TUH RAH - VIII
___________ __________
[TUH RAH]
[ *P.C Malsawmzuala* ]
Ṭhen 8-na
Zanriah kan eikhama kan haw dawnah meuh chuan atira kal châk vak lo e ti lo chuan ka kal chu ka inchhir lo kher mai. Ka inchhir lo a ni satliah lo, ka lungawi hliah hliah mai a ni.
Madini bula hun ka hman vang chu ni bawk mahse kha pa, Duhsanga vang khan ka lungawina chu a thuah hnih viau a ni. A chhan pawh an zu inna pindanah khan zai ngaithlain an ri le lu mai a. Chutah chuan Duhsanga phone aṭangin Woofer an zawm a lo ni a, ani rui lah chu a mu ngût mai bawk si nen, 'ka duh ka hmu e' tiin ka ṭhutchilh thuai a, a phone lah chu a lo la in lock hman lo hlauh leh ta nghal a, zahzelah hla te chu ka han thlak kual vel a.
Midangin min ngaihsak tehchiam lova ka hriat lai chuan a whats app code leh pawimawh tura ka hriat chu ka phone-in thla ka lo laksak hmiah hmiah a, ka rin ang ngeiin what app pahnih a lo hmang ṭat a, pakhatah chuan eng message mah a awm lo. Ka rindan a kaldik chho viau mai.
'Engtin nge ni ang' tia ngaihtuahnain ar bo a zawn mek laia hetianga hnunglama sabarh ang maia awlsama ka veh buai hrep tur ka han tawng mai chu Hnapkhawn pachang hmu ang maia khi reng mai tur ka niin ka hre hial mai.
Haw har vak a duh loh vangin Madini nen chuan midang haw hma deuh chuan kan chhuak a, Scooty a keng duh lo chu ka ngei rilru deuh viau. A chhan chu ka hmaa tihtur min hmuaktu hi ka buaipui chak et et tawh, Scooty keng sela chuan 'mangṭha aw' ka ti nghal duh hial mai thei a ni. Mahse, kan in a rawn thleng anga, chutah thlah a la phut emaw a ni ang! Ka duh aiin a thluak a ṭha mah mah emawni le!
In kan thlen chuan ka nu chu a lo awm lova, ka nau nen chuan an han inchibai lawp lawp a, ka patea te in velah an inhmuhfo vangin an lo inhre deuh sa thova, Madini pawh a kimki ta lutuk lo deuh. https://darxikaziakfung.blogspot.com
Ka rin aitak chuan sawitur an hredun a, kan kal lehnghal mai dawn emaw ti a ka ding uai tawh chu ka ṭhu khawmuang leh rih a, tum loh deuha thingpui te kan la in leh rih chu.
"Thlah kher i ngai em?" ka tih chuan min melh phâwk kher mai. Lawm vak lo tih hriat reng chuan a Scooty hunna lam pan chuan a kal phei ngât ngât a. Zawhna ṭul lo tak ka zawt leh pek a ni maw.
A Scooty a hrukfai mawlh mawlh lai chuan a bulah chuan ka va ding a, "I lo kal peih loh chuan ka tilui lo che 'nia," mi pawh en lem lo chuan a ti nghat a. Chhândan tur pawh ka hre lo. Ka kal malêk dawn emawni zâwk chu le.
Rei rial lovin kan tlanchhuak dun ta thova.
An motor dahnaa a tlanluh chuan keiin kawtah ka lo nghak thung a, "A chhungah hian lo dah rawh," a tih vangin ka tlanlut ṭha ve leh a, ka indahfel hma hma chuan min rawn pan a, a lungawi lo tihreh a tum tehreng emawni dim fahran lo hian min kuah a, min fawp chiam a, min thlah fel chu ka nuichhuak ringawt a.
"Nuih pawh nui suh suala..." a la ti hram a!
A nuin TV a lo en a, min han inhmelhriat tir a, "I pate chu ka hre lutuk alawm, kan thawkho ṭhin a..." a tih chuan min ti tlangnel deuh sawt. Ka rinai takin a ṭawng duh bawk sia, Madini nen pawh kan inkawm vak hman lo zawk hial a ni ber mai.
A bul aṭang bawkin huanpu ka nih dan zawng zawng ka sawi leh tâk kelh kha.
Thingpui min pek pah chuan ka bulah a ṭhu nghal a, a nu erawh chu ṭhutthlenga mu chungin TV lam chu a la en reng a, a ti ti pah reng bawk a, a ninawm lamah a kal ṭep zawk a ni.
A nu ludahna lam, a hmuh theih loh laia ṭhu kan ni bawk a kan inṭhuthnaih kher mai.
Ka kâwng lamah a kut chu a lo rawlh lut a, ka t-shirt hâk karah chuan a kut a dah lut kher bawk nen na hauh si lo chuan min kamki tlat hian ka hria, min thunun deuh emawni zawk ni.
A nu a titi mawlh mawlh lai chuan keini uluk fe hian kan lo infawp thung a! A nu rawn ṭhuchhuak tur chu chetran a ngai teh asin.
Rei tak pawh ka lêng ta bik lova, a pa committee bâng a lo luh hnu rei vak lovah, thingpui te kan in leh hnuah chuan anni'n mut pindan lam an pana lungphu rang zaih zaih khawpa kan inkuah ngial hnuah chuan kan hawsan thei ta hram a.
In ka thleng chiah chu engdangmah tilovin Computer ka on nghal thuai a, Duhsanga whats app code thla ka lâkho chu ka scan nghal zung zung a, ka phone-in Application install kawpna a support ve si loh vangin playstore a mi te ka'n download chawp leh nawk nawk a, Duhsanga number hmang chuan engtin tin emawni ka tih kawi neuh neuh hnuah a secret number zawk ni a ka rin chu ka lût thei ta hlauh mai a. Zan rei tawh lamah ka kûk rûih lo chauh alawm le.
