TUH RAH IX
___________ __________
[TUH RAH]
[ *P.C Malsawmzuala* ]
Ṭhen 9-na
Zing dar sarih velah ka phone chu a lo ri ral ral a, tun ang huna min betu an awm ngai loh vang chuan mak ka ti ang reng viau mai a. Ka harh reng nachungin ka la thochhuak lem lo.
Ka phone chu ka han en a, Madini lek chu lo niin.
"I la tho nange?"
"Tho chiah lo. Eng nge ni ta?"
"I va'n tho har ve... i la mut ka ring a, ka rawn tibuai chak che a."
"Buaina tur a awm lo e. Vawiin chu min ṭhulhsan hmel em?"
"Ṭhulh lo turah ka ngai. Eng emaw thut a awm a nih loh chuan. Dar kuaah chuan ka confirm hman ang, i kal hma ṭhin em?"
"Duh hun hunah a ni mai a, kal theih i inrin tho chuan tiffin tur siam la, chaw chu Thlâmah kan chhum mai anga," ka ti zui a.
"Eng nge ka siam ang?"
"Ka hre nang, a rem rem a ni mai alawm. Tam pawh a ngai chuang lo. Kan pahnih eitur a ni mai a." https://darxikaziakfung.blogspot.com
"Ok boss, tui deuh ka lo pai ange. Ka siam ngat aw niang."
"I siam loh te chuan a chi nang, i thiam leh thiam loh te pawh kan hria ang chu..."
"Naa.. chutiang zawnga i endik dawn chuan ka lâktlak vak loh a nia. Tho tawh rawh; inphih fai la, chaw i eitui thei nang," a ti zui a. A tih a nih vang pawh ni em em chuang lovin ka tho zui ve ta nghal a.
"Lo phei tawh la, kan office chhak kawngpuiah khan min lo nghak mai rawh. Kal lo thei lo turin office ka thleng." tiin a nui zui hak a. Dar 9 rik hma deuh chuan an office lam pan chuan ka tlanchhuak zui ta nghal a.
An office chhaka rei pawh ka din hma chuan a lo chhuak chho zui ve nghal mai a. A incheidan mawlh chuan ka mit a la!
Kekawr lian leh puk hliai hluai hain; kamis ṭial zet, lianpui bawk hi a ha leh a, a kawngah a la suih ṭat zui leh ta nghal a! Lukhum parh hlai tak khumin Rack-sack a ak bawk a, ka hmuhtirh phei chuan amah a ni lo emaw ka ti hman hial a. Mahse, amah ngei chu a lo ni bawk si.
Ka nui deuh chu a hmu nge ni Bike chunga ka ṭhu hle hle lai chu min chum taih a. "Eng nge khatia min chum ngawt?" "Min nuih..." tihpahin ka banpuamah chuan a piai leh kher a.
"Khawnge scooty i dah a?"
"In ah, Bus-in ka kal a... Office-a daha lam haw leh chu a peihawm loh alawm. Kan hawchin tur a hriat bawk si loh."
"I inchei nalh khawp mai," nui deuh chung chuan ka ti a.
"Haha, office tura insiam a, inthlâk leh ka peih lo alawm. Bakah, heti hian hnathawk tur chhuahin chhuak ila thildang ṭulah pawh min pawt ngam lo deuh ang chu ka ti.. A nalh lo viau em?"
"Nalh lo hran chuang love, thawh nasat i tum hmel em a.."
"Vawk in kan sa dawn ni lo'm ni? Kan thawhpui te bulah pawh 'kan vawk in tur kan sa dawn' ka ti mai asin," a nui zui hak a.
Tichuan, kan huan lam pan chuan kan inphurchhuak ta vau vau a.
A bag chu ah sakin ke-in kan huan lam chu kan pan thla leh a, ka hmaah chuan phur zetin a kal vat vat a, naupang hruai ang maiin a ri teng tung mai a, Thlâm a lang ta tihah chuan mi pawh ngaihsak lovin mi tlansan daih a, a lo châk thlu ngang a nih awm hi mawle.
Ka zu thlen thlâk ve meuh chuan Pu Kapa hnathawhna bulah chuan a lo ding vang vang tawh a, Thlâma ka lût min hmuh chuan a lo phei zui ve nghal a.
A iptea mi ka dahchhuah mawlh mawlh lai chuan hnunglam aṭangin min lo kuah chaih chaih a, "Ka riak ve chak e, riak ve ila..." a la ti zuiah!
"Ka rai palh ang a sin," ka tih chuan a nui zui var var a.
"Chetsual kher i tum a niang chu. Ṭha deuhin kan mu mai dawn alawm."
"A har ang, til reh loh leh chhul lâk bawk si loh tan chuan..."
"Awi, i ngai dâm em mai a. Ziaawm teh."
"Chawhmeh i va paihnem em em ve,"
"Nia, ka nuin a lo dah belh leh a nih kha. Kan eiṭeuh mai ang a. Ka pu pawh sawn a ei ve duh ang chu."
Ka insiam peih hnuah chuan Pu Kapa hnathawhna lamah chuan kan phei dun ta a, ruahmanna hmasa kan neih ang chu a lo zo deuh duak tawh a. Han khawihpui tur em em pawh a awm hran tawh loh vangin huan mawnglam fang tur chuan kan kalsan ta daih a.
"Hetianga zau hi engtinnge a hma khan nangmahin i enkawl theih a, a hahthlak awm e," a ti a.
