Mission- II, COMPLETED

____________                     ___________
                        ɯıssıou-ıı

                         AFFAIRS


                *P.C Malsawmzuala*




                          Chapter

                              - I -

                 


"Hmeichhe pakhat, chu pawh nuthlawi fa pawm tawh leh nghal vanga banna thehluh han tum tak rum rum mai chu(h)! Ngaihtuah chiang leh deuh la a țhat ka ring" tiin zanah Pa Rinawma chuan min rawn phone a.

"Nangma min barhluh a lawm mawle" ka tih sak a.

"Pa lo emai khatiangte lek lek. Tak taka, kha i puin thlakhat chawlh a pek che kha, han chawl hahdam la, ban lam te kha chu ngaihtuah reng reng suh a ang lo emai" a ti a.

Ka chhungte hi chu an țha ve angreng pip e pup e hi an ti ve lem hlei lova, ka awmdan ang ang chuan min thlir ngawt a ni ber mai.

Mi lungleng ve te.

Gospel Camping-ah min luhtir a, hmasawn ve deuh chu a hnai lo mai, Dâl chhum han ka han duh hle a a ni mai e. Ka phâr sang viau lo.

Chutiang chuan policeman âwl tak mai niin ka hun ka khawhral satliah a ni ber.

Hriatloh kar erawh chuan zûnhrui min phuartu chu ka lo tal phelh fe tawh hi a lo ni awm a, SP bula ka va in report lai pawh chuan min nuihsuk duh chauh.

Keilah sual ve bawk, ka lehkha ngai chiah kha ka va keng leh pek a! Police hna awmzia te, dikna humhim tura kan penchhuah țulzia te chu min hrilh chawhnu țhak a. Pa Rova tihdan takin 'fân rice' te kan ei dun a!

Camping-a ka lut ve ngawt ai kha chuan ka hlawkpui deuh chuan ka hria. 'Promotion i hmuhtheih dan tur kan ngaihtuah mek' te a ti. Pa Rinawma bula min dah tawh lo turin ka ngen zui ve hmak asin le!

Kha.. police ka luh ve ngawt nachhan pa kha, police intlarnaa min hruaitupa khan 'nupui ka nei dawn e' a tia, Luangpawl post-a a awmna ațangin min rawn hrilh ve vang vang a. A hnai chawpchilh vei phian bawk sia, ka bike lah Pa Rinawma bula ka chhoh dawn khan ka hralh ta daih bawk si, Aizawl veng keltila innei tur an ni sia ke nei lo chuan a va huphurhawm ve maw le.

Țhianteho biak kual ka’n tum a, a tu-amah chu ka be hleithei bawk sil o.

Kan lirthei kawlchhun lah ka pa bajaj scooter, tuiek rawng kai țhut tawh chu a ni mai a, a hun lo thleng phawt se Taxi te pawhin kan kal ve lawp lawp mai ang chu ka ti ta ringawt a.

A nî chu a lo thleng ta ngei a, Taxi han phar mai tur ka hmu bawk si lo chu ka pa scooter chu ka risk sak ta ngei a, zak zum zawk zawk ka ni lem lo bawk a ka tîm bik map lo.

Ka duhna hmun ber ka thlen chuan a tawk ka ti viau. A hmelchhiat ang aiin a engine lah chu a țha phian bawk sia, bike manto, petrol nei mang lo aichuan a țangkai zawk phian ta ve ang.

Biak in thlen dawn kawngpui zau laiah chuan mi bike nalh tak tak karah ka thawlh ve thãn a, Biak in lam ka pansan ta kha a nia.

Nupui, kohhran dan (khatna) anga neih ka peihloh chhan ber chu Biak Ina a ninawm thei ang ber a sermon te nena hun hman ngai hi a ni. Innei tawh te ka zawh lah hian sermon te hi an hriatloh thu leh an ngaihven theihloh thu an sawi zel bawk sia.

Inneih ni, hlimni ber tura inkhawmpui ang maia ûp khuka hun hman hi a țul ka ti ve lem lo.

A dinpuitu ka ni lem lo bawk a, ka țhu lut peih leh pek lo! Biak in hulhliap velah chuan usher aia pawimawh niawm fahranin ka din ve tlat kha.

Innei zawngah chuan an innei ber awm e. Khua a lum ropui si, a hrim hrimah mi 'int*' tur hetia lo lawm hut hut hi a.. em em a na!

Ruaițheh zawhah ka haw nal nal ang chu ka tih vei nen a engamah hmain 'midang an haw vek sia nangchu la awm ang che' tiin a changtupa chuan min la chelh a tum ta lai a. Mani lo maha nin tawh naklaiin.

"Kan rualin i ei ve dawn nia, lo la eisuh" tih order a chhuah zawm zat bawk a.

Dawhkan chu mi parukin kan kil ta. An țhiante ve ve chu ka hrethiam, kei leh hmeichhe pakhat hi tel ve kher a va'n țul lo tak.

Het.. Mahse, saw a va hmelțha si ve a!

Ka hawiphei leh laitak chuan a lo nui ver ver a, a biangah súm a awm lo. Biangsum neih loh vanga hmelțha nihna a hloh a nih chuan amah aia hmelchhia biangsum nei ka hre țeuh.

Engatinge chaweinaah chauh hian ka hmuh a, a mak hle mai a. A hma zawng khan khawnge a lo awm le?

A mitmeng chu ka sawifiah thiam dan berin a de sep sep niberin ka hria.

An inneih chungchang pawh sawi lo chuan ka țhiana nen chuan kan hna chungchang ringawt chu kan khel dun a, midang pawh kan ngaihsak teh chiam lo.

Tualthattu ka chhui chhuah dan chung chang chu min zawt thut mai a, chu zawhna chu min zawh hlauvin ka hêl ve țang țang kha a nia.

Ka ngawirei deuh nge ni min en țhap a, ka haihchham deuh chuan 'confidential' ka ti ta ringawt a. Sawichhuah atan ka duh lo.

Chaweikhamah chuan ka rilru a kal ding deuh bawk nen veranda thlang lamah chuan zial zuin ka dak vang vang a.

Ka rilrua thilawm hi ngaihtuah loh hram ka va duh tak em!

"Lungleng deuh tawh a mi?" ka hnunglama an rawn tih thawmah chuan ka rilru kal bing lutuk chu a harh zawk a, ka han hawilet chuan khanu hmelțha zet kha ka hnung maiah a lo ding reng a.

Ngawireng chuan ka'n en vang vang a.

Ner nâng nâng chung chuan, "Khatia in en reng a ralah chuan ka lo lai ve thei a nih hi" a ti zauh a.

A confi hmel hle mai ka ti.

"Ah..nia, hmeichhe duhawm tak tiin an sawi zui fo che ka beisei" a nui hak a.

"I hnen ațanga ka hria a nih chuan ka vawikhat tawnna a nih ngei ka ring" a ti zui a.

"I tan ninawm mai a nih ka ring e. Nuam i ti em vawiin chu?"

"A nuam a ni ve zel mai lawm, nang?" a ti a.

"A na ngut ngut lem lo chu nia hei, mahse chawei ațang khan a nuam ka ti ve țan chiahin ka hria"

"I eitui viau ni maw chu..?"

"Chulam pawh a ni chiah lo, chaweinaah khan ka hmu chauh che a" ka tih chuan awihloh hmel zet hian a hmui a pet fân vel a.

"Mala, Puii kha i thlah a ngai dawn nia, ngawirengin lo haw suh aw" kan nupui neithar pa chuan a rawn ti a. "Kuhva khaw maw" a rawn ti zui zat a.

"Puii nih hi, i hriatloh takin"

"Aw.. hre lo, hrechiah a nih chu" Puii chu an rawn koh tak vangin inchhunglamah chuan lut ta daih a.

"Țhianpa kha nu kha ka duh" ka'n ti hmiah mai a.

"Khaih khaih khaih, insum teh, in inhre ve chauh a"

"Ka hmuh leh hriatchin kha ka duh tawk viau asin"

"E ni tak e, nangchu spy turu buru i ni tak.."

"Uang lo teh. Khawi a mi nge, ngaihzawng a neih leh neihloh sawi la, a bak chu ka insawi kaw thei ang"

"A mak tut tut e aw. Ngaihzawng chu a nei lovang, a nei ngai lo"

"Ngatinge a neih ngailoh?" ka lo ti thuai a.

"Chu'ng te chu i kutah awm teh se"

"Natna emaw harsatna bik riau a nei a ni lo maw..?"

"I thlah haw dawn kha, i zawt mai dawn nia"

Ka scooter chuan ka pang a va'n ti za reuh tak e aw. A chuang zak angem le? Chu ringawt chu ka helhkam a ni ta ber e.

Zan dar 7:30 velah chuan in mangțhain an in chu kan chhuahsan ta a.

An inpiah kawngkual zaulaiah chuan ka scooter chauh chu a lo ding awn tui mai a, a dang awm bawk si lo ta chu streetlight engah chuan a langsar phian lehnghal a.

Ka chhuahpuinu hmel chu ka va'n hmuchak tak! Han melh zuk zuk lah chu a ni mang bawk silova, a chuang hreh hmel tur mawlh chu.

Vawihnih vel ka han rah buk lauh chuan a nung nghal hluah mai a, harsatna erawh min siam lo.

Zeitak chuan a rawn lawn a, ngaihdam dil mai ka duh rum rum mai ka ti.

An veng a sawilam pan chuan kan inphur chhuak ta rawih kha a nia, ka rin aiin titipui a nuam. Nula puitling tak a ni ngei ang. Kawngchhe deuh laia a break han hmeh te chu a hrehawm hauh lo, ka hmetzing mah mah em ka hre hauh lo.

"Helai hi a nia" a tihnaah chuan ka dinpui a, "A tihzia hle mai, a lawmawm e" a ti a.

An in niawmtak chu ka en a, mi hausa hmasa kan tihho zingah an tel ngei ka ring. Building thar tak a ni lem lova, chutih rual chuan an sak hunlai awm leh hetiang tiat building ngaihtuah chuan hausa hmasa a ngaihloh theih pawh a ni lo.

Thingpui inah tal min sawm ka rin nen engmah a sawi lo chu a mak ka ti deuh viau mai.

"A nih ka kal mai ange aw, lenluh i phal si lo" ka nui lui deuh a.

"A.., nia, a buaithlak, i hmanhmawh ka ring a. Nidangah remchang a awm mai ang" a ti bah niaih a.

"Engtikah emaw ka lo be thei che angem?" ka ti ta nge nge a.

"Min be duh na na na chhãnloh thu chu a awm lova" a nui deuhin ka hria. Tichuan, ka kalsan zui ta a.

A rimtui inhnawih chu hnârah a cham veng veng mai. Ka hawlam chu ruak riau te hian ka inhre pek a! Nia, kim lo a awm a ni.

Biak tuma insawi ve si a number dilna chang ka hre lo kha mawlhtu a awm a nih loh pawhin hawlhtu tal chu a awm a ni ngei ang le. Mi haihawt tak ka nih lem loh nen ka lo zâm bechhe nasa a lo ni awm mange ka ti.

Kan nupui neithar pa chu ka va be ta rawih a, min lo nuih tak khiah khiah a, a number chu ka hlawhchhuak ta thove.

Zan darkua velah chuan ka phone ta ngei a, ramhnuai pilrila Pu Ramthanga auh ang chauh a ni. Chhangtu ka neilo. ‘Min mamawhna nei ve reng reng lo lakah hian beiseina meichher fawhkai ka lo tum lek a ni a nge’ tiin phone chu ka dah a, ka mu ta daih a.

Rei pawh ka mut hma chuan ka phone chu a lo nghawr ta cher cher a, Puii.

"Ka lo buai deuh a..!" thuphate chu a chawi ve ngei bawk sia.

Kan inberei hran lo. Biak chu a nuam khawp mai, aw zangkhai tak leh nui ker ker kha.

Mut hi taksa tan hahdamna a ni a, mutthilh theihloh hi taksa leh rilru tan hahthlak tawp khawk a ni thung. Chutiang dinhmunah chuan harsatna zawng zawng neitu leh kan hmachhawn ta bik riau ni a inhriat hi a va awl si em!

Nia, chutiang chuan keipawh ka inngaihtuah nasa mai. Ngaihtuah chhuah thar țha tak, thutlukna han siam hluaina tur erawh ka nei der bawk si lova. Hahthlak mai a ni e.

Zantin tehmeuh han inbiak takah chuan keia lungleng bawk si chu a zûnah ka uai ta viau. A lên erawh ka leng ngai lo. Min sawm hauh lo.

"Ngaihzawng neih ka duh lo"

"Engatimaw..?"

"Chhan tam tak a awm, sawisen leh sawia fiah chi pawh a ni lo" Lassi a inna no tlâng chu a kutțang nalh seng sawng tak mai chuan a tuaikual zai zai a.

"Duhloh te hnarna țawngkam mawi tak a ni"

"Chutiang zawng chuan i ngaih ka ring reng a, mahse a ni ber lem lo. Sawifiah turin khawngaihin min tilui lo hram ang che"

"A țha a lawm, ka tilui lovang che"

"Ka lawm e, mi puitling leh mi țha tak i ni tih ka hria, chumi vanga ka chelh che a nih chuan ka inthiam ngai lovang" a ti a.

"Engnge awmzia?"

"Keimaha rilru i sên tak tak hma hian min kalsan la, nun hi hlimtakin ka bulah ni lo i hmang thei ngei ang"

"Pui, a tawk viau lo mi? Min duh loh chuan ka duh lo che ti mai la, kei chu tlangtaka sawi mai hi ka duh zawk a sin" ka tih chuan min melh zawk a, a mitmengah chuan lungngaihna thûk tak ka hmu a sin.

Engmah a sawi chhunzawm lo.

"Engtikah emaw min mamawhna i nei ngai a nih chuan min rawn hrilh dawn nia"

Biakloh ang chauh a la ni, a hmai chu a sen țawn țawn a.

"Kal ang hmiang, i inzawh chuan" tiin restaurant ațang chuan kan inzuichhuak ta a.

Sawi tur a vang duh viau a ni. Amah lah ka bețawng zo tawh bawk si lo. Sawi leh chuan tur awm mawlh hek lo le.

Chu mi ni ațang chuan inbe mumal tawh awm lo tak hi kan nia, mahse ka be reng tho. Ngaihzawng ang tur erawh chuan ka be meuh lo thung. Ani pawhin min bechhe bik ngai lem chuang lova.

Zankhat chu an venglamah pawipang tiin ka kal a, a remchang bawk a tlawh ve hrim hrim teh ang ka ti a, an inlam pan chuan biak pawh be hmasa lem lovin ka kal rawih a.

Bell chu ka han hmet ngial a a reh vang vang mai.

An mutawh a nih ring a kir leh mai ka tum lai tak chuan kawngka chu a lo ri rek a, hmeichhe naupang kum 8 vel tur hian kawngka chu a lo hawng a. Min en uluk kher mai!

"Bawihi, Puii a awm em?"

"Awm lo, office an buai a, a kal"

"E a nih tak chu, a lo haw har angem?"

"Aw, haw har ang"

"A nih tak chu, ka nghak lo mai ange, tui ka lo inlawk thei angem?" tiin an inchhung awmdan ka hmuh chak vang chuan luh chhuanlam tur ka zawng a. Kawngka chu a hawng zau deuh a, ka lut zui nghal a.

A mak ka ti kher mai!

Inchhung chu a ruak huai a, chawei dawhkan leh chair pahnih, țhutthleng sei pakhat, an țhutkhawmna pindanah phei chuan engmah ka va hmu lo. Bangah chhungkaw thlalak niawm tak intar chu a ni mai.

Fridge ka melh deuh a, ka hmu lo. Bangla filter hi gas thuk ațanga hla vaklovah chuan a lo inhûng a,  chu ta mi chu ka va in kha a nia.

"Ka lawm e aw bawihi" tiin a a lu ka tuaisak a, mak ti tak chuan ka chhuahsan ta a.

Eng ang chhungkua nge an nih le?

Ka ngaihtuah nasat poh leh ka buai ting mai niin ka hria, amah hi ka zawt ngam ang em? A sawi duh leh lovang. Engtinnge ka hriat tak ang le..

Amah ka hriatna ber ka țhianpa khan eng emaw chen chu a hre tur a ni. Ka zawt khawp ang.

"An vanduai ve lutuk a, tunhma te chuan mi neinung leh awhawm tak an ni țhin a, mahse, accident in a nu leh a nau an boral a, chumi hnuah a pain an awmpuinu nupuiah a nei a, a fa pakhat an neih hnuah a tlanchhuahsan leh a, nikum kumtir lam khan a pain a boralsan leh bawk sia, a pa te kha ka hriatruk dan chuan a in awkhlum an tiin ka hria, chutiang chu an nia, tunah chuan an awmpuinu laka a pa fanu nen chauh chuan an khawsa in ka hria, engnge a thawh tak ni, ka hre miah lo. Kan intlawhpawh ta lutuk lova, kan inneih hma khân kan inhmufuh a, ka'n sawm ve nghal mai a, a lo kal pawh ka lo ring lova." tiin ka țhianpa chuan min rawn hrilh a.

Chuti chu ni ta se engatinge an inchhung kha a ruak huai kher? Eizawnna neilovin an mamawh leina turin an hralh mai tihna a mi niang? Mahse, an eikhawp lek te chu an inhnuailuah te ațang pawhin an hmu em em ang chu.

Zanah kha hmeichhe naupang te chauh a chhuahsan kha mak ka ti viau bawk! Engemaw tak dik lo chu a awm a ni.

Hma han lak chiam ka tum hran lo. Mi mimal nuna inrawlh lutuk chu a țhaber lo deuhin ka hria. Min mamawha min beisei a nih lem loh chuan. Mak erawh ka ti reng dawn a nih hi.

Hun a liam ve zel a, a biak chu kan in be mai a, tih hurh emaw, han inbiak duhloh vel emaw kan nei ngai hran chuang lova. Ka hna lam pawh ka kal tluang viau.

Zan lama pattrolling nei tur zingah chuan ka tel ve vangin hawlehna a buaithlak tiin ka pa scooter chu tlaiah chuan ka hrufai lawk ve diam a. Hruk avanga han fai ta hluau tur chuan a hmel erawh chuan a zir mawlh si lo.

Zan khawtairêkah kawr-uk hain kan vak kual ta kha a nia, Officer incharge berin 'duhtawk ang u' a tih tak miau avang chuan dar 1:00 rik hma deuhin kan țin darh a.

Office ațanga kawngpui ka chhuak chho chiah chu car chakzeta lo tlan hian min thawi thuak a, streetlight engah chuan motor chhunga țhu kha Puii ni tlata hriatna ka nei pek a!

Ka hre dik ang, mi ka hai mawh khawp mai. Ka tumloh lamah chuan car umin ka tlan ta chiam a, tlanchak tum poh leh a hahthlak a ni ber e.

Kawngkawia an liam tur chu ka va hmu leh hlauh țhin mai pawh a. Chuti ni lo se chuan ka letsan daih mai awm e.

An veng kawnglamah chuan an tlan zel a ni tih ka hriat vang chuan thla a muang deuh.

An in thlen hmain ding ila, bihthla chhin teh ang ka ti rilru kha a nia, ka rin loh lam kawng ațanga kan kal avang chuan an in chu ka hai chu niin, an kawt ațanga car tlanchhuak leh Puii inchhung lut chiah chu ka han hmu hram a. Car chu a tlanchak vak loh vang chuan muangchangin ka zui ta zawk a.

Chief Engineer pakhat garage-ah a lut ta theuh mai a, a fapa te zinga in khaithli thlerh thlawrh leh lian nalh zaih mai lo chhuak tura ka beisei nen Patling, kum 50 ral kaitawh tur hi a lo penchhuak a! Amah chu Chief Engineer ber chu a ni lawi si.

A nau, naupang tein office an buai a tih tak kha mawle, an la zan kal ang a, an puin a thlah haw a nih dawn hi ka ti ve mai a.

Rilru erawh a nuam hauh lo mai. Engtia han tih chi nge maw ni dawn le?

Puii te khawsak hmang hriatchakna chuan a tur hian min tur et et a ni ber mai a, ka insum theihna zawng zawng te paw'n mual min liam san ta!

'Khawnge, châk zawng tih hi alawm maw hlu le' tiin ka rilru ka siam fel ta a..

____________                     ___________
                        ɯıssıou-ıı

                         AFFAIRS


                *P.C Malsawmzuala*

                          Chapter

                              - II -




"Ke i mamawh tho sia, Bike kan la mai dawn mi?" Ka pa chuan a ti a.

"Ngai chuang a mi, hei scooter a la hman theih tho alawm" ka tihsak mai a, ka ngaih ven zui teh chiam lo.

'Zanlamah ruihhlo zuar leh hmeichhe inzuar an tam avangin duty ngawrh leh zual tur a ni' tih order kan dawng rup mai a, ka thiltih tum nen chuan a va in persan si ve. Duh angin hma ka la chak thei dawn lo a ang viau mai.

Mihring kan indaih vak loh vangin chhunah kan awl a, zanah a ngai bawka chhuah leh te a ngai a, chhuna awl ve lahin mut a ngai bawk si. Chutiang reng reng chuan kan bei chho va, man lah kan ngah nangiang reng a.

Mi sawm bawr vel hi kawr-uk halovin kan vak darh țhin a, report office lamah pein anni lamin a țul kan tih ang chu an rawn bawhzui mai țhin a, kawr-uk ha a, a huhova kal dûl dûl ringawt ai chuan kan thawhhlawk zawk. Chauh chu a na duh viau thung.

Zankhat chutia ka duty ka vah kualna lamah chuan Hotel pakhat garage a\anga motor lo chhuak mek chu ka hmu a, hawkdâk ta chuan ka en reng a, garage kawngka an khar dawn lai chuan ka motor hriat ka hmu tlat mai le!

Silver rawng, kha Engineer motor kha. Ka ngaih a țha lo nghal em em ringawt mai a, ka va chang dawn rua em tiin hmun remchang laiah chuan țhuthmun ka rem țha sauh sauh a.

Chuti maia han chãnchhuah mai theih a ni hauh lo mai. Office lama scooter va la tur a kalsan chi a ni tawh mang bawk silo. Ka kal hlana an lo chhuah chuan a ho duh dawn em a sin.

Darkhat pelah duty an call off a, phone-in ka va in report ta ringawt a, ka scooter chu lak hram ka duh mange aw. Ka chesawn phal tawh bawk silo.

Dar 2 a ri ta.

Thawm riva reng a awm bawk silo, nghah loh ang hlauh a ni. A motor ka hai emawni ka ti ta hial a, phone a ka chhinchhiah te chu ka'n ennawn leh a, a dik thlap mai bawk si. Anni lah an reh rei bawk si.

Zinglam dar 3:00 rik nan minute 5 vel a la awm tihah chuan kawngkhar chu a rawn inhawng ta hram a, Hotela thawk niawmtak  tlangval naupang lam ria țhil țhel hi hotel suit niawmtak nen hian a lo chhuak a, ka mi duh te an la tel chuang lo. Garage-ah chuan lutin sikuti hi a rawn khalh chhuak a.

