An han en hlek chuan engmah 'hide' ka nei bawk si lo. Mahse, an lo en a nih rau rau chuan duh aia hmain kan lipse tawh mai a ni ang chu. Tute Party emaw chu ka vawchhe pha ve ngat ang mawle.
Sana en tur tak ngial pawh a awm loh vangin darzat pawh ka hre thei mai lo. Ka ril a ṭam viau danah tukṭhuan ei chu a hun tawh hlein ka ring thung.
Chutih mek lai chuan ka cell lam pan chuan penthawm a lo ri phei thlak thlak a, heta awm ngawt aichuan min hruaichhuak thuai sela, tihtur zawng zawng hmachhawn vat vat mai ka duh. Mahse, tunge pawnlama lo ding saw le!
Madini chu kawngkhar an hawn hnu chuan a lo penlut zui nghal a, ding taka min rawn panin amah hmuak tura ka lo ding chu, "Tenawm pa.." tih leh mi ben a rual a! A na ka ti kher mai.
A kut mi thlâkna aichuan min ngaihdan chu nâ ka ti zawk!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
[TUH RAH]
[ *P.C Malsawmzuala* ]
Ṭhen 10-na
Kha Silai ka mansak vang khan an boruak chu a lum satliah lovang, a sa hat hatin ka ring tlat a ni. An whats app group lama a landanah pawh emergency meeting an ko chûk chûk a nih kha. Mimal inah a ni tawh vangin ka tan inrawlh a rem chiah lova, ka hre lo der ta ringawt mai a ni.
Whats app-lama an sawi hmang chuan kei chu ka sulhnu chhui ngaihna an hre lo a nih hmel viau a, ka bike number lah zan thil a nih vangin motor khalhtupa lah khan a chhinchhiah thei lo a nih hmel bawk si. Kha Taxi pu kha a ni an rinhlelh tak ber chu! Zawnga tuar ai Ngauvin a tuar dawn emawni. Min hriatchhuah hunah zawng a talh pawh min talh duh hial ta ve ang.
Inthlan a hnai tial tial a, mi hriatpui si loh chuan ka boruak tawn chu a rip sawt kher mai. Hma han lâk dawna tih vak ngaihna awm si lo; silaimu sem tih ang reng thawm te chu kan hre chho ta nuaih mai a. Mipui vantlangin an hmuh danah pawh 'kumin inthlan chu a chiri dawn hle mai' tih a ni vek tawh.
Chutiang boruak ni nuak nuak leh chiri tak mai karah chuan Mizo Youth Party Vice President leh Aizawl Central constituency-a in candidate Zarzosanga chu rukbo a ni ta mauh mai a! Chu boruak lian tak mai chuan Mizoram mai nilovin India ram a nghawng phak tlat! Chanchinthar ngaihnawm tak te pawh a ni mahna le.
Chu inrûkbo dan chanchin, nitin chanchinbu lama an ziah dan chu hetiang deuh hi a ni.
"Pu Zarzosanga, Mizo Youth Party Vice President leh Aizawl Central contituency a MLA Election-a ding tur hi nizanah an vengah chhiattawk an awm vangin mitthi inlamah a kal a, mitthi in aṭanga hian dar 11:00pm velah a ṭhian te chuan a haw niin an sawi.
Inchhung a luh tawh hnuah amah rubotu misual te hian inchhung a luh veleh an luhchilh nghal niin a lang a, an thawm hriaa a pa, Pu Ngurchhuana tho chhuak chu silaia lo tin chungin bengchheng siam lo turin an vau zui a. Pu Zarzosanga chu a kut hnungkhirh chungin a mit an tuamsak a, an hruaichhuak ta a ni.
Kan palai zawhna chhangin Pu Ngurchhuana chuan anmahni hriattheihna tur thil a neih loh thu a sawi a, an hmai an tuam a, pistol an ken thu sawiin an motor tlanliam hma chu ngaihven zui lo tura an tih vangin an motor tlan liam hnuah pawnlama a chhuah ngam chauh thu a sawi a ni." tih hi chanchinbu lama a landan tlangpui chu a ni. A in ang deuh pût vek bawk. https://darxikaziakfung.blogspot.com
Mizo Youth Party office bearer thuchhuah pawh a na khel khawl khawp mai.
