NULA SENIOR
___________ ___________
NULA SENIOR
[19-20.4.2018]
[P.C Malsawmzuala]
https://darxikaziakfung.blogspot.in/?m=1
Kumin November thla hi kan pel fel a nih ngai chuan îhe lovin kum 40 chu ka lo chuangkai ve dawn ta reng mai. Ṭhalai pawl lam chu 'mangṭha' kan tih te pawh a ṭul ve tawh ang chu.
Ni e, nula senior ka nih hi zêp thu a cheng lova, zêp tum sateh pawh ni ila hmêlah ngho chhuak mai tur ang hrû kan nih tawh vangin ṭawngkaa puanchhuah loh pawh hmelin a lo lantir tawh miau si. Zêp map lovin 'Nula Senior' ka ni tihna a nih tâk chu.
Mahse maw, kan birth certificate keimahni ngeiin kawla, kan kumzat kan hriat chian em em lai hian kan pianni leh thla pawh hre hauh lo, anhnah têlkhat lek 'hei te hi lo hmeh ve rawh u' pawh ti ngai lêm chuang lo leh a ka kaw nazawng emaw tih mai turin thawk-a-phita 'Pasal nei tawh rawh, chumi khami pawhin a nei tawh a nia, i bantlang tak ngial dawn..' an lo ti ve sek ṭhin hi chu(h)! An chilper an seng thlawn mai a ni. Ninawm lamah a kal mah zawk e.
A chhan chu maw, mi dem leh kamṭhuahna tura nula senior nih hi thil châkawm zawk zawk ni bîk mawlh hek lo. Duhthusam neih châng te chuan pasal hmelṭha leh fel tak neiha fanau han kilkawi te pawh thlakhlelhna tam tak kan nei lo bik si lo. A hmu ber ang hrima 'pasal nei tawh rawh' min ti teivettu te beiseina a hlawhtlin loh chhan leh kei ngei pawhin ka duhthusam a puitlin tâk lohna chhan chu chhiar zui rawh le. https://darxikaziakfung.blogspot.in/?m=1
Pian leh mûrna lamah chuan han inchhuang teh chiam tur ka awm hran lova, ka pa hian sawrkar hna, sâng lutuk lem lo hi a thawk ve a, chumi zarah chuan nei hlei lo, nghei hlei lovin kan khawsa ve naw naw a ni deuh ber mai. Ṭawng mawi lo ni lo se, kan unau lah hi kan rual ang reng phian a, mipa 2 leh hmeichhe pathum ṭhe ṭhaw ka naute hlir mai chu ka nei a, upa ber nih vanga chan ṭha bîk nei erawh ka nih pawh ka hre chuang lo.
Zirna lam hi Pathian zarah ka tluang ang reng viau a, pawl sawmpahnih ka zawh hnuin Shillong lamah BA leh MA ka zo leh a, Aizawlah B.ed ka training thung. Ka pa hlawh chauh ring kan nih vangin kan unau lo rual ve bawk nen kum a tam ang zia zelin ka chhungte kan tih hautak leh retheih dan chu ka hrethiam chho ve tial tial a, zirna chawlhsana phak ang tawk hna dap ve mai tura ka rilru ka siam lahin ka pa, zirna ngaisang tak mai chuan a remti lo nasa mai ṭhin si. An lo va hlu em aw, kan tan an lo inhuam nasat zia kha..
Ka zuang kang tur chiah chu ka kawrhnung lam chu a ri tuarh a, a ṭet chho huai mai a, naupangho chuan min lo nuih dar dar a, zirtirtu ṭhenkhat pawh pawnlamah chuan an awm ve avangin an lo nui ve tho mai. Ka hnunglam a nih miau vang chuan hup ngaihna vak a awm si lova ka ṭhutna ngaiah chuan kunchal hian ka ṭhu tlat a, ka zak lutuk chu khuk ral chem chem theih se ka ti kher mai. Ka tho thut anga ka tlan nal nal mai dawn emawni zawk ni. Mahse, ka ngam teuh si lo.
Chutia ka ṭhut reng lai chuan puan eng emawni hian min rawn khuh nihian ka hria a, "Miss, kha hei hi ha rih mai rawh," ka hnunglam aṭang chuan mipa aw hian a lo ti zui zat bawk a. Zah vanga khawhmuh tawi deuh tuk chung chuan ka hawichhuak a, training-a ka chhuahpui Zoa a lo ni reng mai.
A kawr min khuhna chu pawt ṭha mawlh mawlh chungin ka ding chhuak a, office lam pan chuan ka kal nghal nal nal a, Toilet lam ka pan ding nghal a, darthlalanga ka va in en chu ka hmel chu a hmuhnawm loh kher mai! A dur deuh khup hian ka hria, ka la zak chem chem ringawt mai a ni.
Ka kawrhâk chu ka han phelh a, ka enchian chuan a lo thler tlang teuh kher mai. Zungli bawk vel lek hian chunglam chu a lo thler tlang lo hi a ni a, engtia han thler ngawt nge a nih pawh ka hrethiam lo, hmawlh emaw thildang eng emaw lo taitu a awm der bawk si lova, a zia lo hle mai. A chhia a chhia chuan tihngaihna awm hek lo, fimkhur zetin a thler tlang hlau takin ka inthawlh ṭha leh a, Zoa kawr chu ka hâk sak mai loh te chuan. A kawr mi han pek ber kher lah chu Leather Jacket hi a la ni zui a! A dang a awm ngang si lo. Ani chuan T-shirt tal a la hâk kha mawle. Huiham..ka hah hluah hluah, ka chhuah leh laite chuan ka jacket hâk chu ka thawl teh reng nen ka tawt up up hian ka hria.
Tumahin min lo nuih zui ta bik em lova.
Han che chhuak ngam chi ka nih tâk si lovah chuan office-ah class pawh la lovin ka ṭhu ta reng a, tumah chuan haw rawh min ti bawk si lova han hawsan ngawt chu nuam lo ka ti ve deuh si. Tlaiah Zoa chuan kan in thlengin min thlah tâk hial kha.
Chu thil thlen lai chu B.ed kan training lai a ni a, fieldwork neia Zoa nen kan chhuahna Sikul pakhata thil thleng a ni. Kha thil a thlen lai kha chhun chawlh lai niin keia phur phêng kha an volley ball benna karah ka va zuanglut ve ngawt mai mawle. Chutihlai chuan Zoa nen pawh chuan kan la innel teh chiam lo. Batch khat kan nih vangin kan inhria a, kan inbe ve zeuh zeuh mai chauh a la ni. Kha thil thleng vang khan kan inkar chu tih hnaihin a awm ta kuarh a, a chang phei chuan Oxygen te pawh kan in pe lem lem ṭhin a!
Chumi zan chuan ka rin loh tak mai message hi ka dawng a; chhunlama office-a ka ṭhu lai thlalak, Leather Jacket ka ha lai ngei mai chu number ka hriat loh hian min lo thawn a. Ka han enchian chuan Zoa lek lo niin. Eng tinnge ka number a neih pawh ka hre lo.
https://darxikaziakfung.blogspot.in/?m=1
Lawmthu te chu ka'n sawi ṭha leh ngial a, amah vanga 'Nula Senior' ti a koh ka hlawh ang tih reng ka ngaihtuah phâk si lo.
Kan inbe ta reng a, zantin kan inbe ta. Training ninawm ang reng tak mai te chu a lo ninawm ta reng reng lova, tukṭhuan eikham hlimah thleng pawh sil hman inti lova insiam rum rum châng a awm ta fo!
Practical, inlama tih tur te chu zanah hian bawr fe-in a rawn pawmlût ta ṭhin a, hnathawh paha nula rim leh zel a thiam vang chuan kan inpawhna chuan derdêp lam aiin thûk lam a pan tial tial a, training kan han zo te chu thawl huai awm tak kan nih vei nen keini pahnih chuan hrehawm kan ti zawmah ni berin ka hria.