"Ka thawh tak chu a la tam vak hleinem, ka pa khan tuna thlai leh thildang awm ho hi chu a lo phun hman vek a, keichuan tihfai hi a ni deuh mai ka thawh chu. Hmathar lak vak pawh ka nei lo. Chhak lama kalkawng bula vawkchaw hmun kha ka siam chu a ni deuh mai."
"Chu pawh ni se, a zautham tho alawm. Samfai ringawt pawh a hautak dawn asin. Hrisel a ngai viau ang."
"Nia, hrisel ṭhat chu a ngai khawp mai. Tunah chuan thlai an puitling ṭan tawh a, hnim ṭo tur a nep ta deuh a, enkawl pawh a nuam viau tawh. A hma te kha chuan hlawhfa te ka chhawr a, mahnia thawh sen kha a ni bawk si lova, bei a dawng rum rum ṭhin alawm."
"A ni duh ngawt ang. Mahnia enkawlah chuan a zau em alawm."
Pathianni tlaia hmunhlui tlâng lama nula tlangval lengdun ang maiin ka bânah chuan a chelh ran a, muangchangin huan mawnglam pan chuan kan kal thla dun ral ral a, kal chung ngawt pawh chuan thla kan la hnem dun malh malh viauin ka hria.
Thingbuk hnuaiah kan ṭhu dun a, kan ti ti tui dawn viau a, 'muah' lam a lo lang leh ṭhin a, duh ang pawhin kan ti ti tui hlei thei meuh lo chu a ni.
Chutia kan inkuah uluk hle lai chuan mipa ve ta chu ka puakruk pai a lo in ralring ta deuh a, ngaihtuah a tawi tâk tuk chinah chuan a kawrhâk lian zet, a hmalama kawrkilha a kilh bâk a suih ṭat chu ka pawh phelh sak a, a kamis kawrkilh ka phelhsak lai pawh chuan chhuanlam engmah siam lo chuan min la kuah ve chial a, a bâk sâwn ka tum erawh chu ka kut a man chiang chaih chaih khawp mai!
Tihluih ngial ka tum pawhin a ṭang na ting a ni mai.
"Zothan, i thil tih hi i hre chiang maw?" lungawi vak lo tih hriat reng chuan a ti a. Chhân ṭul pawh ka ti lo. Ngawireng chuan ka kuah hnai a, a bul aṭang bawk chuan ka'n fawp ṭha leh a. A ngaih a ngam tawh zat lo a niang mi pawh a chhanglet ṭha duh tawh lo.
Thâah min hneh mawlh hek lo le, leihângah chuan ka bawhbet ta ran mai a, a tal faih faih chu thawklehkhatah a chawl daih a, 'huai tak ei' tiin fawh tumin a hmui lam chu ka hnaih chhova, ani lah chu a mittui a lo tla zawih zawih tawh bawk si.
Rangtakin ka thova, ngawirengin a bulah chuan ka ṭhu ta hle hle a, ka inthiam chiah lo. Mahse, helai ramhnuai pilril thleng kan kal tawh a, mipa ka nihna lantir lova awm kha a ho ka ti ve deuh bawk a ni. College kan kal laia Ramsanga sawi kha ka hre reng ṭhin. 'Hmeichhia chu a fala awmpui chuan tum tak tak kher loh pawhin 'fight' chawt tur. Engtinmah tih loh chuan a hnu-ah pa lo mi tih te an ching leh a...' a ti ve tlat. Ka lo la vawng reng pawh a ni mahna le.
Cigarate ṭanin ka fawp vang vang a, ka bula a inhnit faih faih pawh chu ka hre reng. Mahse, ka ngaihsak duh bik miah lova, engtinnge min tih teh reng tih chu ka hriat châk leh ka ngaihchan ber a ni.
Hnunglam aṭang chuan ka kâwngah a rawn kuah a, ka hnunga bei thlem chung chuan a insût leh hraih ṭhin a, nuam chu ka ti bîk chiah lo. Mahse, lungawi lo angin ka awm ve laklawh tawh bawk si.
"Ate, thildang engmah pek tur che ka nei lo em ni?" Mi kuah nghet sauh a, chhanna erawh a dawng hran lo. Tuma'n 'Ate' tiin min koh ngai tawh lo asin, ka tetlaia ka chhungte min kohna ṭhinna a nia. Engtinnge maw a lo hriat zawk ni.
Hnunglamah chuan min kuaiawn a, a malchungah min muttir a nih tak ber chu.
"Thil hlu dang engmah pek tur che ka nei lo. Ka thianghlimna chauh hi i laka chhuan tur ka neih chhun a ni..." sawi chhunzawm harsa tih hmel tak chuan thlanglam chu a melh vang vang a. https://darxikaziakfung.blogspot.com
Keilah chu maimitchhingin ka ngawi vang vang mai si. Sawi tur hre tlat hek lovi!
"Khawngaih takin hrethiam hram rawh aw, ka nuna i lo luh hnu hian ka nunphung hi a danglam tak zet, i tan zuamawmin ka awm fo ṭhin tih pawh ka hria. Mahse, ka thianghlimna hi chu min vawnpui turin ka ngen duh che a ni. Midang tan ka ti lo, i tan chauh ka invawng ang," ka beng chu a hmet niap niap a, dimtein ka hmuiah chuan a rawn fawp zui a.
"Ka ta i ni ka ti ngam ngai dawn lo a nih chu," ka lo ti zuai raih a.
"Ni lo, chutiang zawngin ngai lo hram rawh. Kan inlaichinnaah hian sex hi tel miah lo mahse keichuan ka phatsan ngai lovang che, tuna kan insum hi nakina kan hmakhua tur a ni asin."