A phone ka en khan a lo hide ve ngei ni tur a ni. Chutia ka luh takah chuan message a lo awm nual a, inhawng sa vek a nih vang chuan ka chhiar zumg zung a, a pawimawh lai ni a ka hriat ka screenshot nghal hmak hmak bawk a, Madini call a lo kal tlat mai ka ti.
"Hello.."
"I mu nghal emawni le i reh zui nghal hmak a, message i en bawk si lova.." nui har har chung chuan a ti lem lo!
"Mu nghal love, hna ka thawk lawk alawm mawle."
"Eng hna maw?"
"Hna tih lemah, hmannia ka thil ziah fel loh ka tifel e ka tia, phone lam pawh ka lo ngaihsak hman lova..."
"A nih chu, tunah i la ti nge i zo tawh?"
"Ka zo chiah, khawl ka off mek e..."
"Ka chang ve thei tawh che tihna a ni maw?"
"Min chang lo ngai em ni?"
"Umh, chang lo zeuh zeuh ṭhin e mawle. Vawiin kha hrehawm i ti em? Hrehawm i tih ka lo hlau deuh a," a ti a.
"Ti hran love, a nuam khawp alawm. I ṭhiante ho pawh an fel khawp kha.."
"Zu kha i inve ta mai emaw ka ti hman a.."
"Nia, min tûm khum vel a."
"Ka tûm kher lo aw."
"Tum deuh bâr hman kha, a hnuah i hre leh a.."
"I sual em mai a, chutiangin ka awm lo hrim hrim. Chawhmeh kha chu a tui lutuk lo tiraw?"
"Nia, beisei ang he hu chu a ni chiah lo!"
Ti ti phungchang sawi chuan reife thleng kan inkawm a, ka rin aiin a sawi tur a hre phian a, inngaihzawnna lam chu kan sawi zui hauh lo thung.
A tûkah chuan Huan lamah bawk ka liam leh a, Pu Kâpa nen chuan Vawk in chu kan han beidun leh a, a sawt pawh kan sawt viau mai. Hna hrâm thawk ṭhang awm lo tak si ka rinaiin a thawk thei daih mai a.
Chumi nî aṭang chuan huan lam pawh vei lutuk ngai lovin a ṭul hunah chuan ka kalsan ve thei tawh ang chu. Pu Kâpa pawh a rintlak turah ka ngai.
Vety lamah vawk note man tur te ka buaipui kual a, chuti maiin an lo pechhuak duh bawk si lo. Vawk note man tur e ti lo chuan 'File a kal phawt a ngai' te an lo ti kawirawi a, keia office chinchang hre ve lo ta chuan Vawk note leh file an han zawmtir chu ka nuih a za deuh tlat pek a, hna min ṭhulhtir nual dawn a nih awm hi maw. https://darxikaziakfung.blogspot.com
Zanah hna pawimawh tak tihtur ka neih vangin chhun lamah chuan ka awm awl hle a, ka ngaihtuahna ka kawm nasa viau thung.
Kha silai kha thingremah khan an rawn phurchhuak leh ngeiin ka ring a, chuti a nih chuan keimah chauh ka ni bawk si, chuta karah bike lehnghal phei chuan lo dangchat thei pawh ni teh reng ila engtinnge ka senghawi chuan ang ni? Midang phungbawm han sawmna chi niin ka hre bawk si lo.
"Taxi no MZ 01 B 54**, zan dar 8:00 ah heta ṭangin kan lo kal tir ang. A hmun ngai Falkland-ah ni se." tih message chu Dar 3:00pm velah ka dawng ta nawlh mai a. Silai an inhlanchhawnna tur chungchang a ni tih ka hre nghal mai. A hnuaiah chuan pakhat hian 'Ok' a rawn ti a. Engmah sawichhunzawm a awm leh tawh lo.
'OK' titu dp te chu ka han enchiang a, Hailu Chakie, CUT President kha lo ni rengin! A va han awlsam leh zel em aw, an chetdan tur heta ṭanga thu an pe zel a nih chuan ka hna a awlsam phah sawt dawn tihna a ni mai a. Huai tak ei!
Khawi lam kawng nge a zawh dawn ka hriat lawk theih tâk silovah chuan kha garage aṭanga Taxi lo chhuak apiang ka umzui chawt mai a niang chu. Mahse, uluk takin kawnglaka din loh tur, passenger lak loh tur tih vel te an hrilh thlap awm sia. Bakah, anmahni mi leh sa ngei chu Taxi pu chu a nih te pawh a rinawm bawk.
Engtinnge chu motor chu kawnglakah ka dintir theih ang tih chu ngaihtuah tur a ni ta. Tihluihna hmanga ka dintir mai a ngai dawn. Engtinnge ka tihluih chuan ang?
Ka remruat dan chu a aia ṭha ka hriat miau si loh vangin ka kal tlangpui mai a ngai. Zanriah ka eikham hnu chuan ka ṭhu muang hman teh meuh mai. Mahse, ka kalna lam tur zawk chuan min tur et et mai a, dar 7:00 pawh ka nghak hman lo. An chetla thlir tur tal a awm lo maw tiin ka hmanraw mamawh ang te keng chuan ka tlanchhuak ta nge nge a.
Lalṭhazuala, Mizo Youth Party President te kawt ka thlen chuan thil danglam hmuh tur a awm lo. Tu emaw lutchhuak hmuh tur an awm hek lo.
A hmaa Bike ka lo dah tawhnaah bawk khan bike ka dah leh a, dar 8:00 rik nan darkar khat zet ala awm. A rei duh dawn kher mai.
