FROM THINGTLANG - II
___________ ___________
FROM THINGTLANG-II
[My Diary]
30/3/2017 - 1/4/2017
Khatia pawlruk zirtura zawlkhawpuia ka arnghal luh ve ngawt mai kha thilmak tehchiamah pawh ka ngai lo. A chhan chu ka hmaa kal te reng reng um phâk tuma um chawt ching mi ka nih vang a ni.
Sikul kaini hmasa berah kan khawhming aṭangin nuihzat ka han tawk nghal pang mai a, bulṭanna duhawm tak zawng a ni mawlh lo a ni. Kan zirtirtupa lah khan ka thlavang hauh chu sawi loh a mak ti ber berah khan a la ṭang zui ta lai a! Tunah chuan 3x6 ah a ṭawihral tawh ang.
Pawlruk kan nih lai kha chuan tlemin ka la zum ve deuh a, Zawngin pa kha a harhpawl ka ni chiah lovin ka hria. Ka hmaa ṭhu harh lutuk kha kan Headmaster-in Duster (pheikhawk brush) hian a vawm a, ani lah kha a lo thle zeuh a, duster lo thlawkphei laklawh bawk si khan ka kapzeh tak maiah hian a rawn si chawrh mai a! Sawi ngam bawk si lovin ka kun tak ngawih ngawih a..
Lalfaka nen khan kan insual teuh viau mai. Ka exercise bu ken kha hmawlh hian a rawn vaw deuh sek a, a zuam zawng tak ka ni teh reng aniang chu a pawp deuh ti tih thleng khan a vaw reng a, ka ding mar thut a, a hmaiah ka hlap sak ve pawp mai a, sikul kan kaichhung zawng khan min tihbuai ka hre leh ta miah lo!
K.Muana tih kha kan nei roh a, ani lah kha 'K.Dawng' ti hlir khan kan au lui tlat pek a, ṭappurin kan zirtirtu te hnenah khan a lova sawi a, kan sim hlen chuang lo, tun thleng hian khawlaia hmuh chuan 'K.Muan' ka la ti hman chuang lo!
Sikul building thar sakna tur rora te kha zirtawpni hian min chhuttir ṭhin a, nikhat kan han chhu leh chu pawl 7 a mi Lalthlenga hma takah hian ka ṭhu a, ani lah khan uangthuang fe hian a chhu lauh lauh reng a, a tuboh chu a thir chin zawng a rawn thlawk phei ta tlat mai a, kei a hma taka ṭhu chuan ka ha hmai tak mai hian ka lo dawngsawng pek a!
Ka hâ kha a bung chiang kher asin! A thlawn zawng a thlawn em lova, a chanve velah tak mai hian a bung a, a hriam reuh bawk sia, a hnu deuhah chuan ka phawitir ta law law a, tun thleng hian...Gate ka neih phah!
Gliders (ṭhelret chappal kha) chhuahtirh lai kha a ni a. Kei, sikula pawisa paitur pawh nei ngai hlei lo kha chuan uniform hak loh ni-ah pawh bata sleeper bak kha bunchhuah tur nei ve nghal hek lo. Ṭumkhat kan sipâwt tur mipaho min dintlar tir a, midang chuan gliders kha an lo bun vek chu niin kei lah khan kekawrbul lian fe mai hachungin bata sleeper ka la bun ṭat a, hmeichhe pakhat hian hmusit rawngkai tak maia ka sleeper bun chung chang a sawi hi ka la hre reng mai. Tun thleng hian ka bengah a la fiah em em. Mahse, tunah chuan awhawm tak ni lo mah ila kha nu khan min chhohmelh ni hi a tawng ngun zawk ta ve ang!
Pawisa paitur nei lo sawi takah chuan chhun chawlhah hian kan in kha vengtawp lam mah ni se ka haw nal nal a, chawṭhing ka va bar zawk zawk a, hmanhmawh fe hian ka let leh ṭhin. Dai tam hrut ṭhang tih takah harsatna em em chu ka nei pawhin ka hre lo. A hunlai kha chuan a lo tih theih viau mai.
