MISSION -III, Chapter -1
__________ _________
ɯıssıou-ııı
[FLIRT]
*By : P.C Malsawmzuala*
CHAPTER
- 1 -
Karkhat chuang zet awze ṭawnghmangho zingah chuan kan zu hawi thawveng ve kha a ni a. Ka nu chuan nuam a ti lem lo niin ka hria. Ka pa erawh nuamti awmin a awm leh mai a, a ti tak nge tak lo pawh chu kan hriatpui lem hlei lova.
Ka nuin hrehawm a tihchhan ber ni a ka hriat tak ber chu ei leh in niberin ka hria. Ani vakchhuak ngai lo chu sawi loh Aizawlah pawh ei leh in dawr changkang awmna hre miah lo tur khawpa hun leh sum ṭul vak lova khawhral duh lo mi a lo ni bawk nen, a hriatthiamawm viau e. A fapa hian ka chhun viau bawkin ka hria, khawi emaw lai dawr changkang taka ‘Dine out’ tih vel hi ka chek hian a mil meuh lo. Khamkhawp sum nei ang maia a changkang ni a hriat leh mi bawhlam apiang bawh ngawt hi ka chhia leh ṭha hriatna hian min phalsak hlei thei der lo. Ka thianzau lohna lampang tak a ni.
Mak ka tih ve deuh ṭhin chu ṭhalaiten sum kan hmandan hi a ni. Ka hriatchian ngei leh an hnathawh te, an hlawh tlangpui awm ang ka hriat ve te thleng hian kan duh zawng chu kan ti a, kan nei mai ni hian ka hre ṭhin. Chhungkuaah hian kan hlawh hi kan chhunglut ngai lo nge, kan hlawh hi a tam hrim a, kan chhunluh bang hi hman fe tham a la ni zawk le! Zawh chawt ngam ka hmuh hunah ka la zawt ang, ‘engtinnge sum hi in tih bik?’ tiin.
Puii sumdawnna tur thil vel kan buaipui tel vang chuan keini nupa chu duhang pawhin kan hawi thawveng ṭha hman lo a ni ber mai. Eng pawh ni se a nuam khat viau e.
Kuri leh Rinsangi (kan fanu thar) chu inchhang bung ni mai awm hian an pumrua inthlauhdan chu a lang a. An hmel landan chu ṭawnghmang thiam vang ngawta unau an ni tih chuan a tam zawkin an awih chuang hauh lovang. Rinsangi chuan a nu hmel a phawk viau, hang ngaihno bei tih tur em chu ni lo mah se a ngo ti a sawi theih a ni hauh lo.
Kuri erawh chu a ngo mai piah lamah tisen a nei bawk si a, a no tih hian a landan a sawifiah mai awm e. Khawpui fahrin tih en mai pawh chuan a lang reng mai. Hmaifangah erawh chuan Rinsangi a tluk hauh lo. An mizia chu a in ang dun angreng viau thung. Ngawichawi lam hret an ni. Kuri chuan a pumraw len vang zawk nimaw u zawk chan a chang deuh a, kum lamah pawh kumkhatin a chhuak hma zawk bawk reng a, Rinsangi aiin khawpui ningkhawng palṭhang tih takah a ṭulnaah chuan a kawlhrawng zawk bawk.
Rinsangi school kaina tur vel ngaihtuah tura Kuri te School lam kal kan han tum chu ka nu chuan a lo remti awzawng lo mai a! “Kuri pawh kan lachhuak tawh ang chu tihnaklaia ani dahbo la tum cheu te chu a awm ang lo em mai” min tihsak teh tlat a.
“Nakinah an lo lenhunah an tan a ṭha alawm, an hmalam hun ngaihtuah a ngai asin, tuna an khawngaihthlak tih vang ringawta zirna ṭha an hmuh phak reng pawh kan pek loh chuan a dik lovang” ka tih sak a.
“Zirna ṭha i tih leh i nuin zirna ṭha ka tih hi a in ang lo a nih hmel viau a ni.”
“Tunlai khawvelah chuan sap ṭawng thiam sawih sawih ringawt te hi a tawk tawh lova, Mizoramah chuan zirna inah an hman leh an hmang awrh a, hmundangah hmanna tur a awm bawk si lo, heta an awma sapṭawng nâl taka an thiam ringawt pawh kha thil hlu tak a ni asin, chu bakah zirna dang hrim hrim pawh a ṭha zawk a” ka ti a.
“Fanu sap ṭawng thiam tak; khawvel thila harhvang ve tak leh lehkhathiam, ngaihtuahawm loh tak mai. Mahse, mahni hnam nunphung hre lo, khawhar hla thiamchhuah pakhat pawh nei lo, chhungte nena inkungkaihna awmzia te, chhungkuaa nunho hlutzia te pawh hre lo, hmangaihna pawh dawng ngai lo i neih duh chuan i thutlukna ni teh se,” engmah a sawichhunzawm duh der nang. Chhân chu ka duh, chhân mai ngaihna erawh ka hre lo thung. Ka pa leh Puii lah chu rapchunga sarep ang maiin an ngawi hmak mai bawk si.
Ka rilru chu a dam hauh lo.
Ka nu thlirna chu a dik ka ti viau. Mahse, Aizawla an seilen chuan ṭawng thu chu kawngkhat ni se, ṭhenrual an kawm ang a, kohhranah leh khawtlangah lah duhthusam piahlam hret aia tam inhmanna tur a awm a, an nun a lo he heu viau phei chuan zirna kawngah midang an phak lo ang a, rualawt reng rengin nakinah an awm ka hlau ve bawk si. Phaiah hnamdang zingah ngawt han seilian dawn ta se, ka nu thusawi kha ka ngaihtuah lo thei bawk si lo.
Tlaia zanriah kan kil lai chuan ka pa chuan a sawichhunzawm ve ta chauh a. “Tukina kan inkhinna thu kha thuremna kan tichhuak ang e aw,” a tih chuan mak tiin kan en hau hlawm a. Amah lah chu englam sawi tur nge a hriat hauh lo lehnghal a. “Sangtei te unau chu pawlriat thleng helamah kal sela, Pawlkua aṭanga BA thleng Aizawlah, an graduate chinah an duh leh university chu an duhna hmun hmunah kal ve thung sela” a ti a.
“A ṭha mai a ni law mi Nu-i?” a ti zui a.
“Phaia awm hi a ṭha pawh ka ti lo” a lo ti hmak a.
“Chu i nu pawhin kan thuremna chu a pawm a nih chu, chutiang tur chuan inbuatsaih rawh u” ka pain a tih chuan ka nu pawh a nui ta ringawt a. Hnialkalhna hran kan nei lem lo bawk a, ka pa ruahman anga kalpui tur chuan hma kan la zui ta a.
Aizawl lama kan han hawchho chu chhungkua tak tak, naupang nen kan nih ve tak nuaih vang chuan kan bawr viau mai a. A hlimawm phian thung.
Kan thlen zanah ka u te chhungin kan inah eirawng min lo bawlsak a, unau dangte chaw ei turin an lo kal bawk a, ṭhenawmte an lo chuangkai ve bawk nen, keini zinhaw nen chuan kan ri nuaih nuaih mai a. Mu tura kan han inpeih meuh chuan dar 11:00 a ri ruai tawh a, mut a tui duh viau ta ve ang.
Mu tura ka inṭam hnuah Puii pek chuan ‘ka la inbual lo, kan inbual phawt ang’ a’n la ti kawi leh rih a, ‘Inbual lo mai rawh’ ka tih lah chuan ‘Ka muhil thei nang’ a ti teh tlat bawk sia, chuti na na na, muttheih loh ngawt aichuan han inbual teh poh sela, ka hek phah ve lem hleinem mawle.