Lu hai deuh bûr khawpin zial ka ṭan zawm deuh sek a, thildang tihtur awm nghal hek lo le. A nghaktu tan chuan duhthusam aia rei hret a ni ta.
Dar 7:30 a pel hret tihah chuan Bike hian mi pakhat an garage-ah chuan a tlan lut a, lo chhuak lekin kawngkharpui lam aṭang chuan in chhung lamah a lut zui nghal a, ka ṭhutna aṭang chuan ka tho hluai nain engmah thil thleng hmuh tur a awm zui hauh lo thung.
Chumi hnu minute 10 velah chuan an garage-ah chuan Taxi pakhat tawlhlut hi ka hmu leh a, muangchangin ka kalphei a, Taxi number ka chhinchhiah hnuah chuan ka kalpel ta daih a, a chhunga motor khalhtu chuan min rinhlelh loh tur zawnga ka khawsak a ngai ve miau si a.
Tichuan, a thlang kawngkawi aṭang chuan ka lêt leh nghal a. Taxi chhungah chuan a khalhtupa pawh a lo awm tawh lo.
Ka bike-ah chuan ṭhuin an tlanchhuak tur chu ka nghak ta ran mai a.
Taxi chu a lo tlanchhuak ta ngei a, ka hlauhthawn pakhat chu a thleng lo tih ka hre mai a, midang an chuan ve ka hlau deuh a, a khalhtu chauh a ni hlauh e.
Hla deuh tak aṭang chuan ka zui ve zel a, Treasury square-aṭangin a inher a, Republic veng kawipui lam panin a tlan thla a, ITI veng mawnglam a pan lai chuan a kalna kawng tur a chiang ta viau e.
World Bank road a pawh thlak hmaa ka chet loh chuan kawngpui a thlen hnuah chuan motor veivak a tam dawn si a, duh angin ka chet theih loh ka hlau deuh a ni.
Vengtawp kan thlen chuan ka hnaih thla tial tial a, kawng zimlai, tlanpelh mai theih lohna laiturah chuan ka hnaih zual sauh a, ka thiltum tihlawhtling tur chuan a hnaih thei ang berah ka tlan a, ka hmanraw ken hmanga ka duh ang thlapa ka tih hnuah chuan ngaihṭha takin ka tlan pel ta a.
World bank road-ah chuan ka lo ding a, a ke a puncture chuan a lo tlan thlen thlak zawh ka ring chiah lova, keimah zawk ka let chho leh mai ang chu tiin ka nghak rih deuh a.
Ka rin loh tak maiin a lo tlan thla tlat mai a! Muan erawh a muang khawp mai. Ding lovin a rawn tlan tlang lui nge mawni le.
Kawngpui a lo thlen thlâk chuan kawngsir zau laiah chuan a hung rem a, a motor aṭanga chhukin a motor ke chu a en thuai a, muangchangin ka tlan phei a, a hnung deuhah chuan ka va ding a, a thim deuh vang chuan a number pawh a hmu phak lo turah ka ngai, a lam pan chuan ka phei zui a, ka helmet (fullface)chu ka la khum reng a, a glass chu pawtchhovin, "A ke a puncture elo?" ka ti zui a.
"Nia, khilai chhuka ka tlan lai khan perek ka chil nge mawni ka tia," tiin a mobile chuan a ke chu a han en deuh thuak thuak a. https://darxikaziakfung.blogspot.com
"A laklawh phian bawk sia, worshop hnai vai a awm bawk si lova, a ke spare te i pai em?"
"Pai lo, tihvak ngaihna a awm lo, ka ṭhiante ka phone tawh mai ang, lo kal mai rawh se,"
A ṭhiante a phone hnuah chuan kan ti ti zui mawlh mawlh a, "Enge, helaiah i tih teh daih a?" a ti zui a.
"Ka ṭhiannu ka chhuahpui a, ITI a mi khi nia, ka dah zo chiah a, helam aṭang hian haw a nuam zawk ang ka tia, zial te ka lo zu mai mai rih a nih hi," ka ti et a.
"Khawi vengah nge in awm a?"
"Bawngkawnah, Greenwood bulah sawn,"
"A nih tak chu, helama tlan chu kawng pawh a ṭha zawk daih ang, i lem ve duh em?" a ti zui zat a.
"Aih, kan lo intawh a nichin khan,"
Motor chhunga mi chu a va la chhuak a, motor phenah chuan a thli kar kar a. Chet vat vat ka ngai. Hun remchang erawh ka hmu bawk si lo. Palian vak bik lo anih vang chuan ka hneh ve mai chu ka ring a, a lo chak phian ange mawle.
Taxi chhungah chuan tui laturin a dak lut leh a, chulai chu remchangah hmangin kawngkhar chu ka namchilh ta vak mai a, keilah chuan kawngkhar chu ka bawh a, a steering-ah ka inpawhkhalh tlat mai bawk si.
"Bengchheng i siam chuan a pawi khawp ang. I thil phurh hi eng nge a nih ka hria, I ngam chuan bengchheng rawh, tunge police hmaa insawi fihlim thei zawk kan ti dawn nia," ka tih chuan a hlau ta viau nimaw a ngawi ta kar mai a.
"Min tina suh khawngaih takin, kei chuan eng nge ka phurh pawh ka hre lo. Min tirh naa kal chauh ka ni," a ti lawi rut a.
Thu a awih tak viau hnuah chuan a kut chu hnunglamah chuan ka ṭawn sak a, a ke pawh ka la ṭawnsak cheu a. Taxi chhungah, a hnung seat-ah chuan ka mut tir a, a hnunga thingrem chu ka hnukchhuak a, ka rinai tak chuan a lo rit lo. Ka bike-ah chuan ka ṭawn bet a, a lian ve angreng bawk sia, bihruk pui tur chuan a hautak dawn kher mai.