"Nakina tih tur tho te chu...eng nge danglamna?"
"Nakinah chuan i nupui ka ni ang a, a hunah, a hmunah chuan i thu thu a ni tawh ang. Mahse, tunah chuan thilsual leh ṭha lo a ni tih hre reng chungin kan tih a ngai dawn asin. A nuam tluantling dawn chuang lo. Hrethiam la..."
"Tuna châk a..."
"Heih, khati khan awm suh, tleirawl inngaizawng ang maia awm rual pawh kan nih tawh loh hi. Engkim ngaihtuah thiam rual," tiin a lo kunhniam a, uluk zeta min fawhna chu ka chhang let lo thei ta lova.
A lukhum leia tla chu chharin a bengfai phawrh phawrh a, "A lum e, tuia inchiah ka châk, ka banchuap tawh. Nangmah vak vek." a hmui chu a'n tikawh ṭha leh a.
"Ka va ropui hmel em em ve mawle," ka lo ti a.
"Engvang ngawtin maw?"
"Khaw tilum leh tivawt thei ka nih te chuan ka ropui viau ang chu mawle."
"Nah, chutiang ka sawi lo a... I sual vang," a ti zui hlak a.
"Sual vangin khua a lum ngai pawh ka hre ve lo e a.."
"I va'n chimawm tak," tih pahin ka bengah chuan a pawt chiam a.
"Chutia lum i tih viau leh Thlâm kawtah khan i inbual dawn nia, ruakin.."
"Kan ṭang zo tawh lo palh ang, 'tih rih loh ni se' tiin kan rela tiin dah rih mai ang aw," amah zawk hi alawm maw chimawm le.
Lum ka tih ve tho vang chuan kan ri te nena kan inkar kawrah chuan ka luhthlakpui a, "Chakai khawrh ang," ka tih chuan a phur kher mai.
A kekawr lian tak mai chu a khûp chungah a thlep chho daih a, ngawhnuai kawrte chêpah, tuma thawm riva pawh hriatphak lohna hmunah; nula hleitling leh tawr ṭha lam, bul maia a'n pen var hai hai mai ṭhin chu mipa ka nihna hi ka va han hre nawn ngun awn awn tak!
Thui fe chu kawr chu ka zawh thlakpui a, a lui chu a chhengchhe em em hran lo bawka khawpui nula no tak tan pawh kal harsa tur a ni lem lo. Mi erawh a ban dai dai reng fova.
Lung ka phawh hmasak berah chuan kutzungpui tia lek tur chakai note hi a lo awm a, 'man rawh le' ka ti chu a hlauh ka rin nen, a lo hlau awzawng lo mai a, ṭha tak chuan a man ve mai bawk a. A hlimpui kher mai!
Kan khawrh sawt meuh lo chu a ni e, ding meuha infawh leh laklawh lai taka 'selfie' kan ching lutuk a!
A kekawr thleh chhin ve te pawh chu a sawt vak lo aniang a huh hnuang tawh a, keilah chuti bawk. Kan lungawia kan hlimna erawh mana lei rual a ni si lo.
Kan man ve leh zauh ṭhin a, rinaiin a pung duh phian, a kenna tur kan lo inring bawk si lo. Ramhrui chhatin a bawppuiah ka hling khawm a, ka khaitir ta ringawt a, Pa Rama te pawhin an khawrh ngai lo a ni chêk ang chu hmehkhawp tur chu kan man ve mai bawk a.
Vawikhat chu a rawn ṭechhuak hlut a, a kutzungpuiah a lo chehtir chu niin ka pan phei thuai a, a thlah duh mai si lo, ani lah chu a men deuh par tawh a, tihngaihna dang awm hek lo chakai bawppui zawk chu ka seh keh ta ringawt a, a kut chu a sen ṭul a, ka nuih a za bawk sia, ani lahin na a ti bawk si. Ka nui ngam ta chiah lo a ni.
Huan chhung kan chhuah chhoh chuan kan duhtawk ta a, "Hetah hian inbual law law ila," ka tih chuan a nuih a za deuh viau mai. Kan huh hnuang mai bawk si a, engtin emaw tak kan tih chu a ngai ngei ang.
Thlâm kan thlen chhoh chuan Pu Kapa pawh a lo chawl mek a, "E kha, chakaite in lo zuk khawrh a ni maw!?" tiin Madini Chakai khai lai chu a lo thlêk vat vat a.
Madini chu a thawmhnaw lo tihul tura ka duh vang chuan Pu Kapa nen chuan a Vawk insak en tur chuan kan inzui chhuak dun a.
"I thawk chak kher mai. Keimah chuan bei ila karkhat chuang fe ka thawh a ngai awm sia."
"Thingtlang lama seilian tih takah ka hrisel ṭhat hi chuan hnathawh hrawih hrawih mai hi nuam ka tia, awm awl lutuk te hi nat a awl te ka ti ve deuh ṭhin. Kum lamin min chaldelh ve ta deuh mai pawh a... Ti hian Vawk note i man hun hunah kan dah thei chu a ni mai a. Engtikah nge i man theih hmel a?" a ti a.
"Tunkar tawplamah hian lo kal rawh an tia, kan man thei tawh turah chuan ka ngai ngawt mai. An lo ti khirh khân ve hrep a, pawisa peka man mai theih turah ka ngai deuh a nia. File te an lo kaltir thlap thlap ṭhin a niang chu."
"Sawrkar pawh hi a... thil awlsama tih mai theih hi a buai ngai zawng hian an kalpui ve ṭhin bawk a ni. Awlsam taka tih theih tur a kawng kual lama kalpui kher hi an duh ve bawk a niang chu."