Ka lo mutsan hman hram pek a, ka meng hleithei tlat lo. Ka chau ve viau a niang ka ring.
“Va ‘fair’ lo deuh ve mawle,” a tih ri chuan min ti harh a, ka lo muhil hman hram a nih awm chu maw! Ka ke-ah chuan a rawn sawi nawk nawk a, a va han ṭul ber lo e aw. “Heater kha khawiah nge kan dah tak le?” tiin min bia a. “Almira lianah” towel hlaipui silh chungin khumbulah chuan a lo ding reng a, heater chu lachhuakin khumbulah chuan a dah a, a dressing table aṭang chuan inhnawih tur niawm tak chu eng emaw zat a lachhuak a, khumah chuan a rawn ṭhu leh a.
“Honeymoon kan hmang zo tawh tihna a ni maw!?” a ti a.
“Engvang chuan?”
“Muthilh i chak hmel tawh em a,” a nui pât pât a.
Ngawireng chuan a intuamna towel chu ka ke chuan ka tlawh hlimsak a, “I ke a vawt lutuk,” tiin a ṭe ṭhat a. A zakhnuaiah kher chuan ka tlawhlut bawk nen a hik ṭha viau ta ve ang.
“Hei a lum tawh, lo inhemlum phawt rawh”
“Ka tho peih tawh lo,”
“Hm, khati chuan malpuia tlawh kan khap ang,” tihpah chuan eng eng emawni chu a ke-ah chuan a chulh mawlh mawlh a. A towel chu a kawngbawrah chuan a inhnâwkkhawm mai a, a chunglam zawng chu sâp phakrak (Lace!) takngial pawhin a khuh lo! Saisir zawnga thlek ka nih miau vang chuan a awmbawr kawh lehlawh chu hmuh loh der rual pawh a ni lova, hmuh ringawta duhtawk mai lah chu a tiha tih mi ni pawhin ka hre lo. Ka taksa chau deuh viau mah se ka rilru leh a zawmpui pengkhat chuan engkim mai chu an cho zek zek thung si!
A kawngbawra a towel invet hnawk nuaih mai chu engtin tin emaw ka ke chuan ka’n tlawh hlimsak leh hram a, a lutuk a ti deuh nge mawni min rawn melh zauh a, siamṭha tang e phei chu a ti lem hlei lova.
A malpui mawlh mai hi ka chhuang ṭhin! Theih chu ni se thlawnsaka khawlai han put kual ngial te hi a nia ka duh mai ni! A nalh veh vawh em asin. A cher lova, a chum ti dawn ila chutiang em chu a ni si lo. A bawppui a lian ve hrim hrim, chu a chhapah tribal pian ni lo ang hrimin a châng a zing lem chuang si lova. A ba êk ngo hlui bawk si lo. Ngo tak, tisenin a pawlh deuh ti ila a fiah ber awm e. A mawngbawr lah chu mipa lehhawina tawk lek te hian a lian khal alh mai bawk si.
Ka nupui hi ka it ngawih ngawih a ni ber mai!
A taksa mawina belhchhah tura a rilru tluang leh ṭha em em mai chuan min bual â tel bawk nen, min tihlim a, min va han tilungawi ngawih ngawih tak em!
A kut chu a hemlum a, ka ke vawtthlur mai chu tihlum tum niawm tak chuan a rawn hum ta ṭhin a, uain ṭha mi ka nei a ni kei hian.
Chutia ka kehik ringawt a buaipui chu ka khawngaih ta deuh a, ka thochhuak ta nge nge a. Heater chu khum aṭanga aiphak tur chuan a lo hnûk hnai sawk sawk a. A mal chunga ke hlâng chung chuan heater-ah chuan ka ke chu ka hem ham ham mai!
“Kumin chu rinaiin a vawt lo tiraw, nikum tunang hunah te kha chuan khua kha a vawt viau tawh a nia,” a ti a.
“Kumtharah a vawt mai ang. January leh February-ah, a duhtawkin han vawt teh se, tun thlasik chu blanket ka neiṭha tawh tho” ka tih chuan a man chiah lo a niang “I leithar em ni a?” tiin min zawt daih a.
“Leithar e, 450 man chi a nia, a ṭha lutuk.”
“A va tlawm ve, eng ang chi nge, sava hmul ang chi kha a mi?” a tih chuan ka nui chhuak ṭep chu a ni e.
“Ni mai mai nang aw, chutiang a ni lo” ka tih chu bo hmel zet hian min melh a.
“Hei ka blanket thar chu” tihpahin ka han kuah chiah chu a nui ta var var a.
“I sin duh tawh em i blanket chu?” tih sap pah chuan min hnukhnai a, kan hmai insi reng chuan kan han inbih ngial a, ka kutin a awmbawr a thlen meuh chuan am fe hian min fawp tawh a. Heater sain min ur vang pawh ni lo chuan chhunglam aṭangin pangtilum a rawn lang ṭan ta!
Ing euh zet chuan min bawhtlu a, ka taksa khuhtuho chu a ṭhiatdarh rang kher mai! Pastor leh Kohhran mipui hriatpui, man hlan thlapa nei ka ni bawk a, insumkar vak ka tum teh chiam lo. Mi thlawp thlap chuan ka chungah chuan a bawk a, amah lah chuan eng nge maw a hriatni a che duh ta map lo mai a. Ngawireng chuan ka mitah chuan a en kar a, kuah ka tum chu ka kut a man bet tlat lawi a, ngawireng chuan kan in en ta ran mai!
A lungphu chu a rang tial tial tih hairual a nilo, a awmbawr per bawm khawpa ka âwma a nghah pawh chu zawiin a mar tial tial niin ka hria. Insum tih hriat reng chuan boruak a hiplut ham ham a, keipawh ka chuti lua bik chuang lo. Engtia min awmpui nge maw a tum ber ni.
Rei a rial lo, min delhtu a taksa chu a mar khauh ṭang tawh mai a, a mitmeng chu a de sawr sawr ni ber hian ka hria, hmuh a nuam tak zet. A hmui khur der der chu a liak hnawng chap a, aw khur hlak chung chuan ‘Mal, ka insum thei tawh lo a nia” a ti dar dar a. Nghet zet chuan ka lu-ah a vuan a.
“Rei lo te” ka tihsak chu a rum hawk mai!
Ka beng te chu a chul nawk nawk a, ka biang ka hmui zawng zawng nen chuan. A thaw ham ham a, engkim mai chu a inpeih em em vek tawh niin ka hria. Min fawp te reng reng chu a am theih tawp hian min fawp bawrh bawrh a ni ber mai.
Mi chu cho et et tak a ni.
A duh anga chet a han tum chu a kawngbawrah ka lo kuahbet pek a, “Khawngaihin… ka thei tawh lo, khawngaihtakin” a ti tham chhal a, talchhuah tum chuan ka awmah chuan nemin thapui thawh meuh hian a ṭang a, a ṭap lo chauh niberin ka hria, ṭan reng theih ni bik nghal hek lo a duh anga khawsa tur chuan zalenna ka pe ta a.
Krismas vuakvetah kan hna lam
chawlh theih ni nghal hek lo le, zan lamah te chuan duty tura chhuah lâwp lâwp chang a awm lo thei lova, ka nupui hian a sawisel chak hmel ṭhin hian ka hria. Eng em phei chu a sawi lem hlei lova.
Engtin tin emawni krismas leh kumthar pawh harsatna lutuk awmlovin kan hmang liam ve leh mai kha a ni a. January thla chhung naupang in School an la ṭan dawn loh vang chuan hun ala thawl deuh ang. February thla bulah erawh chuan session an ṭan dawn vangin kan zinchhuah ngei a ngaih hmel e. Mizoram nena kalphung in ang chiah lo chu a buaithlak deuh em aw ka ti.