Chite lui lam pan chuan ka bike chu ka nawr a, ka tihnun chuan ka tlanna lam a hriat ka hlau bawk si. Thui vak lo chu ka nawr ve lauh lauh kha. Tichuan, awih deuh lai ka nawr thlen hnuah chuan ka chuang ngam ve ta chauh a, engine pawh ka la tinung ngam chuang lo. Kawr ruam ka thlen thlak a, taxi dinna aṭanga lang lo lai ka thlen hnuah ka tinung ngam ve chauh a ni. Tichuan, hmanhmawh takin ka tlan chiam a. Chite khawlamah ka tlan lut phei a. Dahna tur remchang ka melh viau nachungin ka hmu lo.
Khawchhung ka tlan lut ta hial a, vanneih thlak takin Taxi pakhat hi ka va umphak hlauh mai a, kawngchhova Bike a thingrem phurh ka huphurh deuh thu hrilhin Dawrpuia min dah sak theih leh theih loh chu ka zawt a, ani pawh chuan a lo rem ti ve mai a.
Tichuan, Taxi hnungah chuan kan dah lut a, ka hmaah tlantirin ka zui chho ta a.
Dawrpui, Millenium center kawt kan thlen chuan a man te pe felin a tlanliam chu ka nghak leh a, taxi dang la lehin kan inlam pan chuan ka kal ngam ve ta chauh a. Ka thawl ta huai e.
Ka chhungte an lo mu tawh bawk nen, ngaihngam takin ka pindan chu ka thlen thei ta.
Ka phone-ah erawh chuan Madini Miscall a lo awm nual a, message nen. Bike ka khalh lai a nih hmel e.
Ka phone let ta thuai a.
Sangpuii te ina a len thu sawiin, 'biak hmasak kher i ngai bik zel a' a tih zauh kha.
"Ka lo phei ang lo la awm rawh," ka ti zui zat a. https://darxikaziakfung.blogspot.com
"Tunah hian maw, a tlai tawh lo mi? Dar 10:a ri dawn tawh," a ti a.
"A ho em mai, mihrang pawh an ni chuang hleinem, min lo nghak rawh." tiin ka phone chu ka hmethlum a, ka bike pawh keng duh lovin ka nau scooty chuan an venglam pan chuan a tlai a tlaiin ka tlan chhuak leh ta vang vang a.
Sangpuii te in ka va thlen chuan a nu chu damdawiin aṭangin a lo chhuak chu niin. Engmah ka lo hre ve pek lo. "I nu ka rawn hrilh kha," a ti mai a, ka nu lah chuan a mangnghilh a ni ngei ang engmah min lo hrilh ve bawk si lo.
An ṭhenawm te inleng an lo la awm nual a, choka lamah chuan kei, Sangpuii leh Madini chu kan ṭhu a, kan ti ti luam a.
"Huanah chuan kal tawh ang u," Madini chuan a lo tichhuak hlawl a.
"Khawi huanah maw?" Sangpuii'n a lo ti thuai a.
"Zothana te huanah hian.. kan picnic dawn alawm,"
"Haha...swimming pool a awm loh chuan a ho awm e, tuichen loh chuan picnic-ah pawh ka inngai lo,"
"Chaw kan ei dawn lawm. Tuichen kher a ngai lo e. Intihharh nan te pawh a ṭha ve a."
"In nupain zu ti ula chuti a nih te chuan.."
"Ti chiah ila i ṭang ngam leh dawn lo em mai a, thleng hmasa saah i ṭang lehin a nia ka rin ni. Mawh Zothan, ti ang u."
"A tih theih reng alawm induh te chuan. Thei awm lai a nia, huana kal hunlai ber chu a ni mai thei,"
"Ti vat ang u. Ka chak tawh a nia," a ti deuh sek sek a.
A la rei lo viau emaw ka tihlaiin dar 11:00 a rithuai mai a, laina te in a nih vang ngawta rei iak han len ngawt chu a ni chiah bik bawk silova, dar 11:30 rik dawnah chuan Madini nen chuan kan inzui chhuak ta a, an ina luh mai tum bik hek lo le an garage kawtah chuan kan ding dun reng a, a tlai tawh ti reng chung siin, "Kal tawh rawh," chu a ti duh bik der si lo.
"Huanah chuan kal vat ila," tiin ka jacket ipte ka zen chu min rawn zenpui ve a, ka kut chu a hmet neuh neuh a. "Naktukah kan pahnihin kal mai ila," ka lo ti a.
"Kan pahnih chauhin maw!?"
"A pawi vak dawn 'mi?"
"Ka hre chuang nang, ka chhuak thei ang em aw naktuk hi. Chawlh pangngai hi chuan kan chawl thei tawh lova, awl deuh chuan mahni thua chawlh inpek a ni mai. Eng emaw palh thut a awm a nih loh chuan ka thei mai ang. Mahse, office-a ka va kal ve phawt loh chuan..."
"Vawk in sa turin hnathawh kawr nen i lo kal ang a..."
"Yes, kan vawk in tur maw!?" A nui deuh hmân hmân a.
"Huan enkawltu tur ka nei tawh a, hmanni khan vawk in ka sakpui a, a thawhchin te pawh hmuhpui ka duh deuh a, vawk note pawh a lak theih dawn tawh ang."
"A va ṭha ve, i hahdam deuh thei tawh ang chu."
"Nia, thei ve mahna le."
Nghet tak maia min kuahin min fawh dâk a tum ta mai emaw tih tur khawp chuan a âm thiam vei reuh a. Min thlah mai lo chuan min la han kuah leh rih a.
"Kal tawh mai la, mahse, thlen hunah in report tur aw, ngawi reng tawh lovin..."