Chutihmek laia Hotel Kawngkharpui lo inhawng riai riai chu hmuhloh der rual a ni lo. Kawrfual dum, a chunga jean jacket ha, boot sang țha tak bun leh scarft dum a lu khuh deuh chu tudang mah an ni lo.

Puii.

Ka lum pup hian ka hria, ka inseh ruh chiam chuan awmzia nei se ka va ti tehlul em!

Veranda light êngah chuan a țhatna chu a chuai mawlh silo. Chutia ka thlir reng lai chuan Sikuti chuan an inphur liam ta a. Chesawn mai tur ka awm lo. Ka chân ber châng chhuak ta chu lungawi viau awm tak ka nih laiin min tinatu mai a ni leh bawk si.

Zial te ka'n țan leh rih a, zan lah chu a reh tlawk tlawk mai bawk si.

Reingial ka țhut hnu chuan Scooter la tur chuan office lam panin ka kal ta a.

A nau, hmeichhe naupang tein 'office an buai lutuk' a tih te chu ka bengah lo riin ka mitthla uaih uaih a, an lo buai ngang a nih hi mawle! Hetiang em tur hi chuan ka ring phallo a ni. A mak e mai.

Eizawnna dang a nei lo tihna mi niang? Nuam tih vang nge sum duh vang? Lerhkawh hrim hrim vang a mi? Nge, lohtheihloh? Chhanna mamawh siin chhangtu chu ka nei lawi silova.

Engatinge pasal a neih mai loh? Chutiang zawhna khirhpui pui chu amah chauh lo chuan an chhang thei dawn si lo.

Alarm chuan zing dar 10-ah min kaithova, tukțhuan ei a ka inphihfai hnuah kha Engineer pa te office lam pan chuan ka chhuak ta rawih a. Thil pawimawh tihtur em em ka neilo, va thlithlai ka duh ve hrim hrim.

Ekhai! An hotu ber te chu a lo ni ta lai a! Engineer in Chief. A nihna an tar hnuai chiahah chuan 'Tour' tih hi hmehtawlh bawmah chuan a intar bawk. An P.A hnenah chuan a pu chu a hmuh theih leh theihloh ka va zawt ta thova, "A zin a, naktukah a lo kal ka ring" tiin min chhang!

"Awle, ka lo kal leh mai ang"

"Engthilah nge i hmuh duh a?" ti a min zawh lêtna chu chhuahpahin ka ne ne ral vel mai mai.

Hetiang a nih chuan Puii pawh he office-ah hian a thawk ve mai lo'ng maw? Ka ring ta viau mai. Corridor-a chair a lo țhu, kuhva ei tuam tuam chunga zial lo pak khu hluah mai chu Puii a hriat leh hriatloh ka han zawt a, "Hmelțha deuh kha mi?" a'n ti ngawt a.

"A niang, a chhiat loh viau kha mawle, nulian lam deuh"

"A niang, Establishment lamah a awm, kan chung chiahah khian, luh chiaha veilamah khan a țhu ang" a ti zung zung a.

Tihtur awm tawp si lo chu phúrzet hian ka chhova, han hmu pawh ni tehreng ila sawitur ka nei chuang hauh silova.

Ka han daklut hlawl mai a.

A tu tehvak mah chuan min lo ûksâk lem hlei lova, luhchiaha veilam dawhkan lah chu a ruak hiau mai bawk si. Thlanglama țhu nu hmaitlang hriamzet mai chuan "Engnge i duh?" a rawn ti a.

"Puii ka hmu lawk duh a"

"A chhuak in ka va hre ve, 'office dawr ngai ka nei'  a ti tlatin ka hria"

"A lo let leh angem le, a nghah chi angem?" ka la ti fan a.

"E ka hrelo le, ka ring chiah lo deuh mange"

"Aw le, naktuk velah ka lo kal leh mai ang"

"I tih dan dan le, nghak rawh ti ringawt ila a lo kir loh palh khan chuti hlauh chu a ni bawk sia" a ti zui a. 'Awle' tiin ka chhuahsan zui ta a.

Kha Hotel-ah bak khan a kal hauh lovang le. Mahse, chu em zawng umzui tumna ka nei hran tawh lem lo. Hriat duh erawh ka la nei cheu.

Kha Engineer pa inah khan kal ka duh.

Muangchang chuan ka tlan chhuak leh ta a, an in ka hriatsa tho vang chuan han buaina tur teh chiam ka nei lo.

Chu In ropui tak mai a kawngkharpui ropui leh nalhzet mai sira hmehkhep chu kârlovah ka din chilh ta a. Tunge awm ang le?

Ka hmet ta.

Vai  hian kawngka chu a lo hawng pek a! An eisiam a ni chêk ang. 'Engnge duh?" awn de daw hi a ti a. "Pu office em?"

"Ofphis lo, jin lom"

"Awle, nakinah lo kal leh mai ang aw" tiin ani pawh chu ka kalsan leh ta a.

Khum a mu chung meuh chuan chuktuah khawm ka han tum a, ka remkhawm theih chhun chu 'Puii leh an pu ber hi an khawsa dun țhin a nih hmel' tih zawng hi a ni mai.

A bak belh tur vak ka hrelo. An chhungkaw khawsak phung nen phei chuan chuktuah ngaihna pawh ka hre bau lo.

Ka rilrua thilawm pakhat leh chu 'midang kawp a nei ang'em?' tih hi a ni. Chumi han finfiah tur chuan zana hna lam awlphawt a ngai dawn si. Ni hnih khat chu nghah leh a la ngai dawn a nih hmel e.

Zanlama kan vahchhuahnaah te chuan mit ka'n lén deuh țhin a, mahse, hmuh tih erawh ka nei ngai chuang lo. A chhuak ngailo nge, an fimkhur ve hrim hrim zawk ni dawn ni.

Zanlama vahchhuah pawh thuchhuah an sût tak vang chuan kan awl ta.

A zankhatnaah chuan zanriah eikham veleh rangtakin ka tekchhuak nghal a, Puii te inlampan chuan ka tlan vang vang a, an inthlen hma kawngkawia dawr muk zetah chuan Cigaratte leh kuhva leiin ka ?hu lut a,  a nghaktu nu thaupui mai chu Puii te chhungkaw chanchin hriattum takin ka titi pui a. Mamawh zualpui chu ?henawmhnai a ni bawk a a lo hria e.

"A pa hi EE a nia, a pension dawn ruaiah khan a chefuh vak lo aniang suspend te kha a tawk deuh rum rum a, rul tura an tih laiin amah lah kha a boral ta daih bawk sia, a fanu te khi an khawngaihthlak khawp mai khi.."

"Chu a fate'n an rul ta ngawt tihna a mi a?"

"Engtin chiah nge an kalpui ka hre tawh lo. A tirah kha chuan a pension hi a fate'n la lovin insiamremtir an tum te kha an tia, chutiang chuan an kal ni hmiang ka ti mai a" a ti a.

Han zawhbelh vak tur pawhin a hriat belh ve vak silo chuan zawhna atthlak mai a ni. Engpawhnise ka hlawhtling khat tho tho chuan ka hria.

Chutiang thleng chu hre mah ila khawilaia bulțan tur nge pawh ka hre chuang der lo nia! Sawt mang si lo hian ka ngaihtuah vak vak ringawt a, hriatchian chak viau e tilo chuan a țul ber dawn emawni ti ten kan ngaihtuah kawi leh rih a.

Mahse,  Puii hi chhanchhuah ngei ka duh a ni.

Ka ngaihtuah kual vak na lamah ka u pasal leh Puii pate chu hmunkhata thawkho țhin an ni tih ka hrechhuak ta. A hunteah a lo rah ve leh mai ?hin e.

"Pu Sangluia case kha engtinnge in kalpui tak a?" tiin ka zawt thawr a.

"A fanu khan a rul ve bek bek ni hmiang ka ti mai a!" a ti a.

"A tisuallotu berin a tuar ta a ni maw chu?"

"Ni ber ta a nih hi"

"Engnge a bulthûm ni hrim hrim a..?"

"A.. Pu Sangluia khan Project lem a lo duang a, nuaih sawm sarih bawr vel emaw ni ta kha le, a pawisa a lo la vek bawk sia, chu chu a ni ber ang chu"

"A pawisa lak chuan rulh mai awm" ka lo ti hmanhmawh a.

"Chu chu an buaina ber a nia, a pawisa kha an zawt chhuak hman tlat lova, a boral zui mai bawk sia, a bank account velah hnuhma engmah a awm chuang bawk si lova, a fanu lahin a hriatpui bawk silo.

A in vel an dap lahin engmah hmuhtur a awm bawk si lova, a pension hlawh leh a GP an hrensak a, a bank account zawng zawng nen, an inluah mah te pawh kha a telin ka hria, chuti chung chuan nuaih sarih vel tur hi a tling thei lova, a pension thlabi a lak tur leh an inluahman nen thlatin rul turin an tia.."

"An va ti lutuk ve mawle, engnge a fate'n ei se an tih a.."

"Nia, court thuchhuak kha ni bawk sia. Compassionate ground ang chi deuh khan a fanu kha khawi department-ah ber nge LDC in an dah chu an tih kha. Hmanni kan pute sawi hmang khan a fanu pawh chuan 'a hlawh ațangin a la rul țhen e' an la tiin ka hria. A khawngaihthlak khawp mai. LDC hlawhte a beitham tehlul nen."

"A rapthlak a nih ber chu a! Chutiang em em te chu.." ka ti tak tak. A tisuallotu chunga phuba lak vak kha engnge awmzia? Eng dân leh dûn nge maw an hman chiah le?

Hnuk ulh țeuhin ka ngaihtuah chhunzawm hial a, ka chan chu ni se ka inawkhlum duh hial awm mange ka ti! An inchhung ruak hiai mai chhan chu engdang vang a ni ta love.

Kha Engineer pawh kha a duhreng vanga kawp a ni kher ange'm? A sum mamawh in tâl awk a ni mai lo maw? Lainatthlak zawk hian le..

'Zantin a chhuak angem le' ti rilru chung chuan Puii te inlam pan chuan ka chhuak a, a awm emaw awm lo emaw kal hrim hrim ka duh.

A nau eitur chu eng eng emaw ka khai nual a, duhai chuan ka kal tlai hret, dar 8:30 a ri hial tawh. A pawi em lovang chu maw.

Bell chu ka hmet ngial a, chhanna ka dawng theilo. Vawi 10 chuang zet ka hmehnawn hnuah chuan kha hmeichhe naupang tê khan a lo hawng leh ta reuh a.

Ka thaw huai mai.

"Bawihi ka lo leng lawk duh a" tihpahin ka thil khai chu ka han hmuh a. A melh ran ran a. Engmah a sawilo.

Kawngka chu hawng zauvin ka lut zui ta thova. Ka thil ken chu ka han pe a, 'ka lawm e' tiin a nui ver ver reuh a. Naupang rilru thianghlim tak hi chu aw...

Ka pawm kang a, a hming te chu zawtin innel tir tum chuan ka be sawm char char a, țha takin min chhang ve mai zel a, min hlau hran lo niin ka hria.

"Au Puii bulah hmanzana ka lo kal kha i sawi em?" ka ti a.

Thil ei tiam tiam chung chuan a bu nghat nghat a.

"Engtinnge a tih?"

"Mi fel tak a ni" a ti reuh a. Vei zui hmelloh deuh chuan a ei chhunzawm leh mai a.

"Chu chauh chu maw?"

"Kawngka lo hawng tawh lo la a ti"

"E he..au Puii chu va sual ve tiraw,  a hriatlohin lo hawng ziah la tiraw, a awmloh hlanin kan lo inkawm ?hin ang a" ka tih chuan a nui ver ver a.

"I upa tawh bik e" a ti reuh a.

"A pawihleinem a inkawm theihtho alawm, lehkha te kan zirdun a nga"

"Pawl engzat nge i nih a?"

"Kei chu ka zir tawhlo a lawm, ka zirtir țhin che anga, Au Puii office-a a kal hlanin zanah ka lo awmpui țhin che anga" ka tih chuan lungawi hmel deuhin a in thing mat mat a.

"Zanah Au Puii chu a lo hawhar țhin em?"

"Ka hrelo, ka muhil țhin a" min chhanna chuan ka mittui a ti hnâmsawk mai nia mawle.

Ka țawng mai thei lo, nghet zetin ka kuah bet ta ringawt a.

Chutihlai chuan pindan lamah chuan phone a lo ri ral ral a. Chu veleh chuan 'Au Puii" tih leh tal thlak a rual a, a lo haw ta aniang tiin bihrukna tur ka melhkual nghal ruai a, ka hmu mai silo chu pindan lamah chuan ka tlanlut ve ringawt a, Kûri chuan a u chu phone ațang chuan a lo be mawlh mawlh a. Ka va luh thut vang chuan a țawnglai chu a tawp chat a.

A hnu lawkah chuan "Aw, miss you bye" tiin phone chu a dah zui a.

"Engnge Au Puii chuan a lo sawi a?"

"I mu tawh em a tia, aw ka ti" a felfai reuh mange aw he naute hi.

Chu ber aichuan an pindan leh zel ruak huai mai chuan ka rilru a tina tak zet. Khum 6x5 vel pakhat bak chu han chhuantur tehchiam a awm lo. Dawhkan lian vak lo pakhat leh naupang chair pakhat.

Thawmhnaw dahna chu room dang a ni ngei ang.

"Kuri, kawngka i kalh daih sia Au Puii engtinnge a lo luh țhin a?"

"Kawngka pakhat ațang khan mawle.. i hre lo mi maw ni le" a'n tiah!

"Chabi i kawl ve lo mi?"

"Lukham hnuaiah" tiin a zirlaibu chhuata thal nuaih chu a rem țha mawlh mawlh a.

Lukham hnuai chu ka han enthuai a, ka hmu mai lo. Mattress chu chu ka keu kau a, a hnuaiah chuan chabi mal hi a lo let ngât a. Ngawireng chuan ka ak zui daih a.

Lehkhabu remfel chung chuan a hâm bai bai reng a, en reng a har khawp mai.

"Kuri mu tawh la"

Min melh zawk a, "Riak ve suh aw, Au Puii min hau ang" a ti zui a. "Lutuk tlat, i mutthilh ve leh ka haw ang, muhil phawt la ka lo awmpui che ang a, Au Puii lo haw dawnah ka haw ang"

"Au Puii a lo haw thut chuan biru rawh aw" eng engemawni chu ngaihtuah a nei a ni. Rilru chak tak a ni ngei ang.

Khumah chuan ka muttir a, a bula țhu chung chuan ka chul heuh heuh a, reipawh nghah ngai lovin a muhil zui mai a. Reingial ka thlek vang vang hnuah chuan pindan ațang chuan ka chhuahsan ta a.

Haw mai tum erawh ka ni hauh lo.

Pindan dang chu enchian chakna riau ka nei a, a chhak ber ațang chuan ka lut a, eng mah a awm lo. A ruak tak zet a ni. Phone eng chuan ka han chhunkual ngial a, chukchu takngial pawh hmuh ka nei hauh lo. Chumi thlang chiah chu Kuri te room a ni a, a thlangberah pindan pakhat a la awm.

Chumi chu ka panthla lehnghal a, kawngka ka han hawng chu thawmhnaw a lo inzâr dul mai a. A mak ka ti viau. Room lianber a ni a, a nu leh pa room vel a nih ka ring. Chutah pawh chuan engdang hmuh tur a awm chuang lo. Darthlalang lian pakhat leh naupang chair niawmtak hi luhna bulhnaiah chuan a awm a. Tukverh sirah chuan Almira pakhat a awm bawk. Chu lo chu hrui hi tlar thum velin a inthlung kual a, chutah chuan hmeichhe thawmhnaw hrang hrang chu mumaltak rem a ni tih hriatreng hian a in khai dul mai a, an thawmhnaw dahna pindan a nih ngei dawn hi ka ti a.

Pindan ațanga ka chhuak leh chiah chu kawta motor ding ri dat thawm ka hre ta tlat mai.

In neitunu a lo haw a ni ngei ang le? Bihrukna tur ngaihtuah ngial mah ila ka hre thei lo. Bual in lama luh chu niin ka hre bawk silo.

Ka chhuahsan tak pindanah chuan ka lut leh ta ringawt a, pindan a phui thawkhat aniang kawngka inhawng ri thawmbak ka hre zui lo.

'A munghal emawni le' ka tih rilruk lai chuan ka awmna pindan kawngka chu a lo inhawng a, light a in on eng ta pap mai.

Thlanglam kilah bang nghengin sawi zetin ka ding a, intihhniam loh chuan thawmhnaw a khaina tlangban chungah chuan ka lawr phak tlat bawk sia.

'Hnuailam a bih chuan min hmuthei ngei ang' tih ka ngaihtuah chhuak thut a, dinsânna tur a awm chuang si lo, min hmuh ngei a ngai dawn tho hnuailam a a rawn bih a nih vaih chuan.

Hlauthawng ru angreng tak chuan țhu hniamin, kûn kût chung hian amah zawk chuan engnge a tih tiin ka va bih ta zawk a, chair tereuhteah chuan țhuin a boot a lo phelh mek a, a kâwnga chin hnuailam bak ka hmu theilo.

A che a che a, a kawr a phelh niin ka hria, hmuh chian nghal theih hek lo le.

Chutia che lo châng lova ka bih reng lai chuan a kekawr a hlîp thla ta ngawt mai a, a mal lian leh ngo pawvuh mai chu lehlam hawisan phal chi rual a ni lo.

A sei thlurh mai bawk si.

Awi.. tak deuh deuh chuan leh! A kekawrte pawhin a hna a thawk leh ta lo!

Inhmachhawna room lian lo taka awm kan ni bawk si. Hmuh duhloh chuan din chhuah emaw ka ngai. Mahse, chutiang chuan ka awm phal der bawk silo.

Mipa duhthusam malno leh a kapkalak ka thlir veng veng laichuan 'sawtiang khawpa nalh saw, a duh leh a hmangaih tan pawh hlan thei lovin, putar vuaitak hnenah sum vangin a hlan chu a ni awm si a' tiin ka ngaihtuahnaah a lo lut daih a, mipa thinlung (?) meuh pawh penfawk ang maiin a zal rawih rawih hial asin!

Ni, ka en reng chuan ka hria, mahse suangtuahna vang chuan ka hmu phak ta lo.

Reilote hnuah chuan light a thim zui a, a chhuak ta kha a nia, a mu tawh dawn a ni ngei ang.

Reivak lo ka ngaihchan hnu chuan thawm dim takin ka chhuak ta țham țham a, pindan lamah a awm emaw ka tih lai chuan bualin lama inleih ri niawm tak riphar phar chu ka hre zui a, ka chabi ah hmang chuan ngawirengin ka chhuak ru ta zal zal a.

____________                     ___________
                        ɯıssıou-ıı

                         AFFAIRS

               *P.C Malsawmzuala*

                          Chapter

                              - III -


Kan inhriattirh ațangin thla a vei dawn awrh chauh a la ni a, theihnghilh tur nge buaipui tur tih ringawt pawh ka va inbûk ngun si em! Chutianga bûk búk e ti lo chu ka thutlukna lah a dang ngai lem hlei lova. A chhan pawh duhaithui ka luhchilh miau tawh si a.

Amah hi biain ka sawipui rawih mai dawn em niang? Mahse, țhataka kan indawr theih ka ring chiah bawk silo. Tih sukuk ka hlau ve bawk si. Mahse... tihdan tur a vâng bawk si.

Phone call leh sms chuan pangai takin kan in be reng lawi bawk sia, remchang awm thei tak mawle.

Zantin a chhuaklo tih ka hre thei ta, karkhatah zanhnih emaw zankhat te, chhuahloh kar te pawh a nei.

Chuti a nih chuan hurherh vang chu a ni theiloin ka hria. Tin, ka hriat sual loh chuan Engineer pa nen hlir khan an ni, midang a kawp awm ka hre hauh lo. Ngaihruat theih awm ta chu Engineer pa hian sumin a țanpui lêt ve ang tih hi a ni.

Ba rulhna tur kha.

Chulai kar buaina chu sumin a chinfel theih ka ring ta tlat a, sum lah ka nei a zeng phei chu a ni lova.

A pa sum chheprelh kha..?

Ni, kha ngei kha zawnchhuah a ngai, chumi chuan engkim a chinfel vek ka beisei. Mahse, engtin nge ka tih chuan ang a, khawilai hmawrah nge lahlum chu ka thlun ang a, khawi thleng nge ka pawh dawn?

Ka hmaah mi thiam zawk leh tawnhriat ngah tak tak te pawhin an chhui tawh ngei ang a, anni hmuh lo keia kar nuthlawi zuna uai hrep tawh hian ka hmuhchhuahbik chu ka ring hran bawk silo. Mahse, chubak kawngdang awmin ka hre bawk si lo.

Bei nge sei rûndung ti ang hmiang.

Office-ah file ka hai ru țan nghal a, han hmuhchhuah tur chai a awm bawk silo. Case IO pawh ka ti tipui nual a, kha case an umzui dan te chu chip chiar angreng takin min hrilh a, hnemhnan pui nghal maitur awm lo mahse nakin zel atan mamawh ka neih chu ka ring.

Chu Case IO in a sawi hmang chuan 'thurualpui nei lo, mahni kutzala thilti leh a sum chhehrelhna hriat loh" tih zawng hi a ni ber awm e.

"A thih khan lehkha hnutchhiah te pawh a nei ve lo mi?" ka ti hram a, "Nei em em lo, a fanu takngial pawh a hrilh lo kha a nia, a ti mak ve angreng khawp mai, an in sak design, Engineer draw chiah kha a bulah a awm bawk sia, thildang kan dap ngial pawhin kan hmu bawk si lova, police mit ațang chuan kha building draw a lo awm tak si-ah chuan a buildingah khan a chheprelh ngei a nih a rinawm a,  kan han dap ngial a, engmah hmuh tur a awm bawk silova, a lunglengin a en a niang te kan tihsak ta vel mai mai a..A draw tupa kha a la dam a, 'ka draw ang khan an sa, engmah danglam a awm lo' a ti ve tlat bawk sia.

Amah ber dawp tur a awm tak si lovah chuan case kalpui kha a harsa riau a..."

Chu building construction draw chu ka hmu ve ngei tur a ni.

Puii chhuak ka thlir liamhnuah chuan ka chabi kawl hmang chuan ka lut zui ve nghal mai a, Kuri chu a lo nui ver ver a. Ka khawngaih țhin mange aw he naute hi, a hlimthei phian bawk sia.

A phone kawlah chuan ka number ka dahsak a, "Au Puii a chhuah zanah min lo message ang a, ka lo awmpui țhin ang che" ka ti a. A hrethiam, sawifiah vak a ngailo.

Hlim deuhin kan inkawm a, khumah chuan a mu a, thawnthu ka hrilh a, reiloteah chuan a muhil zui ve mai bawk a.