Tlaikhat chu haw tura ka inbuatsaih mek lai hian kan puin min rawn koh a, ‘haw duh rilruk tawh mahnaklaiin a hun lo ṭhin mange’ ti nung nung chung chuan ka kal lo ngam chuang der silova. Ka va inkhenkhawng ngial hnuah chuan mi pawh en lem lo hian ‘ṭhu rawh’ a ti a.
Englam nge maw min sawipui a tum le. A hmel lah chu a nelawm loh ru phian bawk sia, mi te hi a ṭim hrep mai ang tih pawh ka hlau hlel lo.
“Haw i hmanhmawh em?” tak deuh deuh chuan a.
“Hmanhmawh hran love Sir”
“A ṭhat chu, mimal thilah ka be duh che a,” tih pah chuan intercom te chu a’n ban leh rih a. “Tumah lo luhtir suh aw, midang kha hawtir la, nangmahin lo awm mai rawh,” tiin a P.A chu a va hrilh zat a. Engthil tak chu kan sawi dawn nimaw!
“Rin ngam leh rintlak tura ka ngaih vang che a koh che ka nia, pawnlamah a rikchhuah a rem lovang,” a tih chuan min hrilh nge, thupek pawh ka hrethiam chiah lo. A chhan pawh ka chhang duh bik lo, ngawireng chuan amah chu ka en a. Zu rui hmel a pu tlatin ka hria, a in ngai pawh ka hre bawk si lova.
“Ka nupui hian ngaihzawng a nei niin ka hria a!” a rawn tichhuak khawl mai a. Dawnsawn dan vak ka thiam lo.
“Han man fakna tur ka nei bawk si lo, chiangkuang mang lova han inchachhuah ngawt lah chu a lo dik loh palh a hlauhawm ve bawk si, ka tan han chhuizui vak ngaihna a awm bawk si lova, chuvangin tlawmngaih min chhuahsak mai la ka duh a ni. Ka tan chet ngaihna a awm dawnin ka hre si lova, ngaihzawngte a lo nei a nih chuan ka chetdan zawng zawng an thlithlai vek awm sia.”
“A va zia lo ve mawle Sir, in hlim viau turah ka lo ngai ve ngawt a..”
“A zia lo khawp mai. Nikum November thla vel aṭang khan ka ringhlel ṭan deuh a. Mahse, ka man thei bawk si lova, tunthleng hian boruak ṭha lo pawh awm hran chuang lovin kan la khawsaho reng chu a nia, a hahthlak ka ti tak zet a ni. Nangbak rintur chuang an awm lo, laina hnai han inpun ngawtna chi a ni mang bawk si lova,” a ti chuai raih a.
“Manchhuah kher loh pawhin i rinhlelh ruk tho chuan chhuanlam siam chawp la ṭhen daih la a ni mai alawm. In inṭhen hnuah a awmdan kan enthla zui anga tichuan a chiang mai dawn alawm. Inṭhen hlenna tur khawp kan hmuh loh chuan a koh leh mai theih a,” ka tih sak a.
“Ka ṭhen theih ka ring lo Mala, chu chu ka harsatna a ni” MPS val sawia mawi lo a ni a ṭawngkam chu. Mahse, ka han ngaihtuah chian chuan MPS val rilru leh Constable rilru hi hmeichhe lakah chuan a danglam vak dawn em ni ka ti leh hnuhnawh lawi a.
“A nih tak chu, chuti chu engtin nge, khawilai aṭangin bul kan ṭan ang? I nupui nen lah kan inhre lem bawk si lova?”
“A! Ka hrethiam lo, nangma’n ngaihtuah mai rawh. Engmah ka ngaihtuah thei lo” a ti tawl mai.
“Chuti a nih chuan a ranglama hmalak a va ṭha awm ve” ka ti a.
“A rangthei ang chu ka duh, office hna lam chu ngaihtuah suh, keima’n ka lo tifel vek ang chawlh i mamawh pawhin. Mahse, midangin an hre tur a ni lo.”
“Awle sir, Naktukah chuan tihdan tur ka hrethei mai chuan ka ring. Zanin lamah te ruahmanna han siam chhin phawt ila, naktuk first hour-ah lo hmuh che ka tum dawn nia.”
“Awle, fimkhur tluk a awm lo a nia, mualpho ka duh lo.”
Ka inkhenkhawng auh hnu chuan ka chhuahsan ta a. P.A chuan ‘in va sawi pawimawh awm ve a’ min lo ti a. ‘Nia, confidential thil kan nei leh pek a’ tiin ka bag chu ka la sawk sawk a, ngawireng chuan min biakzui hmain ka chhuahsan zui nghal daih a.
A mak mange kan tunlai khawvel hi aw. Chhungkaw awhawm leh hlim tak emaw kan tih te pawh hian chhungrilah ngêt an lo pai ve tho a lo nih dawn hi a! Kan pu te ngat phei chu sum lamah lah ni se an buai awm der si lo. Mahni in leh lovah nuamsa takin an awm awm bawk si. Aizawl mihlun leh neinung fa, hrehawm tuar lo turah ngaih a nih vei nen. A khawngaihthlak mange.
Kan pu hi MPS a ni a, kum 12 lo liam a la service lovang, khawlaiah pheichuan hmu ila han pu rualah pawh kan ngai bik lovang tih tur khawpa upa lo a la ni. KṬP lama inhmang chi chu ni se a ‘over’ pawhin a ‘over’ awrh chauh ang tih tur hi a ni a. A nupui erawh eng ang mi nge ka hre hauh lo thung. Ka suangtuah thiamdan ber chuan kan pu hi Kum 40+ vel a nih chuan a nupui chu kum 37 bawr vel turah ka’n ngai ngawt a, fa pahnih vel nei tawh, nu lian lam, hmaitluak ṭha zet leh khawpui mihlun fa, inkhaithli lam ni turah ka ngai ngawt mai. Dik tak mawle.
Engtia bulṭan tur nge tih ngaihtuah chuan ka nupui muhil, tuitaka thawsâk sâkin min kuah lai chuan ka ngaihtuah vang vang a. Inhmelhriatsa kan ni bawk si lo chuan min ti buai viau. Ka ruahman thiam ve dan a ti sukuk pha tlat. Mahse, chu chu chak loh phah nan erawh ka hmang tur a ni lovang. Ngaihdan pakhat felhlel a awm a nih chuan ngaihdan dang ka siam leh mai tur a ni.
Ruahmanna pahnihna chu uluk taka ngaihtuah chungin ka muthilh pui ta a ni awm e.
A tuka office kan puin a rawn thlen ve leh chuan ‘eh’ pawh ka tih hma hawtin min rawn koh chhunzawm nghal zat a, a dawhkan kil chuan khûnkhân zetin ka ruahmanna neih chu ka han chham chhuak zar zar a, a ṭha a ti a niang a buk nghat nghat kha.
“Order a awm hun hunah ka inpeih a ni mai kei chu” ka ti zui nghal a.
“A ṭhat chu, vawiina peihfel a ṭha ang, order i hmuh hunah a ranglamin min rawn hmu dawn nia.”
“Transferred and Posting khawihtu kha han ko teh se aw,” a tih chuan min bia emaw tiin ka chhuak tur chu ka lehhawi a, amah lah chuan intercom a hmang lek a lo ni sia.
Hnathar han neih chu chakawm zawk zawk a ni hran lo khawp mai. Nupui ka hlawhchhuak tawh thova rilru seng vaklova ‘Constable lubawk mai mai’ han nih te pawh ka pawiti vak tawh lo asin mawle.