Zing dar 10:00-ah chuan MYP office chhung kilkhatah chuan ka ṭhu khar tawh a. Member pumhuap inhmuh khawm an huaihawt vanga va lang ve ngawt ka ni. An Vice President rukbo chungchang ngaihtuah tur a nih ka ring.
E khai, tam tak an ni. An building chu a lian ve viau a nia an tlim hmur mai. Kawngpui thlengin an hnawh khat vek a, an ṭhalai rual hlawm bawk si a, buaina a chhuak mai ang tih hlauhawm tak a ni.
An inkhawm chu an party president-in a kaihruai a, an Vice President rukbo a nih thua inpunkhawm an nih thu sawiin secretary report pe turin a sawm a, tam viau e ti lo chuan thawm a reh duk a, an ngaihthla uluk hlawm kher mai.
Secretary chuan report a han pe zova, an President lo dingchhuak chuan Resolution an pass tur chu a han chhiarchhuak zui a. Nakinah mamawhna a awm takin tih thu-ah video-in ka lo record nual bawk a, an boruak chu a sang sawt viau mai.
A duh a piang thusawi hunah phei chuan an thuvuak thlak chu nathei tak hi a ni ringawt mai. Kawngzawh nghal mai rawt pawl te an awm a. Police lam han nawr duh pawl te an awm bawk a! An chikim ve viau mai. Programme an hman zawh hma deuh chuan ka chhuahsan ta a. Inkhualtelem ang maia mi chuti zozai han bawl chiam mai chu a zia lo ka ti hle mai.
A sawi lawk tawh angin Madini chuan Zofa Ṭamhnem Restaurant-ah chuan min lo nghak reng tawh a. 'Eng nge i tih?' ti a zawhna min pek chu chhanna mumal ka neih loh vangin a ner deuhin ka hria.
"Tunlai boruak, inthlan vel chungchang hi eng nge i hmuhdan?" tiin ka zawt a.
"Hriatthiam a har ka tia, hmannia silaimu sem ringawt te kha ka hrethiam chiah lo. Engmah hi chhuichhuah tak tak a awm thei bawk si lova. Tikhan a thamral leh ringawt ang a, a semtu pawh hriat chuang loh khan. Tunah inrukbo a ni leh a, Mizoramah helpawl kan nei bawk si lova, hriatthiam har deuh a sin. Party leh party inbeihna a ang deuh te ka tia. Mahse, inrukbo em chu niin ka hre bawk si lo. Ngaihdan mumal pawh ka nei thei lo."
"Nangni lamahte chuan report a lut ṭha viau ang chu. I hre deuh ang chu ka lo ti ngawt a..."
"Report chu a lut ṭha tho. Mahse, thutawp han siamna khawp engmah report awm nghal hek lo. Ṭul lovah kan phar buai vak vaka a ni mai."
"Zanin lo phei i tum em?" a ti zui zat a.
"Phei lo mai dawn emawni. Ka chiang lo. Eng emaw tih ngai ka nei a."
"Eng nge i tih dawn?"
"Thil eng emaw siam lawk ngai ka nei a."
"Ti ve ziah, ka awih em em lo," a ti hlak a.
"A nia lawm mawle, nge maw i awih loh ngawt ni."
"I lo len te ka ring ve ṭhin alawm."
"Nih leh ka lo leng ang. Mahse, reitak chu ka awm hman lo mai thei a..."
"I hman lo chung chung chu ka phut chuang lo che."
"Ka lo tum dawn nia, zan te han ni phawt sela," tiin kan inthlah thei ta hram a.
Zan lam chu lenchhuah loh ka duh zawk asin mawle. A chhan chu ka information dawnah hian Assembly House kawta bomb tihpuah tum an awm tlat mai a, chumi chu ngaihven ka duh. Eng pawh ni se, dar 10 leh 11 inkar tih a nih vangin leng hmasa zet ila ka haw hma deuh mai ang chu. Madini berin hmui min tihchhah khum a ni ber tawh a, a rilru nawmna atan tal ka va lan ve hrim hrim chu a ṭhat ka ring.