An thawmhnaw dahna room lamah chuan ka chhukthla a, Almira awmchhun chu kalh pawh kalh loh hian a lo awm a, thildang teh chiam a awm lo, Bible, hlabu, an chhungkaw album niawm tak leh lehkhabu eng engemaw a awm ve nual mai. Locker a awm bawk si lova thil han dahțhatna tur chi pawh a awm hauh lovang, Puii Cheque book te pawh a let ve mai mai.

Ka zawn ber lah chu ka hmu mai lo lehnghal a, an paih emaw ni dawn le.

A kil lama inthlep chuar tep tup chu ka'n lek pharh a, chu ngei chu ka thil zawn chu a ni e. A inthlep chuar nasa kher mai.

Theih ang ang chuan ka han zut mar a, ka'n bih ve ngial pawhin keia Constable mitah chuan eng thilmah hmuhchhuah tur a awm lo. En uluk poh leh beisei a bo a ni ber mai.

Ka haw hnuah pawh dawhkanah pharhin a line zawng zawng nen ka chhui chhuak dap a, beiseina ka phumbo tial tial niber hian ka hria.

A ngaihna tak pawh ka hre love.

Ka thlep țha a, lukham hnuaiah rawlhin ka mutsan ta daih kha a nia. Ngaihtuahna luah thuk viau mahse tihngaihna hre miau hek lovi!

A tuk zing office ka kal tur chu ka tlai deuh bawk nen Scooter a nung mai duh bawk si lo, rilru hmanhmawh zet chuan theihtawpin ka tlan a, office thlen hma lawk kawngkual laiah chuan hmeichhe naupang school kaitur hi a pi niawm tak hian a lo kai a, anni kawng rawn tantlang tum chu ka lo hmu lawk si lo.

Ka su ngei dawna hriain kawngchhak lamah ka in elh tlu ringawt mai a, Scooter nen chuan kan ri bur mai, helmet khum lo ila chuan ka lu chu engtin emaw tak a awm ngeiin ka ring.

Ka ngal chu ka hup vang vang a, a ruh chu a tliak em lo aniang. Mahse, a na viau thung.

Mi in min rawn bial laih laih karah chuan 'Â pa Mal' tih zawi angreng tak fiah zet si hian ka hre tlat pek a!

Min dinhliah hneh bawk si.

Ka Scooter an tun fel hnu chuan ka ding ve thei mai a, ka ngal lah chu a vunchhia a pilh nuan lek mai bawk si. A nat teh reng nen a le.

Ka hawikual a, kha naupang zawng khan. Mahse, ka hmu zo ta lo. Rilru khingbai zet chuan office lam chu ka pan leh ta a.

Chhunah Canteen-a ka țhianpa nen kan chawlh lai chuan kan piah maia Vai mistiri insa chu ka thlir reng a, sahal khaiin measuring tape nen chuan a inteh buai hle a, ngawireng chuan a tihtur chu a ti mawlh mawlh a, damchhunga mistiri han nih ngawt mai chu tiin a ngaihtuah ve țhin ang em le?

  Chu vai hnathawk ka thlir reng lai chuan ngaihtuah chhuah ka nei hlauh mai pek a, dik tak mawle. Awm hle hle thei lo tih takah a tur hian mi tur leh et et tawh mai.

Chu zan ber kher lah chu Puii a chhuah ka ring bawk si lo. A chhuak thut thei ve tho tih beiseinain hun ka hmang a ni ber e.

Tlai haw pahin measuring tape ka'n lei haw ve tak ngawt kha.

Zanah chuan Kuri'n min rawn message tak mialin tiin ka phone chu ka bih awl lova, nghahloh ang hlauh a ni.

Puii chu a chhuak lo a ni ngei ang.

Lenchhuah dawnin a lak lawh phian bawk sia, betlo zet chuan TV hmaah ka țhu ta reng a. Engnge ka en ber pawh chu ka hrechuang lo, ka thil ngaihtuah laklawh hi chu ka vei ngut ngut zel bawk sia.

Chhunah an awmloh hlanin ka va kal ru mai zawk dawn emaw ni le. Mahse, ?henawm ten emaw a tuberin emaw min hmutu chuan min ringhlel dawnin ka he bawk si.

Khawihlipui sawr hun ang ut ut a lawm a nih tak hial le.

A tukah chuan puber meeting tur a PSO a kalloh vangin ka'n zui leh lawp lawp bawk a, rilru bing lutuk tur chu a zia viau. Chawhnu lamah OC kan tlawh leh bawk a, ni chu kan lêng ve a ni mai e.

Zanin chu kan chhuak fuh thei tawh em ang chu maw ka tih mek laiin Pa Rinawma a lo lut hlawl mai a! A la nuisung leh ta nghal a!

"I lo va chho har ve" a la ti zui.

"Chho peih tawh lo, hna i nei khirh emai" ka lo tih sak a.

"I inti pa ve viau emaw ka tia, nuthlawi zuna han uai chiam mai chu a zia lo deuh e ka ti" a'n ti te te a.

"Tak tak a, Departmental exam a awm dawn a, in buatsaih rawh. Special a promotion zingah tur-ah i awm kha, hmanni khan file kal min entir a, Rualzakhuma sport quota in a awm bawk a, exam naa tih țhat loh chu a țha ber chuang lo. Kan qualify ngei a ni tih hi lantir tum tlat tur. Duhsak quota ringawt hi chu hnunglamah mi nuihzat nihna mai mai."

"Duty vak vak vak hi ka peih ve lo, keichu inkhelh ka duh"

"Aw, chutiang te chu i kaisan apiangin a awlsam zawt zel dawn lawm, constable ațanga duhthusama awm tur chuan mi bîk nih a ngai, kan pu paw'n a duhsak em che kha, hei bak bak a awm hleinem, lo chhoh tawhlo chu i tum fel der a mi a?"

"Tum fel deuh mai e, nupui ka nei dawn" ka tih chuan a nui huk a. Room lamah luhsanin ka pa te nen chuan an inkawm zui ta kha a nia.

Ka phone chu kan bih a, 'aupui chhak' tih hi a lo awm bal a.

Muang chang lovin ka insiam zui nghal mawlh mawlh a, measuring tape khai chung chuan ka chhuak ta a.

Scooter chu a nung duh ta reng reng lo mai a, petrol a over ka hlau bawk si. Plug chu ka han phawi a, a lo mawm hluam mai hi lo nia, puanchhia chuan ka'n hrufai nawk nawk a, lighter te chuan ka hliau bawk a.

Ka han vuah fel a, kan kick leh chu a vû ta hlurh a. Meikawhin ka tlanchhuak ta vang vang a.

Kawnga motor leh bike insu te pawh chu a police ber chuan ka hmu lo der ta ringawt kha a nia, naktuk lamah report kan hre leh vek thovang tiin ka inthiam chawp a. Enge, mi hmanhmawh ve te.

Kûri bul chu reiloteah ka thleng phei mai reng a, mahse zanin chu ka awm tha a tho teh chiam lo. Ka thiltih tum chu ka rilruah a lian zawk daih!

Chu erawh chuan harsatna min siam lem lo. Kuri nen chuan a ngai te bawkin kan inkawm leh a, zanin chu lehkhazirpui a duh ve tlat mai. Kutziak nalh dan te ka zirpui a, nuam a ti kher mai. An miss fel leh hmelțha a tih deuh te chu a sawi siam siam a.

Chhuna an zirlai ka ennawn pui hnu chuan a ham bai bai tawh a, khumah chuan a mu leh mai a, zai kan ngaithla a, reiloteah mutui tih hriat reng hian a thaw leh ta sâk sâk a.

A biang taitek maiah chuan ka fawhsak zeuh a, ka thawhsan ta a.

Measuring tape chu ka'n phawrhchhuak a, theihnghilh ka nei, a pawita! Building draw kha ka keng tlat lo, hisap a buai zo leh ta vek mai. Engatinge ka ken loh le aw.. Duhaiin ka be le but țhin mah mah a ni. Thluakfim hmang rual chu ka ni ve tawh asin mawle.

Kutruaka haw ngawt aiah tiin Kuri ziakloh bu leh pen chu ka la chhuak a, an pindan chhak a pindak ruak lam chu ka pan ta nghal a.

Plug awmna ka hmuh mai loh vang chuan phone engah ka'n in dap chawp deuh a, a hmuh zawng ka hmu ve mai e.

Room zau zawng chu uluk fe mai hian ka teh chhuak ta thlap a, bang te chu kik kualin thildanglam ka zawng a ni ber mai. Engmah phei chu ka hmuchhuak lem hlei lova.

Pindan thlang zawk, thawmhnaw an dahnaah chuan ka lut thla leh a, thawmhnaw zar hnuaiah chuan measuring tape chu ka pawt kual leh ta chiam a, pindan chhak ang bawkin thildanglam teh chiam chu ka hmu chuang lo.

An țhutkhawmna pindan ka tehna ka ziahluh mawlh mawlh lai chuan mit la zet thil ka hmu ta tlat mai!

An thawmhnaw dahna pindan measurement kha a danglam tlat!

Pindan chhak ber ban leh ban inkar (bang leh bang) kha 11ft a nia, chuti a nih chuan an ban kalkual dan, ban leh ban inkar zel kha 11ft in a chhut kual theih tihna a nia. Thawmhnaw dahna pindanah chuan a chhuk zawngin 10ft a tla tlat!

Ka thiltihlai chu dahin ka lut zui nghal a, engmah rinhlelh chhan tur lah chu a awm der bawk silo. Bang lah chu cement bang chhah pangai a ni mai bawk si. Ban kardang aia zim bikin an dah sa hrim hrim emaw ni dawn le. Ka phur hman ve teh reng nen aw..

Inchhunglamah tie-beam kalphei hmuhtur a awm loh vang chuan tukverh a,anga enmai tum chuan tukverh lam chu ka pan nghal a, parda ka han keu chu rinhlelh tur zawng ngang ka ni bawk a, ka duh ka hmu ta in ka hria.

Tukverh biang zawng chu 1ft dawn hian a lo chhah kual vek mai a, chu chu room a tet bik chhan chiah chu a ni ta.

Tukverh chu ka hawng ta tho va, beam kal awzawng hmuhtur a awm lo. Chuti a nih chuan beam chep chiah hian bang a kal tihna a ni dawn a, pawnlam bang a mam pur a, chhunglam bang mampur bawk si chu an bang a chhah lutuk hret a ni.

Inchung lamah Beam chhuk thla zawnga kal a lang ruak a, Puii pindan nen an ințhenna laiah kalphei a awm bawk a, a thlangber a nih tak vanga bo ta daih chu hmuh reng chuan rinhlelh loh theih pawh a ni ta lo!

Ka'n chum chhin vel a, thil danglam tak chu ka hre chuang lo. Mahse, thil nithei awm ang tal ka hmu chu rilru a zang ta deuh. Measurement ka la ang a, an in building draw nen ka compare leh ang ka tih hnua khaikhin buai pawh ngailova chutiang a rinhlelh thil ka hmu chu hlawhtlinnaah ka ngai lo thei lo a ni.

Hmanrua lo keng ila țha tur.

An gas dahna hnuai bawm vel chu ka va en a, eng engemawni chu a awm ve țeuh mai. Tuboh lianvak lo pakhat, tuiek kai țhut mai chu ka hmufuh a, pindan lamah chuan ka kenglut ta kha a nia.

Kan chhu pawp a, engtin teh vak a awm lo. A chhungchu a kawrawng ngei niin a rik danah chuan ka hria.

Chhut pawp ka'n tum zet a, mahse thil țhaber a ni leh si lo tlat. Rek kaw ringawt ila hnuhma hliahna tur engvakmah a awm bawk si lova, kan in manchhuak rang dawn bawk si.  Zanin atan chuan a tawk viau e tiin ka tum chu ka thlak ta a.

Kuri tuitaka a muhil sâk sâk lai chu ka thlir reng a, ka awmpui ang nge ka hawsan ang tiin ka ngaihtuah buai hle a. Puii min rawn nanchin leh ka hlauh vang chuan hawsan mai chu țhain ka hria a, eng em a ti bik lovang chu maw.

A lu a ka tuaisak hnuchuan ka chhuahsan ta a.

Engtinnge kha bang kha an inhnuaite emaw, an țhenawmten thawm an hriatloh theih dan tur a ka verh theih ang tih chu ka buaina ber a ni. Zanlamah bak hun remchang a awmloh vangin thawm a ring hma bawk si. Tuboh leh chheni ngawt chuan tih chi loh hulhualah ka ngai.

Chuti a nih chuan engin nge ka țhiah tak ang? Tile tanna ang chi khawl lianvak lo, kenkual maitheih hi hawh tur zawng ta ila, chu chuan a theih ang. Mahse, a bengchheng dawn bawk si. Midang kan hrilh ve a ni ringawt dawn asin.

Ngaihtuah thiam a hartluk zetin ngaihtuah a sawt lem hlei lova.

Tihvak ngaihna ka hre tlat lo. Chheni hriam țha ver vawr leh Thirkhen hlai ka lei a, tuboh chu a awmsa kha ring tawh mai ang. Engtin emaw thawm dim deuhin a tih theih mai ka ring. Chubak ngaihdan dang ka nei thei tlat bawk si lo.

Zankhat chu Kuri message ka dawn loh vangin ka chhuak ngam lo ta, a tukzanah chuan hma ka la thei tawh em ang chu maw..!

Puii te office-ah chhunah chuan ka va kal a, thildanglam a awmlo, pangngai tak chuan kan inkawm a, an canteen-ah te chuan thil kan eidun a, harsatna hi nei lo se chuan min duh ka ti ngam sak ang. Ka bulah chuan a hlim ve ni pawhin ka hre țhin.

Chutiang tho chu mi bulah a ni ve em chu ka hre lem hlei lova.

An room lama kan let leh dawn chuan building chhung step chho, a kualna laiah hian ka dawm ding a, fawh ngei tum chuan ka hnaih ruak a, a tukkhumah chelha ka hnuh hnaih mek lai chuan 'khi mi' a tih vang chuan rangtakin ka thlah thuai a.

A tu amah chu an lo awm der si lova, a nui var var a.

A bana piai sak pah chuan 'i va'n sual tak' ka ti a.

"Hm..a țha ber lo lawm, miin min hmu anga sin,"

"Tumah an awm loh hi.."

"Chu pawh nise.."

A kutah chuan ka hmersak vak ringawt a.

"Thu i awihlo hmasa a nih kha.." a ti leh a.

"Engnge ka awih lohna?"

"Hetiang lam zawng hi chuan kal loh a țha, țhian nih a tawk  ka tih kha.."

"Chu chu i duhthusam maw?"

Engmah sawilo chuan min melh zeuh ringawt a, a mitmeng leh a chezia hian min hnar ngailo. A țawngkam chauh hi a ni tih ka hriatna rei tawh. Reiloteah a țawngkam pawh hi kidanga thlak theih ngei ka beisei.

"Ka lo lut tawh lo mai dawn maw ni le?"

"Engati?"

"A, nuamlo deuh, form nen ka ni țup bawk sia"

"A ho e, rei lo te tal, rei lo te nimai"

An room-ah chuan kan inzuilut leh ta nge nge a, a dawhkan bulah chuan stool-ah ka țhu sawi ve ran a, reipawh awmzui lovin ka hawsan leh ta a nih kha.

Chumi zan pawh chu message ka la dawnglo cheu mai, nghaktu zawk nih chuan a hrilhhai thlak viau a ni. Puii a chhuak lo nge, harsatna dang a nei zawk niang le. Engpawhnise zanin chu nghak leh phawt ila, naktukzanah message ka la dawng lo cheu a nih chuan ka va fiah ve hrim hrim tawh ang tiin rilru ka siam zui a.

Chhunah tumloh deuh maiin Police Training Center lamah bungraw dah ngai a awm vangin Driver nen min kaltir a, hahthlak tur khawp awm lem lo mahse khawlum lutuk chuan min hmet zawi hneh viau mai.

Tlaia ka haw pawh chawei hmain țhutthlengseiah te ka lo muhil hman pek a! Zan lama chhuah tum lo ila chuan ka mu nghal chiang viauin ka ring. Mahse, hmabak ka nei bawk si.

Message dawnglo mah ila chhuah hrim hrim ka tum vang chuan chaweikhamah chuan ka inbual zui nghal a, ka harh sawng sawngin ka hria.

Kalchhuah dawnah chuan message chu kan bih hram a, ka message duh chu a ni ta ngei e.

Thirtiang tawi, ,angphel vel tur ka lek vurh vang chuan ka pain chuan maktih hmel zet hian min zawt a, "Min chah a ka țhian ten ka leisak a nih hi, ka'n pe lawk ange" tiin awlsam takin ka phamar thei mai a, ka kekawr iptea chheni leh thirkhen te chu han hmu vaih se chuan min ringhlel teu teu viau ang chu mawle.

Tlan ve reng ta chu ka thleng ve leh mai zel a, dan pangai ang bawkin Kuri chu ka awmpui leh a, a khawsa zia chu a dik zat lo. A damlo deuh niin ka hria, emaw a dam lam tal a niang, a mah a zawi ngiai mai bawk si.

Lehkha pawh zirpui duh lovin khumah chuan ka mut tir a, kan ti ti mawlh mawlh reng a, keima mut hi a chhuak mah zawkin ka hria! Ani lah chu a muhil mai bawk si lo.

A pang chu a lum ther ther a, a khua sik deuh emaw niang le! Damdawi an kawl leh kawlloh ka zawt a, khumlu a bawmah chuan a lo let ve ram a, nachhawkna chu a phelin ka'n pe ve ngawt maiah! A pawi em lovang chu maw.

Ka harh tlat, ka muhil chiang mai kei hi!

Ka inlet chiah chu khumbul maia kawrfual dum ha chu ka hmu chiang ngei mai le! Ka phuchiang lutuk chu ka auchhuak țepin ka hria!

Ngawireng chuan min en reng a, hmanrua a keng lova, hlauh tur zawngin a awm hek lo. Pheikhawk pawh bun lo, kelawngin a ni a awm ni....


____________                     ___________
                        ɯıssıou-ıı

                       [ AFFAIRS ]

               *P.C Malsawmzuala*


                         Chapter

                            - IV -



Ka țhuchhuak hlawl a, a bianga mittui luang chu dan a tum lo.

"Puii"

Chhanna ka dawng lo, a hmui chu insum tih hriatreng hian a pet khur der der a.

Ka dingchhuak a, a bulah chuan hnaihin ka din chilh a, chik zet chuan ka en a, min melh ngam lo.

Chutianga inhnaih taka inhlat si chu ka thiam loh zawng tak a nih vangin ka kuah lo thei ta lova, ka kokiah chuan a khabe nghatin a insut hraih hraih a.

  Reingial chu chutiang chuan kan ding dun a, sawi mai tur ka hre lo. Ani lahin engmah a sawi lem bik si lova. A khur der der.

"I lo haw chuan keipawh ka'n phei dawn ange aw," ka ti a.

Min kuah nghet sauh thung.

"Kuri hi a nuamsamlo a, enkawl deuh a țhat ka ring" ka ti leh a.

"Ka hria" chu zawng chu.

"Tinge i chhuahsan?"

"Ka chhuahsan lo"

Ehe.. ka awmdan min enthla reng tihna maw!?

"Ka phei a hun viau..i awm tho chuan"

Min chhâng lem lo, ka thirtiang ken te chu ka lakhawm leh a, kal mai tum chuan ka ding uaih a.

Khuma țhutpah chuan "Sawidun tur kan neiin ka hria" a ti sap a.

"Eng nge?"

"Thil tam tak"

"I hmuhchin bak hi sawitur ka hrelovang tih ka hlau hlel love!"

"I nei lo a nih pawhin ka hmuhchinah hian ka lungawi viau, keimah vanga i buai phah hi chu hrehawm ka ti tak zet!"

"Buaina tham a ni hleinem, ka tihtur ni a ka hriat ka ti mai alawm, mahse hei min manchhuak ta chu a nia..!"

Min melh pah chuan a bula țhu turin min beisei a ni ngei ang khum chu a beng thek thek a.

Ka che mai bik lo, ka din ngai chuan ka ding reng a, thirtiang lah chu ka hum ran mai bawk a.

Nûr nâng chung chuan "Lo țhu phawt la.." tiin min rawn ban deuh ti tuai a.

Țhutpui em em pawh ka tum hran lo.

"Ka tlai lutuk ange"

"A!!! Lo țhu ve mai laaa..."

Duh rûm ve tak mah niila a âwmnêm zawk hian hrui lo hian min hnûk leh mai țhin chu a nia!

A malpui sei thlerh thlawrh te chu mitthlain a invuahna lai hmawr kina thil thleng țhin awm tak chu hre reng mah ila hnar turin chakna ka nei lawi si lo.

Ni, penthum emaw lek penin a bulah chuan ka țhu fel der!

Ka bân chu vuanin ka koki chu a rawn si chêt a, han tawlhsawn deuh țha tihna nei mah ila ka tawlh lem hlei lo chu a nia. A mak pawh ka ti hran lo, veh veh tawh a liama hmuh hnua tlanchhiat leh si chu har ve deuh a ni.

"Engatinge min kalsan mai loh?" a ti sap a.

"Min mamawh lo a ni mai thei, mahse i la hrethiam mai ang"

"Ka beisei, engatinge hetianga awm tur si i sawi mai loh?"

"I bul hnaia awm i hlau bawk sia, heti bak chuan tihngaihna ka hre lo a lawm"

"Ka nundan chu i hre vek tawh bawk a, heti chuan rilru damtakin min kalsan thei tawh ang chu tiraw"

"Ka tum alawm.  Mahse.."

"Engnge mahse?"

"Hunin a la hril ve mai ang chu.."

Sawichhunzawm mai tur a vang deuh a niang, kan ngawidun reng a.

"Engtinnge inah hian i luh theih?" a ti hlawl ringawt a. Zep buangbar bik lo chuan ka hrilh ve mai a.

"Nizan hmasa khan pindan thlang zawkah khuan lehkha ka chhar a..." a ngawizui leh daih bawk sia, phawk zetin ka en a.

"Eng lehkha..?"

"Number a inziak.. Chutiang lehkha chu ka nei lo tih ka chiang sia, Kuri'n ka ta a nilo a ti bawk sia.." an pindan ka tehna kha ka thlauh ringawt a ni awm chu mawle.

"Chuan..?"

"Kan inah hian lutru an awm a nih ka ring ta a, Kuri ka zawh lahin 'ka hre lo' a ti tlat bawk sia. A muthnu velah lut an awm a nih ka ring a.

Nizan leh zanhmasa kha ka châng tawh che a, mahse ka changchhuak lo che. Ka chhuah hlana thleng țhin a nih ringin chhuak tur angin ka awm a, Taxi lain tawite chu ka tlan chhuak a, chumi hnuah inchung lam kalna kawngka ka hawn lawk ațangin ka lut ru leh a.

Kuri a nuamsam lo ka ngaihtuah viau nain engthil nge thleng hriat ka duh vangin khatiang khan ka awm lo thei lo a ni"

"Min hua em?" Ka tih chuan min rawn melh a, a mittui tlingpam chu hmuhmaih rual a ni lo.

A âng ziauva, engmah sawi lo chuan a lu a thing ringawt a.

A mittui luangchhuak ngiai ngiai chu hmuh nuam a ni mawlh lo.

