TUH RAH - VII
___________ __________
[TUH RAH]
[ *P.C Malsawmzuala* ]
Ṭhen 7-na
Zanah chuan Madini message ka ngaichang reng a, ka ngaichang a ni tih a hre lo a ni ngei ang a reh hlauh thung.
Hma takah muin a tuk lama ka hmachhawp te chu ka suangtuah zui neuh neuh a, ka thiltih lai hi a ṭul ber em, eng nge hlawkna tur tehchiam awm le? ti tein ka ngaihtuah rauh rauh a.
A tukzinga ka thawh chuan a hma ni-a kan lo inbiak lawk ang ngeiin Pu Kâpa chu choka lamah chuan a lo ṭhu vûng tawh a, a ṭhutna sirah chuan Air Bag tharna rei tawh tih hriatreng hi awp deuh rup hian a inhung a, a chhungah silhfen emaw, bungrua emaw tam tak a awm lovang tih a hriat reng mai. Amah han en mai pawh chuan bungraw putkual lûk lûk tham a neih a rinawm lem loh hrim hrim bawk a.
Kan inbiak luam hnuah chuan inphihfai turin bual in lamah ka luhsan a, ka nu te nen chu eng eng emaw sawiin an ti ti zui luam a.
Tukṭhuan kan ei fel a, ka insiam peih hnuah chuan Pu Kapa nen chuan kan huan lam pan chuan kan inphur chhuak dun ta a, ka rinaiin a lo ṭawng duh hrep a, kawngtluan mai chuan a ti ti a, a khawharthlak loh viau a ni.
Thlam kan han thleng a, bungbel vel awmsa vek a nih vang chuan mutbu tlem kan phur tel a ni mai a, kan samkhai phian a, Pu Kâpa chuan Thlâm chu a han belchiang deuh vut vut a, engmah phei chu a sawi lem hlei lova.
A mutbu tur vel a phochhuah lai chuan ka rite chungchang chu ka lo hrilh mawlh mawlh a, ani pawh chuan, "Ṭhenawm tur ka neih chuan a tihzia a nih chu," a lo ti ve mai a.
Ruahmanna ka neih leh ka lo siam ang chu sawiin kan thlir kual thuak thuak a, ani'n a khawih ber tur chu vawk vulh a ni deuh ber ang chu. Thildang chu han khawih tur vak a nei lo. Vawk in sak chu kan bulṭanna tur a nih thu chu ka hrilh hmasa ber lo thei lova. Thlâm hnuaiah chuan hmanrua ka chhekkhawl vek tawh vangin eng emaw chen chu amah pawhin a lo ti thei ang chu.
Muangchangin vawk in sakna tur hmun chu kan teh dun a, a ban phunna tur vel kan khen fel hnuah chuan ban pahnih vel chu kan han phun chhin a, a in chu inzawm zela sak tura ka ruahman vangin duhthusam taka kan sak zawh meuh chuan kum a vei hman hialin ka ring.
Chawhnu lama ka tih turin min kap reng avang chuan chuan kan insilfai a, Pu Kapa nen chuan kan inphur haw leh ta a, buhfai leh chawhmeh vel te leiin Taxi-in a kir leh mai a ni ang chu.
Buhfai leh chawhmeh tur eng ilo kan leifel hnuah chuan ka kalsan ta a, inthlak ka tum zet nain ka nan leh loh palh ka hlauh vang chuan inlam pawh tlawh lovin Mizo Youth Party office lam chu ka pan zui ta nghal a.
An lo phusa ve lai lai alawm. Tute emaw party office ang lo takin tianghawl hmuh tur an awm lova, a lutchhuak te reng reng pawh an ṭhalai ṭheh ṭhawh hlawm khawp mai. Office chhung ka luh erawh chuan IAS pachal, pension tawh pakhat hi a lo ṭhu khur thung a, Adviser atan an hmang nge maw ni dawn le.
Tumah chuan min lo ûksâk lem hlei lova. Hmelhriat han hmuh mai lah ka nei bawk si lo. Ka arkhual hawi ve vel mai mai a ni ber e.
Banga lian ang reng taka an hruaitute thlalak an tar aṭang chuan hmannia inhmukhawm zinga tel kha an awm der lo nia mawle. Kei hi ka veh sual ta duai em ni le? https://darxikaziakfung.blogspot.com
Chutia ka lo kût chi lo hawi vel mai mai lai chuan ka dârah hian mi pakhat hian a lo beng thut mai a, ka phu nasa kher mai. Amah lah chu a nui zui tak kiah kiah a.
College kan kalpui ṭhin Sangpuia lek chu lo niin!
"Eng nge hetah te i lo lan ve teh nawlh a?" a ti zui zat a.
"A, ka lo teilut ve mai mai a ni. Heti lamah te i lo inhmang ve viau a ni maw?"
"Nia, hei kan ti ve ta chiam a nih hi. A hnukhnaihna lai kan hria alawm," tiin a nui zui hak a.
"A tu amah pawh hi hriat alawi ka nei lo. Lo awm hlauh lo la chuan ka mitdel ṭhut ve ngawt ngawt dawn a nih hmel viau a ni. Eng angin nge i awm hrim hrim a?"
"Executive Committee kan la ni phak ve chauh alawm keini te chu. Lo inhmang ve teh u nangni hi, in thawhhlawk awm teh lul nen hian in awm mawp ringawt mai a.."
"Kan han zirchiang che u anga lungawithlak kan ti ta viau a nih leh kan la inbarhlut ve ang chu. Kan rama party kan kalpui ṭhin dan hi ka tei theih loh zawng tak mai a nia, bung thar in kai thei a nih te chuan kan tlanchhe bik lo turah ngai rawh,"
"Awmhmun aṭanga thlira ngaihdan siam lovin han luhchilh ve la a awmzia chu i man chhuak mai dawn alawm."