"A chaw hmun khi kan khawp i ring em?"
"Kumin atan te chuan harsatna a awm lovang. Kumthar lamah chuan an hautak ve deuh tawh ang a, khilai a mi ringawt khi chuan kan chawm zovin ka ring lo."
"Wheat vai leh pigfed vel te pawh kan ngaihtuah ve ang a, henglaia mi ngawt ring lo deuhin. Kumtharah chuan a lu lam khi tlem vahbelh hrim hrim ila a ṭha ang."
"A ṭha mai thei. Kawlbahra ho khi vawkin thlang lamah hian awl a zau thova ka phun ang chu ka lo tia, kawrkamah pawh khuan Pangbal a chin ṭeuh theih ang ka ring. Pangbal hi a hlawk a, a hnah thlengin vawkchaw atan a ṭha ve thova," a ti a.
"A ṭhat chu chutiang a nih chuan. Chinchang ka hre ve vak lo a nia, ṭhaa i hriat danin ti mawp mawp mai rawh," ka tih mek lai chuan Madini pawh hrukpuan veng ṭat chung hian a lo chhuak phei ve a.
"Kei chu vawk hralh hun a ni ka châk tawh.." a lo ti thla ngawt a.
"A man i têl phâk ve ang maw!?" ka lo ti thuai a.
"Phâk ka tum alawm, ka tel lo chuan a hralh theih lovang," nuichung chuan a lo ti ve mai a. https://darxikaziakfung.blogspot.com
Thlâm lama kan kir leh hnu chuan nî pawh a lo her bawih tawh a. Pu Kapa chuan kan chawei tur chu min chhum sak a, ka kekawrbul, Thlâma ka riah chu Madini chu ka hâk tir a, Pu Kapa meng zuk zuk pawh a ziaawm ta deuhin ka hria!
"Chakai hi engtinnge kan hawn ang aw, bur ruak a awm mai ang em?"
"Hmannia ka maubur hman pawh kha a la awm ang. " Tiin tapchhak bula a tun chu min rawn pe thuai a. "Madin, i chhungten an eiduh em ang chu maw?"
"Ei duh e, min hawntir in tum em ni? A ngai kher lo nia."
"Hawn vek rawh, kan ei vak lo. Ka chhungten an ngaina vak lo a niang an lei pawh ka hre ngai lo."
"A tam awm e, khatiang zat em em te chu kan eiseng chuang nang, insem tal ila."
"A tam loh hi, chhungkuaa eitur te chuan.."
"Tam lutuk, chawhmeh kan eitam bawk si lo. A ṭhing anga kan paih leh mai mai ang a uihawm," a tih teh tlat vang chuan Pu Kapa hmeh tur chu ka dah ṭhensak ta ringawt a, a remchang phian e.
"Eng chaw nge kan ei dawn chhun chaw nge tlaichaw?" tiin Madini chu a nui kar kar a.
"Ei hma vak lo ila, tlaia chaw ei ngai tawh lo turin a ni mai a. Hawna a hla chuang lova," ka lo ti a.
"Nia, tuna ei chu a laklawh dawn em mai a peihawm loh, bakah zanah ril a ṭam leh hman ang."
Pu Kapa chuan hunthawl kan duh a ni tih a hrethiam ve a ni chêk ang, "Mau tlem te ka zu sat lawk ange," tiin min chhuahsan vut a, engatana hman tum chu ni maw?
"Kekawr hi i hâk lohna a rei tawh a ni maw?" Pu Kapa a chhuak chiah tihah chuan a tizui a.
"Rei deuh tho e, engatinge?"
"Ka thak sep sep a, nichin khan ka inhiat sut sut hreh deuh bawk sia."
"Phelh leh mai la, Hrukpuan kha veng leh mai rawh," ka lo ti a.
Pawnah chuan chhuakin a kekawr pho chu a va dap that that a, "A ro chu a ni mai, a hak theih tawh ang," a ti a.
"Ti ro chiang law law la."
"A tlâng bak hi a huh chuang lova, a pawi lovang, engtham mah a ni tawh lo."
"Khawi lo la rawh, meiah hian ka lo hemsak ang che," ka tih chuan min pe zui ve mai bawk a.
Kan han hem chu nuam kan ti dun ta phian a, ka kekawr nen lam chuan kan hem ro ta vek a. "Ka riak châk e," a ti leh pek a!
"Ti khan va muhil la i riak a ni mai lawm," ka tih chuan a ngei hmel teh asin.
"Min fawp nasa lutuka ka hmui a thip hlurin ka hria," ka tih chuan phâwk zetin min melh a, "Eng maw?" meng tal tap chung chuan a ti zui a.
"I hmel a ṭha ka ti," ka lo tih chuan min rawn bawh deuh ruak a, chhuatah chuan kan tlu rum rum a, a nuih lah a za.
Mu reng chung chuan kan ti ti a, kan infawp a, kan va hlim si em!
Pu Kapa lo haw hma chuan chaw kan ei fel a, a lo thlen har em avang chuan nghak chhuak duh lovin hawsan mai kan tum a, "Hetia awm reng hi ka van chak tak," a tih leh pek kha.
Pa Rama te Thlâmah chuan ka phone thuhrûk la turin kan lut kawi a, harsa lutuk lovin ka la thei mai a, a battery chu charge ve ngial a ngai tawh ang.