"Engtikah emaw chuan dinhmun pangngaia ding turin hun hian min herchhuahpui ve mai thei. Mahse, tunah chuan ka tânna khur hi a thuk ta mah mah a ni. Min hmusitin min dem viau ang tih pawh ka ring. Thiamthu engmah sawi ka tum lo, sawitur pawh ka nei lo. Min kalsan la, hlimtakin i awmthei zawk ang. Ka bulah hi chuan hlimna hian awmzia a nei si lo"

Ka thiltih lai chu ka hrilh mai dawn emaw ni le tiin ka inngaihtuah hman hial a, mahse chuti teh thut chu dikin ka hre bawk silo.

Zan reitak thleng chu pawimawh leh pawimawh lem lo thlenga sawiin kan titi dun a, a țanna erawh a sawhsawn thei meuh lo, 'min kalsan rawh' tih a ni zel mai.

Dar 11:00 pelah chuan haw turin ka dingchhuak thei ta hram a.

"Khawngaihin chabi kha min pe ta che.."

Ngawirengin ka ding ringawt a.

"A chhan chu helai hmunah hian inhmuh ka beisei tawh lo" a kutzungțang chu a elh niap niap a, awlsam taka sawi a ni lo tih hrethiam tur tawk vel chuan a cheng ka man ve in ka hria.

Chabi ka pek chuan buaina tur mai niin ka hria a, ka pekloh lahin niberin ka hre bawk silo.

"Kûri hi chhuahsan tawhloh min tiam rawh"

Min en kawk a, a thin a rim nge rim lo ka hrethiam der lo nia mawle!

"A awm thei alawm, ngaihtuah suh"

"A awmthei tih chu ka hria, mahse, a seilen zel na tur atan a țha lo"

"Engmah i hrethiam ngai dawnlo a ni..!" tiin a țap chhuak ringawt a. Tih vak ngaihna hre hek lo, remchang chuhin ka chhuahsan ta daih a. An gas hunna hnuai bawmah ka hmanraw ken ho chu ka hnutchhiah ta ngawt kha a nia, an hawn ngai hmel loh bawk a.

Ka hriatthiam vang zawk a ni tih a hre hauh bawk si lo.

Chutia ka thiltum ber tihlawhtling lova ka haw leh ta ngawt chu a ho duh khawp mai. Hun remchang a awm mai loh phei chuan a buaithlak phian ta ve ang.

Kuri damlo chung chu a chhuahsan hram lo turah ngai ila, chuti a nih chuan zanhnihkhat tal chu a remchang lo thei dawn tihna. A va rei duh dawn ve, hmanhmawh naklaiin.


Nihnih leh zanhnih ngawt chu boruak nghakin ka țhu ngawt tawh a. Ninawm et et tak a ni.

A nithumnaah chuan office ațangin 'engnge an an?" tih thlithlai turin an in lamah chuan ka chhuak phei a, luhkher tum pawh ka ni hran lo, mahse kawngkapuia tala lo inkhai uai nalh nalh chuan luh chakna min pe leh tlat mai pek a.

Mi hmuh hlautak chung chuan hawikual reng chungin țhutkhawmna pindan kawngka ațang chuan ka lut ru leh ta nge nge a. 

Inneitutnu chuan min rawn phâwk pawh nise ka pawiti teh chiam lo. Chu aichuan midangin min ringhlel ang a, mualpho zet hian awm a ngai ang tih ka hlau ber.

Ka bungraw dah chu ka la chhuak sawk sawk a, pindan lam chu ka pan ta a, uniform ka ha vethlap bawk sia, a rem țeuh lo deuh chu a ni. Ka kawr hak lai chu phelhin ka police tawnzau, nghawngzau zet chauh chu ka ha ta a, chet a nawm deuh te pawh ka ring.

Bang han verh ngawt chu a langsar dawnin ka hre bawk si. Parda chu keuvin a hliah phak tur lai deuhah chuan chheni chuan ker ka tum ta a, thawm lah chu a ring duh phian bawk si!

Choka lamah pawnchhia ka va zawng leh rih a, chu chuan chheni chu tuamin tuboha chhutna tur lai chu chhah deuh hian ka vet a, thawm chu 'a sap thil' ta zaih mai.

Mahse, kutthlak erawh a nat loh phah sawt thung chu a nih hi.

Brick a lan thleng chuan ka kher a, thirtiang tawi chuan engtin tin emaw brick chu ka chhun ta zawk a, kutthlak a na ta deuh bawk a, ka chhun tla ve thei mai a, a tlakna kua hmang chuan ka verh zau zel a, ka bih lahin a thim vek bawk sia!

Brick intiang pahnih ka lakthlak hnu chuan Lu leng dawnin a kaw tawh a, phone light hmangin ka han chhun kual a, mak tak maiin engthil mah zuk awm lova mawle!

Thinrim thlak zawk hian.

A chhung chu a kawhuau ringawt a, tihvak ngaihna hre hek lo bang chu ka'n chumbur ringawtah!

Lehlamah chuan beiseina a sâng ta viau mai. Engmah a awm lo leh fo a nih chuan he thil ațang hian î he lovin ka in hnûk dawk nghal chiang viau ang.

Awlsam zawk dawna ka hriat vangin an plaster-na cement chu thirkhen hmang chuan ka kher tla phawt a, rinaiin cement lah chu a châr phian bawk sia, tukverh frame in min dip ve bawk nen duhthusam a chêt a har ang reng.

Ti ve reng ta chu brick pahnih zet chu ka hai lang ve mai a. Thirtiang hmang bawk chuan chhunglamah ka chhu tla(?) ve leh thei mai a, beisei sang tak maiin a chhung chu ka han bih leh a, huai tak ei!

Block dang ka han hmu chu ka phur kher mai, bang chanve awm velah chuan 2ft awm vel a lian hian bawmdang a awm khiau mai a, ka kûk ruih țep alawm mawle!

Mahse, a chhungah luhngaihna a awm bawk silova pawnlam ațanga verh chu a him chiah dawn emaw ni le? Ka verhna lai ațang hian ka lut leng dawn chai bawk si lo.

Tihngaihna hresi lo chuan pa remhre lo thingbulbawk tawng an sawi ang maiin ka veh ka veh ringawt mai a, a awmna lai chu ka'n teh a, chhuat ațanga 6ft vel bawr niin ka hria, a zawnah han verh ngawt dawn ila pindan luh chiahin a lang nghal mai dawn a, thup ngaina a awm dawn bawk si lo.

Tihngaihna ka hre hlawl lo nia mawle.

Ka chethnawkna chu tifaiin ka verhkuakah chuan bawlhhlawh zawng chu ka hnawh lut vek a, ngaihtuahna thar nen thawk chhuak țha leh tur chuan ka chhuahsan leh ta a.

Office ka thlen chuan dar 2:00 a lo pel tawh a, thlan nen ka inchiahpiah nuaih bawk nen haw hma mai ka rilruk a, pute meeting a an kallai a ni bawk a tiin ka haw ru ta daih a.

In a ka intihfel hnu chuan Puii chu phone in ka bia a, zana len ka duhthu ka hrilh chuan rem a ti chiah lo. 'Ka lo kal dawn, i duh leh lo awm la, i thu thu nimai' tiin ka phone chu ka hmet hlum nghal daih a.

Kan kawmthlang lawkah pitar lumen ngai a la awmzui a! Chhuak zet ila duh leh haw hunah ka kal mai ang ka ti ta ringawt a.

Zanah chuan ka va kal ta ngei a, ka kalchhan ber zawk chu ka hnuhma a hmuchhuak em tih hrechaka kal mai ka ni. A hria a nih chuan hrilhfiah zui mai pawh ka pawiti hran lo.

Mahse, engmah hreawm pawhin a awm lo. A hre lo a ni ngei ang.

Chhuatah chuan Kuri chuan bungbu kât hian lehkha a zir a, keini khumah țhuchungin kan ti ti mawlh mawlh a. Hmundang remchang vak awm nghal hek lo mawle.

"Pui, i nundan hi i thlak thei angem?" ka tih chuan a țhungil awtin ka hria! Muangchang chuan min han en te te a.

"Engnge chu chu min zawh chhan?"

"Chhan țha tak vangin."

"Țha tihdan a in ang lo mai thei a sin"

"A țha tawk ka ti. Nangpaw'n i ti ve ngei ang"

"Sawi la.."

"I inthlak theih tur thu i sawi phawt a ngai ve ang"

"Hm.. a chhan ka hriat loh chuan.."

"Min ring rawh"

"Mala, khawngaihin ka hrehawmna hi min țawmpui lo hram rawh, midang tawrh ve atan chuan ka duh lo a nia, ka ti takzet, khawngaihtakin ka ngen che nih chu"

"Pasalah min nei duh angem?" ka la ti tak deuh deuh a.

A chi-ai niberin ka hria, sawi ber tur pawh a hre lo a niang, min enreng chung chuan ka bân rekah a hmer ngawt ngawt a.

"Mi â ang maiin khawngaihtakin awm suh" a ti ringawt a.

"I nundan i thlak theih dawn chuan engkim hi ka siamțha vek ang" teh tawp chuan le.

"Mala, he thil hi ka duh reng vanga ti ka ni lo asin. Ka harsatna hi min hriatthiampui tak tak ngai dawn lo"

"Sawi rawh i harsatna chu. Ka pui thei lo che a nih chuan ka kalsan vang vang ang che" ka ti nghat a.

Hetiang hian a sawi ta duah a.

"Chhungkaw hlimthei tak kan ni ve țhin, buaina leh harsatna hi kan tawk ti a sawitur em em hi kan nei ngai lo, ka pa hi officer pangai ve tak a nih vangin sum leh paiah pawh buaina kan nei hranpa lo.

Chutiang chuan nun kan hmang chho ve nawk nawk a, LLB final year ka zir laiin ka nu leh ka nau hi motor accident-ah an boral a..(a'n ngawi zui vang vang a, a tan sawinuam a ni hauh lovang tih ka ring).

Ka zirna pawh chhunzawm theilovin ka rawn hawchhova, ka pa nen chauh chuan kan chhungkaw nun kha a khawhar thlak țhin a sin. Zu in te a ching chhova, ka sawisel ve bawk țhin taknain a khawhar vanga in a ni tih ka hriat vangin ka hauna ngam lo fo țhin.

Zu nena inchiahpiah ta reng chu a nun a ho chho em em a, hmeichhe kawp te chingin a nun chu a hlauh chu a ni der mai a, chutihlai chuan awmpui nula kan nei tawh a, ani nen pawh chuan mawi lo takin an khawsa dun fo tih ka hria, mahse pawnlama an va chetchhuah aichuan tiin ka khap duh lem lova.

Nau hial an pai chhoh takah chuan ka patea teho punin innei turin kan nawr a, anni pawh chuan an lo hnial hran lo bawk a, an mualpho tak tak hmain an innei ta reng a.

Kan buaina chu a reh tawh ang chu tihnaklaiin bul kan țan dawn chauh hi a lo ni mai a, ka pa chuan a zuin a sim phah lova, a beinasa zawk emaw tih mai tur hi a nia, a nupui kutthlak te a ching chho zel bawk sia, dawh hram hram tur chuan fuih ve țhin bawk mah ila a kum a kum tehmeuh chutiang tawrh chu tu tan pawh a na in ka ring.

Kuri kum 4 vel a nihlai a ni mai thei a nu chuan min chhuahsan ta a, ka kutah engkim a awm a nih tak ber chu.

Ka pa lah buaipui ngai bawk, bawihtei nen .. rilru zawng zawng sen a ngai țhin si a, hahthlak tihchang pawh ka nei ve fo țhin.

Mahse, mahni thisen zawmte na na na chu kan hmangaihlo thei lova, ka theihtawp chu an tan ka chhuah vein ka hria. Chutiang chuan kan awm chho ve naw naw a, tukkhat chu ka pa suspend a nih thu hi chanchinbuah a lo chuang kuau mai a, sum tih chingpen chungchangah a ni.

A mu lai chu kaithovin ka insum zo lo chuan ka va ankhum chiam a.....

Khamini kha chuan awmngaihna hi ka hre lo a ni ber mai. Amah pawh bedroom ațang chuan a chhuah pawh ka hre lo.

A tukzing dar 5 velah țhenawmpa hian min rawn kai thova, ka pa chu kan inhnuaiberah inawkhluma an hmuh thu min rawn hrilh a.. pá, min ngaidam rawh aw... Țanpui i ngaih lai berin ka lo ngaihsak lo che a.."

A insût hlawp hlawp tawh mai bawk sia, hnemdan vak thiam nghal heklo. Ka kuah leh ngawt mai loh chuan..

Ka awmah chuan beiin a inhnit hlap hlap a, a hnungah chuan ka chul sak a. Kuri chuan makti zet hian min en hau mai bawk a. Hriathnu deuh tho mah nise, a tawngtu ngeiin a'n sawi chuan a mi deh dan a dang kher mai.

Reife chutia kan awm hnu chuan a ziaawm ta deuh a niang inthiarna lamah min kalsan a.

Kuri khumah a lo mu chho thung a, a rei tak deuh vang chuan choka lamah chuan ka chhuak phei a, bathroom kawngka pheichu a lo kalh chuang lova.

Aw ka then khak khak hnu chuan a lo chhuak ve mai a, an chaweidawhkan bula țhutthlengsei awmchhunah chuan ka țhu a. A va țap chhunzawm a ni ngei ang a mit a sen rum mai a, a hmaiphih lah hru bawk si lo chu ala huhphiang a..

Ngawireng chuan pindan lamah chuan min luh san leh a, rei phei chu a ni lo. Towel-a hmai hru mawlh mawlh chung chuan a lo chhuak ve leh mai a.

Ka bulah pawh țhu ta mai lo chuan țhutthleng hnungah, ka zawnah chuan a ding mauh mai a, "Ka sawi leh dawn em?" tih pahin ka beng hi a rawn hmet neuh neuh a, ka mur uai uaiin ka hria!

"A laklawh khawp mai" ka lo ti a.

"Ka sawi lai pawh ka hre tawh lo, nidangah sawi tawh mai ang.."

A banah chuan manin ka bula ,hu tur chuan ka kai kual thla a, 'I pa boral hnua i harsatna tawh i la sawi lova, chubakah tun thlenga i harsatna ni ta hi ka hriat loh te chuan.."

"Ka pa khan engtinnge khatiang sum kha a hmandan emaw a tihdan kha min hrilh lova, engmah hriatpui kha ka neilo hrim hrim a, Court in rul tura an tihna lehkha ka hmuh pawhin tihngaihna ka hre chuang lova, ka pa pension leh GP Fund vel kha an hreng zui ta kha ania, chumai pawh an la duhtawk lo, pension thlabi a kal tur bakah kan inluah man thleng chuan an rawn phût ta mai sia, han beilet turin ka chhungte takngial pawh min puiduh an awm si lo.

Chutihlai chuan a kawtawpah kan awm tak meuh a ni. Ka pa țhianpa țhin khan a office ah min ko a, LDC in tuna kan awmnaah khian min thun a, kan intungnung ve thei hram hram a ni. Mahse, ka chhiatpui ta a nih hi.." a ti chuai raih a.

"Engngati nge?"

"Min thuntu khan min beisei hi a lo nia, ka theih tawp chhuah chuan ka hnar vein ka hria. Mahse, sawrkar pawisa nuaih sawm dawn mai rulh tur ka la neih hmang chuan min thlem a, suma min țanpui a intiam vangin ka țang zo ta lo a ni..."

A ngawi zui vang vang a, hrehawm a ti takzet a ni tih hairual a awm lova, theih nise a manganna zawng zawng lak kian sak huai mai chu ka va'n chak tehlul!!

"Mi tenawm tak ka ni tih ka hria. Mahse, ka harsatna hian min bawhbet hneh em a, keimah chuan ka talchhuak zo ngang lo a ni. Mi pawmlai ngei nena hetianga khawsak hi ka in ring ngai bik lo asin..! Duh ila tlangval țhalai ngat pawh an tam teh reng nen.." a ti vawng vawng a.

"Min kalsan thei tawh ang tiraw?" titu hmel chu thlaphannain a khat lawi bawk si.

"Ka kalsan dawn lo che. Min duh lo a nih chuan chu chu ka sawi theih a ni lo. I harsatna hi chu kan chingfel ang, ka tiam a che"

A ang phiau a, zawhna hlir a mitmengah chuan ka hmu a, min kuah ve thung ta le!

"Heti chung hi chuan i hlimna ka thlen zo lovang che, tunah hlim mahla i hrechhuak fo dawn asin"

"Ka duh ka tih hi nikhat atan emaw, kumkhat atan emaw ka sawi ngai lova, ka damchhung atan a ni" ti chauhin ka chhang.

Mittui tling pamin, kawngka biang ngheng chungin min mangțha tak sap kha.

Rilru fima muthmuna ngaihtuah reuh reuh chuan tihdan tur a lo chhuak ve leh mai țhin.

A tukah office kal pah chuan Fevicol te, chart paper te, rawng te ka lei a, office-ah hna vak awm hek lo ka thiltih tur atana inbuatsaihna chu ka ti mawp mawp a, reipawh a ngai lo, chart paper rawnghnawih a phoro kha a ni mai, rei hnawihtur lah a awm der bawk si lo.

Ka hmanraw leikhawm keng chuan Dar 11:00 pelhhretah Puii inlam chu ka pan leh ta a, nimin lam aichuan  ka confi ta deuhin ka hria.

Chair dawhsangin bang chu ka kher ta tlauh tlauh mai a, minute sawmhnih dawn ka beih hnuah chuan ka rek kaw ta hlawl mai a, ka'n bih thuak a, engemaw ni chu a awm ngei mai le!

Thirtiang chuan ka karthlak belh a, a zau zel a, lehkhakhawng bawm a lo lang ta, ka phur lutuk chu ka phûrthak mai ang tih pawh a hlauhawm zawk alawm mawle!

Chhuar angreng deuh hian a chanve vel ațanga bang thleng chuan a lo awm hi a lo ni a, Lehkhakhawng bawmkhat chu ka'n chawi thla a, a khin nalh mai.

Satha hrui fei chi hian uluk zetin an lo țawn a, Thirkhen hmang chuan ka'n thai chat țhawt țhawt a, ka'n hawng chiah mai chu le!

'A uih huk maiah' tih tur a awm lo. Pawisa hlir mai chu fel thlarh hian a lo inrem țha thlap mai a, ka la chhuak a, ka la chhuak zel a, ka dah leh thul.. Mahni chauh pawhin ka inchuh ni ber hian ka hria!

Bawmkhat dang chu rial thei mawlh heklo ka han chawithla leh a, chutah thung chuan a phai ta deuh, mahse cheng sangkhat clip a inrem țân mai thung a! Hetiang hunah hian ka țawngțai theihnghilh ve ziah! Ka lawm viau lai hian..

Sangkhat clip zawk chu ka bag-ah chuan ka hnawh leng thei hram a, puar ve il el tak a ni. Ka bag a lian si lova.. Bawmkhat erawh chu a ngai angin ka dah leh thlap kha nia.

Bal nawi zawng zawng ka tih fel hnuah chart paper, an bangrawng ang ka hnawih sa thlap chu fevicol hmang chuan ka verhpawp lai khuh na'n chuan ka hmang ta a, chutiangin tukverh sir pawh a langsar lutuk tur chu ka veng chuan ka hria.

Plug board chu ka kar hawng a, pindan chhunga light thlangber, bang hnaihber a mi chu ka phawi daih a, chumi a nih loh chuan current engah rinhlelhawm an hmuh ka hlau ve bawk sia. Heti chuan chhaklam êng ringawt hmang chuan bih ngial a ngaiin ka ring.

Ka in ak puar lutuk chu ka chhuak hreh deuh a, tukverhah chuan kawngpui lam parda kar ațangin mi vei loh lai thlithlaiin ka ding reng a, veivak ka hmuh loh lai chuan ka chhuak fel ta hram a, office pawh tlawh lovin inlam pan chuan ka tlan nghal vang vang a..

____________                     ___________
                        ɯıssıou-ıı

                       [ AFFAIRS ]

               *P.C Malsawmzuala*


                         Chapter

                            - V -



Engnge tihtur ka ruahman lawk kha le? A bo daih a nih chu.

Ka hre leh si.

Sum hi ka ta tur a ni lo, ka khawih pelhe a rem lo. Puii hi a nun pangai peklet leh ka tum miau mai si a, chumi atan chuan a ni he thil hi ka buaipui chiam chiam.

Ka almira a ka dahluh lai chuan ka haihawt bawk ka hrechhuak leh pek! Hmanhmawh tut tut lo mai ang, a hriatkim sen vek loh a nih hi maw. Office-ah chuan ka va let leh bawk a, rilru a bet meuh lo. Ka phur hle ringawt a, eng tih tak tak a awm mang bawk si lo.

Zana chhuak lo tura ka va hrilh chuan a hreh hmel viau, kei lahin thu ka va pe a ni mah bawk si a, ruahman lawk a nei a nih chuan han buai ve hrim hrim teh se.

Hmanhmawh hran lovin dar 8:00 dawnah ka chhuak chauh a, 'I lo kal dawn si lo mi?' tih message chu ka dawng hman tho! Ka chhang buai ta lo law law mai a nih kha.

Kawngka pangai ațang chuan bell chu kan hmet a, a lo hawng ve mai a, a hmel erawh chu lungawi ti a han sawi chi chu a ni chiah lovin ka hria.

Țhutthlengseiah chuan ,huin a ngawi ran a. Bul han țan mai dan tur ka van phian mai ka ti.

"Ka tihtur ka zo thawkhat tawh a.." ka'n ti ngawt pek a! Hriatthiam loh hmel zet hian min en a.

"Chuan.. thil ngen duh che pawh ka nei bawk a.." a chal a ti chuar nang nang a, min ei hmel loh tak chuan..

"I hna ațang hian bang la ka duh" a țhu ngil awt niberin ka hria, "sawi zel rawh" chu a ti lawi a.

"Chuan nunphung pangai in i awm theih ka ring. A dang leh chu ka nupui ni turin ka duh che"

'Mawla' tih melh hian min melh a!

"Ka harsatna ka hrilh vek tawh che, chumi chu min hriatthiampui dawn lo a nih chuan engmah tihluihna che ka nei lo a nia"

"Ka hriatthiam vang zawka sawi a lawm ka nih"

"I hrethiam lo chu a nih hmel viau"

"I duhai thûk hian ka hre mai thei che, mahse i duhthlanna ngei a thil a awm theihna turin theihtawp chhuahin ka bei ve asin.  Chuvang alawm 'ka tihtur ka zo khat tawh' ka tih. Mahni hmasial vang emaw, ka duh hmanhmawh vang ringawta he thil hi sawichhuak ka ni lo. I kalna tur siam zo niin ka inhria a, chuvang mai chu a ni."

Engmah sawi lo chuan a ngawi ran a.

"Pui, a harsa viau a mi ka sawi chu.. i theih i ring lo mi?"

"Hun ka la mamawh a ni"

"Engatan maw?"

"I hriattawh kha, kan inhrilhfiah viau a ni law mi.."