"Ti daih ila, khi in thlalak tarah khian hruaitu in va ngah hmel del dul ve, President a awm a, Vice President pahnih, Working President tih te.. OB ringawt pawh khawte run tham zet an awm alawm. Engati teh ṭeuh nge ni?" ka zawtlui chu ni tho mahse ka hrethiam lo tak tak a. Hruaitu an ngah lutuk em kher a.
"A, khing te chu chanvo insem tlanna mai mai alawm. Midang te tihphurna atan te hetianga chanvo han insem kual te hi a pawimawh ve a," a ti ṭha ve mai a.
"Chanvo vanga an rawn inhmang ṭha duh a nih chuan chanvo an neih loh hun hun chu an kiansan leh mai dawn che u tihna a niang maw! Emaw kan inti tlat mai ṭhin hi a buaithlak anih hi a..."
"Khi te chu a lawk zual chauh alawm, Sub-committee hrang hrang pawh kan ngah teh asin, ka hre seng lo zawk hial ang!" Amah lah chu a nui hau mai lehnghal a.
"Tunge in President ber hi ka chiang tlat lova, a hming hi ka hre em em ringawt a?"
"Lalṭhazuala, saw BKT Bussiness neitupa saw mawle. MZP-ah te pawh khan a inhmang ve ṭhin alawm. Hmu la chu i hre mai ang. A inrawlh chikim ve ṭhin em kha mawle,"
Chutihlai chuan mi pahnih hi an lo lut a, pakhat zawk chu khulai thlama tel ve kha a ni ngat mai. Ka hai lo chiang ang chu.
"Tuna lo lut mek chakai khawrh kawr ha saw tunge ni a hming khah? Ka'n theihnghilh ngawt chu a.." tiin ka zawt zui daih a. "Rinpuia a nih saw, i hre ṭhin em ni?"
"Hre ṭhin e, a naute nen kan inkawm ṭhin alawm. A number i nei nghe nghe lo maw, a nau pawh hi ka hmu ngai ta lo," ka tih lai chuan lo lutthar te chu inchunglam panin an chho nghal daih a. Sangpuia chuan a phone chu a tuai zauh zauh a, "Kha lo save la Rinpuia number chu.."
"Eng angin nge in party-ah hian a awm ve a, engmah ngaihtuah lo hmel a put nen ava inlâk pawimawh hmel vut vut ve.."
"Nihna pawh a nei hran lo. Kan President chekawi te zinga mi a nih kha, amah hi a inti thû thiam a..." a tih chuan ka lo nui ringawt a. https://darxikaziakfung.blogspot.com
"Kal mai ka duh deuh, ka lo lenglut zeuh zeuh ang, khawi i number min lo pe teh.." tiin a number pawh chu ka dilzui nghal zat a. An Party office chu ka chhuahsan ta a. Hmasawnna kawngkhat chu ka nei ve ta reng reng e.
Inah hawin muangchangin ka inbual fai sar sar a, ka inbual zawhah chuan computer-a zai ngaithlain ka mu dar dar a. Rinpuia number chu messenger hmangin a facebook account zawnna atan ka hmang zui a, a lo nei ve thlap alawm. A profile chu ka check thuak thuak a, han enzui chiam tur a awm hran lo. An party lamah chuan a active ve viau a ni ang a thil post pawh party lam nena in kungkaih deuh vek a ni.
Chutia mu chunga ka lo buai ve em em lai chuan Madini phone call ka dawng hlawl mai a, a dah leh daih ang tih hlauh vang ni maw ka chhang reng kher asin.
"I buai em?" a ti nghal ringawt a.
"Buai uchuak love,"
"Huanah ila awm em ni?"
"Aih, ka haw tawh."
"A ṭhat hlauh chu."
"Eng ngati maw?"
"Ah, eng lo a nia... Chaw eikhawm ang an tia."
"Tu ten maw?"
"Kan ṭhian ten..."
"Chuan..? Eng nge?"
"Ti khan ti vak vak lo la...a nuam lo nia," a'n ti leh rih a.
"Inṭhianho chaweikhawmnaah chuan tih tur ka neih hmel loh em a ka ti mawle,"
"Ni lo, tel ve turin an duh che..."
"I ṭhian ten min hre si lova engtin nge tel tura min duh theih ngawt ang?"
"An hria che alawm,"
"Ka va awih lo e aw.."
"A ni tak tak, i thlalak pawh an hmu tawh."
"Ehe, a va mak awm ve."
"Chuan, umh...ka lo nghak thei che ang em?"
"Kal turin ka rilru ka lo la siam miah lova..."
"Siam hram la...umh."
"Ka kal ve a ṭulna tur a awm hmel loh em a, nangni ṭhianho karah chuan," ka la ti hram a.
"A ṭul alawm, a ṭul tak tak..."
"A ṭulchhan i sawi bawk si lova."
"Nakinah ka hrilh mai che anga, kan kal hunah.."
"Ka kal ve ṭul i tih leh min lo sawm mai rawh inah ka awm," ka la ti fan a. Ka nuih a za deuh viau nachungin ka'n tilui ve deuh bawk a.
"In in awmna ka hre miah lo.." a ti hul hak a.
"Mizo ṭawng vek kan vengah pawh kan hmang tho a, a hriat theih mai ang chu tum chuan.."
"I va'n chimawm tak, ka hmuh hun che chu i rethei viau ang. Lo insiam rawh aw," a ti zui a.
Ka thawmhnaw hak tur ka thlan mawlh mawlh lai chuan ka nu eirawngbawl tur a lo haw a, chaw eichhuah ka tum thu ka sawi chuan a ngaihna a hriat hmel loh kher mai. Chaweikhawm tih vel ka peih ngai loh zia a hre chiang ve bawk sia.