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
[TUH RAH]
[ *P.C Malsawmzuala* ]
Ṭhen 9-na
Zing dar sarih velah ka phone chu a lo ri ral ral a, tun ang huna min betu an awm ngai loh vang chuan mak ka ti ang reng viau mai a. Ka harh reng nachungin ka la thochhuak lem lo.
Ka phone chu ka han en a, Madini lek chu lo niin.
"I la tho nange?"
"Tho chiah lo. Eng nge ni ta?"
"I va'n tho har ve... i la mut ka ring a, ka rawn tibuai chak che a."
"Buaina tur a awm lo e. Vawiin chu min ṭhulhsan hmel em?"
"Ṭhulh lo turah ka ngai. Eng emaw thut a awm a nih loh chuan. Dar kuaah chuan ka confirm hman ang, i kal hma ṭhin em?"
"Duh hun hunah a ni mai a, kal theih i inrin tho chuan tiffin tur siam la, chaw chu Thlâmah kan chhum mai anga," ka ti zui a.
"Eng nge ka siam ang?"
"Ka hre nang, a rem rem a ni mai alawm. Tam pawh a ngai chuang lo. Kan pahnih eitur a ni mai a." https://darxikaziakfung.blogspot.com
"Ok boss, tui deuh ka lo pai ange. Ka siam ngat aw niang."
"I siam loh te chuan a chi nang, i thiam leh thiam loh te pawh kan hria ang chu..."
"Naa.. chutiang zawnga i endik dawn chuan ka lâktlak vak loh a nia. Tho tawh rawh; inphih fai la, chaw i eitui thei nang," a ti zui a. A tih a nih vang pawh ni em em chuang lovin ka tho zui ve ta nghal a.
"Lo phei tawh la, kan office chhak kawngpuiah khan min lo nghak mai rawh. Kal lo thei lo turin office ka thleng." tiin a nui zui hak a. Dar 9 rik hma deuh chuan an office lam pan chuan ka tlanchhuak zui ta nghal a.
An office chhaka rei pawh ka din hma chuan a lo chhuak chho zui ve nghal mai a. A incheidan mawlh chuan ka mit a la!
Kekawr lian leh puk hliai hluai hain; kamis ṭial zet, lianpui bawk hi a ha leh a, a kawngah a la suih ṭat zui leh ta nghal a! Lukhum parh hlai tak khumin Rack-sack a ak bawk a, ka hmuhtirh phei chuan amah a ni lo emaw ka ti hman hial a. Mahse, amah ngei chu a lo ni bawk si.
Ka nui deuh chu a hmu nge ni Bike chunga ka ṭhu hle hle lai chu min chum taih a. "Eng nge khatia min chum ngawt?" "Min nuih..." tihpahin ka banpuamah chuan a piai leh kher a.
"Khawnge scooty i dah a?"
"In ah, Bus-in ka kal a... Office-a daha lam haw leh chu a peihawm loh alawm. Kan hawchin tur a hriat bawk si loh."
"I inchei nalh khawp mai," nui deuh chung chuan ka ti a.
"Haha, office tura insiam a, inthlâk leh ka peih lo alawm. Bakah, heti hian hnathawk tur chhuahin chhuak ila thildang ṭulah pawh min pawt ngam lo deuh ang chu ka ti.. A nalh lo viau em?"
"Nalh lo hran chuang love, thawh nasat i tum hmel em a.."
"Vawk in kan sa dawn ni lo'm ni? Kan thawhpui te bulah pawh 'kan vawk in tur kan sa dawn' ka ti mai asin," a nui zui hak a.
Tichuan, kan huan lam pan chuan kan inphurchhuak ta vau vau a.
A bag chu ah sakin ke-in kan huan lam chu kan pan thla leh a, ka hmaah chuan phur zetin a kal vat vat a, naupang hruai ang maiin a ri teng tung mai a, Thlâm a lang ta tihah chuan mi pawh ngaihsak lovin mi tlansan daih a, a lo châk thlu ngang a nih awm hi mawle.
Ka zu thlen thlâk ve meuh chuan Pu Kapa hnathawhna bulah chuan a lo ding vang vang tawh a, Thlâma ka lût min hmuh chuan a lo phei zui ve nghal a.
A iptea mi ka dahchhuah mawlh mawlh lai chuan hnunglam aṭangin min lo kuah chaih chaih a, "Ka riak ve chak e, riak ve ila..." a la ti zuiah!
"Ka rai palh ang a sin," ka tih chuan a nui zui var var a.
"Chetsual kher i tum a niang chu. Ṭha deuhin kan mu mai dawn alawm."
"A har ang, til reh loh leh chhul lâk bawk si loh tan chuan..."
"Awi, i ngai dâm em mai a. Ziaawm teh."
"Chawhmeh i va paihnem em em ve,"
"Nia, ka nuin a lo dah belh leh a nih kha. Kan eiṭeuh mai ang a. Ka pu pawh sawn a ei ve duh ang chu."
Ka insiam peih hnuah chuan Pu Kapa hnathawhna lamah chuan kan phei dun ta a, ruahmanna hmasa kan neih ang chu a lo zo deuh duak tawh a. Han khawihpui tur em em pawh a awm hran tawh loh vangin huan mawnglam fang tur chuan kan kalsan ta daih a.
"Hetianga zau hi engtinnge a hma khan nangmahin i enkawl theih a, a hahthlak awm e," a ti a.
"Ka thawh tak chu a la tam vak hleinem, ka pa khan tuna thlai leh thildang awm ho hi chu a lo phun hman vek a, keichuan tihfai hi a ni deuh mai ka thawh chu. Hmathar lak vak pawh ka nei lo. Chhak lama kalkawng bula vawkchaw hmun kha ka siam chu a ni deuh mai."