Ṭumkhat chu Chapchar Kûta kal ka châk vangin kal ka rawt tlat pek a, a tirah chuan a duh mai lo. 'Tih tur a awm lo, mi chetla va thlir ringawt chu nisa hnuaiah lehnghal a peihawm loh em mai' a ti tlat a. Keilah chuan engtizia nge ni ka châk et et mai bawk si. Ka sawi zin tâk em vang chuan min hnial hreh ta deuh aniang 'aw' min pawh ve ta nge nge a, kumdangah ka kal ngai pawh a ni lova khatianga ka chak teh tlat kha ka hrethiam vak bik lo.
Tichuan, a hun a lo thlen chuan kan inah min rawn lam a, Thangchhuah kawr nen a lo infam ap mai a, kei ai chuan a la urhsun leh vel si emawni. Ka insiamzo ka chhuak chu uluk fe hian min thlêk vang vang a, 'Eng nge nia?' tiin ka zawt thuai a.
"Jeans, t-shirt... inthlak leh rawh," a ti sup a.
"Engatimaw, heti hian a awlsam mai alawm," ka ti a.
"Awlsam e. Mahse, khatiang kha chuan ka kalpui dawn lo che, puan tal va bih rawh," te chu a la ti tak deuh deuhah! Awi ka rei, engtinnge niang!?
Ka nu bualin lama eng emaw tifela awm chu ka au chul a, "Eng nge nia? In kal tawh emaw tia.." lo chhuah pah chuan ati mawlh mawlh a.
"Zoa hian puanbih rawh a ti tlat a..." ka nu thlâwpna chu beisei takin ka awki te pawh chu ka pawtfân lui deuh a.
"Kan almirah-ah khan Puanchei a awm kha..." ka rin loh deuh mai chuan a ti a. Zoa ka va en lah chuan min elsen deuh niawm tak hian a lo nui deuh toh lehnghal a.
"Puanchei leh T-shirt te chu a inmil awm lo em mai a.." ka ti hlak a. "Almirah lianah khan kawrchei pawh a awm alawm," ka nu chuan a la ti tak deuh deuh a, ka va han ngei tak. A hrim hrimah chutiang chuan ka vawikhat inthuamna tur a nia, ka 'confi' theih pawh ka ring lo. Va kal a, va theuleu zuai zuai kha ka duhtawk viau a sin, mi te anga va insilh deuh duah tumna pawh ka nei hleinem maw.
Ka nu chuan an mut pindanah chuan min hruai lut ta a, Zoa chu rum tawkin ka va melh a, ani lah chuan nui ruh ruh chungin mit te min la siai khum leh ta nghal a, ka va han ngei reuh tak!
Phun nang nang chung chuan ka nu puan lakchhuah chu ka bih a, ka nu lah chuan, "Hetiang nikhuaa jeans nena va kal te chu a zah pawh i zak lo mi? Mi zawng zawng mizo thuam rawngkai vekin an inchei anga, mahni kût pawha hetiang thuam kan inbel loh te chuan engtika inbel tur nge ni hlei ang," a la ti erh zui a.
Vakiria em chu ka khim chhuak ta lo, ka sam ka thlah hniang a, ka tih ṭhan loh mah ni se mak tak maiin ka lungawi tlat mai nia mawle.
Ṭhival nen ka inawrhchhuak ta hnâp mai a, min han hmu chu mak a tih hmel kher mai. Chutiang em ema ka inchei duh chu a ring lo ni ngei tur hi a ni a, keilah chuan ka'n ngaihsak ṭha duh lo vel a!
"Zoa, diar pawh a awm asin i duh chuan," ka nu chuan a lo ti leh hmanhmawh a, "Khumbeu ka keng a, tunah chuan helmet khum a ngai bawk sia, ka la khum thei lo a nih hi," a lo ti mai a.
Tichuan, lammual lam pan chuan kan inphurchhuak dun ta a, ka thuamhnaw inbel chu zahpui chu sawi loh kalkawng dung tluan mai chuan chutiang lamhawia inthuam chu hmuh tur an awm zel a, nuam ka ti ta tawlh tawlh mai.
Sawi kawi duah lo mai ang. Chutianga kan inzui chu a nuam ka va han ti tehlul ve le. Ani pawhin a châk loh ang aiin nuam a ti ve viau chuan ka hria. A chang leh lammualah te kan tlan lut a, midang awm ang ang chuan ho takin kan awm ve zel a, mi chetla thlir ngawt aichuan a lo nuam zawk mahin ka hria.
Dar 2 velah chuan lammual chhimlama stall an siamah chuan thil ei turin kan kal dun a, kan thleng dawn ṭep tihah chuan ka ke ka bilh ta hlauh mai a, mawng sawh dawt khawpa ka'n tluk hnawk chu mawle.
Ka ke lah chu a na em em mai lehnghal a, a vung chhuak rang kher mai!
https://darxikaziakfung.blogspot.in/?m=1
Vur a zawng a, duh ang a hmu mai bawk si lo. Keilah chuan ka chhungte ka lo phone hmanhmawh bawk. "Ka nuin damdawiinah xray turin kal rawh u, ka lo tlanchho vang," a tih tak vang chuan thei leh thei lovin min kuah chhuak a, thlansa phat khawpin Gate ka chhuahsan ve thei hram alawm le.
Tichuan xray tur chuan damdawiin lam min panpui ta a nih kha, a lo na lem lo hlauh a, a ruh khi leh tliak emaw awm lovin ngaihṭhatakin kan inphur haw zui ta a.
Kha mi ni a min ngaihsakna leh min duatna ang kha ka tawn ngai loh thil a la ni. Khatiang thil kha tawng leh tur ni ila ka ke pawh ka bilh nawn leh ngam hialin ka ring. Mahse, hringnun hian hun min pe phal tawh bawk si lo.
Vanneihthlak takin High School zirtirtu hna ka hmu ta hlauh a, inneih lam kan hnaih ve kuar thei tawh ang chu ka tih mek laiin ani lah chuan, "Nupui te chawmhlawm tura han awm ngawt chu miin eng angin nge min ngaih ang? Mi ngaihsan loh tak pasal neih i duh em ni?" a lo ti leh mauh mai bawk si. A châng chuan a zopa lutuk hi ka ning lek lek ṭhin. Mahse, ngei hleih theih si loh hian a thil thlirdan hi a lo dik zawk zel bawk si.
An khawsak a harsa a ni hran lo. A nu leh pain sawrkar hna an thawk ve ve a, a u te nupain eichawp dawr lian ve tak an enkawl bawk a, a u hmeichhia lahin pasal a neih tawh bawk si. Amah chauh chu hna mumal nei lo ti a sawi tur a ni. An inluahtirna man ngawt pawh eng emaw zat chu an la lut ang tih a hriat reng a, duh se chuan nupui a neih vanga han mangan chiamna tur thil awmin ka hre lo. Mahse, ani chuan ngaihdan puitling tak a nei miau mai si a.
Hna a dil ve lahin a hmu hlei thei bawk si lo. Beidawng lo turin han fuih ve bawk ṭhin mahila ka khawngaih viau mai. Eng emaw chang hi chuan a rilru a hnual ve thei nasa mai si a, ni lo lo hian thil a ngaihtuah vak ang tih ka hlau deuh ṭhin.
Kum thum zet kan inzui tawh hnuah chuan kan chhungte thlengin an in pawh viau tawh a! Fiamthu ti taka innei mai tura min han tih chang pawh kan tawng ve ta zeuh zeuh a, a rilru ka hriatchian em vang chuan sawi tinah pawh ka tin lem lo. Kan nui liam mai mai ṭhin.
Mahse, a chhungte lam aṭangin amah nawrna tur remchang a awm ta hlauh mai a, a chhungte remruat dan zawk nge pawh ka hre lo; a u te nupa chu an indang ta daih mai a, ani tlangval a la ani bawk si, inchhunga hmeichhe awm mumal ta bawk si lo chu nupui nei tur chuan an nawr ta a ni ngei ang hreh hmel zet hian a chhungten nupui nei tura an tih thu chu a sawi ta nge nge a.
Keilah chu lawmin ka auchhuak lo chauh a ni mai si.