"Ka ngai che e.." tiin ka biangah a'n piai zui hramah!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
[TUH RAH]
[ *P.C Malsawmzuala* ]
Ṭhen 8-na
Zanriah kan eikhama kan haw dawnah meuh chuan atira kal châk vak lo e ti lo chuan ka kal chu ka inchhir lo kher mai. Ka inchhir lo a ni satliah lo, ka lungawi hliah hliah mai a ni.
Madini bula hun ka hman vang chu ni bawk mahse kha pa, Duhsanga vang khan ka lungawina chu a thuah hnih viau a ni. A chhan pawh an zu inna pindanah khan zai ngaithlain an ri le lu mai a. Chutah chuan Duhsanga phone aṭangin Woofer an zawm a lo ni a, ani rui lah chu a mu ngût mai bawk si nen, 'ka duh ka hmu e' tiin ka ṭhutchilh thuai a, a phone lah chu a lo la in lock hman lo hlauh leh ta nghal a, zahzelah hla te chu ka han thlak kual vel a.
Midangin min ngaihsak tehchiam lova ka hriat lai chuan a whats app code leh pawimawh tura ka hriat chu ka phone-in thla ka lo laksak hmiah hmiah a, ka rin ang ngeiin what app pahnih a lo hmang ṭat a, pakhatah chuan eng message mah a awm lo. Ka rindan a kaldik chho viau mai.
'Engtin nge ni ang' tia ngaihtuahnain ar bo a zawn mek laia hetianga hnunglama sabarh ang maia awlsama ka veh buai hrep tur ka han tawng mai chu Hnapkhawn pachang hmu ang maia khi reng mai tur ka niin ka hre hial mai.
Haw har vak a duh loh vangin Madini nen chuan midang haw hma deuh chuan kan chhuak a, Scooty a keng duh lo chu ka ngei rilru deuh viau. A chhan chu ka hmaa tihtur min hmuaktu hi ka buaipui chak et et tawh, Scooty keng sela chuan 'mangṭha aw' ka ti nghal duh hial mai thei a ni. Mahse, kan in a rawn thleng anga, chutah thlah a la phut emaw a ni ang! Ka duh aiin a thluak a ṭha mah mah emawni le!
In kan thlen chuan ka nu chu a lo awm lova, ka nau nen chuan an han inchibai lawp lawp a, ka patea te in velah an inhmuhfo vangin an lo inhre deuh sa thova, Madini pawh a kimki ta lutuk lo deuh. https://darxikaziakfung.blogspot.com
Ka rin aitak chuan sawitur an hredun a, kan kal lehnghal mai dawn emaw ti a ka ding uai tawh chu ka ṭhu khawmuang leh rih a, tum loh deuha thingpui te kan la in leh rih chu.
"Thlah kher i ngai em?" ka tih chuan min melh phâwk kher mai. Lawm vak lo tih hriat reng chuan a Scooty hunna lam pan chuan a kal phei ngât ngât a. Zawhna ṭul lo tak ka zawt leh pek a ni maw.
A Scooty a hrukfai mawlh mawlh lai chuan a bulah chuan ka va ding a, "I lo kal peih loh chuan ka tilui lo che 'nia," mi pawh en lem lo chuan a ti nghat a. Chhândan tur pawh ka hre lo. Ka kal malêk dawn emawni zâwk chu le.
Rei rial lovin kan tlanchhuak dun ta thova.
An motor dahnaa a tlanluh chuan keiin kawtah ka lo nghak thung a, "A chhungah hian lo dah rawh," a tih vangin ka tlanlut ṭha ve leh a, ka indahfel hma hma chuan min rawn pan a, a lungawi lo tihreh a tum tehreng emawni dim fahran lo hian min kuah a, min fawp chiam a, min thlah fel chu ka nuichhuak ringawt a.
"Nuih pawh nui suh suala..." a la ti hram a!
A nuin TV a lo en a, min han inhmelhriat tir a, "I pate chu ka hre lutuk alawm, kan thawkho ṭhin a..." a tih chuan min ti tlangnel deuh sawt. Ka rinai takin a ṭawng duh bawk sia, Madini nen pawh kan inkawm vak hman lo zawk hial a ni ber mai.
A bul aṭang bawkin huanpu ka nih dan zawng zawng ka sawi leh tâk kelh kha.
Thingpui min pek pah chuan ka bulah a ṭhu nghal a, a nu erawh chu ṭhutthlenga mu chungin TV lam chu a la en reng a, a ti ti pah reng bawk a, a ninawm lamah a kal ṭep zawk a ni.
A nu ludahna lam, a hmuh theih loh laia ṭhu kan ni bawk a kan inṭhuthnaih kher mai.
Ka kâwng lamah a kut chu a lo rawlh lut a, ka t-shirt hâk karah chuan a kut a dah lut kher bawk nen na hauh si lo chuan min kamki tlat hian ka hria, min thunun deuh emawni zawk ni.
A nu a titi mawlh mawlh lai chuan keini uluk fe hian kan lo infawp thung a! A nu rawn ṭhuchhuak tur chu chetran a ngai teh asin.
Rei tak pawh ka lêng ta bik lova, a pa committee bâng a lo luh hnu rei vak lovah, thingpui te kan in leh hnuah chuan anni'n mut pindan lam an pana lungphu rang zaih zaih khawpa kan inkuah ngial hnuah chuan kan hawsan thei ta hram a.
In ka thleng chiah chu engdangmah tilovin Computer ka on nghal thuai a, Duhsanga whats app code thla ka lâkho chu ka scan nghal zung zung a, ka phone-in Application install kawpna a support ve si loh vangin playstore a mi te ka'n download chawp leh nawk nawk a, Duhsanga number hmang chuan engtin tin emawni ka tih kawi neuh neuh hnuah a secret number zawk ni a ka rin chu ka lût thei ta hlauh mai a. Zan rei tawh lamah ka kûk rûih lo chauh alawm le.