Ka sawichhuah vawikhatna atan, ka sual kan puang ange: Ka pa hi hnâng deh thiam tak a ni a, mizo pain hnâng hmanga an tahchhuah chi ang zawng zawng hi chu a tah thiam loh pawh ka hre lo. Chutiang mi a nih vang chuan hnâng hlaina tur chem, a hranpaa a chher tir ngat hi a nei a, lian vak lo, nalh deuh tak leh hriam ṭha zet mai hi a ni.
Chu chem keng chuan ka u pakhat hi a lo zin pek a, eng nge a lo kal chhan ber pawh kha ka hre tawh lo. A chamchhung khan sikulah hnathawh ni kan nei a, intithei fe hian ka pa chem 'cial' chu ka kengchhuak alawm mawle. Hna kan thawhzawh dawn tawhah hian Lalhmingchhuani thet thawt khan engtin nge maw a thlauh teh reng ni chu ka chem ken chu a laitakah hian a bung hmawk mai a! Kha mi ṭum ang reng renga ina haw ka châk loh kha a vâng ve ngawt chuan ka hria. Ka u khan min hau ngei ngei dawn tlat.
Tichuan, ruahmanna ka siam ta a ' bangrelah ka dah anga, an hmuhlaiin ka ti tla lui anga a ni mai' tiin.
Mahse, in ka hnaih tial tial a, ka zam tual tual mai si, a tuk zingah ka u lah chu haw tur a la ni zui a. Kan in pawn lamah hian 'Tâkin room' hi kan nei a, chutah chuan ka thukru ta daih a, 'ka hmu lo' tih chu ka chhuanlam tur hawpui chu a ni ta.
Tichuan leh, a tukzinga ka u haw tur chuan hmazet hian min lo kai thova, "Khawnge nimina i chem ken kha i dah a?" A rawn ti ta! "Bangrelah khan ka dah kha.." tiin ka'n zawnpui chiam mai a, kan hmu lo nasa mai. Phur lo zetin a kal lo thei si lova, ka pa hauh hmabakin a kal ta hnak hnak a.. Tun thleng hian ka la sawichhuak ngam lo! Hei pawh hi an chhiar loh hram ka la beisei fan a ni.
Aizawl ka awm kum kha chuan dai dar ve hrim hrim châk vang khân ka vak nasa ṭhin khawp a, veng hrang hrang kha ka hre chiang hma viau mai, chutih rual chuan chian lohna lamah chuan nawi ve thei tak mai ka ni. Khai mah aw..
Ka nî hi sam siam ṭhin a ni a, ṭumkhat chu a sam siamna bungrua, Velocit kha a nghei hlauh mai a, 'Chanmari kawnah mi han leisak mai teh' a ti a, phur zet hian ka han chho ve nal nal a, a dawr sawi ni a ka hriatah khan, 'Vatican in nei em?' Ka han ti ve rawih mai a, an lo bo hêl hâwl khawp mai, kei lah hrilhhai bawk!
Tun hnu hian ka han zawhna dawr kha Hardware dawr a ni tih ka kalpelh fo takah hian ka hrechhuak a, za lo zet hian a bula ka kal hi chuan ka la nui ṭhin. Chu a chhapah ka thil han zawh lah khi a hming a inpersan mai siah!
Pawlruk kan nihlai khan Sesawng hmuna Central Training Institute kha kan school-in kan han tlawh a, MST Bus ṭawngṭawl zet hian min phur chhova, keilah hi motor ruih ka hrat hunlai kha a ni a, thlen dawn ruaiah ka luak a chhuak leh tlat mai pek a, ka bula ṭhu tui ken kha han lemsak zeuh tumin ka dil a, kan zirtirtu pa, mi aia lo kal khan, "Tui pai vek tur kan tih kha" a lo ti pek a. Ka insak duh ta lova, tukverhah pawh dakchhuak duh lovin ṭhuthmunah kan zirtirtupa hmuhlai ngei chuan ka'n law ngheng mai a nih kha! Mai mai shala..