"A nih leh chutia i chhuah dawn chuan arsa hi i chan lawk dawn em ni? Chan sa lohin ka lo lei ringawt a, i Nu Hmingi a lo awm bawk si lova," a ti a.
Insiam ka tum uk tawh pawh chu ṭhulh lehin sasahchem nen chuan choka lamah chuan ka inhum sek leh rih a, "I va lei tam em em ve," ka tih chuan, "Siam zawh nghal vek tur a ni chuang hleinem, tikhan fridge-ah a dahṭhat theih thova," a ti awlsam et a.
Ka sachan zo ka kut ka sil mek lai chuan kan doorbell chu a lo ri ral ral a, ka nu chuan a lo chhawn thuai a, Madini a nih tho ka rin vang chuan kawngka lam chu ka lo hawi lawk nghal ngawt a, ka nu pawh chuan a lo lut lai chu a melh ve reng thovin ka hria.
"Lo leng rawh, eng nge ni i duh?" a tih chuan chhan mai ngaihna pawh a hre lo. A sen deuh ṭan ṭanin ka hria, "Ka ṭhiannu Madini a nih kha, min rawn sawm," ka lo ti thuai a.
"E, Madini maw i hming? I va fel ve a, kan Zothana ve hi zawng rual hi a pawl lo leh lutuk a, nichina chaw ka eichhuak dawn a tih pawh ka lo awihsak duh lova. Chaweikhawm te hi phur rual lek si hi ka peih lo hi a ti tlat a, lo hruai harh deuh rawh u," a tih tak bawrh bawrhah chuan Madini pawh a thla a ngam ta deuh niin ka hria.
Ka insilfai hnu-ah chuan ṭhutkhawmna pindan lamah chuan ka pheipui a, ka nu bula awm aingawt chuan a nawm a ring deuh nge ni min zui rang em a.
"Ka rei lovang, inthlak zawk a ni mai. I lo lut ve dawn nge, tikhan min lo nghak dawn?" ka pindana luh chu a chak tih ka hre mai a, mahse, choka lam chu venthawn nei tih hriat takin a mitmei zauh a. https://darxikaziakfung.blogspot.com
"Lo lut la, a hre kher nang," ka tih chuan ka pindanah chuan mi nam lut chat chat a. Nula pangngai ve tak chu a'n zakzum thar ve leh a ni awm a, nuih te pawh a za lek lek alawm mawle.
Ka thawmhnaw bawm chu ka hawng a, hâk tur chu ka thlêk kual deuh sek a, incheidan tur pawh ka hrethiam meuh lo. Eng ang mi nge kan eipui tur te ka hre ve bawk si lo.
Ani rawn incheidan lah chu boot leh jeans, t-shirt chungah coat dum a mawng khuh phah deuh toh hi a ha a, chumi mil chuan inchei turin mi han phut kher ange maw chu le.
"Engtinnge ka inchei ang?" tiin ka han rawn a, ani lah chuan banga ka thlalak tar hrang hrang chu a lo entui viau nge ni chhanna pawh ka dawng lo. Ka duh ang ang chu lachhuakin ka inbel ta mawlh mawlh a, a duh leh sawisel ve tawh mai rawh se.
Ka inhâk zawh thleng chuan min ngaihsak lo takin pindan chhunga ka thildah hrang hrang chu hriatvek tum niawm takin a bih kual char char a, a hnunglam aṭanga a kâwnga ka va kuah chuan nui sen sen chungin ka lam hawi chuan a lo thle deuh ha a.
"Min hmuh hunah engtia min tih nge i tum khah?" ka tih chuan a'n meng kalh ralh a, "Ka zak leh deuh..." tiin a nui var var a.
"Ṭha deuhin min dil ve mai la," a nuih a za kher mai. Ka kuahna ka thlah hnu chuan ka lam hawi chuan a lo inher rem thuai a, a hmuia ka fawhsak chu a dawh rei duh lo kher mai.
A hnunglamah chuan ka nawr phei a, bang ngheng meuh chuan am zetin kan infawp bawrh bawrh a, kan zi ṭial ṭial mai alawm le!
A scooty chahbi leh Helmet chu ka pindanah a dah a, i keng dawn lo em ni ka tih chuan, "A hnawk mai mai," a ti teh tlat bawk si a, zanriah eikhamah kan in mangṭha nghal mai dawn lo a nih hmel viau a ni.
Kan in aṭanga kan tlanchhuah hnu lawkah chuan, "Eng maw kal tura min duh viauna chhan chu?" tiin ka zawt ta nge nge a.
"Mahni chhas te ṭheuh hruai vek tur, hruai tur nei lo chuan thleng sil tur a nia," min kuah chaih chaih chung chuan a ti a, a nuih a za ve deuh thovin ka hria.
"Chu thleng sil chu i peih ngang lo a ni maw?" ka tih chuan a pha rang kher mai.
"Chu lam pawh a ni chiah lo, nikumah pawh ka sil tawh a.." a ti ban deuh chalh a. A thilsawi chu a nuihzatthlak deuh bawk si. Amah lah chuan a la thutak phian mai bawk a.
"Chu i bialpa anga awm turin min duh tihna a ni maw?" ka tih chuan chhanna ka dawng lo.
An ṭhiante inah chuan mi paruk vel bawr hi an lo awm a, a sawi ang tak tak chuan a kawp kawp chuan an lo awm deuh a nih hmel viau a ni.
Kan han inchibai luam a, thleng kim lo an lo la awm ve leh chhawng bawk a, hmelhriat loh vek mah ni se an ṭawng duh hlawm em avang chuan tlangnel loh chu har tak a ni. Tihluih pawh tum ngial ila a harsa ve thovin ka ring deuh!