"Eng emaw tal ka ngaihtuah ve a ngai a ni. Heti ringawta sawrkar hna ka beisei reng chuan engmah ka ang dawn chuangin ka hre lo tlat. Dawr ka siam ve mai dawn emawni te ka ti deuh a.. Vawiin khan Dawrpuiah dawr ruak kan va en a.. " inneih lam kan sawi vung viau dawn emaw ka tihlaiin chulam bawk chu a ni ani chuan a lo lungkham ni.
"Innei phawt ila; tichuan, inpuih theih dan dan te pawh a awm ang a, nangmaha i buaipui aichuan keipawhin ka pui thei che anga.." tiin dah hmasak zawk nei ran chung chuan ka ti a.
"Miin a pasal tur chuan eng nge a thawh? An tih hunah, 'engmah a thawk hran lo' an ti tur hi ka ngai ngam lo a ni. Kut ke kim, mi pangngaiin kan piang ve a, chhungte chu thuhran nangmah ngei pawh hi i hmaizahawm dawn em asin,"
"I thil thlirdan hi a mak thei e nang chu, inneih hnuah pawh hna te chu a neih theih a, chhungkaw harsa leh buaipui ngai pawh in ni lova.."
"Ni e, chulam ngaihtuah chuan harsatna chu Pathian zarah kan nei em em hran lo. Mahse, chu thil chu ka behchhan a nih chuan engtikah mah ka inthiam thei ngai lovang, chawm zo lo chunga nupui neih hi engtiklai mahin ka ngaihtuahnaah a lût ngai si lova," a tih chuan ka lawm lo viau tawh. Melh ngai melh ran ran chung chuan ka ṭhu tûm deuh bar a.
"Dawr siam chu i thlawp viau lo tihna a ni maw chu?" a tih pawh chuan ka chhâng miah lova, ka lawm lo tih han hre ve hrim hrim teh se.
Min hnaih ruak a, ka khabe-ah chuan dawmin a lam hawi tur chuan min kuai a, ṭang ve viau mahila nghawng tha ringawt chuan dawl zo hek lo, hnai fe-ah chuan kan inmelh ta reng a.
"I hriatthiam ṭhin kha, enga ti nge tun a taka i ngaihthiam loh tlat?"
Ka la chhang chuang lo.
A kut chuan ka hmui chu a nûl kual den den a, dim te hian a fawp zui a, chu pawh chu ka la chhang chuang lo. Han chhân lêt ve duh viau mah ila ka tûm laklawh ve tlat!
"Khati khan awm tlat lo la a nuam lo a nia, eng emaw tal sawi ve rawh," a tih chuan ka ngaihtuahna a kal dik lo ta viau nge ni ka thilsawi chu a ṭul lo kher mai.
"Nupui atan min duh tak tak lo a nih hi. Chhuanlam i siam char char a, heti ringawt te chuan engtikah mah kan innei thei chuang lovang, chhuanlam i siam zel thovang..." ka ti nghat a. Ka sawi zawh rual chuan ka thilsawi chu thil ṭul lo tak a ni tih ka hre zui nghal a. A hmelah chuan a lana hle a ni tih a lang reng bawk si a.
Ka titau min thlemtu zawk chu a ngawi ta hmiah mai a, nuam lo ti viau mahila ka sawi tawh miau vangin laklêt leh ngawt theih a ni si lo. Engatinge khatiang ṭawngkam kher ka lo hman mai le aw...
Ngawi reng chuan rei ngial chu kan ṭhudun ta rauh rauh mai a, boruak nuam lo chu a hrehawm ka ti kher mai. Ka inthiam bik chiah lo. Mahse, tih leh chuan tur ber ka hre bawk si lo. Amah hian eng emaw tal sawi tur a nia!
A tho hluai a, "Ka va haw phawt ange aw," a ti ta ngawt mai a.
Chutianga min hawsan a tum ngawt chu ka ngaihdan a ni lo viau a, thawh pawh thochhuak lo chuan ka ṭhutna aṭang chuan ka melh ringawt a, ani lah chuan mi pawh ngaihsak zui lovin kawngka lam a la pan zui hmiah leh ta nghal a, ka tawt up up mai!
A hmingpuma koh lêt leh hial ka nâp a, chuti ringawta min hawsan chu ka hre thiam thei lo. Zandangah lêm veranda light off meuhin kan inthlah a, kan in fawp ṭhin a ni ngai a, ka ṭah te a chhuak deuh rum rum mai nia.
Ka mu tur pawh chuan ka phone chu ka hum reng a, min rawn phone emaw, message emaw tal a hnen aṭang chuan ka beisei a ni. Mahse, ka bih zin poh leh ka lungawi lohna chu a zual a zawk ni berin ka hria. A chhan chu min rawn biak miau loh vangin.
'Dah law maw' tih beiseiin ka phone chu ka hum reng a, a thuhrimah, engatinge khatianga ka tih kha a laknat viau mai le? Nidangah pawh khatiang ang deuha tih chang ka nei fova a nui liam mai ṭhin a ni ngai a, tun ṭuma a laknat tak viauna chhan kha ka hre thiam lo.
Ka phone hum ran chung chuan zanlai pelh râtah chuan ka lo muhil ta a niang zinglama ka harh pawhin ka phone chu ka lo la hum reng a, rangtakin ka han en nghal thuai a, engmah lah hmuh tur a awm chuang bawk si lo. Min biak hma ka va han be awm bik hlei lo e aw.. ti rilru nang nang chung chuan ka thochhuak ta a.
"Nizan lam i inleng a sual deuh a ni maw?" tiin chhuna office-a tiffin ka ei mawlh mawlh lai chuan kan zirtirtu pakhat chuan min lo fiam zauh a, chhan mai ngaihna ka hriat loh vang leh ka thil eilai a laklawh em vang chuan ka lo nui ringawt a.
Ka intihfel hnuah chuan, "Engatinge nichin khan khatia min rawn tih ngawt a?" tiin fiamthu titak deuh hian ka va zawt a. "Nidang i ang lo em alawm, i nuihrin theih tehreng nen vawiin chu i ngûrchuai riau a, i ngaihtuah ril hmel tlat alawm," a tih chuan ka nui ta ringawt a.
"Chutiangin ka awm reng reng lo, i ngaihbel mai mai a nih chu," ka tih sak ta ringawt a.
A zia lo hle mai chutiang taka ka lo awm kher chu a. Mahse, nizan boruak khan ka nun a tinuam lo hle tih hi phatrual a awm si lo. Tun thlengin a phone call chu sawi loh a message emaw tak ngial pawh ka la dawng lo a nia. Zep nâk emaw ka thinrim ṭun hialin a nia ka hriat ni. Class ka neihna zirlai te pawhin vawiin chu danglam min ti viau mai thei a ni.
Tlaia inlam pana ka haw te chu ka inngaihtuah nasa tawh mai. Chutianga nikhat lek pawh a tel lova ka awm hleithei ta lo chu a hrehawm tak zet. Eng pawh ni se, ka phone hmasa nge nge mai ang. Ṭha taka biak chuan a lungawi lo reng bik chuang lovang chu maw.
In ka thlen ve leh chuan ka pindan lamah ka lut tlang nghal a, inthlâk pawh inthlâk lovin khumah chuan ka bawk a, kha tlangval lunglian, ka duh em em si kha biak tumin a hming zawnah chuan ka hmet ta chawt a.
Mahse, vawi eng emaw zat ka tihnawn hnuah pawh a tlang thei reng reng lo mai a. Hm, min block fahran emawni le. Mai mai chuan a!
Lungawi lo ru ṭeuh chuan ka bawk ta reng a.
Zanriah pawh ka kilpui ta lo, ṭhenawmte dawrah hmawmsawm te eiin ka va intipuar ta vel mai mai a.
Chutia ka ṭhutmuan sar sar lai chuan kan te ber hian min lo ko a, "Ânuin 'lo haw vat teh, thil pawimawh tih tur a awm' a ti," a rawn ti a. Chutianga han hmanhmawh chhan vak tur awma ka hriat loh vang chuan zarda te chu ka la siam tir kawi leh rih a, engin nge ka hma lamah min hmuak tih reng ka hre hauh si lo.
Tichuan, muangchangin kan inlam pan chuan ka kal zui ve ta a. Inchhung ka lut chiah chu ka nu chuan a tui inlai chawl meuhin min lo en a, "Eng nge nia?" ka va ti ringawt a.