Armed veng field-ah khuan Zonal Sport kha kan nei a, school dangin football an khelh lai khan kan school aṭangin linesman tur kha a ngai sia, kan zirtirtupa khan hminghmerh meuh khan min ko ve bawk a, kei vawikhatmah la phar ngai reng reng lo kha phatna siam hauh lo hian ka kal ve nalh mai a, ka bial a zau khawp mai. Mi linesman te chuan field chanve chauh an ven laiin keichuan field pumpui kha an ball pet dan ang ang khan ka lo kar tluan ve ṭhak a, min la nuih chiam zui leh ta nghal a!
Ball kan pet ve ngei bawk taka, ka kekawrbul lianpui bawk kha hachhuak lehin a suihna awm lo, elastic chauh anih vangin a lo ṭha lo khawp mai. Field chhaklam kha a lo diak deuh bawk si a, ka tlan ṭan dawn chauha kekawrbula chirh kai nen ka kekawr hak chu tla zel mai bawk si. Ka inkhel ve hman meuh lo chu a ni ber mai. Mahse, mi ka tinui hnem ber thung tal alawm le!
Scholarship lâk kha tute mai pawh khan kan châk vek ṭhin a nih kha. Khatihlai khan kan ṭhianpa C.Sawma kha chuan form a fill up ve duh der lo mai a, mak hi kan han ti khawp a, 'ka chhungten i la thei lo an ti' a ti tlat mai a, tunhnua ka ngaihtuah hian an chhungkua hi ka ngaihsan phah. Amah C.Sawma chu tuna Ramhlun Local Council Secretary (2018) hi a ni nghe nghe. UPC ngat!
Computer te kha milian deuhho khan an nei fur tawh a, kan pawla mi te pawh khan an lo nei ve a ni awm a, kan zirtirtu pakhat hian, "I khawih ve thiam tawh em?" tiin a zawt a, ani chuan, "Ka on thiam tawh," a ti. Kan khawvel hi a lo va han changkang chak tehlul ve le, tirawh u maw.
Inkhawm lam hi ka ngaihpawimawh vang pawh ni em em lo hian ka chhungte hian an ngaipawimawh khawp a, ṭhian nei mumal lo chung pawh khan ka inkhawm ve ziah a, Inrinni zanah hian kan venga pa challang tak pakhat nen hian ṭhutna bik nei hian tlar sarihnaah; ani a kilah, kei a hmawr zawkah awmin kan ṭhudun ran ṭhin a, ka rualpui inkhawm ka hmuh vak pawh ka hre ngai lo. A lo ṭha khawp mai khang hunlaia kan lo ti ve hram hram kha..
Ṭumkhat chu chawhnu inkhawm dawnah hian ka nutei fapa hian, "Inkhawm lovin scooter sil mai ila, khalh te i zir nghal anga," a ti chu ka phur kher mai. Mahse, ka inkhawm loh chuan ka chhungten min hau ngei dawnin ka hre bawk si. Ka châk bawk si maw..
Tichuan, hmanhmawh zet mai hian ka insiam a, ka chhungten an hmuh ngei tur chuan ka hmaa an kal chu ka va kalpel fua a, biak in kawt aṭangin an hmuh loh hnuah ka let leh a, scooter chu kan va sil ta suah suah mai a, khalh te pawh ka zir ve alawm. Mahse, BMX takngial pawh khalh ve ngai lo ta chu mahni chuan ka ṭhutlir zo lo achha chu a ni e.
Ka chhungte lah chuan min han hrechhuak chiang khawp a, 'I khawsak dan aṭang khan i rinhlelhawm, khati taka i hmanhmawh kha..' te min tia, zep theih ni nghal hek lo le, councelling class tlailamah ka kal phah tâk kha..
[Pawl 6 ka nih kum chauh ka ziak hman ka ti, ka la chhunzawm leh chêk ang...]
©_______[ɐʞızɹɐp]_______®
FROM THINGTLANG-II
[My Diary]
30/3/2017 - 1/4/2017
Khatia pawlruk zirtura zawlkhawpuia ka arnghal luh ve ngawt mai kha thilmak tehchiamah pawh ka ngai lo. A chhan chu ka hmaa kal te reng reng um phâk tuma um chawt ching mi ka nih vang a ni.