Theih ang anga video hmanga thlalak ka tum vangin ka phone-a video awm leh thil pawimawhho chu computer-ah chuan ka dah lut vek a, Tin, Madini hian phone en neuh neuh a hrat vang hian a hmuh ṭul lo tur whats app lama ka dawn ho pawh ka suan lut vek tho. Automatic download a ka dah vangin video ṭhenkhat phei chu eng nge an nih pawh ka hre lo. Nakinah ka la thliar leh mai ang chu. Ka whats app install thar zawk pawh chu ka 'hide' daih a, Madini bula awm dawn chuan fimkhur a ṭha e.
Tichuan, zanriah eikham hlimah chuan hawhma inring takin Madini te inlam pan chuan ka tlanchhuak ta a, zana thil thleng hmachhawn tur awm bawk nen phur ru ang reng tak chuan ka tlan par par a.
Ka patea te inah ka lut kawi hmasa a, ka nutei pawh a lo zia ve zel a, tunah chuan ngaihtuahawm a ni tawh love.
Madini te step-ah chuan a thim a thimin ka inpal chho leh nasa mai. Hausa roh fu si veranda light tih thim an ching tlat!
Eng committee emawni niawm tak an ṭhutkhawmna pindan lamah chuan an ṭhut deuh ṭuai vangin hâwkdâk chhuahin ka ring ka va fân thui duh ta bik lova, thlanglam veranda-ah chuan Madini nen chuan kan ṭhu dun ta daih a, inchhung aichuan a lo nuam zawk daih mai. Kut a hlei sam deuh e tih lovah chuan.
"Khi i palai te an nih ka ring ve ringawt a, an lo va thawkrip awm ve a?"
"A tirtu lamin inhrechiang deuh ang chu ka ti mai a," tiin min chhang thla hneh kher mai.
"Social Front committee-ho an nih khi, ka pa hi secretary a nia, kan ina ṭhutkhawm tur emaw an ti tlat zel a. Hmundanga tihna châng pawh an hre tawh lo," a ti zawm zat a.
"In thleng zo ber a niang chu. Infel tihna a ni mai alawm."
"Chulam nen chuan a inkungkaih vak pawhin ka ring lo," tiin hnai fe-ah chuan min han thlêk a, mitmei ven tur awm lo ta chu puarna tur awm mang si lovin sahel kan keih sek lo thei si lo.
A pate ṭhukhawm ṭin hma deuh chuan ka chhuahsan a, khâm hnêp hnâwpa chhuahsan phei zawng ka ni law, ka hmabâk tihtur la awmin mawnga hawlh ba ang maia min tur tak sek vanga kal ta mai ka ni.
A nihna takah chuan khawpui nula mal vâwng leih lawih, thauchhia awm hlek lova chum ru deu tât. A khawivah lawi lah a ruala nausen pathum hraipuarna tham tur zet ni bawk si, Chhuankite kau an sawi ang seiha nuimawi leh chhawrthla eng pawh an kimki hialna tur khawpa sakhmel duhawmna paitu chu nuamsaa kalsan mai theitu chu pasalṭha an tih pawhin pasaṭha athuai tal a ni hial ta ve ang.
Ani kalsan hi thil awlsam a nih loh vang hian alawm a nazawnga ka pan ngam loh ṭhin zawk ni.
Dar 9:30pm-ah chuan Assembly House building ep lam, Secretariat Annexe building kawtah chuan ka bike chu ka hung a, hmundanga kalsawn ta lo chuan Secretariat building luhchhohna tur step-ah chuan ka ṭhu zui ve mai bawk a, mi veivak an la awm neuh neuh a, Assembly House building hnaih deuhho chu uluk tak hian ka lo en bik deuh a.
Dar 10:00 a rik chhoh hnuah chuan Motor veivak chu an la awm zeuh zeuh a, mihring kea kal chu an awm tawh lo tluk a ni. Police pattrol rual khat chu Vana pa hall lam aṭang hian an rawn tleh thla dal dal a, a muanawm bawk a niang anni duty-ho pawh chu nui ham ham chungin Khatla lamah an her liam phei tak kha.