Mahse, a ruk tak chuan eng emaw han tih keuh keuh chu nuam ka ti lawi bawk si. Hnatluang pangai ngawt hi chu a khawhar thlak deuh ṭhin chuan ka hria.
Eng emaw kawng zawng taka ngaihtuah chuan kan pu Ardali-a ka ṭang tur chu ka hreh ang reng. Ka chhungte phei chuan bang turin min nawr nat phah leh sauh ngei ang le. Mi pangngai rilru pu ve tan chuan Ardali-a han awm ngawt chu a thanat thlâk ve reng a ni. A ṭhen lah hian an lo chak sakhai a! Mahse, mi Ardali satliah tur ang ka ni ve lem lo bawk a, a ziaawm phian ang chu.
Chawhnu dar 3:00 bawrah chuan Order chuan ka kut a lo thleng der mai.
Chu Office order keng chuan kan pu pindan lamah chuan ka teilut leh ta a. Hmalak dan tur vel awm ang chu kan han ruahman dun a, a taka tawn chawt phawt loh chuan engtia han rel lâwk vak mahin awmzia pawh a nei thui vak phei chuan ka ring lem hlei lova. A ruahman dan chuan Ardali pangai chuan a tih tur a ti ang a, inthlak pawh awm chuang lovin kan awmdun dawn a nih chu. Mahse, kei chuan inchhung thil ka khawih pui ve vak lovang. Hotunu chu ka vil deuh chawt ang a, a chhuahvah duh ilo velin pawhin a driver-ah ka ṭang mai dawn a ni. Chutiang tur chuan a chhungte pawh a hrilh dawn a ni awm e. A ṭha khat viau, inchhung sekrek khawih leh eirel vel hi ka ti mi hauh lo! Kan pu nupui Driver ka nih ber awm chu mawle.
Zanriah kan kil lai chuan kan pute in lama duty ka ngaih thu chu ka chhungte pawm thiam theih dan tur bera ka hriat chuan ka han sawi a, ka nu leh pa chuan engtin an ti lem lo. Ka nupui chuan ‘bang tawh mai rawh’ a ti leh pek a! Ka nui liam ta vel mai mai kha a nia. A men tal leh tap pek kha!
Chaw kan eikham chuan naupang pahnih nen Puii in lam pan chuan kan tlan chhuak a, inluahtu te zinga chhungkaw khatin an rawn biak vanga va kal ta kha kan ni a. Kan va thleng phei a, Puii leh kan naute pahnih chu inchunglamah an lut chho nghal a, kei inhnuailamah rawn be tute luah lam pan chuan ka chhuk thla thung a, an chhungkua an chep deuh vanga inchhunga Bual in awm chu pawnlama sawnchhuah an duh hi a lo ni a. Sum kan tum vek ang an ti bawk sia ‘A ṭha alawm’ ka va tihpui a ni ber mai.
Inchung bera ka u te awmna lampan chuan ka lutchho zui nghal mai a, ka u te pawh an lo lawm viau mai. Kan in aiin a lian zawk deuh bawk a, duh ang taka ka u fateho nen naupangho an han tal chu nuam an ti ngei mai. Dar 11:00 dawnah kan haw thei hram chauh a ni.
Naupang a mut fel tir hnuah chuan nuberin motor lei a ngen pek a!
“Ka pa te dil mai la.”
“A! A nuamlo alawm nangma’n sawi la.”
“A ho e, nawm lohna tur a awm hleinem, kan motor hi thlak a hun tawh hrim hrim a rei tawh bawk sia. Nangma’n sawila an phal mai ang, kei aipawhin an duat zawk che alawm,” ka tihsak tlat pek a, “I sual em mai,” tihpah chuan a mu tau deuh ngât a, a lawmawm riau ṭhin alawm.
Pangti a in nawk a in nawk takah chuan rei phei chu a titau thei lem hlei lova!
A tuk zinga ka insiam tur chuan Puii bulah ‘Nalh i tih dan berin min han thuam teh’ ka ti chu a phawk kher mai.
“Form i ha dawn lo a mi?”
“Dawn love, hâk a ngai hleinem. Nalh deuha kal a ni mai ka hna chu.”
“A va’n ṭha ve. Mahse, i nalh lutuk chuan ka dinhmun a derthawng ang tih chu ka hlau ang reng,” a’n ti ngeiah!
A duhthusam ang chuan min han chei zui ta a ni a, ka tlangvâl veh vawh viauin ka hria. “Lo haw har lo la aw,” tiin min fawp zauh a. Ka chhuahsan ta a.
Kan pute in awmna tak pawh chu ka lo hrechiang lo pek a! Ka zawh kual ngial hnuah a driver-in a motor a lo hrufai hauh hauh lai chu ka va hmu ve ta hram a, an in pawh a ropui khat e.
Kan pu Driver chuan inchhunglamah chuan min luhpui a, chaw an lo eikham fel zawt chauh hi a lo ni awm a, Kan pu chuan, ‘E, i va hma ve a, lo ,hu rawh’ tiin inlawmna thu hmasa chu min lo fah a. Eizawnna lama kan pu mah ni se eng emaw ti zawng tak hian inpawhna kan nei ve tlat a, ṭhian ngaih hian ka ngai leh mai dawn ṭhin a, a fuh nge maw fu lo ni. Amah pawh hian a staff zinga pakhat ang chauh chuan min en bik lo ṭhin chuan ka hria.
Thingpui no ka dawm mek lai chuan pindan lam aṭang chuan Mipa naupang, school uniform-a in fam ap mai hi a lo chhuak a, a hnu deuhah a nau ni ngei tur hmeichhe naupang hi a lo chhuak bawk a. Middle School kairual awm lek an la ni. Fa hi pahnih chauh an nei ni tain ka hria.
Ka inzawh fel chuan kan pu leh a nupui chu pindan lam aṭang bawk chuan an lo inzui chhuak ve leh a, a nupui chu ka rinlawk ang deuh a ni. A hmelṭha kher mai! A sam a dar chen vel chu a kir deuh chial a, a hmaitluak a ṭha a, a hnampui vuh mai. Hmeichhe huhang ngah tih tur ang chi a ni.
“Hei hi Mala chu a nia,” tiin kan pu chuan ka hnen a rawn hruai thleng a. Ka lo ding thuai a.
“Inchibai ila, khawivengah nge i awm?” tiin a hmingte sawiin min be zui nghal sawk sawk a, a ṭawngduh hmel viau, a bula awm pawh a hrehawm dawn loh hi maw. Tin, a mitmeng hi a nula hle bawk!
A thau lek lek em aw tih tur a ni. Mahse, a thau ti a sawizui chi chu a ni chuang lovang. Fa pahnih nei tawhah chuan duhawm tiu teu tak hi a ni. A zei hmel hrep bawk sia!
“Tihtur vak a awm lo a nia, inchhung thil vel hi chu hei a khawih tur an awm a, naupang School bang i lo va hruai ang a, chubak chu hei kan nu hi ṭul a neih leh i lo chhuahpui ang a, hna vak a awm lo a nih chu, post pangaia awm aichuan heti hian kan induhsak ve theihna a ni mai” a ti a.
“Kan lo inhnûk kual dawt dawt anga a ni mai lawm tiraw,” tiin kan pi Zualbawihi chu a nui har har a.
Naupang School kai tur ka hruai dawn emaw ka tihho chu kan pu motor-ah chuan an lut ta diak a, hotupa ho chuan kan invailiam zui ta a. Ardali vai pakhat leh kan pi nen chuan kan pathum chauh chuan kan awm zui ta.
Engtin tak hma ka la dawn chu ni maw..!?