Eitur an lo siam vek tawh vang chuan tih tur pawh a awm hran lo. Mipaho pindan pakhata an inluhchhawk sek danah eng emaw tih an nei a niang tih chu ka ring thiam ve mai a. A tawpah chuan keipawh min lo koh tak nge nge kha.
Ka va ṭhu fel ve zawt tihah chuan Madini chu a lo lut zui nghal zat a, a ṭhianten, "Helam chu mipa awmkhawmna tur a nih hi aw, hmeichhia lo lut ve suh u," an lo tih vang chuan sawiduh nei tih hriat taka min melh chungin a chhuak zui ve nghal mai bawk a. Zu hi ka in ve ngai lem loh vangin harsatna kan nei lo turah ka ngai ve ngawt mai.
In ve tur chuan min ti nachungin ka inngai loh thuin ka chhang mai a, khum sira Guitar chu kuahin ka lo thai bengchheng ve sek thung a.
A hnu deuh lawkah chuan Madini chuan min rawn phone a, "Dawrah min kalpui lawk hman em?" tiin. Min kohchhuah chhan chu ka hrethiam mai a. Chhuanlam erawh siam buai a ngai pawh ka ti hran chuang lo. 'Dawrah kan va kal lawk ange' tiin pindan aṭang chuan ka chhuak zui ve mai a.
Kawngka biang nghengin ka chhuaklai chu min lo thlir reng a, a hmelah chuan tihtauh a chak tih a lang reng mai a, zu ka in ve turah a ngai a ni ngei ang. A va ho mai mai tak em ve le. "Eng nge kan lei dawn a?"
"Eitur te, intur te a niang," a ti ringawt a. Kan chhuak zui nghal a.
Mi mitsir deuh relh relh tih ka hriat vang chuan ngaihsak awm lo takin mahni phul phulin ka phul chiam a, ka rui ngeiin a hria a niang a ṭawng pawh a ṭawng ṭha duh lo. Ka biak pawh chu a rul tawk chauh hian min chhang a, keilah hi ka chimawm mai bawk sia maw...
Kuhva chauh a lei leh lawi bawk sia, min hruaichhuah chhan chu a chiang thawkhatin ka hria, "Kuhva chauh kha maw i lei dawn?" ka ti deuh kher a, kuhva lah a ei tam lo tih ka hre bawk si. "A dang lei ngai a awm pawh ka hre lo. Chaweikhamah kan eiduh awm sia ka tia," tiin ṭha tak chuan min chhang ve ta hram a.
"A hrim hrimah, min hruaichhuak ve te te a min tumkhum leh daih bawk sia.." ka tih chuan ngaihnobei lo zet hian min melh a, "Ka tûm tih pawh ka hriat si loh," a ti deuh khauh a, ka hnial zui duh ta lo mai.
In kan thlen chuan mipaho awmna pindan lam pan chuan engtinnge a tih teh reng hrechakin luh leh mai ka tum a, "Lut tawh lo mai rawh, i awmbo daih bik a," a ti ta ngei a. "Awmna tur a awm chuang bawk si lova, tihtur a vang bawk si,"
"Mami pindanah kan awm mai dawn nia," ding meuha a tih tak vang chuan ka lut lui duh ta bik lova.
Ka rilrua thil lo awm daih chu hmeichhe fing chuan thinrima mipa bei vak vak lovin an lo hmakhalh thiam zar zar dawn a nih hi tih a ni. Tunah pawh zu in suh min ti hauh lo, mahse, zu in lo tura min duh vangin thiam takin min lahrang mai a, hmeichhe fing leh mawl inkar hi zim viau mahse, a rah erawh a inthlau hle lawi bawk si.
A ṭhiannu pindanah pawh chuan awm lem lovin thlanglam veranda-ah chuan kan ṭhu a, zu ka in lo tih a hre leh hnuhnawh emawni a hlim leh viau lawi a. Kawngka lam melh ru zuk zuk chung te'n kan infawp leh rih a!
"I bialpa lem lem hi engtia rei nge nih ngai dawn?" meng de sar sar chung chuan a nui seih a. https://darxikaziakfung.blogspot.com
"Umh.. rei deuh ni ta se, a harsa viau ang em?"
"Dawhtheih chu a ngai viau ang."
"Eng ngatimaw?" a lo ti thuai a.
"Hmasawnna a awm hmel loh em alawm, inngaizawng pawh ni lo, mi hmuha inngaizawng anga lan ringawt chu ṭhenawmte vawksa chhum rim hriat phak ve ang chauh a ni," ka tih chuan a nuih a za kher mai.
"Engtin maw ṭhenawmte vawksa chhum rim hriat ang chauh maw! Nangte chuan i tem fo lo maw!?" a nui zui sâng a.
"I tehkhin mak bawk si, a dik hmel fu bawk sia," tihpahin ka tukkhumah chuan a rawn kuai a, ka inrin hma chuan min fawp zui zat a. "Tak tak ni se," tiin min thlahpah chuan a thaw zui ham ham a.
"A lem vek a nih kha," amah en ran chung chuan ka lo chhang a.
"Tak tak ni se..?" tiin a phun leh sep a, a sawi awmzia chu ka man thiam ve ta. "I duhdan a ni si lova," ka lo ti a.
Min chhan tuma a anzuau lai chuan in chhung lam aṭang chuan, "Madin," an tih ri chu kan hre zui zat a. A inrinhma chuan chet ka la ve ta thuai a, ka pawt hnai thut a, ka fawp zui nghal mawlh mawlh, an rawn chhuah thut a hlau a ni ngei ang, ka âwmah chuan a nam ṭang ṭang a. Kan inthlah fel hman nge min hmu hman chiah pawh ka hre lo mi pakhat hi a lo dakchhuak hlawl a. "Kha kha mi in pa chu?" a rawn ti nghal phar phar a.