"Zoa te an accident-a, tunah Aizawl.panin an lo tlanpui mêk a nih chu,"
"Khawiah maw?" ka ti deuh hu a. Ni e, ka bo viau a ni.
"Silcharah Bungraw laa kal tum an nia, a u te motor-in, Lungdai thlang deuhah an chesual a ni awm e, phone i la thei silova a tia a nuin a lo phone a.."
Chhândan tur reng reng ka hre lo. Ka melh ngai melh chuan kawngka biang nghengin ka ding reng a, Zoa, a mak hle mai!
"An rawn thleng har tawh lovang, insiam la i nau nen bike-in damdawiin lamah han kal ve rawh u," a tih chuan ka ngaihtuah bing lutuk lak ata chu min kai harh zawk a, ngawirengin ka pindan lam chu ka pan a, ka ṭah chhuak thut chu ka insum zo lo, khumah chuan bawkin ka insût zui nghal hlawp hlawp a.
A ruahmanna tihpuitlin a tumna kawngah phurpui chu sawi loh keimah ringawt ka lo inngaihtuah a, rilru hrehawm takin a awm ngei awm si a...Zo, min ngaidam rawh. Ka thiam loh a ni.
Ka nu chuan, "In ti harh teh, khatia awm kha a sawt vak lo a nia, eng em a ti lovang. Insiam ula, saw i nau pawhin a nghak reng tawh che a nia," a rawn ti a.
Bual inah ka lut zui a, ka mittui chu ka dang zo meuh lo a ni e.
https://darxikaziakfung.blogspot.in/?m=1
Ka insiam chhung zawng chuan mittui nen ka inchiahpiah a ni ber mai. Hmai han cheimawi ngaihna pawh a awm lo.
Damdawiin kan han thlen chuan a nu chuan casualty kawt aṭang chuan min lo au thuai a, an lo thlen ṭep thu leh an accident dan a hriat chu a sawi nghal bawrh bawrh a, an chhungkhat lainaho pawh an pungkhawm tam kher mai, kan inzui nasat zia an hriat vek vang chuan tute pawh chuan min enhrang lem lova, min ngaihsak em em vek mai chu ka tan pawh a nuam lo lek lek zawk a ni.
An lo thleng ta chu an bawr deuh hat a, ka kalhnai ve bawk nain an phurhna ambulance chu ka hmu ṭawk chauh a ni an bawr hneh lutuk. An khuhna puan pawh hawng lo chuan Casualty-ah chuan an zawn lut nghal a, a u nupui Mki- chuan 'kal ve rih suh' tiin min ṭhutpui tlat a, 'tih theih engmah a awm chuang lo, nakinah doctor ten han enfel sela, tichuan kan la lut ve dawn nia.'
Ka rilru hrehawm lutuk chuan lehlam hawiin ka mittui ka hru leh zauh ṭhin a, ka nau leh midang kan bula awm te pawh chu ka zah zo ngang lo a ni. "Khawnge an driver?" tiin ka hmuh ve tak loh motor khalhtu chu ka zawt a.
"A hmunah a boral nghal a ni awm e,"
Chu thu chuan min ṭhawng zual sauh a, Zoa hi dama hmuh rinna ka nei tawh lo. Ka hmai ka hupa ka ṭah rik leh rik loh pawh ka ngaihtuah tawh lo, ka na ngawih ngawih a ni.
Mki malchungah chuan ka hmai ka phum a, insum ka tum poh leh harsa ka ti mai si.
Chuti a nih mek lai chuan Zoa nu ningei tur hi casualty chhung aṭang chuan a rawn ṭapchhuak ta rawih rawih mai a, 'A ni thei lo ka fapa, ka phal thei lo... '
Casualty kawta thawm awmzui hak bak chu mumalin ka hre tawh lo, ka ṭap khawng a ni ber ang chu maw.
Ka harhleh meuh chuan ka khumah ka lo mureng mai a, ka nu chuan puanin min lo zap hauh hauh a, ka pindana tukverh zawng zawng te pawh an lo hawng dar vek a, kan inhnuai te nupa nen, kilkhatah ka nau a ṭhu bawk a, engti ti tia hetia awm chu ni maw?
Ka ngaihtuah chhuah tâkah chuan a chhan chu ka hre ta e. Mahse, Zoa chuan min kalsan tawh, a kal tawh... damchhunga a bula awm tawh lo turin min kalsan tawh asin.
Bedsheet chu ka ṭham ngawt ngawt a, ka khawng leh dawn emaw an ti nge ni ka nu te chuan ka kut chu an dawm nghal vat a, ka mittui tla tur pawh a awm lo. Mahse, a va na ngawih ngawih si em!
Ka nu bulah chuan Zoa te ina min kalpui turin ka ngen a, ani lah chuan, "Heti ringawt chuan kal chi a ni lo, i va mualpho lutuk ang, zan a rei tawh bawk si a, i pate an kal tho bawk a, naktuk khawvar veleh kan kal ve dawn nia," a lo ti tlat mai bawk si. Han tum lui dawn pawh ni ila keimah chuan tihngaihna pawh ka hre lo. Ka taksa te chu a zawi vek ni ber hian ka hria..
Tlem tlemin ka ngaihtuahna te pawh chu a fim ve tial tial a, dar 12 a rik hnu deuhah chuan kan inhnuai te nupa pawh chuan min ṭin san a, ka nu chuan damdawi min pe a, muthilhna damdawi a ni chêk a niang chu rei ka tlin lo.
Ka nu chuan min hruai lut a, ṭap lo tura insum hram hram ka ni bawka a ruang an dahna khum kan thlen thleng chuan ka la insum thei khawp mai. Puan vâr thianghlim tak hian an lo khuh a, a khuhna an han hawng chu ka sachhuak puat hian ka hria, a hmel chu a sawh khaw lo hneh lutuk, ka khur dar dar a, ka ṭap thei lo chu ka lawm viau rualin min hnawhtu erawh ana viau thung.
An khuh leh nghal thuai nain ka mitthlaah chuan a chiang viau a ni.
Ruang chu ka nu nen chuan kan kil zui nghal a, puanvara an khuhna chhung chu zenluha vawikhat tal a taksa chu deh ka chak asin. Vawikhat chauh tal...
Reife chu mi mitmei vengin ka insum reng a, mahse, ka thei ta ngang lo. A ruk deuh hian a kut bawr awmna zawn ni a ka rinah chuan ka zen lut a, a kut vawt thler mai ka va humsak chiah tihah chuan ka puakkeh leh ta, a ruang bawh chuan ka ṭap chhuak hawk a...
Ka khawng zel bawk si avang chuan vuinaah pawh chuan min awmtir duh lova, ka nu chuan taxi lain kan inah min hawpui ta daih a, hreh teh mahila tihngaihna awm miau hek lo le.
Ni a ral a, thla te, kum te hial a lo vei ta. Mi tam zawk chuan kha thil thleng kha an theihnghilh tawh ngei ang tiraw. Mahse, ka tan chuan vuiliam a la ni lo asin. Ka nu khan an vui hmain min hawpui a, tun thleng hian kha hunserh hmang lo khan ka la awm reng, ka vuiliam ve si loh, mangṭha ti a ani pawhin min thlah ni bawk si lo chu ka phatsan thei dawn lo a nih tãk hi.
Amah vanga nula senior nih ka hreh lova, Amah vanga mi dem nih hi ka hlau lova,
Amah vanga chhungkaw din loh te,
Amah vanga fa neih loh te hi ka hreh lo.
Amah vang tih ka hriat tlat vangin,
Ni e, amah vang kha a ni miau si,
Amah Zoa kha...
Zo, enteh maw, kha hun rei lo te khawvela min hmanpui kha ka tan chuan theinghilh phal rual a ni lo asin. Ka zahna lak ata min thup mawitu satliah mai kha i ni lo, ka nunkawng min ruat sak a, nundan min zirtir a, ka tan chuan engkim i nih ṭhin kha tiraw..