©________[ɐʞızɹɐp]________®
ɯıssıou-ııı
[FLIRT]
*By : P.C Malsawmzuala*
CHAPTER
- 1 -
Karkhat chuang zet awze ṭawnghmangho zingah chuan kan zu hawi thawveng ve kha a ni a. Ka nu chuan nuam a ti lem lo niin ka hria. Ka pa erawh nuamti awmin a awm leh mai a, a ti tak nge tak lo pawh chu kan hriatpui lem hlei lova.
Ka nuin hrehawm a tihchhan ber ni a ka hriat tak ber chu ei leh in niberin ka hria. Ani vakchhuak ngai lo chu sawi loh Aizawlah pawh ei leh in dawr changkang awmna hre miah lo tur khawpa hun leh sum ṭul vak lova khawhral duh lo mi a lo ni bawk nen, a hriatthiamawm viau e. A fapa hian ka chhun viau bawkin ka hria, khawi emaw lai dawr changkang taka ‘Dine out’ tih vel hi ka chek hian a mil meuh lo. Khamkhawp sum nei ang maia a changkang ni a hriat leh mi bawhlam apiang bawh ngawt hi ka chhia leh ṭha hriatna hian min phalsak hlei thei der lo. Ka thianzau lohna lampang tak a ni.
Mak ka tih ve deuh ṭhin chu ṭhalaiten sum kan hmandan hi a ni. Ka hriatchian ngei leh an hnathawh te, an hlawh tlangpui awm ang ka hriat ve te thleng hian kan duh zawng chu kan ti a, kan nei mai ni hian ka hre ṭhin. Chhungkuaah hian kan hlawh hi kan chhunglut ngai lo nge, kan hlawh hi a tam hrim a, kan chhunluh bang hi hman fe tham a la ni zawk le! Zawh chawt ngam ka hmuh hunah ka la zawt ang, ‘engtinnge sum hi in tih bik?’ tiin.
Puii sumdawnna tur thil vel kan buaipui tel vang chuan keini nupa chu duhang pawhin kan hawi thawveng ṭha hman lo a ni ber mai. Eng pawh ni se a nuam khat viau e.
Kuri leh Rinsangi (kan fanu thar) chu inchhang bung ni mai awm hian an pumrua inthlauhdan chu a lang a. An hmel landan chu ṭawnghmang thiam vang ngawta unau an ni tih chuan a tam zawkin an awih chuang hauh lovang. Rinsangi chuan a nu hmel a phawk viau, hang ngaihno bei tih tur em chu ni lo mah se a ngo ti a sawi theih a ni hauh lo.
Kuri erawh chu a ngo mai piah lamah tisen a nei bawk si a, a no tih hian a landan a sawifiah mai awm e. Khawpui fahrin tih en mai pawh chuan a lang reng mai. Hmaifangah erawh chuan Rinsangi a tluk hauh lo. An mizia chu a in ang dun angreng viau thung. Ngawichawi lam hret an ni. Kuri chuan a pumraw len vang zawk nimaw u zawk chan a chang deuh a, kum lamah pawh kumkhatin a chhuak hma zawk bawk reng a, Rinsangi aiin khawpui ningkhawng palṭhang tih takah a ṭulnaah chuan a kawlhrawng zawk bawk.
Rinsangi school kaina tur vel ngaihtuah tura Kuri te School lam kal kan han tum chu ka nu chuan a lo remti awzawng lo mai a! “Kuri pawh kan lachhuak tawh ang chu tihnaklaia ani dahbo la tum cheu te chu a awm ang lo em mai” min tihsak teh tlat a.
“Nakinah an lo lenhunah an tan a ṭha alawm, an hmalam hun ngaihtuah a ngai asin, tuna an khawngaihthlak tih vang ringawta zirna ṭha an hmuh phak reng pawh kan pek loh chuan a dik lovang” ka tih sak a.
“Zirna ṭha i tih leh i nuin zirna ṭha ka tih hi a in ang lo a nih hmel viau a ni.”
“Tunlai khawvelah chuan sap ṭawng thiam sawih sawih ringawt te hi a tawk tawh lova, Mizoramah chuan zirna inah an hman leh an hmang awrh a, hmundangah hmanna tur a awm bawk si lo, heta an awma sapṭawng nâl taka an thiam ringawt pawh kha thil hlu tak a ni asin, chu bakah zirna dang hrim hrim pawh a ṭha zawk a” ka ti a.
“Fanu sap ṭawng thiam tak; khawvel thila harhvang ve tak leh lehkhathiam, ngaihtuahawm loh tak mai. Mahse, mahni hnam nunphung hre lo, khawhar hla thiamchhuah pakhat pawh nei lo, chhungte nena inkungkaihna awmzia te, chhungkuaa nunho hlutzia te pawh hre lo, hmangaihna pawh dawng ngai lo i neih duh chuan i thutlukna ni teh se,” engmah a sawichhunzawm duh der nang. Chhân chu ka duh, chhân mai ngaihna erawh ka hre lo thung. Ka pa leh Puii lah chu rapchunga sarep ang maiin an ngawi hmak mai bawk si.
Ka rilru chu a dam hauh lo.
Ka nu thlirna chu a dik ka ti viau. Mahse, Aizawla an seilen chuan ṭawng thu chu kawngkhat ni se, ṭhenrual an kawm ang a, kohhranah leh khawtlangah lah duhthusam piahlam hret aia tam inhmanna tur a awm a, an nun a lo he heu viau phei chuan zirna kawngah midang an phak lo ang a, rualawt reng rengin nakinah an awm ka hlau ve bawk si. Phaiah hnamdang zingah ngawt han seilian dawn ta se, ka nu thusawi kha ka ngaihtuah lo thei bawk si lo.
Tlaia zanriah kan kil lai chuan ka pa chuan a sawichhunzawm ve ta chauh a. “Tukina kan inkhinna thu kha thuremna kan tichhuak ang e aw,” a tih chuan mak tiin kan en hau hlawm a. Amah lah chu englam sawi tur nge a hriat hauh lo lehnghal a. “Sangtei te unau chu pawlriat thleng helamah kal sela, Pawlkua aṭanga BA thleng Aizawlah, an graduate chinah an duh leh university chu an duhna hmun hmunah kal ve thung sela” a ti a.
“A ṭha mai a ni law mi Nu-i?” a ti zui a.
“Phaia awm hi a ṭha pawh ka ti lo” a lo ti hmak a.
“Chu i nu pawhin kan thuremna chu a pawm a nih chu, chutiang tur chuan inbuatsaih rawh u” ka pain a tih chuan ka nu pawh a nui ta ringawt a. Hnialkalhna hran kan nei lem lo bawk a, ka pa ruahman anga kalpui tur chuan hma kan la zui ta a.
Aizawl lama kan han hawchho chu chhungkua tak tak, naupang nen kan nih ve tak nuaih vang chuan kan bawr viau mai a. A hlimawm phian thung.
Kan thlen zanah ka u te chhungin kan inah eirawng min lo bawlsak a, unau dangte chaw ei turin an lo kal bawk a, ṭhenawmte an lo chuangkai ve bawk nen, keini zinhaw nen chuan kan ri nuaih nuaih mai a. Mu tura kan han inpeih meuh chuan dar 11:00 a ri ruai tawh a, mut a tui duh viau ta ve ang.
Mu tura ka inṭam hnuah Puii pek chuan ‘ka la inbual lo, kan inbual phawt ang’ a’n la ti kawi leh rih a, ‘Inbual lo mai rawh’ ka tih lah chuan ‘Ka muhil thei nang’ a ti teh tlat bawk sia, chuti na na na, muttheih loh ngawt aichuan han inbual teh poh sela, ka hek phah ve lem hleinem mawle.
Ka lo mutsan hman hram pek a, ka meng hleithei tlat lo. Ka chau ve viau a niang ka ring.