"I pa ba rulh nan maw?"

"Umh.. He thil hi ka tihfel hma chuan ngaihtuahna dang ka pu thei lo a ni. Chumi hnulam chu ka sawithei lo, chumi thleng tal chu min nghak rawh"

"Rulhna tur a awm fel vek tawh!"

"Tunge rul ngawt ang, min tuamhlawm tur takngial pawhin ka chhungte pawh an lo lan duh tawh loh hi.."

"Keima'n.."

A ding hluai ringawt a!

"Mala, mi pangai tak i ni tih ka hria, mahse he thilah hi chuan in tibuai ve lo la ka duh a ni"

"Hman ațangin ka buai tawh, tunah chuan a hmawr ka bawk tawh dawn chauh a ni. Duhaiin i sawi tlai hret a nih hmel.."

"Engnge awmzia?"

"Sawi fiah ngai lovin..thiltihin kan lantir ange aw... mahse, hei chauh hi, khawngaihtakin tumah kawp tawh lo la ka duh a ni"

Mi chhan ngaihna  a hre hauh lo.

"I harsatna hi ka pui ang che. Mahse, khawngaihin mi pangai nunphung zawh hram ang che, nupuiah ka nei duh che ka tih kha chu theihnghilh mai rawh, a tibuai che nih kha"

An thawmhnaw dahna pindanah chuan ka lut a, almira-a an chhungkaw album chu chu ka la zui a, choka lamah chuan ngawireng hian a lo la ding a, engmah sawi lo chuan min en reng a.

A bianga fawh zauh pah chuan 'mangțha le' tiin chhuahsan mai ka tum a, ka chhuak hman lo.

"Mala.."

Ngawirengin ka hawilet ve mai a.

"I duhdan ringawtin a mi i awm dawn?"

Ka țhen satliah mai a.

"Mi pangaitak i ni tih ka hriat vangin ka chanchin zawng zawng ka hrilh che nih kha, chumi vang chuan i puihlêtna ka beisei tihna a ni lo"

"Ka hria lawm, ka tihtur ni a ka hriat ka tih a, a zar i lo zo a nih chuan...a țha mai lo mi?"

Ka bulah chuan a rawn kal hnai viau tawh, ngawireng chuan ka lo en a, kawngkapui chu a ngheng ta at a, min chhuah mai chu a tum lo a ni ngei ang.

"Album te kha..?"

"Mamawhna ka nei, ka hmanzawhah ka lo dah leh ang, lungngai suh"

"Engatan?"

"Dil chhut lutuk lo la.."

"Aaa..sawi a har viau a mi chutiang"

"A țul hunah chuan i hre mai dawn alawm. A la hun lo a nih hi"

A tumbar a, a hmuichhah tep mai an ti pawrh vel chu hmuh a hrehawm mawlh lo a ni. A tukkhum chuan kawngkhar chu a tauh det det a.

"Ih maw, min ring lo a nih pawhin ka tihtur hi ka țhulh phah dawn chuang lova, mahse min dâl kher lo la.. i chhiatpui tur engmah a awm lo"

"Rin che chu ka duh alawm, mahse ka harsatna hi kan sukiang phawt anga, chumi hnuah min la nei duh cheu a nih chuan ka tlanchhe lovang. Chu chu i nghak thei angem?" min ti let ve thung ta!

"Karhnih chiah hun min pe rawh, chumi chhung chuan ka thu awih thung la, chumi hnuah chuan i duhdan hi kan tipuitling dawn nia, karhnih chiah.. mahse inbumna tel lo se.."

"A țha alawm, a hnulamah erawh rilru tihrehawm zual tur ringawt chuan ka hmuh tawh loh che ka beisei"

"A țha lawm i duh dan a nih chuan.."

Karhnih hnua thil thleng tur hi ka hrechak hle. Karhnih chhunga ka tihtur ka chiang khat a, chumi nghawng chu engnge ka hrechak viau a ni.

In ka thlen chuan khumah album chu uluk fe mai hian ka ențan nghal a, ka duh ber chu an inchhung thlalak a ni ber a, ka hmuh ho chu ka phawi nghal zel a, mahse a hlui hmel hlawm ang reng bawk si.

Beidawn tawh lamah a pa an vuina thlalak vel chu a tawp lamah chuan a lo awm țeuh mai a, ka duh ang zualpui chu a kim ta viauin ka hria.

A tukah chuan kan puber bulah ka va in kheng khawng a, "Engnge i duh Mala?" a lo ti a.

"Sir, thil engemaw ni min tihpui turin ka duh che a"

"A.. i sawi phawt loh te chuan..."

"Eng lo a nia, case close tawh pakhat hi tinung leh chuang lovin ka umzui chhin e ka tia chu mi chungchang chu a nia"

"Chu i hlawhtlin hmel a mi, a va țha dawn ve"

"Umh hlawhtling, mahse, midang hriat ka duh loh vang a nia ka rawn pan che"

"Sawifiah phawt teh, i sawi dan ka man chiah lo nia"

"Kha hman kuma Engineer in awkhlum ta kha, sum siam vak a inawkhlum ta daih kha.."

"Umh, ka hria e, a sum pawh hmuhchhuah zawh loh a nih kha"

"Kha mi kha nia, a sum awmna ka hmu chhuak a"

A mengphawk kher mai!

"Ehe! Engtin? A va mak awm ve.."

"Kan pahnihin en dun ila, chuan ka hrilhfiah che anga"

"Good.. eh mahse file discuss tur kan nei asin" tihpahin intercom chu a ban nghal a, "file discuss kha sawn hret ang aw chawhnulamah, chhuah ka ngai, lo hrilh mai rawh" tiin P.A chu a hrilh zui a.

"Sir, form nen hian mi kan kal anga?"

"E.. ka hre nang, ngatinge?"

"Anmahni inah a nia, tumah an awm silova, form nen kan kal chuan țhenawm khawveng te kan ti ralkhel lutuk ang tih ka hlau deuh a"

"Ni chiah ni chiah, mahse, inthlak tura haw leh a ngai dawn nih chu.."

"Keichu t-shirt ka keng sa a.."

"Ngawiteh, tah hian" tih pahin chhuata a sport bag dah chu a hai rúk ruk a, 'hei a awm e' tiin t-shirt leh kekawrbul hi a rawn phawrh a!

Pa khirhkhan tak a ni bik lem lo bawk a, ka awm reng lai chuan a inthlak sut sut a. 'Pawnah ka lo nghak mai ang che' tiin ka chhuahsan a.

Inkhel tur niawm fahranin towel nen a rawn inbât chhuak a, P.A bula lo awmho chu an nui țhat țhat a, chutah a P.A chuan "Sir, i pheikhawk kha" a lo tia, ka'n en chu mangai pheikhawk sen, tle ver vur hi a lo la bun chu niin, a thawmhnaw dang nen chuan a in mil mawlh lo!

"Pheikhawk ka lo ken theihnghilh a, a țul tak leh ka phelh mai ang chu" a ti awlsam mai. Kan hlimpui ta phian a.

A motor ken ka phalsak bawk si lova, ka scooter hnungah chuan a țhu vung mai a, kan tlan pelh te ho hian lo hmu hlawm tak mawle.

Puii in kan thlen hma chuan a țul zualpui ang chu ka hrilh zo hman khat chuan ka hria, zawhna lah chu a'n ngah em em khawp lehnghal a.

Inchhung kan lut chiah chu 'Ehe..a va'n ruak em em, tah hian an awm maw?" a'n ti nghal pang a, "Sir, hei vang hi lawm midang pun lova nangmah ka hrilh chhan che, an bungrua zawng zawng an hralh a, inluah man takngial pawh hi an chang lo a nia, chuvangin ka sum hmuhchhuah hi sawrkar kuta hlan ka tum lo" kan ti bawl mai a.

"Sawrkar pawisa a nia, chutia tih ringawt chu a chi ber dawn mi?"

"Sir, tunah hian an rul zo țep tawh, a pa pension benefit zawng zawng nen lam a bo a bang awm lovin sawrkar hian a chan sak vek, Rs 1000000/- pawh rulh tur an nei tling tawh lo. Mahse, a rultu hi LDC mai a nia, Rs 1000000/- hi mahni ei leh in nen engtiang taka rulh harsa tur nge a nih i hriatthiam mai ka ring. Chu vangin he sum hi chu sawrkar ta a ni thei tawh lo, an rul tawh tlat" ka ti zung zung a.

Pindan kan han lut te chu mak tiin a chek tlak a!

Bang inthuah dan kual vel te chu kawhhmuhin ka verhna laite chu ka hmuh kual a, naupang thuawih hruai ang mai a ni. Ka hrilh ang ang chu a pawm em em vek mai.

Haw lamah chuan kal lam ang lo takin a ngawi tlat mai thung a, a rilru hi ka hmin chiah lo emaw ni dawn le? A sual a chhuah vaih chuan thil a kal kualpui vak thei tlat! Ka lo hrilh kher kher a aw...

Office-ah chuan a room lamah a lut tlang nghal a, min ti lai zo vek.

Darkar chanve dawn hnuah chuan min rawn koh tir ta hlauh a, huphurh ru angreng tak chuan ka va in khengkhawng leh ta auh kha a nia.

"Țhu rawh, i case chungchang chu engtia kalpui chi nge niang aw.. Tlangzarh loh i duh bawk si"

"Nia, duhthusam chu a nia lawm Sir, a chhan chu a tuar tur ten an tuar vek tawh a, kha'ng an tawrhna kha kan pe let thei tawh dawn chuang lova chuvangin tlangthang vak lova tih hi keima duhdan zawk a nia, mahse, ka thutlukna tur a ni em chu ka hre chuang lo"

"Kan department hmingțhatna tur a nia, han up bo tawp chu a uihawm dawn khawp mai"

"A ni khawp mai, mahse sawrkar beng a thlen chuan engtinnge niang, heihi 'sawrkar pawisa a ni' tiin rawn chuh ta se thil a kal kual buai leh mai mai dawn a, tuna an tawrh chin hi a tawk ka tihpui viau tawh a ni."

"A țha e. I duh ang chuan han ti la, mualpho suh ang che, engpawh thleng se, department-in mawh a phur lovang, i kutzalah a tla vek ang, chu chu a țha em?"

"Aw țha e, ka lawm e sir, țhataka hlenchhuah ka tiam a che"

Thawhuai chungin kan pu pindan chu ka chhuahsan ta a. Rilru a nuam ta veng veng mai.

Karkhat chhung chu buai reng rengin hun ka hmang a, Sofa set ka siam tir a, Parda te ka order a, Fridge leh inchhungbungrua engkim mai chu ka zawngkhawm a ni ber mai.

Chaweidawhkan erawh duhthusam ka hmu zo ta lo, a ang bera ka hriat chu ka pawisa pein ka hauh lawk ringawt kha a nia. Ni, an album ka lakchhan kha an inchhunga bungraw hrang hrang ka en duh vang a nia, chumi ang chu ka leikhawm sak e ka tia. Bedroom lam chu duhang lakhawm turin thlalak hmuh tur a awm mang lo tlat. Khum erawh ka siamtir ta thove. Chu mai te chu mawle.

Zanah hian laklawh deuhah ka va be ziah a, a chhuak lo ve bawk chuan ka hria, min bum em lo turah ngai ang. Nge maw chhun lamah hian a lo che tho ange mawle.

Karhnih kan intiamni hun a ral dawn ni-ah chuan engkim ka peih fel ta, ka bungraw leikhawm ho a hmuna dah a ni tawh mai e.

Kan veng YMA section a mite inhlawh turin ka sawm a,  Pick up pahnih hmangin bungrua chu kan han thiar khawm a, rilru a hmanhmawh ve bawk si. Chawhnu darhnihah chuan kan peihfel khat ta.

Langsar tak mai awm ta chu an bungbel dahna ruak huai mai chu a ni. Ka ngaihtuah phak lo reng reng nia mawle.

An țhenawma awmte pawh chuan min thlek hrek hrekin ka hria, ka ngai pawimawh teh chiam hran lova. An inrawlh ve a ngai teh chiam lo tlat.

Bungbel chu hnatlang zinga tel hmeichheho nen chuan mamawh tur hrang hrang kan han ziak chhuak a, an lo hre hnem ngang mai, a tlar thla dul mai!

Anmahni chu a rangthei angbera min lakkhawm sak tur chuan ka ngen a, pick up pakhat chuan an inphur chhuak zui nghal a, rei lo turin kan inchah tak mawlh mawlh a..

Tunah chuan luahlum pangai tih a hriat ta, ka hah a dam ta sawng sawng mai. Pindan lam la ruak huai mai chuan rilru a kap deuh.

Darkar khat chuangmah an thang hnu chuang bungbel nen an rawn thleng ta lûk lûk a, an han rem nghal zung zung a, rei buaipui lovin an zo mai a, a langthei chin chu kan peihfel ta.

Pawisa vel kan inpek fel hnu chuan min ținsan ta hlawm a.

Pawisa pawh ka hmang hnem viau e. Ka inthiam lo hran lo, ka tana hmang ka ni lem lo bawk a. Ka hman bang zawng leh ka lak tâkloh chu la thlain pindana almira-ah chuan ka dah a.

'Hei hi i pawisa tur,  karhnih chhung kan huntiam chu a ral ta..i duhdan ang ngeiin keichu ka lo inthiar fihlim ange Mangțha le' tih lehkha ka hnutchhiah zui a.

Min rawn zawng dawn tih hi ka kutțang tlukin ka hrechiang! Buai ve hrim hrim se ka tih vang erawh chuan a number ka block thung, keipawh ka buai ve tho alawm le.

Thlamuang tak chuan chu in khawhar tak mai chu ka hawsan ta kha a nia.

Office ban hun ațang chuan keimah zawk chu ka buai! Engtinnge a awm ang tih ringawt chu ka ngaihtuah a, ka phone te chu ka en sek a, ka block na te chu ka sut teuh țhin mange aw.

Ka awmphung chu a danglam nasa. Khawlaiah ka chhuak a, ka vei sek a, inah ka lut a, ka mu a, ka chhuak leh a...

Khawiah mah chuan ka bet lem hleilova, min lo hmurengtu awm se chuan mak min ti viauin ka ring.

Dar 8:30 vela kawngpuia chhuah leh ka tum laitak chuan step-ah ka țhian, nupui nei ta kha a lo lang hlawl mai a, min hmuh veleh a ding chut a.

"Lo kal teh" tiin a lêt leh ang lawi a.

Kawngpuiah chuan Puii lo ding reng chu ka hmuzui ve nghal mai a, "Țhianpa haw pui rawh" ka tih chu a hrephak a ni ngei ang ka lam pan chuan a lo phei nghal a.

"Engmah sawifiah lovin i biru dawn a maw?" a rawn ti tâwng a.

"Sawidun tur kan nei tawh lo niin ka hria..." muang ban chat chuan ka lo ti ringawt a.

"Ni lo, tam tak a awm zawk.. i thiltih zozai te saw a awmzia ka hriat a ngai"

"Haw tawh rawh u, inhmuh i duh tawh loh kha" ka ti chu a laknat hmel kher mai.

"Engvangin?"

"Aw..nangma'n i sawireng kha. Keichu ka tihtur ka hlenchhuak tawh. Engmah tihtur ka nei tawh lo. I hmuhphaka awm i hlau bawk a, ka inthiarfihlim thei turah ka ngai"

"Chutiang ringawt a ni thei lo, ka duh angin ka langchhuak thei lo zawk a ni, i hriat kha"

"I duhdan alawm, keima duhdan nilovin"

"Khawngaihtakin chutiang zawng chuan ngai lo hram rawh" ka kut a vuan a, ka hmel erawh a en ngam lo thung.

"I duhthusam tihhlawhtlin sak che hi ka tum a, ka theihchin ni a ka hriat chu ka ti ve bawkin ka hria, chumi vang chuan harsatna thlen zui zel kher che ka tum lo, i duhdan danin i awm thei tawh ang tunah chuan"

Hmeichhe ralthuam pawimawh tak chu an mittui an ti mathlawn lo bawk a, chu ralthuam ngei chu a phawrh leh tak hi. Khawlaiah, min kuah chung ngat leh nghalin..

"Almiraa sum awm zawng zawng kha i pa sum an zawn kha a nia, kha thil kha midang hrilh hriat kher a ngai lo, a chhan chu a tam zawk in rulh tawh vangin sawrkar kuta chhunluh a țulna a awm lo, duh leh rulh tur ila neih chhun kha rulh nan hmang la, a bak chu i sum tur a ni.

Inchhung bungraw lei nan khan ka hmang țhen nual a, receipt pawh a awm kha. Chuan i pa sum ho kha a zat i hriat duh chuan police ho file-ah pawh ka lo enpui thei ang che."

"Țhianpa kal tawh rawh u" tiin ka au zui a. Min kuahna kut chu ka lakthlak sak a, kan inlam pan chuan ka luhsan ta daih a. Ka va'n sual mai mai tak!

Ka ti lutuk ve deuhin ka hria, mahse engahnge inhmuhtawh loh a duhthu a sawi fahran teh reng. Amah zawkin min rawn pan leh ngei tur a ni. Chuti a nih loh chuan keichu ka kalbo a hun tawh tihna a ni ang.

Chhunlama ka tal hah ve deuh vang chuan ka mut a chhuak deuh bawk nen ka inthlak a, ka mu nghal deuh mai a, ngaihtuah zui loh hram ka duh nen, tumloh ang hlauh a ni.

Mutthilh mai lah chu ka harsat phian leh ta nghal a, hahthlak zawk hian le..

Dar sawm leh a chanve pelhah chuan kan doorbell alo ri țang țang a, ka chhungte thawm ka hriatloh vang chuan ka va hawnsak a, țhianpa bawk a lo la ni pek a!

"Engnge nia?" makti zetin ka lo ti a.

"Kan la haw lo"

"Hm.. ngatinge a?"

"A haw duh tlat lova, tihngaihna ka hre tawh lo, min hawsan rawh a tia, hawsan ngawt chu nitheiin ka hre bawk si lova"

"Va buaithlak ve.. hawsan rawh, ka lo dah mai ang kan inthlak anga" ka ti ta ringawt a. Kan thawm hriain ka pa a lo tho chhuak bawk, 'engthil nge nia?' te chu ala rawn ti ta lai a.

"Kan țhiante damlo an awm a" tiin ka ne ne ral ta vel niin ka hria.

Ka inthlak sawk sawk a, scooter chabi nen chuan ka tlanchhuak zui ve nghal a. Țhianpa tlanliam tur chu ka han hmu hman zuai.

Puii chu țhenawmte garage kawtah chuan alo țhu kun chal mai a, ka thawm pawh chu a ngaihven teh chiam lo.

A bulah chuan ka țhu tung a, "Ti rawh, ka va dah ang che" ka tih pawh chuan engtinmah a awm chuang lo.

Scooter chu lachhuakin a bulah chuan ka ding a, "Kal ang le" ka tih chuan ka rinloh tak maiin a tho chhuak a, a rawn chuang mai lawi a. Ka hnungah chuan a bei tlân a, nghet takin min kuah a, zan boruak thiangtak hnuaiah chuan kan tlan chhuak dun ta vêk vêk a.

An kawtah ka ding chu a chhuk duh tlat lova, engmah lah chu a sawi duh bawk silo.

"Chabi ka keng lo, i chabi in hawn a ngai" a'n ti ngeiah! Phakar țeng țeng asin aw. Chabi chu ka phawrh a, 'kha hei' tiin pek ka han tum a, 'nangman' a ti leh tlat bawk si.

Ball ka pet emaw ka tih hian min pêt let ta tlat mai!

Inchhung kan han lut chiah chu min kuah hnâp mai a, min tawlhpui hret hret a, Sofa tharah ngeimai chuan min elh ngat ngat a, ka va han tlu chiang tak!

"Thil entir tur che ka nei a..." tiin ka tho chhuak leh mai a. Pindan thlangberah chuan ka hruai lut a, an bang ka hnawhna kua zawng zawng chu ka hlip ta vek a! Makti zetin a ka hau mai!

"Hemi a siamtir hi ka hre reng sia!" a ti sap a.

"Tihian engkim a fiah tawhin ka hria, ka pheidawn nia"

"Mal, i thu thuin ka awm tawh ang" a tih sap chu khawpui ri tluka ring a ni asin!

Mi runluih hrat tih takah "I duhloh kha..." ka'n tihsak hram pek a!

Ka hnunglam ațang chuan min rawn kuah a, "Khawngaihin... khawngaihna awmzia i hriat kha"

"Tunah chuan a rem tawh lo, sum vanga nei turah che min ngai vek tawh ang. Hmingchhiatna laka fihlim turin ka intiam tawh"

"Mal, ka hmangaih che, nangpaw'n min hmangaih kha..."

"A dik alawm, chu chu ka pha hauh lo, mahse ka zahawmna humhim hi ka tan a țhat zawk ka ring"

Min kuahna chu a thlah chiang kher mai! Almira chu a hawng rawk a, pawisa dahna lehkhakhawng bawm chu a haithla lawp a, chhuatah chuan a'n bun darh teh reng a nih kha.

"Hal rawh.. hei hi min daltu chu a nih hi.. hal rawh" a ti sek sek ta mai a! A hrilhhai thlak kher mai.

"Keima'n aw, khawi lighter lo la rawh.." tiin mittui tla zawih zawih chungin ka kekawr ipte chu a rawn dap rawk rawk a.

Ka lo kuah bet a, a țang țâk mai.

A zal raih thleng chuan ka kuahbet reng a, a inhnit hlap hlap a.

"Min nei duh tawh lo tiraw?"

Chu zawhna kher chu a va țul lo tak e aw..Ka chhang mai lo.

"Min ngaidam rawh aw, engkim hi keima thiamloh vek a ni. I rilru tinatu mai ka ni. Keimah ringawt ka lo inngaihtuah a.."

A ngawi zui vang vang a..

"Mahse, he'ng thil hian i tel lo chuan hlutna engmah an nei dawn ta lo a nih hi.."

"Nun hi duhthusam ang vek hian a kal thei lo asin" ka tih chuan a rawn dakchhuak a, a mittui tlakna phe riai mai chuan min melh reng a, a hmui khur der der chu ka nêp phal ta lo!

Ka nghawngah chuan a uai a ni ber e. Ka lungphu min țawmpui tum niawm tak chuan nghet zetin min kuah a..

'Ka hmangaih che...' a ti sep a..

____________                     ___________
                        ɯıssıou-ıı

                       [ AFFAIRS ]

              *P.C Malsawmzuala*

                         Chapter

                            - VI -


Ka haw turte kha min thlahlel ve a ni tih hriat takin min thlir ngawih ngawih asin.

Tukțhuan eilai chuan nupui neih ka duhthu chu ka han sawi a, ka chhungte hi chu an danglam ve ang reng makti awm pawhin an awm lo. An lo beisei ru reng zawk nge maw ni dawn ni.

A ruk tak chuan kan inkawpna a la reilo bawk si ka tisual mai angem aw tih ka rilruah a lo lang fo țhin. Ka hmanhmawh lutuk te hi a nilo maw le aw.