Ehe! Ani hi, khûta Thlâmah khan a tel ve ngat mai!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
[TUH RAH]
[ *P.C Malsawmzuala* ]
Ṭhen 7-na
Zanah chuan Madini message ka ngaichang reng a, ka ngaichang a ni tih a hre lo a ni ngei ang a reh hlauh thung.
Hma takah muin a tuk lama ka hmachhawp te chu ka suangtuah zui neuh neuh a, ka thiltih lai hi a ṭul ber em, eng nge hlawkna tur tehchiam awm le? ti tein ka ngaihtuah rauh rauh a.
A tukzinga ka thawh chuan a hma ni-a kan lo inbiak lawk ang ngeiin Pu Kâpa chu choka lamah chuan a lo ṭhu vûng tawh a, a ṭhutna sirah chuan Air Bag tharna rei tawh tih hriatreng hi awp deuh rup hian a inhung a, a chhungah silhfen emaw, bungrua emaw tam tak a awm lovang tih a hriat reng mai. Amah han en mai pawh chuan bungraw putkual lûk lûk tham a neih a rinawm lem loh hrim hrim bawk a.
Kan inbiak luam hnuah chuan inphihfai turin bual in lamah ka luhsan a, ka nu te nen chu eng eng emaw sawiin an ti ti zui luam a.
Tukṭhuan kan ei fel a, ka insiam peih hnuah chuan Pu Kapa nen chuan kan huan lam pan chuan kan inphur chhuak dun ta a, ka rinaiin a lo ṭawng duh hrep a, kawngtluan mai chuan a ti ti a, a khawharthlak loh viau a ni.
Thlam kan han thleng a, bungbel vel awmsa vek a nih vang chuan mutbu tlem kan phur tel a ni mai a, kan samkhai phian a, Pu Kâpa chuan Thlâm chu a han belchiang deuh vut vut a, engmah phei chu a sawi lem hlei lova.
A mutbu tur vel a phochhuah lai chuan ka rite chungchang chu ka lo hrilh mawlh mawlh a, ani pawh chuan, "Ṭhenawm tur ka neih chuan a tihzia a nih chu," a lo ti ve mai a.
Ruahmanna ka neih leh ka lo siam ang chu sawiin kan thlir kual thuak thuak a, ani'n a khawih ber tur chu vawk vulh a ni deuh ber ang chu. Thildang chu han khawih tur vak a nei lo. Vawk in sak chu kan bulṭanna tur a nih thu chu ka hrilh hmasa ber lo thei lova. Thlâm hnuaiah chuan hmanrua ka chhekkhawl vek tawh vangin eng emaw chen chu amah pawhin a lo ti thei ang chu.
Muangchangin vawk in sakna tur hmun chu kan teh dun a, a ban phunna tur vel kan khen fel hnuah chuan ban pahnih vel chu kan han phun chhin a, a in chu inzawm zela sak tura ka ruahman vangin duhthusam taka kan sak zawh meuh chuan kum a vei hman hialin ka ring.
Chawhnu lama ka tih turin min kap reng avang chuan chuan kan insilfai a, Pu Kapa nen chuan kan inphur haw leh ta a, buhfai leh chawhmeh vel te leiin Taxi-in a kir leh mai a ni ang chu.
Buhfai leh chawhmeh tur eng ilo kan leifel hnuah chuan ka kalsan ta a, inthlak ka tum zet nain ka nan leh loh palh ka hlauh vang chuan inlam pawh tlawh lovin Mizo Youth Party office lam chu ka pan zui ta nghal a.
An lo phusa ve lai lai alawm. Tute emaw party office ang lo takin tianghawl hmuh tur an awm lova, a lutchhuak te reng reng pawh an ṭhalai ṭheh ṭhawh hlawm khawp mai. Office chhung ka luh erawh chuan IAS pachal, pension tawh pakhat hi a lo ṭhu khur thung a, Adviser atan an hmang nge maw ni dawn le.
Tumah chuan min lo ûksâk lem hlei lova. Hmelhriat han hmuh mai lah ka nei bawk si lo. Ka arkhual hawi ve vel mai mai a ni ber e.
Banga lian ang reng taka an hruaitute thlalak an tar aṭang chuan hmannia inhmukhawm zinga tel kha an awm der lo nia mawle. Kei hi ka veh sual ta duai em ni le? https://darxikaziakfung.blogspot.com
Chutia ka lo kût chi lo hawi vel mai mai lai chuan ka dârah hian mi pakhat hian a lo beng thut mai a, ka phu nasa kher mai. Amah lah chu a nui zui tak kiah kiah a.
College kan kalpui ṭhin Sangpuia lek chu lo niin!
"Eng nge hetah te i lo lan ve teh nawlh a?" a ti zui zat a.
"A, ka lo teilut ve mai mai a ni. Heti lamah te i lo inhmang ve viau a ni maw?"
"Nia, hei kan ti ve ta chiam a nih hi. A hnukhnaihna lai kan hria alawm," tiin a nui zui hak a.
"A tu amah pawh hi hriat alawi ka nei lo. Lo awm hlauh lo la chuan ka mitdel ṭhut ve ngawt ngawt dawn a nih hmel viau a ni. Eng angin nge i awm hrim hrim a?"
"Executive Committee kan la ni phak ve chauh alawm keini te chu. Lo inhmang ve teh u nangni hi, in thawhhlawk awm teh lul nen hian in awm mawp ringawt mai a.."
"Kan han zirchiang che u anga lungawithlak kan ti ta viau a nih leh kan la inbarhlut ve ang chu. Kan rama party kan kalpui ṭhin dan hi ka tei theih loh zawng tak mai a nia, bung thar in kai thei a nih te chuan kan tlanchhe bik lo turah ngai rawh,"
"Awmhmun aṭanga thlira ngaihdan siam lovin han luhchilh ve la a awmzia chu i man chhuak mai dawn alawm."