Kha zan, i damlai hmel ka hmuh hnuhnun ber zan khan keimah vangin rilru hrehawm takin i awm awm si a, engatinge luhlul chhuaha ka lo inchhut ngen ve fahran le. Engatinge min mangṭhana awka hre tur tal khan ka lo phone mai loh che..Ka thiam lo a ni min ngaidam mawlh ang che..
An sawi thangvan run nuamah,
Min lo hmuak la rauthlain;
I chun leh zua, unaute nen,
Hlimten tawh leh kan nuam che...
©_______[ɐʞızɹɐp]_______®
STORY dang chhiar duh tan ka blog hi a visit theih reng e.
https://darxikaziakfung.blogspot.in/?m=1
FACEBOOK Group
https://www.facebook.com/groups/142647166142127/
NULA SENIOR
[19-20.4.2018]
[P.C Malsawmzuala]
https://darxikaziakfung.blogspot.in/?m=1
Kumin November thla hi kan pel fel a nih ngai chuan îhe lovin kum 40 chu ka lo chuangkai ve dawn ta reng mai. Ṭhalai pawl lam chu 'mangṭha' kan tih te pawh a ṭul ve tawh ang chu.
Ni e, nula senior ka nih hi zêp thu a cheng lova, zêp tum sateh pawh ni ila hmêlah ngho chhuak mai tur ang hrû kan nih tawh vangin ṭawngkaa puanchhuah loh pawh hmelin a lo lantir tawh miau si. Zêp map lovin 'Nula Senior' ka ni tihna a nih tâk chu.
Mahse maw, kan birth certificate keimahni ngeiin kawla, kan kumzat kan hriat chian em em lai hian kan pianni leh thla pawh hre hauh lo, anhnah têlkhat lek 'hei te hi lo hmeh ve rawh u' pawh ti ngai lêm chuang lo leh a ka kaw nazawng emaw tih mai turin thawk-a-phita 'Pasal nei tawh rawh, chumi khami pawhin a nei tawh a nia, i bantlang tak ngial dawn..' an lo ti ve sek ṭhin hi chu(h)! An chilper an seng thlawn mai a ni. Ninawm lamah a kal mah zawk e.
A chhan chu maw, mi dem leh kamṭhuahna tura nula senior nih hi thil châkawm zawk zawk ni bîk mawlh hek lo. Duhthusam neih châng te chuan pasal hmelṭha leh fel tak neiha fanau han kilkawi te pawh thlakhlelhna tam tak kan nei lo bik si lo. A hmu ber ang hrima 'pasal nei tawh rawh' min ti teivettu te beiseina a hlawhtlin loh chhan leh kei ngei pawhin ka duhthusam a puitlin tâk lohna chhan chu chhiar zui rawh le. https://darxikaziakfung.blogspot.in/?m=1
Zirna lam hi Pathian zarah ka tluang ang reng viau a, pawl sawmpahnih ka zawh hnuin Shillong lamah BA leh MA ka zo leh a, Aizawlah B.ed ka training thung. Ka pa hlawh chauh ring kan nih vangin kan unau lo rual ve bawk nen kum a tam ang zia zelin ka chhungte kan tih hautak leh retheih dan chu ka hrethiam chho ve tial tial a, zirna chawlhsana phak ang tawk hna dap ve mai tura ka rilru ka siam lahin ka pa, zirna ngaisang tak mai chuan a remti lo nasa mai ṭhin si. An lo va hlu em aw, kan tan an lo inhuam nasat zia kha..
Ka zuang kang tur chiah chu ka kawrhnung lam chu a ri tuarh a, a ṭet chho huai mai a, naupangho chuan min lo nuih dar dar a, zirtirtu ṭhenkhat pawh pawnlamah chuan an awm ve avangin an lo nui ve tho mai. Ka hnunglam a nih miau vang chuan hup ngaihna vak a awm si lova ka ṭhutna ngaiah chuan kunchal hian ka ṭhu tlat a, ka zak lutuk chu khuk ral chem chem theih se ka ti kher mai. Ka tho thut anga ka tlan nal nal mai dawn emawni zawk ni. Mahse, ka ngam teuh si lo.
Chutia ka ṭhut reng lai chuan puan eng emawni hian min rawn khuh nihian ka hria a, "Miss, kha hei hi ha rih mai rawh," ka hnunglam aṭang chuan mipa aw hian a lo ti zui zat bawk a. Zah vanga khawhmuh tawi deuh tuk chung chuan ka hawichhuak a, training-a ka chhuahpui Zoa a lo ni reng mai.
A kawr min khuhna chu pawt ṭha mawlh mawlh chungin ka ding chhuak a, office lam pan chuan ka kal nghal nal nal a, Toilet lam ka pan ding nghal a, darthlalanga ka va in en chu ka hmel chu a hmuhnawm loh kher mai! A dur deuh khup hian ka hria, ka la zak chem chem ringawt mai a ni.
Ka kawrhâk chu ka han phelh a, ka enchian chuan a lo thler tlang teuh kher mai. Zungli bawk vel lek hian chunglam chu a lo thler tlang lo hi a ni a, engtia han thler ngawt nge a nih pawh ka hrethiam lo, hmawlh emaw thildang eng emaw lo taitu a awm der bawk si lova, a zia lo hle mai. A chhia a chhia chuan tihngaihna awm hek lo, fimkhur zetin a thler tlang hlau takin ka inthawlh ṭha leh a, Zoa kawr chu ka hâk sak mai loh te chuan. A kawr mi han pek ber kher lah chu Leather Jacket hi a la ni zui a! A dang a awm ngang si lo. Ani chuan T-shirt tal a la hâk kha mawle. Huiham..ka hah hluah hluah, ka chhuah leh laite chuan ka jacket hâk chu ka thawl teh reng nen ka tawt up up hian ka hria.
Tumahin min lo nuih zui ta bik em lova.
Han che chhuak ngam chi ka nih tâk si lovah chuan office-ah class pawh la lovin ka ṭhu ta reng a, tumah chuan haw rawh min ti bawk si lova han hawsan ngawt chu nuam lo ka ti ve deuh si. Tlaiah Zoa chuan kan in thlengin min thlah tâk hial kha.
Chu thil thlen lai chu B.ed kan training lai a ni a, fieldwork neia Zoa nen kan chhuahna Sikul pakhata thil thleng a ni. Kha thil a thlen lai kha chhun chawlh lai niin keia phur phêng kha an volley ball benna karah ka va zuanglut ve ngawt mai mawle. Chutihlai chuan Zoa nen pawh chuan kan la innel teh chiam lo. Batch khat kan nih vangin kan inhria a, kan inbe ve zeuh zeuh mai chauh a la ni. Kha thil thleng vang khan kan inkar chu tih hnaihin a awm ta kuarh a, a chang phei chuan Oxygen te pawh kan in pe lem lem ṭhin a!
Chumi zan chuan ka rin loh tak mai message hi ka dawng a; chhunlama office-a ka ṭhu lai thlalak, Leather Jacket ka ha lai ngei mai chu number ka hriat loh hian min lo thawn a. Ka han enchian chuan Zoa lek lo niin. Eng tinnge ka number a neih pawh ka hre lo.
https://darxikaziakfung.blogspot.in/?m=1
Kan inbe ta reng a, zantin kan inbe ta. Training ninawm ang reng tak mai te chu a lo ninawm ta reng reng lova, tukṭhuan eikham hlimah thleng pawh sil hman inti lova insiam rum rum châng a awm ta fo!
Practical, inlama tih tur te chu zanah hian bawr fe-in a rawn pawmlût ta ṭhin a, hnathawh paha nula rim leh zel a thiam vang chuan kan inpawhna chuan derdêp lam aiin thûk lam a pan tial tial a, training kan han zo te chu thawl huai awm tak kan nih vei nen keini pahnih chuan hrehawm kan ti zawmah ni berin ka hria.
Ṭumkhat chu Chapchar Kûta kal ka châk vangin kal ka rawt tlat pek a, a tirah chuan a duh mai lo. 'Tih tur a awm lo, mi chetla va thlir ringawt chu nisa hnuaiah lehnghal a peihawm loh em mai' a ti tlat a. Keilah chuan engtizia nge ni ka châk et et mai bawk si. Ka sawi zin tâk em vang chuan min hnial hreh ta deuh aniang 'aw' min pawh ve ta nge nge a, kumdangah ka kal ngai pawh a ni lova khatianga ka chak teh tlat kha ka hrethiam vak bik lo.