"Chu pawh ni se, a zautham tho alawm. Samfai ringawt pawh a hautak dawn asin. Hrisel a ngai viau ang."
"Nia, hrisel ṭhat chu a ngai khawp mai. Tunah chuan thlai an puitling ṭan tawh a, hnim ṭo tur a nep ta deuh a, enkawl pawh a nuam viau tawh. A hma te kha chuan hlawhfa te ka chhawr a, mahnia thawh sen kha a ni bawk si lova, bei a dawng rum rum ṭhin alawm."
"A ni duh ngawt ang. Mahnia enkawlah chuan a zau em alawm."
Pathianni tlaia hmunhlui tlâng lama nula tlangval lengdun ang maiin ka bânah chuan a chelh ran a, muangchangin huan mawnglam pan chuan kan kal thla dun ral ral a, kal chung ngawt pawh chuan thla kan la hnem dun malh malh viauin ka hria.
Thingbuk hnuaiah kan ṭhu dun a, kan ti ti tui dawn viau a, 'muah' lam a lo lang leh ṭhin a, duh ang pawhin kan ti ti tui hlei thei meuh lo chu a ni.
Chutia kan inkuah uluk hle lai chuan mipa ve ta chu ka puakruk pai a lo in ralring ta deuh a, ngaihtuah a tawi tâk tuk chinah chuan a kawrhâk lian zet, a hmalama kawrkilha a kilh bâk a suih ṭat chu ka pawh phelh sak a, a kamis kawrkilh ka phelhsak lai pawh chuan chhuanlam engmah siam lo chuan min la kuah ve chial a, a bâk sâwn ka tum erawh chu ka kut a man chiang chaih chaih khawp mai!
Tihluih ngial ka tum pawhin a ṭang na ting a ni mai.
"Zothan, i thil tih hi i hre chiang maw?" lungawi vak lo tih hriat reng chuan a ti a. Chhân ṭul pawh ka ti lo. Ngawireng chuan ka kuah hnai a, a bul aṭang bawk chuan ka'n fawp ṭha leh a. A ngaih a ngam tawh zat lo a niang mi pawh a chhanglet ṭha duh tawh lo.
Thâah min hneh mawlh hek lo le, leihângah chuan ka bawhbet ta ran mai a, a tal faih faih chu thawklehkhatah a chawl daih a, 'huai tak ei' tiin fawh tumin a hmui lam chu ka hnaih chhova, ani lah chu a mittui a lo tla zawih zawih tawh bawk si.
Rangtakin ka thova, ngawirengin a bulah chuan ka ṭhu ta hle hle a, ka inthiam chiah lo. Mahse, helai ramhnuai pilril thleng kan kal tawh a, mipa ka nihna lantir lova awm kha a ho ka ti ve deuh bawk a ni. College kan kal laia Ramsanga sawi kha ka hre reng ṭhin. 'Hmeichhia chu a fala awmpui chuan tum tak tak kher loh pawhin 'fight' chawt tur. Engtinmah tih loh chuan a hnu-ah pa lo mi tih te an ching leh a...' a ti ve tlat. Ka lo la vawng reng pawh a ni mahna le.
Cigarate ṭanin ka fawp vang vang a, ka bula a inhnit faih faih pawh chu ka hre reng. Mahse, ka ngaihsak duh bik miah lova, engtinnge min tih teh reng tih chu ka hriat châk leh ka ngaihchan ber a ni.
Hnunglam aṭang chuan ka kâwngah a rawn kuah a, ka hnunga bei thlem chung chuan a insût leh hraih ṭhin a, nuam chu ka ti bîk chiah lo. Mahse, lungawi lo angin ka awm ve laklawh tawh bawk si.
"Ate, thildang engmah pek tur che ka nei lo em ni?" Mi kuah nghet sauh a, chhanna erawh a dawng hran lo. Tuma'n 'Ate' tiin min koh ngai tawh lo asin, ka tetlaia ka chhungte min kohna ṭhinna a nia. Engtinnge maw a lo hriat zawk ni.
Hnunglamah chuan min kuaiawn a, a malchungah min muttir a nih tak ber chu.
"Thil hlu dang engmah pek tur che ka nei lo. Ka thianghlimna chauh hi i laka chhuan tur ka neih chhun a ni..." sawi chhunzawm harsa tih hmel tak chuan thlanglam chu a melh vang vang a. https://darxikaziakfung.blogspot.com
Keilah chu maimitchhingin ka ngawi vang vang mai si. Sawi tur hre tlat hek lovi!
"Khawngaih takin hrethiam hram rawh aw, ka nuna i lo luh hnu hian ka nunphung hi a danglam tak zet, i tan zuamawmin ka awm fo ṭhin tih pawh ka hria. Mahse, ka thianghlimna hi chu min vawnpui turin ka ngen duh che a ni. Midang tan ka ti lo, i tan chauh ka invawng ang," ka beng chu a hmet niap niap a, dimtein ka hmuiah chuan a rawn fawp zui a.
"Ka ta i ni ka ti ngam ngai dawn lo a nih chu," ka lo ti zuai raih a.
"Ni lo, chutiang zawngin ngai lo hram rawh. Kan inlaichinnaah hian sex hi tel miah lo mahse keichuan ka phatsan ngai lovang che, tuna kan insum hi nakina kan hmakhua tur a ni asin."
"Nakina tih tur tho te chu...eng nge danglamna?"