Hun pawh a liam ve zel a, lirthei tlan pawh a khât sawt viau mai. Dar 10:45 velah Police pattrol pawh an lo kir leh a, keilah ka ṭhutna ngaiah ka lo la ṭhu khar mai si a, an hotu hmel deuh chuan, "Eng nge ni i tih?" tiin min rawn zawt a. Ni e, zawh awm reng pawh ka ni. Ka ṭhu rei ve ta em bawk alawm le. Ka chhan hnuah chuan ngaihṭhat lohna pawh neih hmel em em lo hian chhaklam hawi chuan an kal zui ve leh mai a.
An liam chho fel ṭep tawh, petrol pump zawn vel an thleng ang tihah chuan anmahni tawk zawnga motor pakhat lo tlan thla chu ka lo en reng a, Assembly House hungchhungah chuan motora tlan reng chung hian eng emaw an vawm lut zauh chu ka hmu than hian ka hria a, anni lah chu ding takin an tlan zui nghal mai bawk si.
Um tumin ka bike chu ka chawiher mawp a, chutihlai tak chuan an thil thehluh chu a rawn puak ta dur mai a! Châng reng ti lo chuan a han puah meuh chuan ka va han phu nasa kher ve leh e.
Ka bike chu tinungin an tlanna lam pan chuan ka umzui ve nghal thuai a, ka tlan chak ve viau emaw ka ti a nia Sikulpuikawn ka va thlen chuan ka ho der mai. Khawilam nge an pan awm reng ka hre ta hauh lo mai ka ti. An motor number lah ka hmuchiang bawk si lo. A ho duh hle mai.
Muangchang chuan ka inher a, Assembly House, bomb puahna lam pan chuan ka inkhalh phei leh ta nghal a. Pungkhawm an lo tam hman teh e.
A hmaa bike ka dahna bulah chu mi an tam deuh vangin thlang deuhah chuan ka dah a, Bike aṭanga ka chhuk fel chauh chu mi pakhat hian ka banrekah tak mai chuan nghet zet mai hian a lo man chaih mai a. Nichin lawka police zing a mi, "Eng nge i tih?" tih min zawttu kha a lo ni a.
"Eng nge awmzia?" ka ti thuai a. Police dangin min rawn dinhual nghal mai bawk a. https://darxikaziakfung.blogspot.com
"Rampui, office bia la motor rawn tir teh se, office lamah min lo zui chho lawk rawh," tiin min en zui a. A kawnghrena Handcuff chu a la thla a, engmah sawi leh i pawh awm lo chuan min buntir nghal mawlh mawlh mai a.
"Engatinge min man ngawt?" ka tih lah chuan min chhang bung nghut tawh mai bawk si. Midangin min rawn chîm tur chu an lo dang bawk. Ka inngaihtuah buai kher mai.
Police motor-a thana lam kan pan laichuan ka inngaihtuah fim thei ta deuh hlek a, ka awmna hmun kha a dik lo, rinhlelhawm ka ni tih ka hrethiam ve ta chauh a, man hmasak ber tur ngawih ngawih ka ni. An pattrol vawihnihah khan ka lo awm reng mai bawk si a.
Pindan pakhatah hian min dah lut a, chair-ah chuan min ṭhuttirin uluk fe mai chuan min han en a.
Min mantupa kha ka hmaa dawhkanah chuan Pen leh a ziahna tur nen a rawn ṭhu lut ta a.
"Tunge i hming?" tih leh ka chanchin tlangpui min zawh hnuah chuan an office lama min hruaichhan chu min zawt nghal a.
"Engvanga Bomb kha tipuak nge i nih?" tih chu min zawhna hmasa ber a ni.
"Ka tihpuah a ni lo ka pu."
"I tihpuah a nih loh chuan tu tihpuah nge ni ta ang?"
"Ka hre lo, motor aṭanga an rawn thehchhuah a ni."
"Tu te nge a thehchhuak tute chu?"
"Ka hre lova, ka umzui a.."