"Ti daih ila, khi in thlalak tarah khian hruaitu in va ngah hmel del dul ve, President a awm a, Vice President pahnih, Working President tih te.. OB ringawt pawh khawte run tham zet an awm alawm. Engati teh ṭeuh nge ni?" ka zawtlui chu ni tho mahse ka hrethiam lo tak tak a. Hruaitu an ngah lutuk em kher a.
"A, khing te chu chanvo insem tlanna mai mai alawm. Midang te tihphurna atan te hetianga chanvo han insem kual te hi a pawimawh ve a," a ti ṭha ve mai a.
"Chanvo vanga an rawn inhmang ṭha duh a nih chuan chanvo an neih loh hun hun chu an kiansan leh mai dawn che u tihna a niang maw! Emaw kan inti tlat mai ṭhin hi a buaithlak anih hi a..."
"Khi te chu a lawk zual chauh alawm, Sub-committee hrang hrang pawh kan ngah teh asin, ka hre seng lo zawk hial ang!" Amah lah chu a nui hau mai lehnghal a.
"Tunge in President ber hi ka chiang tlat lova, a hming hi ka hre em em ringawt a?"
"Lalṭhazuala, saw BKT Bussiness neitupa saw mawle. MZP-ah te pawh khan a inhmang ve ṭhin alawm. Hmu la chu i hre mai ang. A inrawlh chikim ve ṭhin em kha mawle,"
Chutihlai chuan mi pahnih hi an lo lut a, pakhat zawk chu khulai thlama tel ve kha a ni ngat mai. Ka hai lo chiang ang chu.
"Tuna lo lut mek chakai khawrh kawr ha saw tunge ni a hming khah? Ka'n theihnghilh ngawt chu a.." tiin ka zawt zui daih a. "Rinpuia a nih saw, i hre ṭhin em ni?"
"Hre ṭhin e, a naute nen kan inkawm ṭhin alawm. A number i nei nghe nghe lo maw, a nau pawh hi ka hmu ngai ta lo," ka tih lai chuan lo lutthar te chu inchunglam panin an chho nghal daih a. Sangpuia chuan a phone chu a tuai zauh zauh a, "Kha lo save la Rinpuia number chu.."
"Eng angin nge in party-ah hian a awm ve a, engmah ngaihtuah lo hmel a put nen ava inlâk pawimawh hmel vut vut ve.."
"Nihna pawh a nei hran lo. Kan President chekawi te zinga mi a nih kha, amah hi a inti thû thiam a..." a tih chuan ka lo nui ringawt a. https://darxikaziakfung.blogspot.com
"Kal mai ka duh deuh, ka lo lenglut zeuh zeuh ang, khawi i number min lo pe teh.." tiin a number pawh chu ka dilzui nghal zat a. An Party office chu ka chhuahsan ta a. Hmasawnna kawngkhat chu ka nei ve ta reng reng e.
Inah hawin muangchangin ka inbual fai sar sar a, ka inbual zawhah chuan computer-a zai ngaithlain ka mu dar dar a. Rinpuia number chu messenger hmangin a facebook account zawnna atan ka hmang zui a, a lo nei ve thlap alawm. A profile chu ka check thuak thuak a, han enzui chiam tur a awm hran lo. An party lamah chuan a active ve viau a ni ang a thil post pawh party lam nena in kungkaih deuh vek a ni.
Chutia mu chunga ka lo buai ve em em lai chuan Madini phone call ka dawng hlawl mai a, a dah leh daih ang tih hlauh vang ni maw ka chhang reng kher asin.
"I buai em?" a ti nghal ringawt a.
"Buai uchuak love,"
"Huanah ila awm em ni?"
"Aih, ka haw tawh."
"A ṭhat hlauh chu."
"Eng ngati maw?"
"Ah, eng lo a nia... Chaw eikhawm ang an tia."
"Tu ten maw?"
"Kan ṭhian ten..."
"Chuan..? Eng nge?"
"Ti khan ti vak vak lo la...a nuam lo nia," a'n ti leh rih a.
"Inṭhianho chaweikhawmnaah chuan tih tur ka neih hmel loh em a ka ti mawle,"
"Ni lo, tel ve turin an duh che..."
"I ṭhian ten min hre si lova engtin nge tel tura min duh theih ngawt ang?"
"An hria che alawm,"
"Ka va awih lo e aw.."
"A ni tak tak, i thlalak pawh an hmu tawh."
"Ehe, a va mak awm ve."
"Chuan, umh...ka lo nghak thei che ang em?"
"Kal turin ka rilru ka lo la siam miah lova..."
"Siam hram la...umh."
"Ka kal ve a ṭulna tur a awm hmel loh em a, nangni ṭhianho karah chuan," ka la ti hram a.
"A ṭul alawm, a ṭul tak tak..."
"A ṭulchhan i sawi bawk si lova."
"Nakinah ka hrilh mai che anga, kan kal hunah.."
"Ka kal ve ṭul i tih leh min lo sawm mai rawh inah ka awm," ka la ti fan a. Ka nuih a za deuh viau nachungin ka'n tilui ve deuh bawk a.
"In in awmna ka hre miah lo.." a ti hul hak a.
"Mizo ṭawng vek kan vengah pawh kan hmang tho a, a hriat theih mai ang chu tum chuan.."
"I va'n chimawm tak, ka hmuh hun che chu i rethei viau ang. Lo insiam rawh aw," a ti zui a.
Ka thawmhnaw hak tur ka thlan mawlh mawlh lai chuan ka nu eirawngbawl tur a lo haw a, chaw eichhuah ka tum thu ka sawi chuan a ngaihna a hriat hmel loh kher mai. Chaweikhawm tih vel ka peih ngai loh zia a hre chiang ve bawk sia.