"Nakinah chuan i nupui ka ni ang a, a hunah, a hmunah chuan i thu thu a ni tawh ang. Mahse, tunah chuan thilsual leh ṭha lo a ni tih hre reng chungin kan tih a ngai dawn asin. A nuam tluantling dawn chuang lo. Hrethiam la..."
"Tuna châk a..."
"Heih, khati khan awm suh, tleirawl inngaizawng ang maia awm rual pawh kan nih tawh loh hi. Engkim ngaihtuah thiam rual," tiin a lo kunhniam a, uluk zeta min fawhna chu ka chhang let lo thei ta lova.
A lukhum leia tla chu chharin a bengfai phawrh phawrh a, "A lum e, tuia inchiah ka châk, ka banchuap tawh. Nangmah vak vek." a hmui chu a'n tikawh ṭha leh a.
"Ka va ropui hmel em em ve mawle," ka lo ti a.
"Engvang ngawtin maw?"
"Khaw tilum leh tivawt thei ka nih te chuan ka ropui viau ang chu mawle."
"Nah, chutiang ka sawi lo a... I sual vang," a ti zui hlak a.
"Sual vangin khua a lum ngai pawh ka hre ve lo e a.."
"I va'n chimawm tak," tih pahin ka bengah chuan a pawt chiam a.
"Chutia lum i tih viau leh Thlâm kawtah khan i inbual dawn nia, ruakin.."
"Kan ṭang zo tawh lo palh ang, 'tih rih loh ni se' tiin kan rela tiin dah rih mai ang aw," amah zawk hi alawm maw chimawm le.
Lum ka tih ve tho vang chuan kan ri te nena kan inkar kawrah chuan ka luhthlakpui a, "Chakai khawrh ang," ka tih chuan a phur kher mai.
A kekawr lian tak mai chu a khûp chungah a thlep chho daih a, ngawhnuai kawrte chêpah, tuma thawm riva pawh hriatphak lohna hmunah; nula hleitling leh tawr ṭha lam, bul maia a'n pen var hai hai mai ṭhin chu mipa ka nihna hi ka va han hre nawn ngun awn awn tak!
Thui fe chu kawr chu ka zawh thlakpui a, a lui chu a chhengchhe em em hran lo bawka khawpui nula no tak tan pawh kal harsa tur a ni lem lo. Mi erawh a ban dai dai reng fova.
Lung ka phawh hmasak berah chuan kutzungpui tia lek tur chakai note hi a lo awm a, 'man rawh le' ka ti chu a hlauh ka rin nen, a lo hlau awzawng lo mai a, ṭha tak chuan a man ve mai bawk a. A hlimpui kher mai!
Kan khawrh sawt meuh lo chu a ni e, ding meuha infawh leh laklawh lai taka 'selfie' kan ching lutuk a!
A kekawr thleh chhin ve te pawh chu a sawt vak lo aniang a huh hnuang tawh a, keilah chuti bawk. Kan lungawia kan hlimna erawh mana lei rual a ni si lo.
Kan man ve leh zauh ṭhin a, rinaiin a pung duh phian, a kenna tur kan lo inring bawk si lo. Ramhrui chhatin a bawppuiah ka hling khawm a, ka khaitir ta ringawt a, Pa Rama te pawhin an khawrh ngai lo a ni chêk ang chu hmehkhawp tur chu kan man ve mai bawk a.
Vawikhat chu a rawn ṭechhuak hlut a, a kutzungpuiah a lo chehtir chu niin ka pan phei thuai a, a thlah duh mai si lo, ani lah chu a men deuh par tawh a, tihngaihna dang awm hek lo chakai bawppui zawk chu ka seh keh ta ringawt a, a kut chu a sen ṭul a, ka nuih a za bawk sia, ani lahin na a ti bawk si. Ka nui ngam ta chiah lo a ni.
Huan chhung kan chhuah chhoh chuan kan duhtawk ta a, "Hetah hian inbual law law ila," ka tih chuan a nuih a za deuh viau mai. Kan huh hnuang mai bawk si a, engtin emaw tak kan tih chu a ngai ngei ang.
Thlâm kan thlen chhoh chuan Pu Kapa pawh a lo chawl mek a, "E kha, chakaite in lo zuk khawrh a ni maw!?" tiin Madini Chakai khai lai chu a lo thlêk vat vat a.
Madini chu a thawmhnaw lo tihul tura ka duh vang chuan Pu Kapa nen chuan a Vawk insak en tur chuan kan inzui chhuak dun a.
"I thawk chak kher mai. Keimah chuan bei ila karkhat chuang fe ka thawh a ngai awm sia."
"Thingtlang lama seilian tih takah ka hrisel ṭhat hi chuan hnathawh hrawih hrawih mai hi nuam ka tia, awm awl lutuk te hi nat a awl te ka ti ve deuh ṭhin. Kum lamin min chaldelh ve ta deuh mai pawh a... Ti hian Vawk note i man hun hunah kan dah thei chu a ni mai a. Engtikah nge i man theih hmel a?" a ti a.
"Tunkar tawplamah hian lo kal rawh an tia, kan man thei tawh turah chuan ka ngai ngawt mai. An lo ti khirh khân ve hrep a, pawisa peka man mai theih turah ka ngai deuh a nia. File te an lo kaltir thlap thlap ṭhin a niang chu."
"Sawrkar pawh hi a... thil awlsama tih mai theih hi a buai ngai zawng hian an kalpui ve ṭhin bawk a ni. Awlsam taka tih theih tur a kawng kual lama kalpui kher hi an duh ve bawk a niang chu."