Mahse, hetilo hian thutlukna dang țhazawk a awmin ka hre chuang bawk si lo. Nupui neitur chuan rilru a inbuatsaih țan ta kha a nia. Ka phûr viau rualin tihfuh loh ka hlau deuh chuan ka hria.

Puii pawh a hna ațangin a bangfel nghal bawk.

'Tlaiah chaw lo eiphei rawh' a tih vang chuan office banah ka tlang nghal a, min lo ngai hiam hiam teh e.

Pindan bungrua pawh a lo in lei phuisui viau tawh a, hmuh a nuam ta deuh e. Pindan bang ka verh erawh chu tihdanglam a la ni lo. Thawmhnaw inkhai dul pawh a bo ta, 6ft square khum readymade niawm tak hi a inhung pup tawh a, nupa pindan niawm tak a ni ta.

Zanriah eikhamah chuan chaweia min sawm chhan chu a sawi ta a.

"Inneih hnuah engtinnge kan awm dawn?"

"Ngatinge?"

“Ngaihtuah tur a tam lutuk, Kuri awmdan tur te hi.. Midang kutah ka dah ngam hleinem, rawn hruai dawn ngawt ila i chhungte’n engtin nge an ngaih ang?”

“Ka lo ngaihtuah ngai miah lo, harsatna tur vak a awm dawn mi?”

“Chu tak chu alawm ngaihtuah ngai, kan inneih chuan nangmahni inlama ka awm a ngai ngei dawn bawk si a, ruahmanna țha deuh hlek siam chu kan ngai dawn a nia”

“Ka chhungte nen kan lo sawiho anga, keima thutlukna tur chiah pawh a ni thei loin ka hria. Anni’n ngaihdan an siam thiam zawk ang chu”

“Nia, mahse a zahthlak awm ka ti deuh! Hostel-ah kan dah mai dawn maw ni tih te ka ngaihtuah a”

“A awmthei dawn mi a la nau deuh lo maw?”

“Theih zawngah chuan thei lutuk e, keini pawh ani aia te kan nih ațangin alawm phaiah kan awm bo,”

“A țha chu ka ti ber lo, mahse i thu thu ni thung se, ngaihdan siamthiam a har ka ti”

“Hostel-ah chuan awm se a țha berin ka ring ta deuh, Convent emaw hmun țha deuh hlekah, amah pawhin hma a sawn phah deuh mai thei asin”

“Nia, a țha tho mai. Mahse keini chhung tan awmpui theilo anga lan kha chu thil nalh tak a ni hauh lovang.”

“Chutiang zawnga ngaihtuah tur a ni hleinem, zirna vangin a awmbo a ni ve mai a. A rawnchawlh chang te chuan kan mikhual thei em ang chu tiraw”

“Nia, harsatna chu a awm ka ring hran lo kan bula awm reng tur pawh ni teh reng se. Kan chhung kan tam lo em a, khawhar te pawh a hnem maithei a sin”

“I chhungte bulah chuan a thuphungin lo sawi lawk ve hrim hrim la, in țhawn thut aichuan a țha hrim hrim, amah chu Hostel-ah chuan awm se a ?ha zawk ang”

“Nia, ka lo sawipui dawn nia, buaina tham vak a nih loh chu”

“Englo pawh hi..?”

“Engnge eng lo chu?”

“Hehe.. In hi engtinnge kan tih dawn?”

“Engtia tih nge i duh a?”

“Ka hrethiam chuang lova chu chu, hralh mai tur nge ni dawn te ka lo ti rilru a”

“Khaih.. hralh love a, hei chu Kuri pual hian awm sela, luahman zawng zawng pawh saw a pualin dah vek rawh. Nang chuan i ngah tho kha buaina tur vak pawh a awm lo”

“Ka ta chu a ta tho nia, a hranpaa neih hran tih vel te chu a țul lo e”

“Chutiang ngawt a ni ngai lo, hma hun hi thuitaka thlir țhin tur. Harsatna thleng thei lakah hian inven lawk theih chhung chu inven lawk tur, a lo thleng ta lo a nih leh a vanneihthlak a ni mai a..”

“Awle boss, i thu ang chuan ni teh se. Luah thei ila ka ti kan pahnihin..”

“Luah thei lovang, keichu ka nu leh pa enkawl tur ka nia, hmundangah ka peng theilo. Chutiang zawng chuan ngaihtuahna hman loh law law tur”

“Vei hmak hmak chuan.. ti ngei ngei ang pawh ka tih bik loh kha..”

Ka nui ringawt a. Min kuah chaih chaih a. Ka beng bulah a thaw lum ham ham reng bawk sia, suangtuahna chu a rau thei tak tak lo a ni.

“Thil hlauhthawn pakhat ka la nei a…” a ti sap a.

“Engnge chutiang tur a awm a mi?”

“Ka nunhlui hian harsatna min siam ka hlau a ni. Vawiinah pawh min rawn bia a..”

“I awmdan i hrilh mai lo mi?”

“Hrilh thuak thove, mahse a lunglian ve bawk sia, mualpho a hlauhawm ka ti. Chutiang hun a lo thlen chuan keichuan ka tuar thei mai ang. Mahse, nangmah ber hi ni dawn a..”

“ Hlauthawng suh, ka phatsan lovang che. Mahse, kan inven a ngai dawn nih chu..”

“Engtinnge kan tih vak chuan ang?”

“Thu i awih chuan tihdan a awm ve leh mai ang.”

“Ka awih em hi i thu te chu..”

“Nia, ka hria a lawm. Englovin ti ang, vawikhat inhmuhpui leh la..”

“A chi tawh loh nasa, chutiang ka duh tawh lo”

“A khai.. Nidang ang diak diak chu nilovin mawle. Tum mumal nei deuhin”

“A! inhmu kher lovin a theih loh a mi?”

“A harsat deuh ka ring a, inhmuh theih chuan duhthusam chu a nia lawm”

“Engtinnge ni ta ang a?”

“In awmdun hunah thla i la ang a”

“A.. Ka duh lo chutiang, a chiloh emai a..”

“Buaina vaktur a awm loh chu. Amah langchiang thei turin i la ang a, i hmel a lan ve kher pawh a ngai hleinem”

“Chuan engtin?”

“Chu thlalak hmang chuan boruak neih a tum veleh kan hmachhawn tawh mai ang chu, tunge mualphona tur kawng neithui zawk a hriat mai ang”

“Chuti lo deuh chuan tihdan a awm lo mi?”

“Chu chu amah kan hnehdan tur awlsam ber a nia lawm, nge amah hian i thlalak a kawl zawk?”

“Kawl ka hre lo, a kawl ngam lovang, a ruka a la a nih loh te chuan..”

“A phone te pawh i check a ngai a nih chu, chuan thlalak chu nangmah lang si, i hmel lang silovin lak i tum ang a, in chetsual loh chuan a țha a ni mai”

Chu ruahmanna chu duh reng vang nilovin kalpui a ngai miau mai bawk sia, zep nak emaw an chetsual chu ka hlau ve tho mai. Chumi vang chuan hmeichhe thlatin hunbi neihlai ni se, invenna țha tak a nih theih ngei ka beisei. Amah ka zawh lahin ‘ka neih hun a ni țan’ a ti mai bawk a, chuti a nih chuan harsatna dang a awm lo turah ka ngai.

Thla a muang ta deuh e.

Ka chhungte chuan ‘chhungkaw chaweikhawm’ an huaihawt a, chutah chuan a changtunu pawh a nau hruaiin a rawn inlan ve kha.

Naunawi deuh hovin chaw an eikham a, a țhen an haw zui bawk a. Zanriah kan eifel hnu chuan rorel awma inngai chin deuh chu an țhukhawm ta țiai a, Puii leh Kuri nen kan pathum chuan choka dawhkan kilin an thu ngaithla phak siin kan awm ve ran a. Ka pa te ka lo hrilh lawk vek tawh tho vang chuan kan inrawlh a ngai hran teh chiam lo.

A hnu deuhah phei chuan ka room lamah kan lut ta daih a.

Engtin tak chuan relchhuak ang maw? Kan chhungkua hi kan tam lem lo, kan upaber te hi an indang tawh a, a nau hmeichhe pahnihin pasal an nei tawh bawk si. Ka nu leh pa leh kei, awmpui pakhat kan nei a, chu zawng chu kan ni mai a. Kan puitling țhuau a, inchhung chu a khawhar thlak viau. Kuri tan pawh hmun an siam thei turah ngai ang.

Ka nu chuan min rawn koh a, kan va țhu chhuak ve ta kha a nia. Tlem chuan Puii pawh a lai ve deuh chuan ka hria, a zum ve ang reng. A vawikhat lo kalna a ni bawk sia.

Ka pa chuan ding meuh hian, “Hei chhungkhat hovin kan han ngaihtuah a, in duhdan ang diak diak a ni angem chu kan hrethiam bik lova, ni turah kan han ngai ngawt chu a ni a. Han awm nawk nawk phawt ila a țuldan angin a insiam rem theih zel tho bawk a. Puii’n sawlamah in leh lo nghet a nei a, a nu leh pa leh unaute a sunna hmun a nih vangin a tan han chhuahsan kha pasal nei tur mah nise a hrehawm viauin kan ring a. Chumi a nih vang chuan helamah reivak lo te chu min han awmpui ve ula, chumi hnulamah chuan in duh chuan in awmphei mai thei turah kan ngai a.

Chutih rual chuan kan awmpui thei lo che u angah in ngai ang tih erawh chu kan hlau viau a. Chulam ngaihtuahna chu kan pu lem lo a nia.

  ‘Awmphei kher a ngai love’ inti a nih pawhin kan hnena in awm hi harsatna tur a awm lova. In unauvin, i nau pawh kan hnenah hian a leng a ni tih kha Puii paw’n min lo hriatsak la, awmphei leh phei loh lam kha chu nangmahni duhthlan turah kan han dah deuh a, khawihmunah pawh awm ula kan fate innih a bang dawn chuang lova, in tan awlsam leh harsatna awm loh dan turin duhthlanna siamthiam rual in ni tawh a, in kutah thui tak a nghah loh theih lova ni.

Tlangkamah chuan ‘makpa chhungkhungin a awm’ ‘rosum an it’ tih vel bawrin a ri leh ngeiin a rinawm a, mahse heng zawng zawng hi bengkhawn ber tur a nilova. Kan chhungkaw tana țha tur ni a kan hriat anga kan awm mai kha a țha tawk viau a ni. Engpawh nise inchungchang sawi kan nia, inngaihdan te pawh han sawi ve hrim hrim ula mawle” a ti a.

Puii mi melh zak zak chu ding turin ka lo nawr pek a! Sen țan țan chunga a din tak tho kha.

“Ah.. sawi tur vak pawh ka hre lo, in ngaihtuah ang  ang kha a țha a ni mai a, keimah chuan han awmphei kher pawh kha a țul ka ti hran lova, mahse chhungkaw tana țha leh remchang zawk a nih chuan a engamah pawh chu ka hnial chuang lova. In pawh saw tihral mai ka rilruk deuh zawk kha a nia, mahse Mala hian min remtih pui chiah loh si vanga han inawhai ta deuh te pawh kan ni, a țha zawk ang nge țha lo zawk ang pawh ka hrethiam chiah lo.

Tin, hei ka nau hi ka enkawl leh ka kuta engkim awm a nih vangin mawhphurhna ka la lo thei lova, mo na hmuna nau han chhawm rup mai chu tiin keipawh ka inngaihtuah buai nasa a, mahse kha kan harsatna hrethiam takin min lo ngaihtuah felpui thlip thlep a, kan tan chuan lawmthu sawi mai loh chu han tihtur avang viau a ni. A engamah hmain buaipui ngaiin kan han awm nghal ngawt chu a nia, a zahte pawh a zahthlak lek lek mai.

Ruahmanna ani chungchanga kan lo neih ve danah chuan phailamah a zirna hi chhunzawm mai sela te kan lo ti deuh a, thu han tihtluk chiah chu kan nei lo nain.” A tawp lam chu a zak deuh a niang a sawi buh nuaih tawh mai.

Innei fel phawt ila, a sakalin kan ti a ni ta ber mai.

Hmachhawp kan neih vang chuan reitak awm lovin an inlam ka pan pui ta kha a nia.

An in kan thlenhnu reivak lovah chuan an kawtah car a rawn inhung thum dat mai a. Pindan chhak ta berah chuan ka lut vat a, ka thin a rim et et mai nia mawle!

Pindan thlangberah an lut fel tawh ang tih hnuah chuan Kuri awmna pindanah chuan ka chhuk thla a, ani lah kawm tur awm lo, a lo muhil bam tawh a. Rilru nuam lo zet chuan ka vei tuak sek ringawt a.

Pawnah chhuakin motor thla te chu ka’n zu la ngawt a, mahni ruahmanna siam mah nise rilru a dam mawlh lo a ni.
Hun chu a rei tak zet a ni.

Luhkhung mai te ka duh rum rum mai ka ti. Chutiang rum rum chu a dikin ka hre bawk si lo. Stepah thlan tla bawrh bawrhin ka țhu thul, kawngpuiah ka veikual bawk. Awmngaihna tak pawh ka hre lo.

Tihtur avang em a tiin chu Engineer pa motor ke hnunglam pakhat chu ka’n hawlhthep sak hramah! A sualthlak mai mai chu ka ti. Mahse engnge, ka lungawi lo ni ve mai alawm le.

Kawngsira zial ka lo zuk vang vang lai chuan upa pawl member hnaihthuak tawh tarhur chu a lo chhuak ta. Min hmu em lovang chu maw.

A motor-ah chuan lutin a tlan zui deuh mai a, thui pawh a tlan lo, a ding chawta rangtakin a lo chhuak leh nghal a, a motor ke chu a rawn thlek vut vut a. A țhuhniam a, a’n thlek ngial a, tihtheih dang neiin a a inhre vak lo a niang muangchang chuan a tlan liampui ta thova.

‘Khawnge i awm a?’ tiin phone ka dawng zui nghal a, inchhungah chuan muangchang lovin ka lut zui ve mai a. Phur takin min lo kuah thuai a, min fawp zui nghal mawlh mawlh a. Duhthusamin thil a kal a ni ngei ang.

“Ngatinge hetia i awm?” a ti zui zat a.

“Engtinnge ka awm a?”

“I dik lo, i lungawi lo mi?”

“Lungawi e, ka dikloh pawh ka hre hleinem”

“Aih, i dik lo engatinge?”

“Chutiang a awm lo, harsatna engmah ka nei lo”

“I duhdanin thil ka ti a, engmah bawhpelh awm lovin. Ka duh vanga ti pawh ka nih loh kha i lungawi leh chuang bawk si lo”

Ka rilru a lo kal thui deuh nge maw ni le. A hriattheih khawp khawpa ka lo lanchhuah tir tak chu, a zia lo viau a ni.

“Chutiang engmah a awm lo, i ngaihbel mai mai a niang”

“Ka hria alawm, ka thinlung hian a hria..” tihpahin min rawn kuah nghet sauh a, ka awmah chuan a hmai a phum tlat a. Rilru intihnat sak chu a hun viau tawh lo a sin mawle. Kei hi ka inthup thiam thlawt lo a nih dawn hi.

Men par chung chuan min chhoh en a, “Ka hmangaih che ti rawh” a’n ti ngeiah!

A duhang ngeia tihpuitlinsak pah chuan a hmuiah chuan duhthawh zetin ka chhilh zui zat a. Kan duham dun bawk a kan inthlah meuh chuan kan thaw hlawi hlawi mai a lawm le.

“Suala’ tih pahin min la chum zui hram pek a!

“Khawnge i thlalak ho chu ka lo enchhin” ka ti zui a.

“A ngai lo, a zahthlak..” a’n ti teh tlatah.

Muangchang  chuan a hmet chhuak ta thova, duh ang thlalak chu kan nei ta.
Khumah kekawrte nen chauha Engineer pa mu bulah chuan Puii chu sexy zet hian bawkkhup zawngin a mu a, a mipa zawk chu a’n selfie tir ngei kha! Chu lo pawh thlalak dang a awm nual mai. A hmel lanna erawh chu ka delete sak nghauh nghauh thung a.

“A ninawm,” tih pah chuan min rawn fawp a, a phone ka kenlai chu min laksakin dawhkanah chuan a dah a, Eden bawhchhiatna lam mual fang turin ‘hmeichhia’ bawk chuan min buatsaih leh ta chu a nia leh!

Ka T-shirt chhunga zenin ka hnute hmur chu a hmet pek a! Awi ka rei a za lutuk! Ka tuar thei thlawt lo chu a ni e.

Țhutthlengah chuan ka zalh ta riai riai a, kan taksa chu a insi kim awm mange tih tur khawpin a ni kan inpawmchilh tak ni.

A awmbawr pawngțhiang lian ve tak mai chu a in sep det det det a, thildang vang a ni lo tih hrechiang tan chuan ngawirenga thlir vung vung thu awm hek lo kutzungțang tipharhin ka'n hum chawt mai a, thawk lak hak pah chuan min rawn kuah chawih a. Ka hmui mai pawh duhtawk lo chuan a rem lai laiah min fawp hiam hiam a, nunna luipui chu a luang cham del del ta lo, a so hian a so phul bulh bulh a ni ber e.

A kawrfual chu a kawng zawnah chuan țham tawmin chunglamah ka pawt chhova, daltu awm lai apiang chu a lo insiam rem zung zung ni hian ka hria, a kawngbawrah chuan a kawrfual chu a inbawk tawm nuaih a, a hnuailam erawh ka la bih ngam bik chiah lo!

Ka kawr a phelh zawh hnu chuan am fe hian kan han infawp leh a, a mit pawh a meng phal meuh tawh lo chu a ni e. Min chul ruai a, a thaw huam huam niberin ka hria.

A kawrfual chu lain a lulamah chuan ka hlip chho ta law law kha a nia, chutia a muzangthal der mai chu a mal kara țhingțhi chung chuan ka en vang vang vang a, nghakhlel tih hriat tak mai chuan min lo en dauh dauh a, a mitmengah reng mai chuan dawhtheihna a nei tawh mawlh lo tih a hriat reng a, chumi haider chuan sipai lumum chuan ka thlir veng veng mai kha a nia!

A tlin ta ngang lo a niang.

A bawp chu tikakin ka kawngah a rawn kherh a, a chunga bawk lo thei lo tur chuan min hnuk ta kha a nia.

Ka kekawr kawng chu a dap nghal rak rak a, harsa lo zet chuan phelhin a ke chuan hnuailamah a tlawh thla zui nghal zat a, kekawrte em chu min la zuahsak ve kha mawle.

A dar ațang chuan zen liamin ka chul a, ka chul thlen chin chin chu a kang awk awk a, a hmapawng funna ka han phelh meuh chuan thawk a la huai a, amah zawkin chhuatah a thehthla vel!

A hmui ka fawhna ațang chuan ka insawn hniam zel a, nauchaw bawm ka thleng dawn ruai tihah chuan kawngpuilamah chuan thawm na tak mai hi a lo ri bur mai a, kan phu dun zawk mai!

Mihring mangang țe thawmin a zui tak vang chuan motor insu an awm a ni ngei ang le!

Thawh mai ka tum chu min kuahbet a, reivak lo kan infawh hnu chuan ka tal put thei ta hram a, tukverh parda chu keuvin ka bih a, motor insu chu an lo ni ngei e.

Ka thawhnaw ha tur chuan ka let leh thuai a, ani lah chu a ngai ngai chuan  a lo la awm pek a, ‘Motor an insu’ tih pah chuan ka kekawr chu ka inthawlh nghal mawlh mawlh a. Ka hnunglam ațang chuan remthlap hian min lo kuah chial a, ngaihtuah loh chu har ve tak a ni.

Ka inha zo ka chhuak tur thleng chuan min kai ding a, dingdihlip awk awkin kan la infawp leh rih chu nia! Engmah phei chu a sawi lem hlei lova.

Ka va chhuah chuan mi an lo pungkhawm nual tawh a, 407 leh Alto car an lo insu hi a lo nia, Car zawk chu sawi hneh bai bai tak a ni. A khalhtu chu motor ațangin an lo la chhuak mek a, a harhlo niin ka hria. A lu ațang chuan thisen a a far tluk tluk bawk sia. Taxi lo tlan remchangah Damdawiin lam panin an tlanpui zui nghal a, midang chu hliam na lutuk tuar an awm lo a niang. Chutiang hmelpu ka hmu lo.

Darkar khat dawn zet kan rik leih leih hnu chuan inchhunglamah chuan ka luhsan ta a.

Puii lah chuan tukverh ațangin a lo bih ve reng hi a lo nia, kawrfual pante, mutpui maitheih tur niawm tak hi a lo inbel a, a tisa chu a ngai ngaiin a lang ruak mai.

“Phei mai ka tum a sin” ka tih chuan a meng tal tap a.

Ka nghawngah chuan kuahin “Min pheisan anga maw?” a tia.

Kalthui lutuk hmain min kuahna chu ka phelhtir thei ta hram a. Muangchang tawh lovin ka hawsan zui ta a.

Thla thum hnua innei mai turin thu kan thlung fel tawh, inbuatsaihna chu theih ang angin a kal mawp mawp a ni ve ber ang chu..

Inneih hnuah thlahnih/khat vel ka nu leh pa bula kan awm hnuah Puii inlamah kan insawn ang. Kan duhthlan vang ni hran lovin ka pate remruat dan zawkin.

A chhan chu kan upa ber inhrang chang tawh kha eizawnna lamah a tluang em em hran lova, mi inhnuai luahin an khawsak a awlai bik lutuk si lo nen, an chhungkuain ka nu leh pa bulah awm maise tih chu kan chhungkaw bil rel dan a ni. Keichu Pathian zarah min ngaihtuah lutuk lo a nih hmel e. Chu erawh Puii pawh ka hrilh duh biklo thung.

A țha lamah ngai ang.

Zankhat chu kan Septic tank khur a khah tawh vangin paihtir kan tum a, len pawh lengchhuak hman inti lovin ka vir buai a, chutihlai tak chuan Puii'n min rawn bia a, "Lo phei vat teh.." tiin mangan hmel takin min rawn bia a.

Inthlak pawh inthlak lo chuan ka thawhnaw haklai kekawrbul nen lam chuan hmanhmawh zetin ka tlan phei a. Engemaw tak an tawk a nih ringin ka hlauthawng ru ngei mai.

Ka tlanchak ve khat chuan ka hria. Ka va thleng phei a, ka rin ang he hu chuan boruak chu a lo awm lem lova.

"Enga ti nge min koh?" ka ti lut ringawt a.

Ngawirengin a phone chu min pe a, ka hrethiam hran lem hlei lova.

"Call record kha.." a tih chuan rangtakin ka lut vat a.

Kan lo hlauhthawn ang ngeiin Engineer tarhur khan a la rawn beisei cheu chu niin. Pasal nei maitur a nih thu te, a duh anga a awmtheih tawhloh thu te chu Puii chuan a hrilh a, 'Ka nula i nih kha, i nei lovang' a rawn ti fahran a! 'I nei a nih pawhin i hlim chuang lovang' ti te chuan zuk vau vel a mawle!