"Chu i man ta em?" Min zawhdan aṭang reng chuan min burbun nghal vek a ni tih a hriatsa mai a, a manganthlak ka ti kher mai.
"Man lo, ka umphak lo."
"Khawi lai thleng nge i um? Eng motor nge? Eng nge a number?"
" Sikulpuikawn ka va thleng, Bolero a nia, a number chu ka hre lo."
"A ṭha e, a nih leh kha chen chena rei kha eng ngati nge i ṭhut?"
"Ka lenghaw ka ṭhu chawl mai mai, engmah tih tum pawh ka nei lo." Thil awmzia chu sawi mai tumin ka ang zuau hman a. Mahse, ka duh anga a vawrtawp ka la thlen si loh vangin tuna lo sawi ting tang kha chu ka kal thui ve laklawh tawhin ka hre deuh bawk si. Ka ngawi thei hram e.
"Thurualpui i nei em?"
"Ka tih a ni lo ka tih chu mawle aw..." ka hnungzângah chuan tairaw tiang hian fiakṭhak khawpin an rawn hlap a, ka inring lo bawk nen ka er zawk thei!
"Ṭha taka kan zawh lai che hian kutthlak kher ngai lovin sawi ṭha ve mai la a ṭhat ka ring." Ngawi reng chuan ka en kal a.
"Tute maw i thurualpui te chu?"
"Thurualpui ka nei lova, ka tih pawh a ni lo."
"Hlap chhuah kher a ngai dawn ni maw.."
"Min hlap mah ula chu bak sawi tur ka nei lo, Thudik ka sawia in awih lo a nih chuan tihngaihna ka hre bik lo," min vaw leh nghal mai dawn emaw tiin ka insehruh khawp a. Vuak chu min vaw ta em lova.
Ka tih a ni lo tih thudik ka sawi an pawm ve mai ka lo ring chu ka rinsual hmel ta kher mai. Midang rinhlelh tur an hriat miau loh vang chuan mawh zawng zawng min phurhtir an tum a ni tih min han chhaihkual vel dan aṭang chuan ka hrethiam ve mai a. Ka ti ta sa sa bawka a tawp thlenpui rak law law teh ang. Police-ho engmah thil ngaihtuaha chhui ṭha peih lo ho hi a ṭul leh an mawng kan hlimsak kûng kûng anga a ni mai lawm.
Cell pakhatah hian keimahin min dah a, a khawharthlak duh rek rek mange ka ti. Naktuk lamah chuan ka insawifihlim zo ve tawh em ang chu.
Office chhunglamah chuan ka nu ṭawngri niawm tak te pawh ka hria, min rawn tlawh chêk ang chu maw. Engtinnge hriat pawh an lo hriat zawk le. Chanchin han hrilh turin ka haklai chauh chu ka kawl chhun a ni tawh mai bawk si. Ka mobile leh wallet, bike chahbi nen lam min 'seize' sak hmak mai bawk si.
Madini'n a hre ngei anga, engtin tak ngai ang maw? Ani phei chuan midang zawng aiin report a dawng hma ngei ang le.
Ka nu te lo lan hun nghak chuan kilkhatah ka ṭhu khar a. Mahse, office lam thawm a reh ṭhap hnu thleng chuan an rawn lang thei reng reng lo mai a, min hmuh an phalsak lo a ni ngei ang le. An rilru ava han hrehawm dawn em? Ka mittui a tla zawih thei hial...
Ka inngaihtuah buai ata langin chhin khat mah ka chhing lo tih khua a lo var chuan ka hre chhuak chauh a, midang lo thawh hmain muthilh ka'n tum leh hnuhnawh bawk taka ka hlawhchham chiang viau thung.
Kawngkhar ri rak rak chuan min tiharh zawk a, a tlai a tlaiin ka lo chhing leh sek si a ni maw.
Ka nu leh ka pate-a chu constable pakhat hian kawngkhar chu a lo hawn sak a, an rawn lut chu an hmaizah a na duh kher mai. Ka nu phei chu ṭawng pawh a ṭawng thei lawk lo nghe nghe. A rilru ana dawn em asin. https://darxikaziakfung.blogspot.com
"Zothan, eng nge thil awmzia hi ni ngai a?" Ka patea chuan a ti tawng mai a.