“Va ‘fair’ lo deuh ve mawle,” a tih ri chuan min ti harh a, ka lo muhil hman hram a nih awm chu maw! Ka ke-ah chuan a rawn sawi nawk nawk a, a va han ṭul ber lo e aw. “Heater kha khawiah nge kan dah tak le?” tiin min bia a. “Almira lianah” towel hlaipui silh chungin khumbulah chuan a lo ding reng a, heater chu lachhuakin khumbulah chuan a dah a, a dressing table aṭang chuan inhnawih tur niawm tak chu eng emaw zat a lachhuak a, khumah chuan a rawn ṭhu leh a.
“Honeymoon kan hmang zo tawh tihna a ni maw!?” a ti a.
“Engvang chuan?”
“Muthilh i chak hmel tawh em a,” a nui pât pât a.
Ngawireng chuan a intuamna towel chu ka ke chuan ka tlawh hlimsak a, “I ke a vawt lutuk,” tiin a ṭe ṭhat a. A zakhnuaiah kher chuan ka tlawhlut bawk nen a hik ṭha viau ta ve ang.
“Hei a lum tawh, lo inhemlum phawt rawh”
“Ka tho peih tawh lo,”
“Hm, khati chuan malpuia tlawh kan khap ang,” tihpah chuan eng eng emawni chu a ke-ah chuan a chulh mawlh mawlh a. A towel chu a kawngbawrah chuan a inhnâwkkhawm mai a, a chunglam zawng chu sâp phakrak (Lace!) takngial pawhin a khuh lo! Saisir zawnga thlek ka nih miau vang chuan a awmbawr kawh lehlawh chu hmuh loh der rual pawh a ni lova, hmuh ringawta duhtawk mai lah chu a tiha tih mi ni pawhin ka hre lo. Ka taksa chau deuh viau mah se ka rilru leh a zawmpui pengkhat chuan engkim mai chu an cho zek zek thung si!
A kawngbawra a towel invet hnawk nuaih mai chu engtin tin emaw ka ke chuan ka’n tlawh hlimsak leh hram a, a lutuk a ti deuh nge mawni min rawn melh zauh a, siamṭha tang e phei chu a ti lem hlei lova.
A malpui mawlh mai hi ka chhuang ṭhin! Theih chu ni se thlawnsaka khawlai han put kual ngial te hi a nia ka duh mai ni! A nalh veh vawh em asin. A cher lova, a chum ti dawn ila chutiang em chu a ni si lo. A bawppui a lian ve hrim hrim, chu a chhapah tribal pian ni lo ang hrimin a châng a zing lem chuang si lova. A ba êk ngo hlui bawk si lo. Ngo tak, tisenin a pawlh deuh ti ila a fiah ber awm e. A mawngbawr lah chu mipa lehhawina tawk lek te hian a lian khal alh mai bawk si.
Ka nupui hi ka it ngawih ngawih a ni ber mai!
A taksa mawina belhchhah tura a rilru tluang leh ṭha em em mai chuan min bual â tel bawk nen, min tihlim a, min va han tilungawi ngawih ngawih tak em!
A kut chu a hemlum a, ka ke vawtthlur mai chu tihlum tum niawm tak chuan a rawn hum ta ṭhin a, uain ṭha mi ka nei a ni kei hian.
Chutia ka kehik ringawt a buaipui chu ka khawngaih ta deuh a, ka thochhuak ta nge nge a. Heater chu khum aṭanga aiphak tur chuan a lo hnûk hnai sawk sawk a. A mal chunga ke hlâng chung chuan heater-ah chuan ka ke chu ka hem ham ham mai!
“Kumin chu rinaiin a vawt lo tiraw, nikum tunang hunah te kha chuan khua kha a vawt viau tawh a nia,” a ti a.
“Kumtharah a vawt mai ang. January leh February-ah, a duhtawkin han vawt teh se, tun thlasik chu blanket ka neiṭha tawh tho” ka tih chuan a man chiah lo a niang “I leithar em ni a?” tiin min zawt daih a.
“Leithar e, 450 man chi a nia, a ṭha lutuk.”
“A va tlawm ve, eng ang chi nge, sava hmul ang chi kha a mi?” a tih chuan ka nui chhuak ṭep chu a ni e.
“Ni mai mai nang aw, chutiang a ni lo” ka tih chu bo hmel zet hian min melh a.
“Hei ka blanket thar chu” tihpahin ka han kuah chiah chu a nui ta var var a.
“I sin duh tawh em i blanket chu?” tih sap pah chuan min hnukhnai a, kan hmai insi reng chuan kan han inbih ngial a, ka kutin a awmbawr a thlen meuh chuan am fe hian min fawp tawh a. Heater sain min ur vang pawh ni lo chuan chhunglam aṭangin pangtilum a rawn lang ṭan ta!
Ing euh zet chuan min bawhtlu a, ka taksa khuhtuho chu a ṭhiatdarh rang kher mai! Pastor leh Kohhran mipui hriatpui, man hlan thlapa nei ka ni bawk a, insumkar vak ka tum teh chiam lo. Mi thlawp thlap chuan ka chungah chuan a bawk a, amah lah chuan eng nge maw a hriatni a che duh ta map lo mai a. Ngawireng chuan ka mitah chuan a en kar a, kuah ka tum chu ka kut a man bet tlat lawi a, ngawireng chuan kan in en ta ran mai!
A lungphu chu a rang tial tial tih hairual a nilo, a awmbawr per bawm khawpa ka âwma a nghah pawh chu zawiin a mar tial tial niin ka hria. Insum tih hriat reng chuan boruak a hiplut ham ham a, keipawh ka chuti lua bik chuang lo. Engtia min awmpui nge maw a tum ber ni.
Rei a rial lo, min delhtu a taksa chu a mar khauh ṭang tawh mai a, a mitmeng chu a de sawr sawr ni ber hian ka hria, hmuh a nuam tak zet. A hmui khur der der chu a liak hnawng chap a, aw khur hlak chung chuan ‘Mal, ka insum thei tawh lo a nia” a ti dar dar a. Nghet zet chuan ka lu-ah a vuan a.
“Rei lo te” ka tihsak chu a rum hawk mai!
Ka beng te chu a chul nawk nawk a, ka biang ka hmui zawng zawng nen chuan. A thaw ham ham a, engkim mai chu a inpeih em em vek tawh niin ka hria. Min fawp te reng reng chu a am theih tawp hian min fawp bawrh bawrh a ni ber mai.
Mi chu cho et et tak a ni.
A duh anga chet a han tum chu a kawngbawrah ka lo kuahbet pek a, “Khawngaihin… ka thei tawh lo, khawngaihtakin” a ti tham chhal a, talchhuah tum chuan ka awmah chuan nemin thapui thawh meuh hian a ṭang a, a ṭap lo chauh niberin ka hria, ṭan reng theih ni bik nghal hek lo a duh anga khawsa tur chuan zalenna ka pe ta a.
Krismas vuakvetah kan hna lam
chawlh theih ni nghal hek lo le, zan lamah te chuan duty tura chhuah lâwp lâwp chang a awm lo thei lova, ka nupui hian a sawisel chak hmel ṭhin hian ka hria. Eng em phei chu a sawi lem hlei lova.
Engtin tin emawni krismas leh kumthar pawh harsatna lutuk awmlovin kan hmang liam ve leh mai kha a ni a. January thla chhung naupang in School an la ṭan dawn loh vang chuan hun ala thawl deuh ang. February thla bulah erawh chuan session an ṭan dawn vangin kan zinchhuah ngei a ngaih hmel e. Mizoram nena kalphung in ang chiah lo chu a buaithlak deuh em aw ka ti.