"A chaw hmun khi kan khawp i ring em?"
"Kumin atan te chuan harsatna a awm lovang. Kumthar lamah chuan an hautak ve deuh tawh ang a, khilai a mi ringawt khi chuan kan chawm zovin ka ring lo."
"Wheat vai leh pigfed vel te pawh kan ngaihtuah ve ang a, henglaia mi ngawt ring lo deuhin. Kumtharah chuan a lu lam khi tlem vahbelh hrim hrim ila a ṭha ang."
"A ṭha mai thei. Kawlbahra ho khi vawkin thlang lamah hian awl a zau thova ka phun ang chu ka lo tia, kawrkamah pawh khuan Pangbal a chin ṭeuh theih ang ka ring. Pangbal hi a hlawk a, a hnah thlengin vawkchaw atan a ṭha ve thova," a ti a.
"A ṭhat chu chutiang a nih chuan. Chinchang ka hre ve vak lo a nia, ṭhaa i hriat danin ti mawp mawp mai rawh," ka tih mek lai chuan Madini pawh hrukpuan veng ṭat chung hian a lo chhuak phei ve a.
"Kei chu vawk hralh hun a ni ka châk tawh.." a lo ti thla ngawt a.
"A man i têl phâk ve ang maw!?" ka lo ti thuai a.
"Phâk ka tum alawm, ka tel lo chuan a hralh theih lovang," nuichung chuan a lo ti ve mai a. https://darxikaziakfung.blogspot.com
Thlâm lama kan kir leh hnu chuan nî pawh a lo her bawih tawh a. Pu Kapa chuan kan chawei tur chu min chhum sak a, ka kekawrbul, Thlâma ka riah chu Madini chu ka hâk tir a, Pu Kapa meng zuk zuk pawh a ziaawm ta deuhin ka hria!
"Chakai hi engtinnge kan hawn ang aw, bur ruak a awm mai ang em?"
"Hmannia ka maubur hman pawh kha a la awm ang. " Tiin tapchhak bula a tun chu min rawn pe thuai a. "Madin, i chhungten an eiduh em ang chu maw?"
"Ei duh e, min hawntir in tum em ni? A ngai kher lo nia."
"Hawn vek rawh, kan ei vak lo. Ka chhungten an ngaina vak lo a niang an lei pawh ka hre ngai lo."
"A tam awm e, khatiang zat em em te chu kan eiseng chuang nang, insem tal ila."
"A tam loh hi, chhungkuaa eitur te chuan.."
"Tam lutuk, chawhmeh kan eitam bawk si lo. A ṭhing anga kan paih leh mai mai ang a uihawm," a tih teh tlat vang chuan Pu Kapa hmeh tur chu ka dah ṭhensak ta ringawt a, a remchang phian e.
"Eng chaw nge kan ei dawn chhun chaw nge tlaichaw?" tiin Madini chu a nui kar kar a.
"Ei hma vak lo ila, tlaia chaw ei ngai tawh lo turin a ni mai a. Hawna a hla chuang lova," ka lo ti a.
"Nia, tuna ei chu a laklawh dawn em mai a peihawm loh, bakah zanah ril a ṭam leh hman ang."
Pu Kapa chuan hunthawl kan duh a ni tih a hrethiam ve a ni chêk ang, "Mau tlem te ka zu sat lawk ange," tiin min chhuahsan vut a, engatana hman tum chu ni maw?
"Kekawr hi i hâk lohna a rei tawh a ni maw?" Pu Kapa a chhuak chiah tihah chuan a tizui a.
"Rei deuh tho e, engatinge?"
"Ka thak sep sep a, nichin khan ka inhiat sut sut hreh deuh bawk sia."
"Phelh leh mai la, Hrukpuan kha veng leh mai rawh," ka lo ti a.
Pawnah chuan chhuakin a kekawr pho chu a va dap that that a, "A ro chu a ni mai, a hak theih tawh ang," a ti a.
"Ti ro chiang law law la."
"A tlâng bak hi a huh chuang lova, a pawi lovang, engtham mah a ni tawh lo."
"Khawi lo la rawh, meiah hian ka lo hemsak ang che," ka tih chuan min pe zui ve mai bawk a.
Kan han hem chu nuam kan ti dun ta phian a, ka kekawr nen lam chuan kan hem ro ta vek a. "Ka riak châk e," a ti leh pek a!
"Ti khan va muhil la i riak a ni mai lawm," ka tih chuan a ngei hmel teh asin.
"Min fawp nasa lutuka ka hmui a thip hlurin ka hria," ka tih chuan phâwk zetin min melh a, "Eng maw?" meng tal tap chung chuan a ti zui a.
"I hmel a ṭha ka ti," ka lo tih chuan min rawn bawh deuh ruak a, chhuatah chuan kan tlu rum rum a, a nuih lah a za.
Mu reng chung chuan kan ti ti a, kan infawp a, kan va hlim si em!
Pu Kapa lo haw hma chuan chaw kan ei fel a, a lo thlen har em avang chuan nghak chhuak duh lovin hawsan mai kan tum a, "Hetia awm reng hi ka van chak tak," a tih leh pek kha.
Pa Rama te Thlâmah chuan ka phone thuhrûk la turin kan lut kawi a, harsa lutuk lovin ka la thei mai a, a battery chu charge ve ngial a ngai tawh ang.
©________[ɐʞızɹɐp]________®
STORY dang chhiar duh tan
BLOG
https://darxikaziakfung.blogspot.com
FACEBOOK group
https://www.facebook.com/groups/142647166142127/
Comments
Post a Comment