Tichuan, a hun a lo thlen chuan kan inah min rawn lam a, Thangchhuah kawr nen a lo infam ap mai a, kei ai chuan a la urhsun leh vel si emawni. Ka insiamzo ka chhuak chu uluk fe hian min thlêk vang vang a, 'Eng nge nia?' tiin ka zawt thuai a.
"Jeans, t-shirt... inthlak leh rawh," a ti sup a.
"Engatimaw, heti hian a awlsam mai alawm," ka ti a.
"Awlsam e. Mahse, khatiang kha chuan ka kalpui dawn lo che, puan tal va bih rawh," te chu a la ti tak deuh deuhah! Awi ka rei, engtinnge niang!?
Ka nu bualin lama eng emaw tifela awm chu ka au chul a, "Eng nge nia? In kal tawh emaw tia.." lo chhuah pah chuan ati mawlh mawlh a.
"Zoa hian puanbih rawh a ti tlat a..." ka nu thlâwpna chu beisei takin ka awki te pawh chu ka pawtfân lui deuh a.
"Kan almirah-ah khan Puanchei a awm kha..." ka rin loh deuh mai chuan a ti a. Zoa ka va en lah chuan min elsen deuh niawm tak hian a lo nui deuh toh lehnghal a.
"Puanchei leh T-shirt te chu a inmil awm lo em mai a.." ka ti hlak a. "Almirah lianah khan kawrchei pawh a awm alawm," ka nu chuan a la ti tak deuh deuh a, ka va han ngei tak. A hrim hrimah chutiang chuan ka vawikhat inthuamna tur a nia, ka 'confi' theih pawh ka ring lo. Va kal a, va theuleu zuai zuai kha ka duhtawk viau a sin, mi te anga va insilh deuh duah tumna pawh ka nei hleinem maw.
Ka nu chuan an mut pindanah chuan min hruai lut ta a, Zoa chu rum tawkin ka va melh a, ani lah chuan nui ruh ruh chungin mit te min la siai khum leh ta nghal a, ka va han ngei reuh tak!
Phun nang nang chung chuan ka nu puan lakchhuah chu ka bih a, ka nu lah chuan, "Hetiang nikhuaa jeans nena va kal te chu a zah pawh i zak lo mi? Mi zawng zawng mizo thuam rawngkai vekin an inchei anga, mahni kût pawha hetiang thuam kan inbel loh te chuan engtika inbel tur nge ni hlei ang," a la ti erh zui a.
Vakiria em chu ka khim chhuak ta lo, ka sam ka thlah hniang a, ka tih ṭhan loh mah ni se mak tak maiin ka lungawi tlat mai nia mawle.
Ṭhival nen ka inawrhchhuak ta hnâp mai a, min han hmu chu mak a tih hmel kher mai. Chutiang em ema ka inchei duh chu a ring lo ni ngei tur hi a ni a, keilah chuan ka'n ngaihsak ṭha duh lo vel a!
"Zoa, diar pawh a awm asin i duh chuan," ka nu chuan a lo ti leh hmanhmawh a, "Khumbeu ka keng a, tunah chuan helmet khum a ngai bawk sia, ka la khum thei lo a nih hi," a lo ti mai a.
Tichuan, lammual lam pan chuan kan inphurchhuak dun ta a, ka thuamhnaw inbel chu zahpui chu sawi loh kalkawng dung tluan mai chuan chutiang lamhawia inthuam chu hmuh tur an awm zel a, nuam ka ti ta tawlh tawlh mai.
Sawi kawi duah lo mai ang. Chutianga kan inzui chu a nuam ka va han ti tehlul ve le. Ani pawhin a châk loh ang aiin nuam a ti ve viau chuan ka hria. A chang leh lammualah te kan tlan lut a, midang awm ang ang chuan ho takin kan awm ve zel a, mi chetla thlir ngawt aichuan a lo nuam zawk mahin ka hria.
Dar 2 velah chuan lammual chhimlama stall an siamah chuan thil ei turin kan kal dun a, kan thleng dawn ṭep tihah chuan ka ke ka bilh ta hlauh mai a, mawng sawh dawt khawpa ka'n tluk hnawk chu mawle.
Ka ke lah chu a na em em mai lehnghal a, a vung chhuak rang kher mai!
https://darxikaziakfung.blogspot.in/?m=1
Tichuan xray tur chuan damdawiin lam min panpui ta a nih kha, a lo na lem lo hlauh a, a ruh khi leh tliak emaw awm lovin ngaihṭhatakin kan inphur haw zui ta a.
Kha mi ni a min ngaihsakna leh min duatna ang kha ka tawn ngai loh thil a la ni. Khatiang thil kha tawng leh tur ni ila ka ke pawh ka bilh nawn leh ngam hialin ka ring. Mahse, hringnun hian hun min pe phal tawh bawk si lo.
Vanneihthlak takin High School zirtirtu hna ka hmu ta hlauh a, inneih lam kan hnaih ve kuar thei tawh ang chu ka tih mek laiin ani lah chuan, "Nupui te chawmhlawm tura han awm ngawt chu miin eng angin nge min ngaih ang? Mi ngaihsan loh tak pasal neih i duh em ni?" a lo ti leh mauh mai bawk si. A châng chuan a zopa lutuk hi ka ning lek lek ṭhin. Mahse, ngei hleih theih si loh hian a thil thlirdan hi a lo dik zawk zel bawk si.
An khawsak a harsa a ni hran lo. A nu leh pain sawrkar hna an thawk ve ve a, a u te nupain eichawp dawr lian ve tak an enkawl bawk a, a u hmeichhia lahin pasal a neih tawh bawk si. Amah chauh chu hna mumal nei lo ti a sawi tur a ni. An inluahtirna man ngawt pawh eng emaw zat chu an la lut ang tih a hriat reng a, duh se chuan nupui a neih vanga han mangan chiamna tur thil awmin ka hre lo. Mahse, ani chuan ngaihdan puitling tak a nei miau mai si a.
Hna a dil ve lahin a hmu hlei thei bawk si lo. Beidawng lo turin han fuih ve bawk ṭhin mahila ka khawngaih viau mai. Eng emaw chang hi chuan a rilru a hnual ve thei nasa mai si a, ni lo lo hian thil a ngaihtuah vak ang tih ka hlau deuh ṭhin.
Kum thum zet kan inzui tawh hnuah chuan kan chhungte thlengin an in pawh viau tawh a! Fiamthu ti taka innei mai tura min han tih chang pawh kan tawng ve ta zeuh zeuh a, a rilru ka hriatchian em vang chuan sawi tinah pawh ka tin lem lo. Kan nui liam mai mai ṭhin.
Mahse, a chhungte lam aṭangin amah nawrna tur remchang a awm ta hlauh mai a, a chhungte remruat dan zawk nge pawh ka hre lo; a u te nupa chu an indang ta daih mai a, ani tlangval a la ani bawk si, inchhunga hmeichhe awm mumal ta bawk si lo chu nupui nei tur chuan an nawr ta a ni ngei ang hreh hmel zet hian a chhungten nupui nei tura an tih thu chu a sawi ta nge nge a.
Keilah chu lawmin ka auchhuak lo chauh a ni mai si.
"Eng emaw tal ka ngaihtuah ve a ngai a ni. Heti ringawta sawrkar hna ka beisei reng chuan engmah ka ang dawn chuangin ka hre lo tlat. Dawr ka siam ve mai dawn emawni te ka ti deuh a.. Vawiin khan Dawrpuiah dawr ruak kan va en a.. " inneih lam kan sawi vung viau dawn emaw ka tihlaiin chulam bawk chu a ni ani chuan a lo lungkham ni.
"Innei phawt ila; tichuan, inpuih theih dan dan te pawh a awm ang a, nangmaha i buaipui aichuan keipawhin ka pui thei che anga.." tiin dah hmasak zawk nei ran chung chuan ka ti a.