"Ka pate, kha bomb puakah khan inrawlhna pakhatmah ka nei hleinem. Ka tih a ni lo," chutiang bak chuan chhandan tur pawh ka hre chuang lo.
"Nizanah i pindanah Silai pasarih zet an man bawk a..." a tih chuan ka mengphawk kher mai! Eng ti ti ti a, kan in te an lo dap maw! Ni lo, a khirh chingchivet zo vek dawn a nih hi. A tira thil awmzia ka lo sawi mai lo kha ka inchhir lek lek mai. Tuna han sawi tlaikhawhnu lah chu tlawmpaêkah ka la tawh bawk si.
Chhan mai ngaihna hre lo chuan ka melh ngai ka melh ta reng a.
"Eng emaw chu i sawifiah a ngai a ni. Eng nge i thil tih chiah hi a awm zia?"
"Pate, mi tupawhin thil ṭha lo tak ti-ah min ngai ang tih ka ring. Nangmahni ngei pawhin. Mahse, ka dem hran lo che u a, ka hriat ang hi inhriat ve miau loh vangin tumah ka dem hran lo."
"Nanga dem leh dem loh lam ka zawh loh che chu, eng nge i thiltih hi sawi rawh ka tia lawm," ka patea pawh chu a lawm lo hle a ni tih hairual a ni lo.
"Pate, dik lovin eng thil mah tih ka nei lo, min ring rawh. Tuna sawifiah mai theih pawh a ni lo. Thil dik chu a lo langchhuak ve mai ang." A lungawina khawp ka sawi zo lo tih chu ka hre reng. Mahse, han sawifiah duah kha ka thlavang hauh intiin police lama an lo thlen leh ka hlau bawk si. Ṭul ka ti ta rih lo a ni.
Beidawng takin ka awmna cell chu an chhuahsan tih pawh ka hre reng. Ka luhlul lutuk hi chu a ṭha ber lo mange tih te ka ngaihtuah phah rum rum a.
Engtia kan in te lo zuk dap thawt thawt nge maw an nih reng reng le. Silai lah kha a bawm chawpin Almira chungah ka dah ngawt mai kha a ni a, an dap na na na chuan hmuh loh thu a awm lova, an hmuh miau si chuan rinhlelhawm chu ka ni zual zel lo thei si lo. Bomb puakah ka inrawlh lo ti eng ang mahila silai case-ah chuan thubuai rip tak ka hmachhawn hmel tho bawk si. A manganthlak hle mai. Duh aia hmain ka hnuchhui lai puanzar a ngai dawn a ang viau.
Engtikah tak min rawn hruaichhuak ang maw tiin ka nghak tukpum chu a ni deuh der a, ka ril lah chu a ṭam pherh hrep!
Kan police, a ni lo lam zawnga pasalṭha anga lang te chuan ka computer an check ang tih a ni ka hlauh ber ni. Engkim mai kha ka hnawhlût thawr mai bawk si. An han en hlek chuan engmah 'hide' ka nei bawk si lo. Mahse, an lo en a nih rau rau chuan duh aia hmain kan lipse tawh mai a ni ang chu. Tute Party emaw chu ka vawchhe pha ve ngat ang mawle.
Sana en tur tak ngial pawh a awm loh vangin darzat pawh ka hre thei mai lo. Ka ril a ṭam viau danah tukṭhuan ei chu a hun tawh hlein ka ring thung.
Chutih mek lai chuan ka cell lam pan chuan penthawm a lo ri phei thlak thlak a, heta awm ngawt aichuan min hruaichhuak thuai sela, tihtur zawng zawng hmachhawn vat vat mai ka duh. Mahse, tunge pawnlama lo ding saw le!
Madini chu kawngkhar an hawn hnu chuan a lo penlut zui nghal a, ding taka min rawn panin amah hmuak tura ka lo ding chu, "Tenawm pa.." tih leh mi ben a rual a! A na ka ti kher mai.
A kut mi thlâkna aichuan min ngaihdan chu nâ ka ti zawk!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
Comments
Post a Comment