Sikul kaini hmasa berah kan khawhming aṭangin nuihzat ka han tawk nghal pang mai a, bulṭanna duhawm tak zawng a ni mawlh lo a ni. Kan zirtirtupa lah khan ka thlavang hauh chu sawi loh a mak ti ber berah khan a la ṭang zui ta lai a! Tunah chuan 3x6 ah a ṭawihral tawh ang.
Pawlruk kan nih lai kha chuan tlemin ka la zum ve deuh a, Zawngin pa kha a harhpawl ka ni chiah lovin ka hria. Ka hmaa ṭhu harh lutuk kha kan Headmaster-in Duster (pheikhawk brush) hian a vawm a, ani lah kha a lo thle zeuh a, duster lo thlawkphei laklawh bawk si khan ka kapzeh tak maiah hian a rawn si chawrh mai a! Sawi ngam bawk si lovin ka kun tak ngawih ngawih a..
Lalfaka nen khan kan insual teuh viau mai. Ka exercise bu ken kha hmawlh hian a rawn vaw deuh sek a, a zuam zawng tak ka ni teh reng aniang chu a pawp deuh ti tih thleng khan a vaw reng a, ka ding mar thut a, a hmaiah ka hlap sak ve pawp mai a, sikul kan kaichhung zawng khan min tihbuai ka hre leh ta miah lo!
K.Muana tih kha kan nei roh a, ani lah kha 'K.Dawng' ti hlir khan kan au lui tlat pek a, ṭappurin kan zirtirtu te hnenah khan a lova sawi a, kan sim hlen chuang lo, tun thleng hian khawlaia hmuh chuan 'K.Muan' ka la ti hman chuang lo!
Sikul building thar sakna tur rora te kha zirtawpni hian min chhuttir ṭhin a, nikhat kan han chhu leh chu pawl 7 a mi Lalthlenga hma takah hian ka ṭhu a, ani lah khan uangthuang fe hian a chhu lauh lauh reng a, a tuboh chu a thir chin zawng a rawn thlawk phei ta tlat mai a, kei a hma taka ṭhu chuan ka ha hmai tak mai hian ka lo dawngsawng pek a!
Ka hâ kha a bung chiang kher asin! A thlawn zawng a thlawn em lova, a chanve velah tak mai hian a bung a, a hriam reuh bawk sia, a hnu deuhah chuan ka phawitir ta law law a, tun thleng hian...Gate ka neih phah!
Gliders (ṭhelret chappal kha) chhuahtirh lai kha a ni a. Kei, sikula pawisa paitur pawh nei ngai hlei lo kha chuan uniform hak loh ni-ah pawh bata sleeper bak kha bunchhuah tur nei ve nghal hek lo. Ṭumkhat kan sipâwt tur mipaho min dintlar tir a, midang chuan gliders kha an lo bun vek chu niin kei lah khan kekawrbul lian fe mai hachungin bata sleeper ka la bun ṭat a, hmeichhe pakhat hian hmusit rawngkai tak maia ka sleeper bun chung chang a sawi hi ka la hre reng mai. Tun thleng hian ka bengah a la fiah em em. Mahse, tunah chuan awhawm tak ni lo mah ila kha nu khan min chhohmelh ni hi a tawng ngun zawk ta ve ang!
Pawisa paitur nei lo sawi takah chuan chhun chawlhah hian kan in kha vengtawp lam mah ni se ka haw nal nal a, chawṭhing ka va bar zawk zawk a, hmanhmawh fe hian ka let leh ṭhin. Dai tam hrut ṭhang tih takah harsatna em em chu ka nei pawhin ka hre lo. A hunlai kha chuan a lo tih theih viau mai.
Ka sawichhuah vawikhatna atan, ka sual kan puang ange: Ka pa hi hnâng deh thiam tak a ni a, mizo pain hnâng hmanga an tahchhuah chi ang zawng zawng hi chu a tah thiam loh pawh ka hre lo. Chutiang mi a nih vang chuan hnâng hlaina tur chem, a hranpaa a chher tir ngat hi a nei a, lian vak lo, nalh deuh tak leh hriam ṭha zet mai hi a ni.