"Miin a pasal tur chuan eng nge a thawh? An tih hunah, 'engmah a thawk hran lo' an ti tur hi ka ngai ngam lo a ni. Kut ke kim, mi pangngaiin kan piang ve a, chhungte chu thuhran nangmah ngei pawh hi i hmaizahawm dawn em asin,"
"I thil thlirdan hi a mak thei e nang chu, inneih hnuah pawh hna te chu a neih theih a, chhungkaw harsa leh buaipui ngai pawh in ni lova.."
"Ni e, chulam ngaihtuah chuan harsatna chu Pathian zarah kan nei em em hran lo. Mahse, chu thil chu ka behchhan a nih chuan engtikah mah ka inthiam thei ngai lovang, chawm zo lo chunga nupui neih hi engtiklai mahin ka ngaihtuahnaah a lût ngai si lova," a tih chuan ka lawm lo viau tawh. Melh ngai melh ran ran chung chuan ka ṭhu tûm deuh bar a.
"Dawr siam chu i thlawp viau lo tihna a ni maw chu?" a tih pawh chuan ka chhâng miah lova, ka lawm lo tih han hre ve hrim hrim teh se.
Min hnaih ruak a, ka khabe-ah chuan dawmin a lam hawi tur chuan min kuai a, ṭang ve viau mahila nghawng tha ringawt chuan dawl zo hek lo, hnai fe-ah chuan kan inmelh ta reng a.
"I hriatthiam ṭhin kha, enga ti nge tun a taka i ngaihthiam loh tlat?"
Ka la chhang chuang lo.
A kut chuan ka hmui chu a nûl kual den den a, dim te hian a fawp zui a, chu pawh chu ka la chhang chuang lo. Han chhân lêt ve duh viau mah ila ka tûm laklawh ve tlat!
"Khati khan awm tlat lo la a nuam lo a nia, eng emaw tal sawi ve rawh," a tih chuan ka ngaihtuahna a kal dik lo ta viau nge ni ka thilsawi chu a ṭul lo kher mai.
"Nupui atan min duh tak tak lo a nih hi. Chhuanlam i siam char char a, heti ringawt te chuan engtikah mah kan innei thei chuang lovang, chhuanlam i siam zel thovang..." ka ti nghat a. Ka sawi zawh rual chuan ka thilsawi chu thil ṭul lo tak a ni tih ka hre zui nghal a. A hmelah chuan a lana hle a ni tih a lang reng bawk si a.
Ka titau min thlemtu zawk chu a ngawi ta hmiah mai a, nuam lo ti viau mahila ka sawi tawh miau vangin laklêt leh ngawt theih a ni si lo. Engatinge khatiang ṭawngkam kher ka lo hman mai le aw...
Ngawi reng chuan rei ngial chu kan ṭhudun ta rauh rauh mai a, boruak nuam lo chu a hrehawm ka ti kher mai. Ka inthiam bik chiah lo. Mahse, tih leh chuan tur ber ka hre bawk si lo. Amah hian eng emaw tal sawi tur a nia!
A tho hluai a, "Ka va haw phawt ange aw," a ti ta ngawt mai a.
Chutianga min hawsan a tum ngawt chu ka ngaihdan a ni lo viau a, thawh pawh thochhuak lo chuan ka ṭhutna aṭang chuan ka melh ringawt a, ani lah chuan mi pawh ngaihsak zui lovin kawngka lam a la pan zui hmiah leh ta nghal a, ka tawt up up mai!
A hmingpuma koh lêt leh hial ka nâp a, chuti ringawta min hawsan chu ka hre thiam thei lo. Zandangah lêm veranda light off meuhin kan inthlah a, kan in fawp ṭhin a ni ngai a, ka ṭah te a chhuak deuh rum rum mai nia.
Ka mu tur pawh chuan ka phone chu ka hum reng a, min rawn phone emaw, message emaw tal a hnen aṭang chuan ka beisei a ni. Mahse, ka bih zin poh leh ka lungawi lohna chu a zual a zawk ni berin ka hria. A chhan chu min rawn biak miau loh vangin.
'Dah law maw' tih beiseiin ka phone chu ka hum reng a, a thuhrimah, engatinge khatianga ka tih kha a laknat viau mai le? Nidangah pawh khatiang ang deuha tih chang ka nei fova a nui liam mai ṭhin a ni ngai a, tun ṭuma a laknat tak viauna chhan kha ka hre thiam lo.
Ka phone hum ran chung chuan zanlai pelh râtah chuan ka lo muhil ta a niang zinglama ka harh pawhin ka phone chu ka lo la hum reng a, rangtakin ka han en nghal thuai a, engmah lah hmuh tur a awm chuang bawk si lo. Min biak hma ka va han be awm bik hlei lo e aw.. ti rilru nang nang chung chuan ka thochhuak ta a.
"Nizan lam i inleng a sual deuh a ni maw?" tiin chhuna office-a tiffin ka ei mawlh mawlh lai chuan kan zirtirtu pakhat chuan min lo fiam zauh a, chhan mai ngaihna ka hriat loh vang leh ka thil eilai a laklawh em vang chuan ka lo nui ringawt a.
Ka intihfel hnuah chuan, "Engatinge nichin khan khatia min rawn tih ngawt a?" tiin fiamthu titak deuh hian ka va zawt a. "Nidang i ang lo em alawm, i nuihrin theih tehreng nen vawiin chu i ngûrchuai riau a, i ngaihtuah ril hmel tlat alawm," a tih chuan ka nui ta ringawt a.
"Chutiangin ka awm reng reng lo, i ngaihbel mai mai a nih chu," ka tih sak ta ringawt a.
A zia lo hle mai chutiang taka ka lo awm kher chu a. Mahse, nizan boruak khan ka nun a tinuam lo hle tih hi phatrual a awm si lo. Tun thlengin a phone call chu sawi loh a message emaw tak ngial pawh ka la dawng lo a nia. Zep nâk emaw ka thinrim ṭun hialin a nia ka hriat ni. Class ka neihna zirlai te pawhin vawiin chu danglam min ti viau mai thei a ni.
Tlaia inlam pana ka haw te chu ka inngaihtuah nasa tawh mai. Chutianga nikhat lek pawh a tel lova ka awm hleithei ta lo chu a hrehawm tak zet. Eng pawh ni se, ka phone hmasa nge nge mai ang. Ṭha taka biak chuan a lungawi lo reng bik chuang lovang chu maw.
In ka thlen ve leh chuan ka pindan lamah ka lut tlang nghal a, inthlâk pawh inthlâk lovin khumah chuan ka bawk a, kha tlangval lunglian, ka duh em em si kha biak tumin a hming zawnah chuan ka hmet ta chawt a.
Mahse, vawi eng emaw zat ka tihnawn hnuah pawh a tlang thei reng reng lo mai a. Hm, min block fahran emawni le. Mai mai chuan a!
Lungawi lo ru ṭeuh chuan ka bawk ta reng a.
Zanriah pawh ka kilpui ta lo, ṭhenawmte dawrah hmawmsawm te eiin ka va intipuar ta vel mai mai a.
Chutia ka ṭhutmuan sar sar lai chuan kan te ber hian min lo ko a, "Ânuin 'lo haw vat teh, thil pawimawh tih tur a awm' a ti," a rawn ti a. Chutianga han hmanhmawh chhan vak tur awma ka hriat loh vang chuan zarda te chu ka la siam tir kawi leh rih a, engin nge ka hma lamah min hmuak tih reng ka hre hauh si lo.
Tichuan, muangchangin kan inlam pan chuan ka kal zui ve ta a. Inchhung ka lut chiah chu ka nu chuan a tui inlai chawl meuhin min lo en a, "Eng nge nia?" ka va ti ringawt a.
"Zoa te an accident-a, tunah Aizawl.panin an lo tlanpui mêk a nih chu,"
"Khawiah maw?" ka ti deuh hu a. Ni e, ka bo viau a ni.
"Silcharah Bungraw laa kal tum an nia, a u te motor-in, Lungdai thlang deuhah an chesual a ni awm e, phone i la thei silova a tia a nuin a lo phone a.."
Chhândan tur reng reng ka hre lo. Ka melh ngai melh chuan kawngka biang nghengin ka ding reng a, Zoa, a mak hle mai!