A phone ka en khan a lo hide ve ngei ni tur a ni. Chutia ka luh takah chuan message a lo awm nual a, inhawng sa vek a nih vang chuan ka chhiar zumg zung a, a pawimawh lai ni a ka hriat ka screenshot nghal hmak hmak bawk a, Madini call a lo kal tlat mai ka ti.
"Hello.."
"I mu nghal emawni le i reh zui nghal hmak a, message i en bawk si lova.." nui har har chung chuan a ti lem lo!
"Mu nghal love, hna ka thawk lawk alawm mawle."
"Eng hna maw?"
"Hna tih lemah, hmannia ka thil ziah fel loh ka tifel e ka tia, phone lam pawh ka lo ngaihsak hman lova..."
"A nih chu, tunah i la ti nge i zo tawh?"
"Ka zo chiah, khawl ka off mek e..."
"Ka chang ve thei tawh che tihna a ni maw?"
"Min chang lo ngai em ni?"
"Umh, chang lo zeuh zeuh ṭhin e mawle. Vawiin kha hrehawm i ti em? Hrehawm i tih ka lo hlau deuh a," a ti a.
"Ti hran love, a nuam khawp alawm. I ṭhiante ho pawh an fel khawp kha.."
"Zu kha i inve ta mai emaw ka ti hman a.."
"Nia, min tûm khum vel a."
"Ka tûm kher lo aw."
"Tum deuh bâr hman kha, a hnuah i hre leh a.."
"I sual em mai a, chutiangin ka awm lo hrim hrim. Chawhmeh kha chu a tui lutuk lo tiraw?"
"Nia, beisei ang he hu chu a ni chiah lo!"
Ti ti phungchang sawi chuan reife thleng kan inkawm a, ka rin aiin a sawi tur a hre phian a, inngaihzawnna lam chu kan sawi zui hauh lo thung.
A tûkah chuan Huan lamah bawk ka liam leh a, Pu Kâpa nen chuan Vawk in chu kan han beidun leh a, a sawt pawh kan sawt viau mai. Hna hrâm thawk ṭhang awm lo tak si ka rinaiin a thawk thei daih mai a.
Chumi nî aṭang chuan huan lam pawh vei lutuk ngai lovin a ṭul hunah chuan ka kalsan ve thei tawh ang chu. Pu Kâpa pawh a rintlak turah ka ngai.
Vety lamah vawk note man tur te ka buaipui kual a, chuti maiin an lo pechhuak duh bawk si lo. Vawk note man tur e ti lo chuan 'File a kal phawt a ngai' te an lo ti kawirawi a, keia office chinchang hre ve lo ta chuan Vawk note leh file an han zawmtir chu ka nuih a za deuh tlat pek a, hna min ṭhulhtir nual dawn a nih awm hi maw. https://darxikaziakfung.blogspot.com
Zanah hna pawimawh tak tihtur ka neih vangin chhun lamah chuan ka awm awl hle a, ka ngaihtuahna ka kawm nasa viau thung.
Kha silai kha thingremah khan an rawn phurchhuak leh ngeiin ka ring a, chuti a nih chuan keimah chauh ka ni bawk si, chuta karah bike lehnghal phei chuan lo dangchat thei pawh ni teh reng ila engtinnge ka senghawi chuan ang ni? Midang phungbawm han sawmna chi niin ka hre bawk si lo.
"Taxi no MZ 01 B 54**, zan dar 8:00 ah heta ṭangin kan lo kal tir ang. A hmun ngai Falkland-ah ni se." tih message chu Dar 3:00pm velah ka dawng ta nawlh mai a. Silai an inhlanchhawnna tur chungchang a ni tih ka hre nghal mai. A hnuaiah chuan pakhat hian 'Ok' a rawn ti a. Engmah sawichhunzawm a awm leh tawh lo.
'OK' titu dp te chu ka han enchiang a, Hailu Chakie, CUT President kha lo ni rengin! A va han awlsam leh zel em aw, an chetdan tur heta ṭanga thu an pe zel a nih chuan ka hna a awlsam phah sawt dawn tihna a ni mai a. Huai tak ei!
Khawi lam kawng nge a zawh dawn ka hriat lawk theih tâk silovah chuan kha garage aṭanga Taxi lo chhuak apiang ka umzui chawt mai a niang chu. Mahse, uluk takin kawnglaka din loh tur, passenger lak loh tur tih vel te an hrilh thlap awm sia. Bakah, anmahni mi leh sa ngei chu Taxi pu chu a nih te pawh a rinawm bawk.
Engtinnge chu motor chu kawnglakah ka dintir theih ang tih chu ngaihtuah tur a ni ta. Tihluihna hmanga ka dintir mai a ngai dawn. Engtinnge ka tihluih chuan ang?
Ka remruat dan chu a aia ṭha ka hriat miau si loh vangin ka kal tlangpui mai a ngai. Zanriah ka eikham hnu chuan ka ṭhu muang hman teh meuh mai. Mahse, ka kalna lam tur zawk chuan min tur et et mai a, dar 7:00 pawh ka nghak hman lo. An chetla thlir tur tal a awm lo maw tiin ka hmanraw mamawh ang te keng chuan ka tlanchhuak ta nge nge a.
Lalṭhazuala, Mizo Youth Party President te kawt ka thlen chuan thil danglam hmuh tur a awm lo. Tu emaw lutchhuak hmuh tur an awm hek lo.
A hmaa Bike ka lo dah tawhnaah bawk khan bike ka dah leh a, dar 8:00 rik nan darkar khat zet ala awm. A rei duh dawn kher mai.