Chu chem keng chuan ka u pakhat hi a lo zin pek a, eng nge a lo kal chhan ber pawh kha ka hre tawh lo. A chamchhung khan sikulah hnathawh ni kan nei a, intithei fe hian ka pa chem 'cial' chu ka kengchhuak alawm mawle. Hna kan thawhzawh dawn tawhah hian Lalhmingchhuani thet thawt khan engtin nge maw a thlauh teh reng ni chu ka chem ken chu a laitakah hian a bung hmawk mai a! Kha mi ṭum ang reng renga ina haw ka châk loh kha a vâng ve ngawt chuan ka hria. Ka u khan min hau ngei ngei dawn tlat.
Tichuan, ruahmanna ka siam ta a ' bangrelah ka dah anga, an hmuhlaiin ka ti tla lui anga a ni mai' tiin.
Mahse, in ka hnaih tial tial a, ka zam tual tual mai si, a tuk zingah ka u lah chu haw tur a la ni zui a. Kan in pawn lamah hian 'Tâkin room' hi kan nei a, chutah chuan ka thukru ta daih a, 'ka hmu lo' tih chu ka chhuanlam tur hawpui chu a ni ta.
Tichuan leh, a tukzinga ka u haw tur chuan hmazet hian min lo kai thova, "Khawnge nimina i chem ken kha i dah a?" A rawn ti ta! "Bangrelah khan ka dah kha.." tiin ka'n zawnpui chiam mai a, kan hmu lo nasa mai. Phur lo zetin a kal lo thei si lova, ka pa hauh hmabakin a kal ta hnak hnak a.. Tun thleng hian ka la sawichhuak ngam lo! Hei pawh hi an chhiar loh hram ka la beisei fan a ni.
Aizawl ka awm kum kha chuan dai dar ve hrim hrim châk vang khân ka vak nasa ṭhin khawp a, veng hrang hrang kha ka hre chiang hma viau mai, chutih rual chuan chian lohna lamah chuan nawi ve thei tak mai ka ni. Khai mah aw..
Ka nî hi sam siam ṭhin a ni a, ṭumkhat chu a sam siamna bungrua, Velocit kha a nghei hlauh mai a, 'Chanmari kawnah mi han leisak mai teh' a ti a, phur zet hian ka han chho ve nal nal a, a dawr sawi ni a ka hriatah khan, 'Vatican in nei em?' Ka han ti ve rawih mai a, an lo bo hêl hâwl khawp mai, kei lah hrilhhai bawk!
Tun hnu hian ka han zawhna dawr kha Hardware dawr a ni tih ka kalpelh fo takah hian ka hrechhuak a, za lo zet hian a bula ka kal hi chuan ka la nui ṭhin. Chu a chhapah ka thil han zawh lah khi a hming a inpersan mai siah!
Pawlruk kan nihlai khan Sesawng hmuna Central Training Institute kha kan school-in kan han tlawh a, MST Bus ṭawngṭawl zet hian min phur chhova, keilah hi motor ruih ka hrat hunlai kha a ni a, thlen dawn ruaiah ka luak a chhuak leh tlat mai pek a, ka bula ṭhu tui ken kha han lemsak zeuh tumin ka dil a, kan zirtirtu pa, mi aia lo kal khan, "Tui pai vek tur kan tih kha" a lo ti pek a. Ka insak duh ta lova, tukverhah pawh dakchhuak duh lovin ṭhuthmunah kan zirtirtupa hmuhlai ngei chuan ka'n law ngheng mai a nih kha! Mai mai shala..
Armed veng field-ah khuan Zonal Sport kha kan nei a, school dangin football an khelh lai khan kan school aṭangin linesman tur kha a ngai sia, kan zirtirtupa khan hminghmerh meuh khan min ko ve bawk a, kei vawikhatmah la phar ngai reng reng lo kha phatna siam hauh lo hian ka kal ve nalh mai a, ka bial a zau khawp mai. Mi linesman te chuan field chanve chauh an ven laiin keichuan field pumpui kha an ball pet dan ang ang khan ka lo kar tluan ve ṭhak a, min la nuih chiam zui leh ta nghal a!