Tlaikhat chu haw tura ka inbuatsaih mek lai hian kan puin min rawn koh a, ‘haw duh rilruk tawh mahnaklaiin a hun lo ṭhin mange’ ti nung nung chung chuan ka kal lo ngam chuang der silova. Ka va inkhenkhawng ngial hnuah chuan mi pawh en lem lo hian ‘ṭhu rawh’ a ti a.
Englam nge maw min sawipui a tum le. A hmel lah chu a nelawm loh ru phian bawk sia, mi te hi a ṭim hrep mai ang tih pawh ka hlau hlel lo.
“Haw i hmanhmawh em?” tak deuh deuh chuan a.
“Hmanhmawh hran love Sir”
“A ṭhat chu, mimal thilah ka be duh che a,” tih pah chuan intercom te chu a’n ban leh rih a. “Tumah lo luhtir suh aw, midang kha hawtir la, nangmahin lo awm mai rawh,” tiin a P.A chu a va hrilh zat a. Engthil tak chu kan sawi dawn nimaw!
“Rin ngam leh rintlak tura ka ngaih vang che a koh che ka nia, pawnlamah a rikchhuah a rem lovang,” a tih chuan min hrilh nge, thupek pawh ka hrethiam chiah lo. A chhan pawh ka chhang duh bik lo, ngawireng chuan amah chu ka en a. Zu rui hmel a pu tlatin ka hria, a in ngai pawh ka hre bawk si lova.
“Ka nupui hian ngaihzawng a nei niin ka hria a!” a rawn tichhuak khawl mai a. Dawnsawn dan vak ka thiam lo.
“Han man fakna tur ka nei bawk si lo, chiangkuang mang lova han inchachhuah ngawt lah chu a lo dik loh palh a hlauhawm ve bawk si, ka tan han chhuizui vak ngaihna a awm bawk si lova, chuvangin tlawmngaih min chhuahsak mai la ka duh a ni. Ka tan chet ngaihna a awm dawnin ka hre si lova, ngaihzawngte a lo nei a nih chuan ka chetdan zawng zawng an thlithlai vek awm sia.”
“A va zia lo ve mawle Sir, in hlim viau turah ka lo ngai ve ngawt a..”
“A zia lo khawp mai. Nikum November thla vel aṭang khan ka ringhlel ṭan deuh a. Mahse, ka man thei bawk si lova, tunthleng hian boruak ṭha lo pawh awm hran chuang lovin kan la khawsaho reng chu a nia, a hahthlak ka ti tak zet a ni. Nangbak rintur chuang an awm lo, laina hnai han inpun ngawtna chi a ni mang bawk si lova,” a ti chuai raih a.
“Manchhuah kher loh pawhin i rinhlelh ruk tho chuan chhuanlam siam chawp la ṭhen daih la a ni mai alawm. In inṭhen hnuah a awmdan kan enthla zui anga tichuan a chiang mai dawn alawm. Inṭhen hlenna tur khawp kan hmuh loh chuan a koh leh mai theih a,” ka tih sak a.
“Ka ṭhen theih ka ring lo Mala, chu chu ka harsatna a ni” MPS val sawia mawi lo a ni a ṭawngkam chu. Mahse, ka han ngaihtuah chian chuan MPS val rilru leh Constable rilru hi hmeichhe lakah chuan a danglam vak dawn em ni ka ti leh hnuhnawh lawi a.
“A nih tak chu, chuti chu engtin nge, khawilai aṭangin bul kan ṭan ang? I nupui nen lah kan inhre lem bawk si lova?”
“A! Ka hrethiam lo, nangma’n ngaihtuah mai rawh. Engmah ka ngaihtuah thei lo” a ti tawl mai.
“Chuti a nih chuan a ranglama hmalak a va ṭha awm ve” ka ti a.
“A rangthei ang chu ka duh, office hna lam chu ngaihtuah suh, keima’n ka lo tifel vek ang chawlh i mamawh pawhin. Mahse, midangin an hre tur a ni lo.”
“Awle sir, Naktukah chuan tihdan tur ka hrethei mai chuan ka ring. Zanin lamah te ruahmanna han siam chhin phawt ila, naktuk first hour-ah lo hmuh che ka tum dawn nia.”
“Awle, fimkhur tluk a awm lo a nia, mualpho ka duh lo.”
Ka inkhenkhawng auh hnu chuan ka chhuahsan ta a. P.A chuan ‘in va sawi pawimawh awm ve a’ min lo ti a. ‘Nia, confidential thil kan nei leh pek a’ tiin ka bag chu ka la sawk sawk a, ngawireng chuan min biakzui hmain ka chhuahsan zui nghal daih a.
A mak mange kan tunlai khawvel hi aw. Chhungkaw awhawm leh hlim tak emaw kan tih te pawh hian chhungrilah ngêt an lo pai ve tho a lo nih dawn hi a! Kan pu te ngat phei chu sum lamah lah ni se an buai awm der si lo. Mahni in leh lovah nuamsa takin an awm awm bawk si. Aizawl mihlun leh neinung fa, hrehawm tuar lo turah ngaih a nih vei nen. A khawngaihthlak mange.
Kan pu hi MPS a ni a, kum 12 lo liam a la service lovang, khawlaiah pheichuan hmu ila han pu rualah pawh kan ngai bik lovang tih tur khawpa upa lo a la ni. KṬP lama inhmang chi chu ni se a ‘over’ pawhin a ‘over’ awrh chauh ang tih tur hi a ni a. A nupui erawh eng ang mi nge ka hre hauh lo thung. Ka suangtuah thiamdan ber chuan kan pu hi Kum 40+ vel a nih chuan a nupui chu kum 37 bawr vel turah ka’n ngai ngawt a, fa pahnih vel nei tawh, nu lian lam, hmaitluak ṭha zet leh khawpui mihlun fa, inkhaithli lam ni turah ka ngai ngawt mai. Dik tak mawle.
Engtia bulṭan tur nge tih ngaihtuah chuan ka nupui muhil, tuitaka thawsâk sâkin min kuah lai chuan ka ngaihtuah vang vang a. Inhmelhriatsa kan ni bawk si lo chuan min ti buai viau. Ka ruahman thiam ve dan a ti sukuk pha tlat. Mahse, chu chu chak loh phah nan erawh ka hmang tur a ni lovang. Ngaihdan pakhat felhlel a awm a nih chuan ngaihdan dang ka siam leh mai tur a ni.
Ruahmanna pahnihna chu uluk taka ngaihtuah chungin ka muthilh pui ta a ni awm e.
A tuka office kan puin a rawn thlen ve leh chuan ‘eh’ pawh ka tih hma hawtin min rawn koh chhunzawm nghal zat a, a dawhkan kil chuan khûnkhân zetin ka ruahmanna neih chu ka han chham chhuak zar zar a, a ṭha a ti a niang a buk nghat nghat kha.
“Order a awm hun hunah ka inpeih a ni mai kei chu” ka ti zui nghal a.
“A ṭhat chu, vawiina peihfel a ṭha ang, order i hmuh hunah a ranglamin min rawn hmu dawn nia.”
“Transferred and Posting khawihtu kha han ko teh se aw,” a tih chuan min bia emaw tiin ka chhuak tur chu ka lehhawi a, amah lah chuan intercom a hmang lek a lo ni sia.
Hnathar han neih chu chakawm zawk zawk a ni hran lo khawp mai. Nupui ka hlawhchhuak tawh thova rilru seng vaklova ‘Constable lubawk mai mai’ han nih te pawh ka pawiti vak tawh lo asin mawle.
Mahse, a ruk tak chuan eng emaw han tih keuh keuh chu nuam ka ti lawi bawk si. Hnatluang pangai ngawt hi chu a khawhar thlak deuh ṭhin chuan ka hria.