"A nih leh chutia i chhuah dawn chuan arsa hi i chan lawk dawn em ni? Chan sa lohin ka lo lei ringawt a, i Nu Hmingi a lo awm bawk si lova," a ti a.
Insiam ka tum uk tawh pawh chu ṭhulh lehin sasahchem nen chuan choka lamah chuan ka inhum sek leh rih a, "I va lei tam em em ve," ka tih chuan, "Siam zawh nghal vek tur a ni chuang hleinem, tikhan fridge-ah a dahṭhat theih thova," a ti awlsam et a.
Ka sachan zo ka kut ka sil mek lai chuan kan doorbell chu a lo ri ral ral a, ka nu chuan a lo chhawn thuai a, Madini a nih tho ka rin vang chuan kawngka lam chu ka lo hawi lawk nghal ngawt a, ka nu pawh chuan a lo lut lai chu a melh ve reng thovin ka hria.
"Lo leng rawh, eng nge ni i duh?" a tih chuan chhan mai ngaihna pawh a hre lo. A sen deuh ṭan ṭanin ka hria, "Ka ṭhiannu Madini a nih kha, min rawn sawm," ka lo ti thuai a.
"E, Madini maw i hming? I va fel ve a, kan Zothana ve hi zawng rual hi a pawl lo leh lutuk a, nichina chaw ka eichhuak dawn a tih pawh ka lo awihsak duh lova. Chaweikhawm te hi phur rual lek si hi ka peih lo hi a ti tlat a, lo hruai harh deuh rawh u," a tih tak bawrh bawrhah chuan Madini pawh a thla a ngam ta deuh niin ka hria.
Ka insilfai hnu-ah chuan ṭhutkhawmna pindan lamah chuan ka pheipui a, ka nu bula awm aingawt chuan a nawm a ring deuh nge ni min zui rang em a.
"Ka rei lovang, inthlak zawk a ni mai. I lo lut ve dawn nge, tikhan min lo nghak dawn?" ka pindana luh chu a chak tih ka hre mai a, mahse, choka lam chu venthawn nei tih hriat takin a mitmei zauh a. https://darxikaziakfung.blogspot.com
"Lo lut la, a hre kher nang," ka tih chuan ka pindanah chuan mi nam lut chat chat a. Nula pangngai ve tak chu a'n zakzum thar ve leh a ni awm a, nuih te pawh a za lek lek alawm mawle.
Ka thawmhnaw bawm chu ka hawng a, hâk tur chu ka thlêk kual deuh sek a, incheidan tur pawh ka hrethiam meuh lo. Eng ang mi nge kan eipui tur te ka hre ve bawk si lo.
Ani rawn incheidan lah chu boot leh jeans, t-shirt chungah coat dum a mawng khuh phah deuh toh hi a ha a, chumi mil chuan inchei turin mi han phut kher ange maw chu le.
"Engtinnge ka inchei ang?" tiin ka han rawn a, ani lah chuan banga ka thlalak tar hrang hrang chu a lo entui viau nge ni chhanna pawh ka dawng lo. Ka duh ang ang chu lachhuakin ka inbel ta mawlh mawlh a, a duh leh sawisel ve tawh mai rawh se.
Ka inhâk zawh thleng chuan min ngaihsak lo takin pindan chhunga ka thildah hrang hrang chu hriatvek tum niawm takin a bih kual char char a, a hnunglam aṭanga a kâwnga ka va kuah chuan nui sen sen chungin ka lam hawi chuan a lo thle deuh ha a.
"Min hmuh hunah engtia min tih nge i tum khah?" ka tih chuan a'n meng kalh ralh a, "Ka zak leh deuh..." tiin a nui var var a.
"Ṭha deuhin min dil ve mai la," a nuih a za kher mai. Ka kuahna ka thlah hnu chuan ka lam hawi chuan a lo inher rem thuai a, a hmuia ka fawhsak chu a dawh rei duh lo kher mai.
A hnunglamah chuan ka nawr phei a, bang ngheng meuh chuan am zetin kan infawp bawrh bawrh a, kan zi ṭial ṭial mai alawm le!
A scooty chahbi leh Helmet chu ka pindanah a dah a, i keng dawn lo em ni ka tih chuan, "A hnawk mai mai," a ti teh tlat bawk si a, zanriah eikhamah kan in mangṭha nghal mai dawn lo a nih hmel viau a ni.
Kan in aṭanga kan tlanchhuah hnu lawkah chuan, "Eng maw kal tura min duh viauna chhan chu?" tiin ka zawt ta nge nge a.
"Mahni chhas te ṭheuh hruai vek tur, hruai tur nei lo chuan thleng sil tur a nia," min kuah chaih chaih chung chuan a ti a, a nuih a za ve deuh thovin ka hria.
"Chu thleng sil chu i peih ngang lo a ni maw?" ka tih chuan a pha rang kher mai.
"Chu lam pawh a ni chiah lo, nikumah pawh ka sil tawh a.." a ti ban deuh chalh a. A thilsawi chu a nuihzatthlak deuh bawk si. Amah lah chuan a la thutak phian mai bawk a.
"Chu i bialpa anga awm turin min duh tihna a ni maw?" ka tih chuan chhanna ka dawng lo.
An ṭhiante inah chuan mi paruk vel bawr hi an lo awm a, a sawi ang tak tak chuan a kawp kawp chuan an lo awm deuh a nih hmel viau a ni.
Kan han inchibai luam a, thleng kim lo an lo la awm ve leh chhawng bawk a, hmelhriat loh vek mah ni se an ṭawng duh hlawm em avang chuan tlangnel loh chu har tak a ni. Tihluih pawh tum ngial ila a harsa ve thovin ka ring deuh!
Eitur an lo siam vek tawh vang chuan tih tur pawh a awm hran lo. Mipaho pindan pakhata an inluhchhawk sek danah eng emaw tih an nei a niang tih chu ka ring thiam ve mai a. A tawpah chuan keipawh min lo koh tak nge nge kha.