Hlauthawng lo tur chuan ka hrilh a, ka theih ang ang chuan ka thlamuan a, a phone thla ka laktir kha inthawnin chu putar number chu ka block zui sak bawk a, eng em chu a thleng tawhlo turah ngai ang.

A tukah office-a ka awm lai chuan whats app-ah an inbiakna min rawn thawn leh pek a!

Ka lungawi ta viau lo mai.

An office lam pan chuan ngaihtuah fim hman hlei lo chuan ka tlan chhuak nghal vawn vawn a...

____________                     ___________
                        ɯıssıou-ıı

                       [ AFFAIRS ]


              *P.C Malsawmzuala*

                         Chapter

                            - VII -





An office chu ka thleng rang kher mai.

A awmna lai zawh buai ka ngai tawh lo bawk a, ka panding nghal viau a ni.

A pindan luhna bul maia a P.A lo muthlu deuh duar pawh chu han nuai nghal miah miah mai ka duh rum rum, "Ka pi a luh theih em?" ka vin lutuk em ka hre lo.

A phuzuk a, phawk fe hian min melh a.

"Aih, e kan lo 'out' lo a ni maw, chawhnu a chawl a"

"A nih chu, inah nge a awm ang aw, a chawlhchhan awm i hria em?"

"Ka van hre mai lo, a driver kha chuan an in chung a sa chu a ti ngei maiah..An hawtlang dawn nge thildang chu ka hre miah lo, a va pawimawh awm rum rum ve a" a ti zui a.

"Nia, pawimawh a ni mai ang chu..Chhungkaw thil deuh a nia, ka kal leh mai ange, amah ber a awm si lo" tiin ka kalsan zui nghal a.

A va han vannei lel lawl ve mawle. Lo awm se chuan ka țham duh ngei awm si a. Thinrim reh țhen tawh hnuah hmachhawn a ngai dawn a nih hmel viau a ni.

An inah chuan ka luhkhung dawn nge niang aw.. Țul lo puiah kan rihluai ang tih ka hlau bawk si. Keimah ngeiin țha takin hrilh ve phawt ila chumi hnuah a țul dan a zirin kan ri dawp dawp tawh mai ang chu tiin ngaihdan ka siam thei ta hram a.

Office lam pan chuan muangchangin ka inkhalh thla leh ta a. Kal lam nen chuan speed chu a inthlau viau ta ve ang!

Zanah chuan ka leng phei a, chhun lama a nu leh pa pindan kawkel a lo senghawi tir chu min hmuh var a. Inneih a huphurh tial tial thu a sawi chuan mak ti zetin ka thlek a.

“I hlimna hi ka thlen zo lovang che tih ka hlau a ni. Ka nundan zawng zawng i hre vek a, engtikah emaw min iai hun hi a thleng ang tih ka hlau..” a ti sap a.

“Mihring hian kan duh leh kan beisei ang zawng zawng hi nei thei ila chuan Pathian mamawhna hi kan nei dawn lova. Chumi a hnekin Pathian tluk kan ni tihna a nia. Kan duh leh mamawh ang kan neihtheihlohna tak hi kan hriatthiam chuan  thil hi pawm a nuam mai țhin asin” ka en aia mak ti zawk hmel mah chuan min rawn melh a.

“I duhthusam kawng engkimah ka ni bik hauh lovang, chhungkaw khawsak phungah te, nundan leh mizia hrim hrimah pawh. Ngaihdam chin leh pawm chin i neih loh chuan tuktin buaina tur a awm ang. Chutiang chuan keipawhin ka duhthusam zawng zawng i neih leh i tih theih ka ring bik lo. Pawm chin te, ngaihdam chin te ka nei ang ve ang chu”

“I puitling bik e” a’n ti ngawt a.

“Puitlin bik vang pawh ni lovin chu chu thil thlir dan tur alawm. Nupa tan chuan mahni chauhin kan khawsa lo a ni tih hi hriat phawt a țha a, mahni ngaihdan leh duhdan ang diak diakin thil a kal lo a nih pawha in siamrem theih hi inkawp remna chu a ni mai. Kei phei chuan a hranpa a induat leh han inngaihsak chiam hi ka thiam hran lo.”

“I thiam bawk, min duat loh ten..”

“Thu i awihlohva i tumbur chuan ka lensan daih che nimai”

“A! Min thlem lovang a maw!?”

“Umh…ka thiam ve lo, i thinrim reh hun nghah tawp a ni mai”

“Hahthlak awm e, min duat anga a reh mai dawn lawm”

“I zawngchhang anga, duat reng theih loh hun a awmin i tan a hrehawm mai mai lawm”

“Kei chu ka duat ang che aw”

“Hehe.. I thei ang maw.. A tûm na sa sa i ni ange..”

“Theih ka ring, ka kuah tlat che ang a a reh hma chu..” a nui ver ver a.

“I chhungte lakah hian a inthlahrunawm ka ti deuh hlek, awmhran daih chu, indan ka kherhah an ngai ang tih ka hlau” a tih zawm leh a.

“Aw a chhan te chu kan hre vek alawm, bakah ka pain a sawi kha ‘mi sawidan ai chuan kan tana țha tur kha a țha zawk’ chutiang zawngin ngaihtuahna seng buai duh suh, a ho emai”

“Ngai awlsam phian bawk sia.. I mothar hun chu i inti thu vak thei dawnlo a nia, kan ina kan awm chuan, nangmah zawk kha mo i ni ang a..” a mitmeng mawi zet mai de sawr sawr khawp chuan a nui ver ver a. Hmuh a va’n hrehawm loh tak em!

A malpui sei thlerh thlawrh tak mai chu ka malchungah chuan a rawn hlang a, lungawi hmel zet chuan a phut dar dar a.

“Zanin chu riak ve tawh la..aw” a ti leh a.

“A khaih! Ka thianghlimna ka hlauh palh ang” ka ti chu a ngei hmel kher mai!

“Awi, nasa ta ni. I virgin lo chiang lutuk..” tih pah chuan min rawn kuah a.

“I hria mi ngawt, a chhin pawh ala awm thlap asin” ka tih chuan nuihza bawk siin min hrawm nawk nawk a.

Ka hneh lo leh ta! Khumah bawk min bawhthlu leh tawh, Evi thlah ho tak hi chu aw..

“Engzatnge nau i neih ang aw..” ka lo ti daih a.

“Pathum a tawk lo mi?” a ti ve mai a.

“A tlem awm e..”

“Tlem vak dawn mi, bakah an tam chuan enkawl a buaithlak ka ring”

“I pai zat zat kan hâwlchhuak mai ang chu ka lo ti mai asin, engzat nge i pai hriat a chakawm alawm”

“I vanho tak, thutak i sawi a maw tia”

“Ka sawi chu mawle, i ngaiho mai mai a nih kha”

“Ka ngai che” tih pah chuan am zet hian min rawn fawp ngial a. Hmun leh hmunah pawh kan inngai hiam hiam mai chu a nih tak hi mawle.

Min fawp ngang ngang chung chuan a phone ri ral ral chu a dap rak rak a, chhan loh tum chuan lukham bulah chuan a thehthla a, ‘chhang rawh’ ka tih chuan ‘a ngai bak a ni lovang’ a ti hlak a. ‘Chuvang chuan chhang rawh, ka lo bia ang’ ka ti zui a. Hreh tak chuan a chhang ta nge nge a.

Phone chu min pe rang kher mai.

“Kan inhmuh loh chuan i tan a țha lo viau ang, pasal hi nei rawh ka tih loh chuan i nei ngawt thei lo, i nei lui a nih chuan i mualpho viau ang” tih chu a la rawn sawi chhunzawm mawlh mawlh a.

“Pu-a, ka nupui tur a nia Puii hi, khawngaihin lo kalsan tawh ta che. In nunhlui thil chu engpawh lo nise tunah chuan nunthara hmalam thlir kan tum ve tawh a, a tan hun remchang lo siamsak hram rawh.” tiin țawngkam pangai thei ang ber chuan ka ti a.

Phone chu a hmethlum zui hmak a, eng angin nge a rilruah a thawh ang tih chu ka hrethiam phak bik tawh lo. Felfai takin thil kalpui thei hram se ka duh hle mai.

A hnulawkah chuan a rawn ri chhunzawm leh nghal a, keima’n ka la ta thung a, ‘I biak tum number hi a dikloh avangin en țha leh rawh’ ka lo ti pek a! Puii pawh chuan phawk fe hian min rawn en a, “Tunge ka nih i hria em?” a rawn ti  chang ta fak mai le!

“Phone-ah i hmel a lan loh hi engtinnge ka hriatchian theih ang che” ka ti leh mai a.

“Tunge ka nih a, engnge ka tihtheih chu ila hre khawp ang. I nupui nen chuan in hlim ngut emaw chu kan hria ang chu”

“Aw le awle, i duh ang chuan ni rawh se, keini chu heti ve mai hi kan nia..” ka tihlai chuan a hmel ka va’n hmuchak chiangkuang tak!

“Tu fa lubawk fakau nge maw i nih le..”  a sehchilh nawk nawk tawhin ka hria.

“Ele, Rozuala fa lubawk mawle, nang a bawk ve em?” ka nuih a za tawh lutuk, amah lah a thinrim tun tun bawk si.

“Zawnga ila hre khawp ang”

“Aw.. tunah pawh sawi mai la, nakina ka hriat dawn tho te chuan a in ang reng alawm” ka’n la tizui ta lai a! A alh țep tawhin ka ring.

“I chak lo khawp ang”

“Ka chak alawm, tunah sawi nghal mai rawh, ka hrechak tak tak a nia,mawwwhhh” Puii pawh a insum zo meuh lo, a nui ringawt a.

“Hmela leh..” tihpah chuan a hmethlum leh ta ringawt a. a Beidawng ve ang chu aw..

“Tinge khatia i tih vak kher?” Puii chuan a lo ti a.

“A ho e. Engnge tunge ka nih i hria em te min rawn tih khanglan”

“Chu pawh nise, chhaih thinrim kher a ngai hleinem”

“A duh chuan a thinrim lo thei reng alawm” ka la tihsak țalh a.

A rawn biak ngam  ka rin tawh loh vang chuan ka hawsan ta a. Ka haw hnuah chuan a rawn phone leh ta tho chu a nih hmel e. Voice message ka dawng leh ta tlat mai. Ka han ngaihthlak chuan hmeichhe laka khatiang thu han sawi chu a nasa ka ti ve deuh ta! Engnge kan tih theih a, tunge a hmachhawn hi hriattir a țul dawn a ang ta viau mai. Țhataka hrilh hnuah pawh engahmah a ngaih duh loh te chuan ani Officer lian a nih vang ngawta mi dang hnuaichhiah tur ngawt a nihna bik ka hre love.

Thlalak zawng zawng zawng ka print vek ang a, keimah ngeiin an inah ka va kalpui ange. A țul a nih leh mipa leh mipa chu kan inhmachhawn tawh mai aniang chu. Dawhtheihna ten mual min liamsan miau tawh chuan a leh pek chu cho leh cho a ni tawh mai.

A tuk a Office ka thlen hnu chuan Engineer pa number chu Puii ka zawt a, ‘Chawhnuah min bazaar pui rawh aw” ala tizui zat leh ta nghal a!

Engineer pa chu ka be zui nghal a, a tirlamah chuan țha takin kan inbe ve mai a. Mahse, rei a daih lo, duh aiin tuang a ti chhah deuh mah mah chu a ni. Țha takin sawidun ang ka tih lah chuan min tham lo phian bawk sia, ‘Constable’ ka nih thu ka lo sawi lang kher bawk nen min hlauhloh hmel teih teih khawp mai!

“Engnge ka tih theih chu ila hre mai ang” ka tih ve tak ngat kha.

Chawhnuah bazar tura Puii’n min rawn sawm chu kan pu nen ka inhmelhriattir a, kan pu lah chu a nui tak vur vur a. A hmalam boruak a hriat sa tho vangin min lawmpui takin chibai a buk ve ngei kha.

Nu ber thawmhnaw bazar chu ka zui tak duan duan a, a inthlahrung ve deuh nge mawni ‘I ning tawh em?’ te chu a ti khawmawi ve reng a! A hmanhmawh phah lem hlei lova. Keilah Uniform nen ka infam vei at bawk sia, Security te pawh ka ang dawn alawm mawle.

A’n kaipharh rei thei bawk si maw..! Lei a lawi chu a nei bawk si lo.

Kan haw lam chu Thingpui dawrah kan chawl a, a phone chu laksakin call received chu ka phone-ah ka divert sak vek a, chumi hnu chuan kan engineer pa in selfie-na thlalak chu Whats app hmang chuan ka va thawn ta!

A hmuh mai pawh ka ring lo chunga thawn mai kha nia, a hmunghal thlap mai le!

Thil ka ei mawlh mawlh lai chuan ka phone chu a rawn nghawr ta dar dar a. Landline a ni. Office phone a nih ngei ka ring. Midang an awm ve lem lo bawka tiin ka chhang mai a.

“Aw..sawi rawh, Constable lubawk i tih kha ka nia” ka ti chiah chu phone a dah ri nghal bur mai!

“Engnge?” Puii chuan a lo ti var a.

“Putara” ka tih sak ringawt a.

“Ngatinge a?”

“Min be chak vak lo a niang..” ka tihsak ta ringawt a.

“I phone call ka phone-ah ka diverted a nia aw biak ngai i neih chu nangma’n call mai rawh” ka ti zui a.

“Ngai ka neih pawh ka hre lo. Nangmah a ni mai a” a ti awlsam et a.

Haw pawhin thlalak chu ka print haw nghal nual a, khawnge zanin na na na chu inchapchar law law teh ang. Kan in awhai rei lutuk dawn e. Rilru a ti mumal lo rei tlat mai. A ninawm zo zai alawm mawle.

Zanriah eikhamah chuan țuldang a neih hmaa nang hman turin ka inkhalhchhuak zui nghal a, han luhchilh tawp mai chu ka rilru chu a nuam chiah lo. Mahse, tihdan tur dang ka hre miau bawk si lova le.

Ka thlenghar hran lo.

Luh mai erawh ka tim ve deuh chu a ni e. An inbulah chuan ka tawi hrut hrut a. Ngah nge maw le, ‘Chepa paw’n awk na laileng’ a tih kha tiin an kawngkhar ropui zet chu ka dinchilh ta ran a. Bell pawh hmet duhlovin a kalhna laibawr chuan ka khawng kauh kauh a, kawngka an lo hawng thut chu ka phu leh zuk roh bawk sia!

Putara nupui a ni ngei ang a lo hawngtu chu.

“Lo lut rawh, engnge ni i duh?” a ti thuai a.

“In pa a awm em? Ka’n be duh deuh mawle?” ka ti ve mai a.

“Kawmthlangah khuan khawhar kan nei a, ‘zanlam Committee ka nei sia ka zu lang hmasa lawk ange’ a tia a zuk kal lawk a nih kha a reilovang, lo țhu rawh. Eng thilah nge i hmuh duh a, office lampang a mi?

“Ni hran love, mimal thil deuh a nia, i bulah pawh han sawi ila a pawi em lovang chu mawle..” ka tih chuan chik fe hian min en a, pawisa ka dil dawn emaw a ti a niang ka ring!

“Engthil nge nia chutiang te..kan hriat ve chi a ni meuh maw, țhu rawh, țhu rawh..”

Ngawirengin Envelope ka-ah chu ka phawrh a, a chhunga thlalak chu la chhuakin ka pe zui bawk a. Uluk fe chuan a han bih a.

“Hei engnge a awmzia?”

“Kha mi sawifiah tur khan ka lo kal”

“Kan pa hian hmeichhia a awmpui tihna a ni maw..?”

“A nih hmel viau e”

A țhu ngawi ta vang vang mai le.

“Kha nula a awmpui nu khan pasal neih a tum a, inpa hian a tibuai reng a chuvanga hetia rawn tih ngai ta hi a ni”

“Nang tunge i nih a?”

“Kha hmeichhe pasal tur kha..”

“A nih hlawm hrep chu a.. Engnge he thil vang hian i beisei? Pawisa a mi?” min ti let ta daih mai a. Chutiang lam ka beisei loh luatah chuan ka ka ho hial maithei e.

“Ni lah love ka pi, i pasal hian henu hi tibuai tawh lo se ka duh a chu zawng chu a ni mai, Chengkhat pawh inlakah hian ka beisei lo”

Chhanna ka dawng lo. Inchunglam chu a melh vang vang a.

Chutihlai chuan an kawngkapui chu a lo inhawng riai riai a, Inneitupa chu nalhzuar mai hian a rawn pet lut ta. Min hmu chu a phawk ve deuhin ka hria, mahse min hriat ka la ring lo.

“E nu-i inleng kan nei elo?” zangkhai fe chuan a han ti a.

Nuber dinghluai chu ka en kar a, “Nei tehreng mai, enteh hei i chetvelna thil te..” tih pah chuan thlalak chuan a vawm zui a.

Chhuata tla chu chharin a’n bih a, min rawn melh nasa mai. Ka lo dinghluai a, “Sir, Constable Lubawk mai mai i tih kha ka nia” ka lo ti var a!

A alh maiang tih hlauhawm khawpin a hmel chu a dur chak a, kan inkarah a nupui a lo meng sa la ve nasa mai bawk sia, a duh ang chuan a awm thei bik si lo. Lei chhuahkhum zawk zawk ka va’n chak reuh tak!!

An vai awmpui pa pawh chuan țik pawh a ti ngam lo. Dawhkan bula ding chung chuan min entawn sek niberin ka hria.

Nuber chu pindan lamah a pen tau lut ta charh charh mai kha a nia, mipa leh mipa kan inhmachhawn ta ran mai le. Hetiang boruak lum pep pep hi a nuam, tha a zat ve deuh lai chuan.

“Engthil nge i tih hi i hria em?” zawk zawmah chuan a!

“Ka tih nilovin i tih a nih kha” ka ti fak a.

“Hetia rawn tih kher hi a ngai a mi?”

“Ngai teh reng mai, țha takin sawipui che ka tum a, i sawipui theih ngai loh. Mi te i la vau zui zawmah leh nghal a.. I lawmman chu i hmu a nih kha, vawikhat pawh i rawn inrawlh leh a nih chuan FIR kan thehlut ang, Puii i rawn biakna zawng zawng pawh record vek a ni”

A mengkhup ta lap mai.

Inchung lam ațangin tleirawl pakhat hi a rawn chhuk thla a, “Apu khaw nge api?” a rawn ti a. keini lah ngawi rengin kan lo ding dun bawk si. Mak a tih hmel kher mai!

“Pindanah..” ti chauhin a lo chhang a. A pite pindan lamah chuan a lut zui ve nghal mai a.

“Ka kal a hun e, i duhdan chuan i awm thei ang, kan khap lo che. Mahse, kan duhdanin kan awm ve thung ang tih kha hria ang che” tiin ka chhuah san ta hmak a.

Ka thawl ta huai mai. A chova; a el a, a kherhthlu ta a ni mai love’m ni?

Puii inlam pan chuan ka tlan phei zui nghal mai a, ka kalna chanchin erawh ka hrilh chuang lem hlei lova. Ka kal tih pawh a hre kher nang mawle. Thil zawng zawng hmeichhiain an hriat vek chuan a buaithlak țhin.

Thlan tla hluamin an țhutkhawmna pindan kan ti danglam pek a, bungrua a lian hlawm bawk sia ka nuih pawh a za lo.

  A duh ang zana kan siksawi fel hnu chuan ‘inbual rawh’ tiin towel lianpui mai hi min bah tir a, Bualin lama luh ka tum lai tak chuan ka phone a lo ri ral ral a, ‘lo la mai rawh’ tiin ka luhsan ta thova.

Ka inphelh vek tawh tihah chuan a rawn kik dat dat a. A pawimawh viau a nih ring chuan ka hawnsak ta thova. Min han hmu chu ‘Eh..’ a’n ti sak a! “Kha i biak a ngai, Putara” tiin phone chu min pe zui nghal a.

“Aw, engnge ni ta?” ka pawr viau ang!

“Khawngaihin i mi ngaihdam ka ngai a ni” a rawn ti ban chalh a.

“E.. ‘ngati leh si nge, i pawr viau emaw tia?” ka lo ti pek a!

“Ni e, ka thiam loh a ni, min ngaidam hram rawh u, khatiang thil kha a thleng leh tawh lovang. Khawngaih takin min ti mualpho lo hram rawh u”

“Chu’ng te chu i awmdanin a hril ve tawh mai ang chu. Mi awmțha hle hle lai intih mualpho ngawt thu a awm hleinem”

“Aw le, a lawm e. Pawisa te in mamawh angem? Naktukah ka office-ah min rawn hmu la..” mai mai chuan a!

“Engnga? Nanga koh kal theih turah kha chuan min ngai buai lo mai teh” tih leh phone hmehhlum chu ka rual a. A mawi chiah lo mange. Mahse, anni ang kohphar theih ka ni miau si lo alawm le.

Kawngka biang ngheng meuha min lo thlir rengtu chuan ka phone chu a lo ban var a. A chhunglamah chuan ka kailut ta zawk kha a nia. A rum hak a.. ‘Tihtur ka la nei a..’ tiin min fawp zui a, min chhuahsan leh daih.. tak zet reuh hian a!

Zan reitak thleng ka len leh pek kha! Min ngailotu ai chuan min ngaitu bula awm chu a lo nuam zawk nge nge alawm mawle.

A tukzing Office ka thlen a kawta Engineer-in-Chief Motor lo awm reng chu ka hmuh hmaih lo chiang.

Ka nui sak a..

Kan pu P.A bulah chuan min nghak hi a lo ni a, ka lawm viau lo.

Polythene a infun engemawni hi mi pek a tum a, ka duh bik si lo, kan han in dang chat chat a. Ani lahin min pek ngei a tum bawk si.

Office leh zela khatianga in umzui chu a dik love tiin ka chhuahsan daih a. A duhdan danin lo awm ve tawh mai rawh se.

P.A chuan a hnu deuhah chuan min rawn phone a, a chhuah tawh thu min rawn hrilh a. Ka let zui ve leh mai a. A thil lo ken chu a lo hnutchhiah hram pek hi a lo nia, pawisa a ni bawk sia, a zia lo mange aw.

"Eng thil nge a?" P.A chuan a lo ti a.

"A, mimal thil mawle. Min tlawn a nih kha," ka tihsak ringawt a.

"Anni tlawn nih te chu a chi viau ang chu mawle.., an mawm deuh ang chu" a ti zui a.

Ka nuih pawh a za hrep love a.

____________                     ___________
                        ɯıssıou-ıı

                       [ AFFAIRS ]

              *P.C Malsawmzuala*


                         Chapter

                            - VIII -
-


Hun a liam ve zel a, inneih ni tura kan bituk pawh a lo thleng leh dawn ta reng mai. A phurawm surh surh țhin mange.

Inbuatsaihna engkim peihfel a nih tawh hnuah thuam famkim nen ka in țam hnua Biak In dar lo ri val val mai chuan rilru ava’n tinuam veng veng tak em!

Zungbun ka buntir lai khan…. A mittui a tla asin!