Eng emaw kawng zawng taka ngaihtuah chuan kan pu Ardali-a ka ṭang tur chu ka hreh ang reng. Ka chhungte phei chuan bang turin min nawr nat phah leh sauh ngei ang le. Mi pangngai rilru pu ve tan chuan Ardali-a han awm ngawt chu a thanat thlâk ve reng a ni. A ṭhen lah hian an lo chak sakhai a! Mahse, mi Ardali satliah tur ang ka ni ve lem lo bawk a, a ziaawm phian ang chu.
Chawhnu dar 3:00 bawrah chuan Order chuan ka kut a lo thleng der mai.
Chu Office order keng chuan kan pu pindan lamah chuan ka teilut leh ta a. Hmalak dan tur vel awm ang chu kan han ruahman dun a, a taka tawn chawt phawt loh chuan engtia han rel lâwk vak mahin awmzia pawh a nei thui vak phei chuan ka ring lem hlei lova. A ruahman dan chuan Ardali pangai chuan a tih tur a ti ang a, inthlak pawh awm chuang lovin kan awmdun dawn a nih chu. Mahse, kei chuan inchhung thil ka khawih pui ve vak lovang. Hotunu chu ka vil deuh chawt ang a, a chhuahvah duh ilo velin pawhin a driver-ah ka ṭang mai dawn a ni. Chutiang tur chuan a chhungte pawh a hrilh dawn a ni awm e. A ṭha khat viau, inchhung sekrek khawih leh eirel vel hi ka ti mi hauh lo! Kan pu nupui Driver ka nih ber awm chu mawle.
Zanriah kan kil lai chuan kan pute in lama duty ka ngaih thu chu ka chhungte pawm thiam theih dan tur bera ka hriat chuan ka han sawi a, ka nu leh pa chuan engtin an ti lem lo. Ka nupui chuan ‘bang tawh mai rawh’ a ti leh pek a! Ka nui liam ta vel mai mai kha a nia. A men tal leh tap pek kha!
Chaw kan eikham chuan naupang pahnih nen Puii in lam pan chuan kan tlan chhuak a, inluahtu te zinga chhungkaw khatin an rawn biak vanga va kal ta kha kan ni a. Kan va thleng phei a, Puii leh kan naute pahnih chu inchunglamah an lut chho nghal a, kei inhnuailamah rawn be tute luah lam pan chuan ka chhuk thla thung a, an chhungkua an chep deuh vanga inchhunga Bual in awm chu pawnlama sawnchhuah an duh hi a lo ni a. Sum kan tum vek ang an ti bawk sia ‘A ṭha alawm’ ka va tihpui a ni ber mai.
Inchung bera ka u te awmna lampan chuan ka lutchho zui nghal mai a, ka u te pawh an lo lawm viau mai. Kan in aiin a lian zawk deuh bawk a, duh ang taka ka u fateho nen naupangho an han tal chu nuam an ti ngei mai. Dar 11:00 dawnah kan haw thei hram chauh a ni.
Naupang a mut fel tir hnuah chuan nuberin motor lei a ngen pek a!
“Ka pa te dil mai la.”
“A! A nuamlo alawm nangma’n sawi la.”
“A ho e, nawm lohna tur a awm hleinem, kan motor hi thlak a hun tawh hrim hrim a rei tawh bawk sia. Nangma’n sawila an phal mai ang, kei aipawhin an duat zawk che alawm,” ka tihsak tlat pek a, “I sual em mai,” tihpah chuan a mu tau deuh ngât a, a lawmawm riau ṭhin alawm.
Pangti a in nawk a in nawk takah chuan rei phei chu a titau thei lem hlei lova!
A tuk zinga ka insiam tur chuan Puii bulah ‘Nalh i tih dan berin min han thuam teh’ ka ti chu a phawk kher mai.
“Form i ha dawn lo a mi?”
“Dawn love, hâk a ngai hleinem. Nalh deuha kal a ni mai ka hna chu.”
“A va’n ṭha ve. Mahse, i nalh lutuk chuan ka dinhmun a derthawng ang tih chu ka hlau ang reng,” a’n ti ngeiah!
A duhthusam ang chuan min han chei zui ta a ni a, ka tlangvâl veh vawh viauin ka hria. “Lo haw har lo la aw,” tiin min fawp zauh a. Ka chhuahsan ta a.
Kan pute in awmna tak pawh chu ka lo hrechiang lo pek a! Ka zawh kual ngial hnuah a driver-in a motor a lo hrufai hauh hauh lai chu ka va hmu ve ta hram a, an in pawh a ropui khat e.
Kan pu Driver chuan inchhunglamah chuan min luhpui a, chaw an lo eikham fel zawt chauh hi a lo ni awm a, Kan pu chuan, ‘E, i va hma ve a, lo ,hu rawh’ tiin inlawmna thu hmasa chu min lo fah a. Eizawnna lama kan pu mah ni se eng emaw ti zawng tak hian inpawhna kan nei ve tlat a, ṭhian ngaih hian ka ngai leh mai dawn ṭhin a, a fuh nge maw fu lo ni. Amah pawh hian a staff zinga pakhat ang chauh chuan min en bik lo ṭhin chuan ka hria.
Thingpui no ka dawm mek lai chuan pindan lam aṭang chuan Mipa naupang, school uniform-a in fam ap mai hi a lo chhuak a, a hnu deuhah a nau ni ngei tur hmeichhe naupang hi a lo chhuak bawk a. Middle School kairual awm lek an la ni. Fa hi pahnih chauh an nei ni tain ka hria.
Ka inzawh fel chuan kan pu leh a nupui chu pindan lam aṭang bawk chuan an lo inzui chhuak ve leh a, a nupui chu ka rinlawk ang deuh a ni. A hmelṭha kher mai! A sam a dar chen vel chu a kir deuh chial a, a hmaitluak a ṭha a, a hnampui vuh mai. Hmeichhe huhang ngah tih tur ang chi a ni.
“Hei hi Mala chu a nia,” tiin kan pu chuan ka hnen a rawn hruai thleng a. Ka lo ding thuai a.
“Inchibai ila, khawivengah nge i awm?” tiin a hmingte sawiin min be zui nghal sawk sawk a, a ṭawngduh hmel viau, a bula awm pawh a hrehawm dawn loh hi maw. Tin, a mitmeng hi a nula hle bawk!
A thau lek lek em aw tih tur a ni. Mahse, a thau ti a sawizui chi chu a ni chuang lovang. Fa pahnih nei tawhah chuan duhawm tiu teu tak hi a ni. A zei hmel hrep bawk sia!
“Tihtur vak a awm lo a nia, inchhung thil vel hi chu hei a khawih tur an awm a, naupang School bang i lo va hruai ang a, chubak chu hei kan nu hi ṭul a neih leh i lo chhuahpui ang a, hna vak a awm lo a nih chu, post pangaia awm aichuan heti hian kan induhsak ve theihna a ni mai” a ti a.
“Kan lo inhnûk kual dawt dawt anga a ni mai lawm tiraw,” tiin kan pi Zualbawihi chu a nui har har a.
Naupang School kai tur ka hruai dawn emaw ka tihho chu kan pu motor-ah chuan an lut ta diak a, hotupa ho chuan kan invailiam zui ta a. Ardali vai pakhat leh kan pi nen chuan kan pathum chauh chuan kan awm zui ta.
Engtin tak hma ka la dawn chu ni maw..!?
©________[ɐʞızɹɐp]________®
Ka kham lo
ReplyDeleteLo kham hram rawh
ReplyDeleteA zolo
ReplyDeleteA zolo
ReplyDelete