Ka va ṭhu fel ve zawt tihah chuan Madini chu a lo lut zui nghal zat a, a ṭhianten, "Helam chu mipa awmkhawmna tur a nih hi aw, hmeichhia lo lut ve suh u," an lo tih vang chuan sawiduh nei tih hriat taka min melh chungin a chhuak zui ve nghal mai bawk a. Zu hi ka in ve ngai lem loh vangin harsatna kan nei lo turah ka ngai ve ngawt mai.
In ve tur chuan min ti nachungin ka inngai loh thuin ka chhang mai a, khum sira Guitar chu kuahin ka lo thai bengchheng ve sek thung a.
A hnu deuh lawkah chuan Madini chuan min rawn phone a, "Dawrah min kalpui lawk hman em?" tiin. Min kohchhuah chhan chu ka hrethiam mai a. Chhuanlam erawh siam buai a ngai pawh ka ti hran chuang lo. 'Dawrah kan va kal lawk ange' tiin pindan aṭang chuan ka chhuak zui ve mai a.
Kawngka biang nghengin ka chhuaklai chu min lo thlir reng a, a hmelah chuan tihtauh a chak tih a lang reng mai a, zu ka in ve turah a ngai a ni ngei ang. A va ho mai mai tak em ve le. "Eng nge kan lei dawn a?"
"Eitur te, intur te a niang," a ti ringawt a. Kan chhuak zui nghal a.
Mi mitsir deuh relh relh tih ka hriat vang chuan ngaihsak awm lo takin mahni phul phulin ka phul chiam a, ka rui ngeiin a hria a niang a ṭawng pawh a ṭawng ṭha duh lo. Ka biak pawh chu a rul tawk chauh hian min chhang a, keilah hi ka chimawm mai bawk sia maw...
Kuhva chauh a lei leh lawi bawk sia, min hruaichhuah chhan chu a chiang thawkhatin ka hria, "Kuhva chauh kha maw i lei dawn?" ka ti deuh kher a, kuhva lah a ei tam lo tih ka hre bawk si. "A dang lei ngai a awm pawh ka hre lo. Chaweikhamah kan eiduh awm sia ka tia," tiin ṭha tak chuan min chhang ve ta hram a.
"A hrim hrimah, min hruaichhuak ve te te a min tumkhum leh daih bawk sia.." ka tih chuan ngaihnobei lo zet hian min melh a, "Ka tûm tih pawh ka hriat si loh," a ti deuh khauh a, ka hnial zui duh ta lo mai.
In kan thlen chuan mipaho awmna pindan lam pan chuan engtinnge a tih teh reng hrechakin luh leh mai ka tum a, "Lut tawh lo mai rawh, i awmbo daih bik a," a ti ta ngei a. "Awmna tur a awm chuang bawk si lova, tihtur a vang bawk si,"
"Mami pindanah kan awm mai dawn nia," ding meuha a tih tak vang chuan ka lut lui duh ta bik lova.
Ka rilrua thil lo awm daih chu hmeichhe fing chuan thinrima mipa bei vak vak lovin an lo hmakhalh thiam zar zar dawn a nih hi tih a ni. Tunah pawh zu in suh min ti hauh lo, mahse, zu in lo tura min duh vangin thiam takin min lahrang mai a, hmeichhe fing leh mawl inkar hi zim viau mahse, a rah erawh a inthlau hle lawi bawk si.
A ṭhiannu pindanah pawh chuan awm lem lovin thlanglam veranda-ah chuan kan ṭhu a, zu ka in lo tih a hre leh hnuhnawh emawni a hlim leh viau lawi a. Kawngka lam melh ru zuk zuk chung te'n kan infawp leh rih a!
"I bialpa lem lem hi engtia rei nge nih ngai dawn?" meng de sar sar chung chuan a nui seih a. https://darxikaziakfung.blogspot.com
"Umh.. rei deuh ni ta se, a harsa viau ang em?"
"Dawhtheih chu a ngai viau ang."
"Eng ngatimaw?" a lo ti thuai a.
"Hmasawnna a awm hmel loh em alawm, inngaizawng pawh ni lo, mi hmuha inngaizawng anga lan ringawt chu ṭhenawmte vawksa chhum rim hriat phak ve ang chauh a ni," ka tih chuan a nuih a za kher mai.
"Engtin maw ṭhenawmte vawksa chhum rim hriat ang chauh maw! Nangte chuan i tem fo lo maw!?" a nui zui sâng a.
"I tehkhin mak bawk si, a dik hmel fu bawk sia," tihpahin ka tukkhumah chuan a rawn kuai a, ka inrin hma chuan min fawp zui zat a. "Tak tak ni se," tiin min thlahpah chuan a thaw zui ham ham a.
"A lem vek a nih kha," amah en ran chung chuan ka lo chhang a.
"Tak tak ni se..?" tiin a phun leh sep a, a sawi awmzia chu ka man thiam ve ta. "I duhdan a ni si lova," ka lo ti a.
Min chhan tuma a anzuau lai chuan in chhung lam aṭang chuan, "Madin," an tih ri chu kan hre zui zat a. A inrinhma chuan chet ka la ve ta thuai a, ka pawt hnai thut a, ka fawp zui nghal mawlh mawlh, an rawn chhuah thut a hlau a ni ngei ang, ka âwmah chuan a nam ṭang ṭang a. Kan inthlah fel hman nge min hmu hman chiah pawh ka hre lo mi pakhat hi a lo dakchhuak hlawl a. "Kha kha mi in pa chu?" a rawn ti nghal phar phar a.
Ehe! Ani hi, khûta Thlâmah khan a tel ve ngat mai!
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
Comments
Post a Comment