Lu hai deuh bûr khawpin zial ka ṭan zawm deuh sek a, thildang tihtur awm nghal hek lo le. A nghaktu tan chuan duhthusam aia rei hret a ni ta.
Dar 7:30 a pel hret tihah chuan Bike hian mi pakhat an garage-ah chuan a tlan lut a, lo chhuak lekin kawngkharpui lam aṭang chuan in chhung lamah a lut zui nghal a, ka ṭhutna aṭang chuan ka tho hluai nain engmah thil thleng hmuh tur a awm zui hauh lo thung.
Chumi hnu minute 10 velah chuan an garage-ah chuan Taxi pakhat tawlhlut hi ka hmu leh a, muangchangin ka kalphei a, Taxi number ka chhinchhiah hnuah chuan ka kalpel ta daih a, a chhunga motor khalhtu chuan min rinhlelh loh tur zawnga ka khawsak a ngai ve miau si a.
Tichuan, a thlang kawngkawi aṭang chuan ka lêt leh nghal a. Taxi chhungah chuan a khalhtupa pawh a lo awm tawh lo.
Ka bike-ah chuan ṭhuin an tlanchhuak tur chu ka nghak ta ran mai a.
Taxi chu a lo tlanchhuak ta ngei a, ka hlauhthawn pakhat chu a thleng lo tih ka hre mai a, midang an chuan ve ka hlau deuh a, a khalhtu chauh a ni hlauh e.
Hla deuh tak aṭang chuan ka zui ve zel a, Treasury square-aṭangin a inher a, Republic veng kawipui lam panin a tlan thla a, ITI veng mawnglam a pan lai chuan a kalna kawng tur a chiang ta viau e.
World Bank road a pawh thlak hmaa ka chet loh chuan kawngpui a thlen hnuah chuan motor veivak a tam dawn si a, duh angin ka chet theih loh ka hlau deuh a ni.
Vengtawp kan thlen chuan ka hnaih thla tial tial a, kawng zimlai, tlanpelh mai theih lohna laiturah chuan ka hnaih zual sauh a, ka thiltum tihlawhtling tur chuan a hnaih thei ang berah ka tlan a, ka hmanraw ken hmanga ka duh ang thlapa ka tih hnuah chuan ngaihṭha takin ka tlan pel ta a.
World bank road-ah chuan ka lo ding a, a ke a puncture chuan a lo tlan thlen thlak zawh ka ring chiah lova, keimah zawk ka let chho leh mai ang chu tiin ka nghak rih deuh a.
Ka rin loh tak maiin a lo tlan thla tlat mai a! Muan erawh a muang khawp mai. Ding lovin a rawn tlan tlang lui nge mawni le.
Kawngpui a lo thlen thlâk chuan kawngsir zau laiah chuan a hung rem a, a motor aṭanga chhukin a motor ke chu a en thuai a, muangchangin ka tlan phei a, a hnung deuhah chuan ka va ding a, a thim deuh vang chuan a number pawh a hmu phak lo turah ka ngai, a lam pan chuan ka phei zui a, ka helmet (fullface)chu ka la khum reng a, a glass chu pawtchhovin, "A ke a puncture elo?" ka ti zui a.
"Nia, khilai chhuka ka tlan lai khan perek ka chil nge mawni ka tia," tiin a mobile chuan a ke chu a han en deuh thuak thuak a. https://darxikaziakfung.blogspot.com
"A laklawh phian bawk sia, worshop hnai vai a awm bawk si lova, a ke spare te i pai em?"
"Pai lo, tihvak ngaihna a awm lo, ka ṭhiante ka phone tawh mai ang, lo kal mai rawh se,"
A ṭhiante a phone hnuah chuan kan ti ti zui mawlh mawlh a, "Enge, helaiah i tih teh daih a?" a ti zui a.
"Ka ṭhiannu ka chhuahpui a, ITI a mi khi nia, ka dah zo chiah a, helam aṭang hian haw a nuam zawk ang ka tia, zial te ka lo zu mai mai rih a nih hi," ka ti et a.
"Khawi vengah nge in awm a?"
"Bawngkawnah, Greenwood bulah sawn,"
"A nih tak chu, helama tlan chu kawng pawh a ṭha zawk daih ang, i lem ve duh em?" a ti zui zat a.
"Aih, kan lo intawh a nichin khan,"
Motor chhunga mi chu a va la chhuak a, motor phenah chuan a thli kar kar a. Chet vat vat ka ngai. Hun remchang erawh ka hmu bawk si lo. Palian vak bik lo anih vang chuan ka hneh ve mai chu ka ring a, a lo chak phian ange mawle.
Taxi chhungah chuan tui laturin a dak lut leh a, chulai chu remchangah hmangin kawngkhar chu ka namchilh ta vak mai a, keilah chuan kawngkhar chu ka bawh a, a steering-ah ka inpawhkhalh tlat mai bawk si.
"Bengchheng i siam chuan a pawi khawp ang. I thil phurh hi eng nge a nih ka hria, I ngam chuan bengchheng rawh, tunge police hmaa insawi fihlim thei zawk kan ti dawn nia," ka tih chuan a hlau ta viau nimaw a ngawi ta kar mai a.
"Min tina suh khawngaih takin, kei chuan eng nge ka phurh pawh ka hre lo. Min tirh naa kal chauh ka ni," a ti lawi rut a.
Thu a awih tak viau hnuah chuan a kut chu hnunglamah chuan ka ṭawn sak a, a ke pawh ka la ṭawnsak cheu a. Taxi chhungah, a hnung seat-ah chuan ka mut tir a, a hnunga thingrem chu ka hnukchhuak a, ka rinai tak chuan a lo rit lo. Ka bike-ah chuan ka ṭawn bet a, a lian ve angreng bawk sia, bihruk pui tur chuan a hautak dawn kher mai.