Ball kan pet ve ngei bawk taka, ka kekawrbul lianpui bawk kha hachhuak lehin a suihna awm lo, elastic chauh anih vangin a lo ṭha lo khawp mai. Field chhaklam kha a lo diak deuh bawk si a, ka tlan ṭan dawn chauha kekawrbula chirh kai nen ka kekawr hak chu tla zel mai bawk si. Ka inkhel ve hman meuh lo chu a ni ber mai. Mahse, mi ka tinui hnem ber thung tal alawm le!
Scholarship lâk kha tute mai pawh khan kan châk vek ṭhin a nih kha. Khatihlai khan kan ṭhianpa C.Sawma kha chuan form a fill up ve duh der lo mai a, mak hi kan han ti khawp a, 'ka chhungten i la thei lo an ti' a ti tlat mai a, tunhnua ka ngaihtuah hian an chhungkua hi ka ngaihsan phah. Amah C.Sawma chu tuna Ramhlun Local Council Secretary (2018) hi a ni nghe nghe. UPC ngat!
Computer te kha milian deuhho khan an nei fur tawh a, kan pawla mi te pawh khan an lo nei ve a ni awm a, kan zirtirtu pakhat hian, "I khawih ve thiam tawh em?" tiin a zawt a, ani chuan, "Ka on thiam tawh," a ti. Kan khawvel hi a lo va han changkang chak tehlul ve le, tirawh u maw.
Inkhawm lam hi ka ngaihpawimawh vang pawh ni em em lo hian ka chhungte hian an ngaipawimawh khawp a, ṭhian nei mumal lo chung pawh khan ka inkhawm ve ziah a, Inrinni zanah hian kan venga pa challang tak pakhat nen hian ṭhutna bik nei hian tlar sarihnaah; ani a kilah, kei a hmawr zawkah awmin kan ṭhudun ran ṭhin a, ka rualpui inkhawm ka hmuh vak pawh ka hre ngai lo. A lo ṭha khawp mai khang hunlaia kan lo ti ve hram hram kha..
Ṭumkhat chu chawhnu inkhawm dawnah hian ka nutei fapa hian, "Inkhawm lovin scooter sil mai ila, khalh te i zir nghal anga," a ti chu ka phur kher mai. Mahse, ka inkhawm loh chuan ka chhungten min hau ngei dawnin ka hre bawk si. Ka châk bawk si maw..
Tichuan, hmanhmawh zet mai hian ka insiam a, ka chhungten an hmuh ngei tur chuan ka hmaa an kal chu ka va kalpel fua a, biak in kawt aṭangin an hmuh loh hnuah ka let leh a, scooter chu kan va sil ta suah suah mai a, khalh te pawh ka zir ve alawm. Mahse, BMX takngial pawh khalh ve ngai lo ta chu mahni chuan ka ṭhutlir zo lo achha chu a ni e.
Ka chhungte lah chuan min han hrechhuak chiang khawp a, 'I khawsak dan aṭang khan i rinhlelhawm, khati taka i hmanhmawh kha..' te min tia, zep theih ni nghal hek lo le, councelling class tlailamah ka kal phah tâk kha..
[Pawl 6 ka nih kum chauh ka ziak hman ka ti, ka la chhunzawm leh chêk ang...]
©_______[ɐʞızɹɐp]_______®
A ngaihnawm viau roh mai, Pu Sawm, pawl 7 kum han zawm leh dawn teh khai...
ReplyDeletePawlsarih ka zir lova haha
DeleteTha lutuk. I thu hla a rilin a ngainawm thei khawp mai.
ReplyDeleteLawmawm ve
DeleteI thu hi chhiar a nuam,ka ziak thiam ve chak,i chhep nalh bakah a hunlaiah hian kan va cheng ve veng veng ve❤
ReplyDeleteA va lawmawm si em
Delete