"An rawn thleng har tawh lovang, insiam la i nau nen bike-in damdawiin lamah han kal ve rawh u," a tih chuan ka ngaihtuah bing lutuk lak ata chu min kai harh zawk a, ngawirengin ka pindan lam chu ka pan a, ka ṭah chhuak thut chu ka insum zo lo, khumah chuan bawkin ka insût zui nghal hlawp hlawp a.
A ruahmanna tihpuitlin a tumna kawngah phurpui chu sawi loh keimah ringawt ka lo inngaihtuah a, rilru hrehawm takin a awm ngei awm si a...Zo, min ngaidam rawh. Ka thiam loh a ni.
Ka nu chuan, "In ti harh teh, khatia awm kha a sawt vak lo a nia, eng em a ti lovang. Insiam ula, saw i nau pawhin a nghak reng tawh che a nia," a rawn ti a.
Bual inah ka lut zui a, ka mittui chu ka dang zo meuh lo a ni e.
https://darxikaziakfung.blogspot.in/?m=1
Damdawiin kan han thlen chuan a nu chuan casualty kawt aṭang chuan min lo au thuai a, an lo thlen ṭep thu leh an accident dan a hriat chu a sawi nghal bawrh bawrh a, an chhungkhat lainaho pawh an pungkhawm tam kher mai, kan inzui nasat zia an hriat vek vang chuan tute pawh chuan min enhrang lem lova, min ngaihsak em em vek mai chu ka tan pawh a nuam lo lek lek zawk a ni.
An lo thleng ta chu an bawr deuh hat a, ka kalhnai ve bawk nain an phurhna ambulance chu ka hmu ṭawk chauh a ni an bawr hneh lutuk. An khuhna puan pawh hawng lo chuan Casualty-ah chuan an zawn lut nghal a, a u nupui Mki- chuan 'kal ve rih suh' tiin min ṭhutpui tlat a, 'tih theih engmah a awm chuang lo, nakinah doctor ten han enfel sela, tichuan kan la lut ve dawn nia.'
Ka rilru hrehawm lutuk chuan lehlam hawiin ka mittui ka hru leh zauh ṭhin a, ka nau leh midang kan bula awm te pawh chu ka zah zo ngang lo a ni. "Khawnge an driver?" tiin ka hmuh ve tak loh motor khalhtu chu ka zawt a.
"A hmunah a boral nghal a ni awm e,"
Chu thu chuan min ṭhawng zual sauh a, Zoa hi dama hmuh rinna ka nei tawh lo. Ka hmai ka hupa ka ṭah rik leh rik loh pawh ka ngaihtuah tawh lo, ka na ngawih ngawih a ni.
Mki malchungah chuan ka hmai ka phum a, insum ka tum poh leh harsa ka ti mai si.
Chuti a nih mek lai chuan Zoa nu ningei tur hi casualty chhung aṭang chuan a rawn ṭapchhuak ta rawih rawih mai a, 'A ni thei lo ka fapa, ka phal thei lo... '
Casualty kawta thawm awmzui hak bak chu mumalin ka hre tawh lo, ka ṭap khawng a ni ber ang chu maw.
Ka harhleh meuh chuan ka khumah ka lo mureng mai a, ka nu chuan puanin min lo zap hauh hauh a, ka pindana tukverh zawng zawng te pawh an lo hawng dar vek a, kan inhnuai te nupa nen, kilkhatah ka nau a ṭhu bawk a, engti ti tia hetia awm chu ni maw?
Ka ngaihtuah chhuah tâkah chuan a chhan chu ka hre ta e. Mahse, Zoa chuan min kalsan tawh, a kal tawh... damchhunga a bula awm tawh lo turin min kalsan tawh asin.
Bedsheet chu ka ṭham ngawt ngawt a, ka khawng leh dawn emaw an ti nge ni ka nu te chuan ka kut chu an dawm nghal vat a, ka mittui tla tur pawh a awm lo. Mahse, a va na ngawih ngawih si em!
Ka nu bulah chuan Zoa te ina min kalpui turin ka ngen a, ani lah chuan, "Heti ringawt chuan kal chi a ni lo, i va mualpho lutuk ang, zan a rei tawh bawk si a, i pate an kal tho bawk a, naktuk khawvar veleh kan kal ve dawn nia," a lo ti tlat mai bawk si. Han tum lui dawn pawh ni ila keimah chuan tihngaihna pawh ka hre lo. Ka taksa te chu a zawi vek ni ber hian ka hria..
Tlem tlemin ka ngaihtuahna te pawh chu a fim ve tial tial a, dar 12 a rik hnu deuhah chuan kan inhnuai te nupa pawh chuan min ṭin san a, ka nu chuan damdawi min pe a, muthilhna damdawi a ni chêk a niang chu rei ka tlin lo.
Ka nu chuan min hruai lut a, ṭap lo tura insum hram hram ka ni bawka a ruang an dahna khum kan thlen thleng chuan ka la insum thei khawp mai. Puan vâr thianghlim tak hian an lo khuh a, a khuhna an han hawng chu ka sachhuak puat hian ka hria, a hmel chu a sawh khaw lo hneh lutuk, ka khur dar dar a, ka ṭap thei lo chu ka lawm viau rualin min hnawhtu erawh ana viau thung.
An khuh leh nghal thuai nain ka mitthlaah chuan a chiang viau a ni.
Ruang chu ka nu nen chuan kan kil zui nghal a, puanvara an khuhna chhung chu zenluha vawikhat tal a taksa chu deh ka chak asin. Vawikhat chauh tal...
Reife chu mi mitmei vengin ka insum reng a, mahse, ka thei ta ngang lo. A ruk deuh hian a kut bawr awmna zawn ni a ka rinah chuan ka zen lut a, a kut vawt thler mai ka va humsak chiah tihah chuan ka puakkeh leh ta, a ruang bawh chuan ka ṭap chhuak hawk a...
Ka khawng zel bawk si avang chuan vuinaah pawh chuan min awmtir duh lova, ka nu chuan taxi lain kan inah min hawpui ta daih a, hreh teh mahila tihngaihna awm miau hek lo le.
Ni a ral a, thla te, kum te hial a lo vei ta. Mi tam zawk chuan kha thil thleng kha an theihnghilh tawh ngei ang tiraw. Mahse, ka tan chuan vuiliam a la ni lo asin. Ka nu khan an vui hmain min hawpui a, tun thleng hian kha hunserh hmang lo khan ka la awm reng, ka vuiliam ve si loh, mangṭha ti a ani pawhin min thlah ni bawk si lo chu ka phatsan thei dawn lo a nih tãk hi.
Amah vanga nula senior nih ka hreh lova, Amah vanga mi dem nih hi ka hlau lova,
Amah vanga chhungkaw din loh te,
Amah vanga fa neih loh te hi ka hreh lo.
Amah vang tih ka hriat tlat vangin,
Ni e, amah vang kha a ni miau si,
Amah Zoa kha...
Zo, enteh maw, kha hun rei lo te khawvela min hmanpui kha ka tan chuan theinghilh phal rual a ni lo asin. Ka zahna lak ata min thup mawitu satliah mai kha i ni lo, ka nunkawng min ruat sak a, nundan min zirtir a, ka tan chuan engkim i nih ṭhin kha tiraw..
Kha zan, i damlai hmel ka hmuh hnuhnun ber zan khan keimah vangin rilru hrehawm takin i awm awm si a, engatinge luhlul chhuaha ka lo inchhut ngen ve fahran le. Engatinge min mangṭhana awka hre tur tal khan ka lo phone mai loh che..Ka thiam lo a ni min ngaidam mawlh ang che..
An sawi thangvan run nuamah,
Min lo hmuak la rauthlain;
I chun leh zua, unaute nen,
Hlimten tawh leh kan nuam che...
©_______[ɐʞızɹɐp]_______®
STORY dang chhiar duh tan ka blog hi a visit theih reng e.
https://darxikaziakfung.blogspot.in/?m=1
FACEBOOK Group
https://www.facebook.com/groups/142647166142127/
A tawi na a,a va ngaihnawm em
ReplyDeleteNgaihnawm kher mai U xik
ReplyDeleteNgaihnawm lutuk
ReplyDelete