Chite lui lam pan chuan ka bike chu ka nawr a, ka tihnun chuan ka tlanna lam a hriat ka hlau bawk si. Thui vak lo chu ka nawr ve lauh lauh kha. Tichuan, awih deuh lai ka nawr thlen hnuah chuan ka chuang ngam ve ta chauh a, engine pawh ka la tinung ngam chuang lo. Kawr ruam ka thlen thlak a, taxi dinna aṭanga lang lo lai ka thlen hnuah ka tinung ngam ve chauh a ni. Tichuan, hmanhmawh takin ka tlan chiam a. Chite khawlamah ka tlan lut phei a. Dahna tur remchang ka melh viau nachungin ka hmu lo.
Khawchhung ka tlan lut ta hial a, vanneih thlak takin Taxi pakhat hi ka va umphak hlauh mai a, kawngchhova Bike a thingrem phurh ka huphurh deuh thu hrilhin Dawrpuia min dah sak theih leh theih loh chu ka zawt a, ani pawh chuan a lo rem ti ve mai a.
Tichuan, Taxi hnungah chuan kan dah lut a, ka hmaah tlantirin ka zui chho ta a.
Dawrpui, Millenium center kawt kan thlen chuan a man te pe felin a tlanliam chu ka nghak leh a, taxi dang la lehin kan inlam pan chuan ka kal ngam ve ta chauh a. Ka thawl ta huai e.
Ka chhungte an lo mu tawh bawk nen, ngaihngam takin ka pindan chu ka thlen thei ta.
Ka phone-ah erawh chuan Madini Miscall a lo awm nual a, message nen. Bike ka khalh lai a nih hmel e.
Ka phone let ta thuai a.
Sangpuii te ina a len thu sawiin, 'biak hmasak kher i ngai bik zel a' a tih zauh kha.
"Ka lo phei ang lo la awm rawh," ka ti zui zat a. https://darxikaziakfung.blogspot.com
"Tunah hian maw, a tlai tawh lo mi? Dar 10:a ri dawn tawh," a ti a.
"A ho em mai, mihrang pawh an ni chuang hleinem, min lo nghak rawh." tiin ka phone chu ka hmethlum a, ka bike pawh keng duh lovin ka nau scooty chuan an venglam pan chuan a tlai a tlaiin ka tlan chhuak leh ta vang vang a.
Sangpuii te in ka va thlen chuan a nu chu damdawiin aṭangin a lo chhuak chu niin. Engmah ka lo hre ve pek lo. "I nu ka rawn hrilh kha," a ti mai a, ka nu lah chuan a mangnghilh a ni ngei ang engmah min lo hrilh ve bawk si lo.
An ṭhenawm te inleng an lo la awm nual a, choka lamah chuan kei, Sangpuii leh Madini chu kan ṭhu a, kan ti ti luam a.
"Huanah chuan kal tawh ang u," Madini chuan a lo tichhuak hlawl a.
"Khawi huanah maw?" Sangpuii'n a lo ti thuai a.
"Zothana te huanah hian.. kan picnic dawn alawm,"
"Haha...swimming pool a awm loh chuan a ho awm e, tuichen loh chuan picnic-ah pawh ka inngai lo,"
"Chaw kan ei dawn lawm. Tuichen kher a ngai lo e. Intihharh nan te pawh a ṭha ve a."
"In nupain zu ti ula chuti a nih te chuan.."
"Ti chiah ila i ṭang ngam leh dawn lo em mai a, thleng hmasa saah i ṭang lehin a nia ka rin ni. Mawh Zothan, ti ang u."
"A tih theih reng alawm induh te chuan. Thei awm lai a nia, huana kal hunlai ber chu a ni mai thei,"
"Ti vat ang u. Ka chak tawh a nia," a ti deuh sek sek a.
A la rei lo viau emaw ka tihlaiin dar 11:00 a rithuai mai a, laina te in a nih vang ngawta rei iak han len ngawt chu a ni chiah bik bawk silova, dar 11:30 rik dawnah chuan Madini nen chuan kan inzui chhuak ta a, an ina luh mai tum bik hek lo le an garage kawtah chuan kan ding dun reng a, a tlai tawh ti reng chung siin, "Kal tawh rawh," chu a ti duh bik der si lo.
"Huanah chuan kal vat ila," tiin ka jacket ipte ka zen chu min rawn zenpui ve a, ka kut chu a hmet neuh neuh a. "Naktukah kan pahnihin kal mai ila," ka lo ti a.
"Kan pahnih chauhin maw!?"
"A pawi vak dawn 'mi?"
"Ka hre chuang nang, ka chhuak thei ang em aw naktuk hi. Chawlh pangngai hi chuan kan chawl thei tawh lova, awl deuh chuan mahni thua chawlh inpek a ni mai. Eng emaw palh thut a awm a nih loh chuan ka thei mai ang. Mahse, office-a ka va kal ve phawt loh chuan..."
"Vawk in sa turin hnathawh kawr nen i lo kal ang a..."
"Yes, kan vawk in tur maw!?" A nui deuh hmân hmân a.
"Huan enkawltu tur ka nei tawh a, hmanni khan vawk in ka sakpui a, a thawhchin te pawh hmuhpui ka duh deuh a, vawk note pawh a lak theih dawn tawh ang."
"A va ṭha ve, i hahdam deuh thei tawh ang chu."
"Nia, thei ve mahna le."
Nghet tak maia min kuahin min fawh dâk a tum ta mai emaw tih tur khawp chuan a âm thiam vei reuh a. Min thlah mai lo chuan min la han kuah leh rih a.
"Kal tawh mai la, mahse, thlen hunah in report tur aw, ngawi reng tawh lovin..."
"Ka ngai che e.." tiin ka biangah a'n piai zui hramah!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
Comments
Post a Comment