Mahse.. Inneihni kha a ninawm. Kan hun hman dan hi a ‘boring’!

Tichuan, ruaițheh zo chu an kal bo zeuh zeuh a, Dar 7 a rik meuh chuan țhianțha leh laina hnaibak an awm ta lo. Ka chau thawkhat viauin ka hria, boruak a uap si, rik nilen hut hut ringawt mai chu. Puii pawh a meng lap lap mai!

Dar kua velah chuan kan inchhuahsanin tute emaw tihdanin riakbo tur chuan kan tlanchhuah ve tak lawp lawp kha. Kan hmunhma lah khawilai Hotel emaw nilovin Puii Inah a nia!

Kan zawi a ti  deuh nge mawni ka țhianpa chuan a thil paipawn chu a sawhkeh a. Dawm pui kan tum lem lo nain ‘in harh hawk mai ang in chau a nih kha’ a ti teh tlat sia, ner țeuh chungin ka lem sak ve a. Engzat nge ka in a, eng anga tak nge pawh ka hre lo.

Țhiante’n min hawsan hnu chuan inbual turin kan inbuatsaih a, ka zu in ve ngawt chu ka rui leh roh bawk sia che tur alawi pawh ka awm lo.

“Inbual ila i harh hawk mai ang” tiin ka thawmhnaw chu a phelh sat sat a. Ka lo thlir hram hram peih awrh chauh a ni ber e.

Bualin chhungah pawh chuan han phelh sak ve te chu a hnai lo mai, Chhuatah ka țhu sawp nuaih tawh. Amah zawk chuan min bual ta ngawt a ni ber e.

Che ve thei lo ta chu a inbual lai chuan ka chhuahsan a, Veranda thlanglamah chuan intih harh nan thlithaw ka lo inchhem tir a, fuh lo haih haih ngei mai.

Zial zuk pah chuan kuhva peih leh peih lo chuan ka țhial niau niau a, ei pawh ka eizo peih lo ka chhah țhen tak nual kha.

Pindan lamah chuan ka lut phei a, chutia ka kal che chu ka lo la zo lo ngang mai, Pindan chhung ka lut chiah chu ka law chiam mai pek a! A tam tham bawk sia mawm.. a hrehawm lutuk. Chhuatah chuan țhu sawp nuaih chungin ka uak iak iak a, Pindan kawngka lo inhawng thawm pawh chu ka ngaihven peih meuh lo.

“Ehe, tinge Mal..?” tiin Puii chuan min rawn chelh thuai a.

“Tui tui tui..” ka ti thei hram.

Tui la tur chuan a tlan chhuak nghal a, reiloteah chuan a lo kir leh mai a, chawhtawlh a lo keng bawk! Ka hmaah chuan a chhawp a, ka kam te chu țhuahin ka inphih harh a, ka zia ta deuh e.

Khumah chuan ka vaklawn hram hram alawm mawle.

“Kuhva i ei elaw? Zu in te chuan kuhva ei chi a ni hleinem” a tih lai chuan a che vel chu ka lo thlir reng a, chhuata ka luak awm rui mai chu a thian mawlh mawlh a. Ka khawngaih viau, tihngaihna lah a awm chuang der bawk si lo.

Chu inneih zan hahthlak tak mai chu ka mutthilh san ta a ni ngei ang zing lam dar 2 velah chuan ka harh hlawl tlat! Ka ban lo delh mu churh churh tu chu tu dang nilovin ka nupui ngei a ni ta. Tuitakin a mu a ni ngei ang a thaw sak sak a, a ban dinglam chuan ka nak hnuailamah a kuah ran mai bawk a.

Ka inthiam lo viau a ni. Chuti teh hrepa lawițhat zan han hman tak mai chu le.

A chalah chuan ka fawh sak zeuh a, a zi țiah țiah a, min kuahna ban chu dah kiangin ka thawhsan a. Ka harh huai tawh, ka ritluk deuh e tih chauh a ni ta. Bualinah chuan lutin ka va inleih leh ta ringawt pek a. Ka pangai thei tawh em ang chu maw.

Ka  thawhsan ang ang chuan alo la mu ngât a, rizai kan sin pante mai chu a lo inhlim bawk nen mit a la ta zar mai!

Mutkawr dum pan zet mai, khup pawh khuh lo tih hriatreng hi a ha a, a awmbawr chu a nihna ang angin a lang reng a, a hnuailam erawh chu te tak te chuan a khuh ve chuan ka hria, a khelbawrah phei chuan buara zai pawh a tiah ngut dawn emawni le.

Rizai chu muang changin ka han hlim țham țham a, a kawrchu a chhing deuh bawk a a mal chu a lang vek a ni ber mai. Mipa mit la tura duan tih takah mit mai lo pawh a hip chu a nih ber hi mawle. Khamkhawk saisu ang maia a mal vawng leh chum taih mai, tisen leh var deuh hai inpawlh bawk si te chu ‘haw pui maiteh’ han tih phalrual a ni lo.

A zangthal zawng chuan ka han kuai a, dah ang ang chuan a awm mai a, a mutui lai han tihharh chu a inthlahrunawm angem le? Mahse, inneih zan ve ber a ngai leh ngaia han thawh leh teh tlawng chu a ho dawn riauvin ka hre ve bawk si. Mi zawng zawngin tawlhpahrita tawlh turah min ngai  vek dawn tho tho a!!

Chutia bulțan dan tur ber pawh hrelova ngaihtuah vung vung chunga ka thlir lai chuan “I reiiii…en reng suh” hi a rawn ti pek a!

A muhil reng emaw tia! Min ti phu țep alawm mawle.

“E he, i muhil a maw ka tia..” ka ti ringawt a.

“Sana enthiam tan chuan ti ti hun chu a ni chiah lo mai thei” tih pah chuan a hmui chu a’n tipawrh kual vel a, a mitmeng fiah kel kawl  tak mai chuan min han melh tal tap a. A bawp sei thlerh thlawrh tak mai chu lek kangin ka awmah chuan a rawn nghat dai dai a.. Insum theihna hi Thlarau rah kan ti țhin tiraw? Chuti a nih zawngin thlarau rah awzawng ka nei ta lo a nih chu!

A ke pahnih chu ka khel tawn tawnah dah hniamin Van Angel te dai theihloh ram fang tur chuan ka che chhuak ta a..

Zing a lo nih chuan “Harh ve tawh em em rawh, i muhil rei bik a theih loh” tih pah chuan min rawn kuah nawk nawk a.

Khua chu a eng fel hle tawh mai! Sana ka han en chuan dar 8:00am a lo kawk vang tawh mai a, ‘Nupui neih tuk a ni tak e’ tiin rilru chungin ka nui sak a.

Ka bula mi lah chu a harh khawp leh nghal, thawhphan reh țhak khawpin khumah chuan min sawisa pek a, a hlim tluk zetin keipawh ka lawm ve asin.

Țhiante’n ‘chaweiah kan nghak che u ania’ an rawn tih hnuah tawlhpahritah kan han tawlh dun leh hram pekah! Zawng pan nei ang chauh kan ni mai ang tih pawh a hlauhawm hlel love a.

Kan insil fai hnu chuan muangchang tawh lovin kan inlam pan chuan kan phei zui ve nghal mai a, a tu amah chuan chaweiah min lo nghak lem hlei lova. Kuri pawh an school lamah ka țhianpa chuan a lo va dah thlap a niang. Buaina tur teh chiam a awm love.

Chutiang chuan a ni inneih leh a behbawm vel chu kan hman tak ni.

Nu leh pa nei tawh lo a ni bawk a chutia nu leh pa uapna hnuaia a’n awm ta chu a thla hi a muang tih hi a hriat hliah hliah mai a, chu chuan ka rilru a tinuam khawp mai. Inkoh chungchangah pawh harsatna a nei hran lo. Ka chhungteho pawhin an nel ve viau chuan ka hria, amah țawngtlem zawk zawk lo, mi besawm peih chi a lo ni ve bawk nen. Kan chhungkaw boruak pawh a zangkhai viau e.

Chhuahna tur pawimawh nei lem lo ta chu inchhung enkawl a hna a ni mai a, ‘lo haw vat rawh’ tih message hi kan dawng kur dup tawh mai a ni.

A raino chho ve țan te chu a’n hrethiam lo khawp a, min ngei tlat mai bawk si.  A hlimawm a, a nuihzatthlak bawk si.

Rizai sin hran a țul ta tlat a, a muhil tur hian min kuah duh bawk si, min ngei deuh bawk si. Min rawn ban leh țham țham țhin a, lehlam ka’n lo hawisan ngeiah! Ani run tawk a lo tling em em mai bawk si. Țap lek lekin kan inkuah leh nge nge țhin kha  ania.

Zankhat chu ‘chhuatah mu rawh ka mutpui peih lo che’ min ti pek a, inhnial a chak a nih ka rin vang chuan ka chhang duh miah lova, ngawirengin chhuatah chuan mutna ka siam a, chutia chhuata ka mu fel at chu amah zawk chu a hrilh a hai leh bawk sia, tihtak zet chuan a bula mu turin min han thlem leh rih a.

“Ka nu ten an rawn hmu ang che.., lo chho vat rawh”

“A ho e..”

“A ho lo, mawh vatin..” ka chhang duh hauh lova, ka mut ngai chuan ka mu lui tlat a, khum ațang chuan harsa zet hian min rawn pawt țhin a, ka chho duh bik si lo.

Ka thinrim tak takah a ngai a niang chu khum ațang chuan a rawn chhuk a, ka rizai sin chu a rawn keu sawt sawt a, ka bulah chuan a rawn inthawlh ve than mai a. Keilahin ngaihsak duhlovin ka lo maimitchhin san vel a.

A tihdan a thlak ta tlat mai le!

Ka derthawnna lai chu a hai hauh lo, ngawirengin ka hnunga chul chung chuan ka beng bulah chuan a thawlum ham ham a, a seh ner ner bawk si. A duham tial tial a, tharum hmang hauh si lo chuan min hneh lak chu a ni leh ta der mai. Khumpui sirah, chhuat dai hângah ngat zan kan tumtawi tak kha.

Ka pa sawi ka hre reng ‘Hmeichhia chu tih lawm tur’ tih hi. A ril hi ka tia..

Thla thum dawn kan in kawl ve ta reng  mai.

Zankhat chu a mutthilh hnuah a phone ri țat chu ka han en a, ‘i bula mut ka chak’ tih message hi a lo ni a. Chutiang ka beisei loh lutuk vang chu nimaw ka sa ta phat mai a, ka hlauhthawn hi a takah a chang ngeia hriatna ka nei ta tlat mai a, rilru hrehawm tak chuan ka inngaihtuah tlaivar ta ringawt mai a, chu message chu screenshot-in ka inthawn a, khawvar hnuah chuan ka inngaihtuah muhil ve ta a niang.

Ka hmuia rawn tawktu awm vang chuan ka harh lo thei lova, Puii chuan min rawn kuahin min rawn fawp hi a lo ni a, ‘Tho tawh la, chaw ei a hun dawn a’ a ti a.

Chhang lem lo chuan rizai chu ka sin țha leh a, lehlam hawi chuan ka mu zui leh mai a.

Khumah chuan lawnin ka rizai chu a hlim a, min dek chiam a, zanlam boruak vang chuan ka hlim pui ve tehchiam lo. Ka chhang mumal lutuk bawk si lova.

“Tho rawh, chaw ei a hun dawn nia…” tihpahin ka bengah te chuan a pawt a.

“Va ei rawh u, ka ei peih lo” ka tih sak a.

“Ngatinge, i nuam lo a mi?” chal insi reng chuan min rawn bih a.

“Nuam”

“I engnge na?” tih pah chuan ka chal te chu a kut chuan a han dek a.

“Engmah na ka nei lo”

“A.. Sawi ve mai la..nuam lo nia” a ti nghar nghar a.

“Ka la mu duh alawm” ka ti ringawt a

“Chawei a hun a, office i tlai  anga sin, insiam chhung nen”

“Chaw eilovin ka kal mai ang”

“Naaa, a awm lo emai a chutiang, a chiloh”

“Ka ei peih miau lo alawm”

Ka nuin a rawn koh tak vang chuan “Tho rawh aw..i fel kha” tih pahin min chhuahsan a. Chawei chu an va siam ta a niang ka ring.

Ka nu a lo lut ve thung!

“Mama, saw chaw ei an siam saw” a rawn ti a.

“Ka ei peih rih lo tukin chu, lo va ei mai ru”

“I nuamsam lo mi?”

“Nuamsam e, ka țha, eipeih lo mai mai, office-ah thil ka ei mai ang”

“A.. mai mai chuan a..” tih pahin min chhuah san ve leh mai a.

Khumlu a Puii Phone chu ka la a, Message chu a lo in delete fel thlap mai! Ka rin hi a dik ngei a nih hmel ta riau mai ka ti. Engtinnge ni ta ang aw..

Ka dah fel awrh tihah chuan  Puii chu a rawn lut leh a, ngawireng chuan ka bulah rawn mu ve ngawt a.

“Chaw ei ta che” ka lo ti a.

“I ei hunah le..”

“Ka ei dawn lo ka tih kha”

“Ka ei lo ve mai ang chu”

“Hm..”

Ka nu chuan ‘rawn kal vat rawh u hei kan ei a nia’ a rawn ti lang lang a. Kan chetsawn phah lem hlei lova.

Ngawireng chuan kan mu dun reng a, min enreng vang chuan ka maimitchhing daih kha a nia, min kuah a, engmah sawi lo chuan a ngawi ve reng ringawt a.

Ka nu chaweikham chu a lo lut leh pek a, “Na i neih loh te chuan tho ve mai ta che Mama, kha Puii pawh chaw i eitir theih loh kha, tho rawh, va ei rawh u” a rawn ti leh pek a. Thawh loh ngam tawh hek loh le, muangchang chuan ka tho ta țham țham a, muchung chuan Puii chuan ka chezia chu a thlir reng a, hmuh a nuam fahran lo viau a ni.

“Mal…”

“Hm..?” tih pah chuan ka melh zawk a.

“Chawei chu ka lo va siam ang aw”

“Ka ei dawn lo ka tih kha” ka aw chu tih pangai ka tum hram hram. Lungawi lo anga lan chu ka duh bik rih lo a ni.

Ngawireng chuan pindan ațang chuan ka chhuahsan a, ka chhungte pawh chuan an lo eikham tawh hlawm a, dawhkanah chuan senghawi loh hian a lo la awm a.

Bual in lamah intifai turin ka luhsan ta daih a.

Ka chhuah leh lai chuan Puii leh kan nula chuan chaweina chu an tifel mawlh mawlh a. Pindan lamah insiam turin ka luhsan zui daih a.

Dan pangai tein ka uniform chu a lo inkhaichhuak sa vek a, ka boot pawh bun mai theih turin khumbulah chuan a awm reng a, thildanglam awm chu keimah chiah chu a ni.

Ka insiam mawlh mawlh lai chuan apron awrh chungin a lo lut a, min en leh veng veng tawh.

"I thlen ve leh engemaw chu ei rawh aw" a ti a.

"Nia, ka theihnghilh loh chuan ka lo tum dawn nia"

"Teh chauh a, theihnghilh chi nang.. rilțama awm chu pum tan pawh a țha lo"

"A tuilo thei lutuk a kan canteen a mi ho saw.."

"Kalpahin kawngah eina chi a awm mai lo mi?"

"Awm pawh ka hre lo"

"Chuti chu i eitho a ngai a nih chu..." tih pahin a apron suih chu a phelh zui mawlh mawlh a, khumah chuan thehthlain min rawn kuah a, min fawp zeuh a, min fawp a, kan infawp zui leh a.

Office ka thlen pawh chuan ka rilru a chawl thei meuh lo chu a ni e, Puii phone pawh ka dawngzui zat a, thil eitur bawkin min rawn tih leh kha.

Ka ei peih lo bawk e a.

Nileng mai chuan kan virbuai a ni ber mai. Nidanga kan awl vei nen vawiin a tak a le.

Tlailam dar 3 bawr velah chuan ka ril a țam ta viau mai a, Canteen lam pan chuan ka kal ta nge nge a, kilkhatah chuan kan chowkidar leh kan thawhpui te pahnih hian card khelin an lo țhu bial laih a.

Ka inthunpuar hnu chuan an card khel en tum chuan ka țhuthnaih phei a, an pathum chuan no an lo țhutpui far mai hi a lo nia, an ngaihtuah tlem hmel bawk sia. Nuam an va tih hmel si em ve mawle.

A kil bera țhu chuan 'kha' tihpahin a thlitsa chu mi han pe a, ka țang ngialnain an pathum chuan min nawr luih tak laih laih vang chuan ka lemsak ta hram a.

Ngawiteh, intam chi ka ni lo. A tuina ka pawh leh vaih chuan ka chhiatpui vek ang, tlangval chhuah hlim a lo thlekpui ngial tawh kha a nia, mi anga engemaw changa intihhlim na'na hmang chi ka ni ve lo.

Min thlitsak leh nâ chu ka kalsan ta zawk a, ka tifuh zawk ngeiin ka ring.

Tlaiah kan laklawh avang chuan hun pangaiah pawh ka haw hman ta lova, thimhmulah in chu ka lut hman hram chauh a ni.

Garage kawtah chuan Puii chu alo awm reng a, min lo nghak nge pawh ka hre love a.

Cigarettes leh kuhva leh nepnawi eitur a keng țan a, ka stock a ruak tawh a ni ngei ang.

Ka pain TV a lo en a, ka nu leh kan nau hmel a lang lo. Ka inthlak lai chuan a hnâr a lên ru tih ka hre reng a, ka hre lo der tlat thung a, engtin a ti lem hlei lova.

"I inbual phawt dawn nge, chaw kan ei phawt ang?" a ti a.

"Chaw ei pawh ka peih chiah lo, hawdawnah thil kan ei a"

"Peih lo a ti leh ta, ei ang chawhmeh ka lo han tilum ang aw"

Ka chhang lem lo.

Chaw chu ka eipui ta thova, a hmel chu zawhna hlir hian a khat niberin ka hria, engmah lah chu a sawi lem hlei lova. Hlim luih a tum niberin ka hria, keipawh chutiang tho chu ka ni e.

Chawei pawh a tui teh chiam lo, ani lah chuan keimah ang thovin a hawlh nawi ve vel mai mai niin ka hria.

Thleng a seng fel lai chuan ka lo inbual a, chhunlamah kan buai deuh bawk nen mut hahdam veng veng ka chak deuh ber mai.

Ka inbual zawh chuan kan pindan tukverhah chuan țhuin zial ka zu a, Puii thlengsil zo pawh chu a rawn lut zui ve mai a.

Ka hnunglamah chuan min rawn din chilh a, ka kokiah a kut a nghat bawk.

"Mal, ngatinge zu i in?"

"Harsatna i nei mi?" ka lo ti let a.

Ka darah chuan a hmer ngawt ngawt a, a insut hraih a. Ka darah chuan rawn bawhin ka nghawngah chuan a rawn fawp zeuhin ka hria.

“Ka hmangaih che” tih pah chuan min kuah chawih chawih a.

“Ka lakah i lungawi lo a ni tiraw, min hrilh rawh. Aw, khawngaihtakin.. Ka siamțhat theih a nih chuan engkim ka huam asin, i hrehawm hi ka phal lo” țahchhuak insum tih hriat reng chuan a khur dar dar a, a tlin ta ngang lo a aniang a rawn ngik chhuak ta faih faih a.

Thil nuam tak chu a ni bik hauh lo. Mahse, a chhan leh vang chu hrilh kher tumna pawh ka nei chuang lo. A reh ve leh maiin ka ring.

Reife min țahkhum faih faih hnu chuan khumah chuan pawmchhovin ka muttir a, ka muttir ang ang chuan ngawirengin a awm a, chu e kha e pawh a ti lem lo. Han mutpui ngawt dawnin a la hma deuh bawk sia, ka la peih chiah bawk si lo. TV en tum chuan țhutkhawmna pindan lam pan chuan ka kalsan kha a nia.

Ka en duh zawng tak mai a lo chhuak bawk nen zandanga ka mut hun angah pawh chuan ka va mu phei ta lova, țhutthlengah chuan ka muhil zui ta hial ni awm hi a nia.

Ka mu kawi lutuk chu min rawn siamrem nihian ka hria, ka nu turah ka ngai mai a, mahse ka nu chuan min kaitho awm sia. Ka meng chu Puii chuan ngawireng hian min lo en ran a, a meng dul raih chu ka hmuh hmaih bik hauh lo. Mahse, ka mut a chhuak e, ka che peih rih lo.

A hnudeuhah chuan TV off khap ri ka hre zui a, rizaiin min rawn khuh a, min kalsan mai dawn emaw ka tih lai chuan țhutthlengah chuan a rawn inthawlh ve pek! A tawlhrem loh theih loh, chep zet chuan inkuah rialin kan mu ta ringawt a.

“Tho tawh rawh u, inlengte kan nei ange” tiin ka nu chuan ka lu-ah chuan min rawn sawi a, țhutthlengah chuan kan lo mu tlaivar țhak a nih hmel e.

Zing dar 7:00 lai a lo ri reng tawh hi a lo nia. Ka nu te thawmah pawh kan harh lo chu kan mutui dun viau a ni ta ve ang.

“Engatinge țhutthlengah te in mut ngawt a?” ka nu chuan a ti a.

“ Khuma mut ka peih lova” zik țiah țiah pah chuan Puii chuan a lo ti mai a.

“Min kaihthawh mai tur che nia nu” a ti zui zat a.

“A, zanah in muthei lo a nih ka ring a, tihtur vak pawh a awm chuang hleinem, chawhmeh siamthar vak a ngai chuang bawk si lova, chawchhum a ni deuh mai a”

Puii’n min thawhsan hnu pawh chuan ka la mu ta reng a. Chawei an siam dawn ruaiah ka tho ve hram chauh a ni.

Tukțhuan kan eikhama insiam tura pindan lam ka pan chu min rawn zui lut a, ka hnunglam ațanga min kuah pah chuan “Vawiin chu kal lo mai la..” a ti sa sa a.

“Hna a tam lutuk a, chawlh pawh min pe duh lovang, kan rawn haw hma pawh ka ring lo”

“Vawiin chauhte chu a theih mai lo mi?”

“Engati nge, tihtur a awm a mi a?”

“Umh.. tam mai, ka ngai che a, i bula awm ka duh”

“He.. hei ka awm reng alawm”

“Heti ringawt lo hian ka duh alawm, i ta ka ni tih ka hre duh” a ti sap a.

Chutiang țawngkam chu mipa tan chuan a zahmawh zawng bakin a ngaihtuah theih tak tak loh chu a ni e. Chutiang zawng chuan a sawitu rilru chu a nih kher pawh ka ring chiah lo.

“Ka tlai anga sin”

Ka hmuiah chuan min rawn fawpin ‘Danglam deuhin lo haw tawh suh aw, khawngaihtakin…” a ti a.

Chhun lamah chuan a hma ang bawkin kan la virbuai tho mai. Rilruah thildang tehchiam a awm thei lo. Thil pawh kan ei țha hman lo a chha chu a ni e.

Tlaia ka haw tur chuan thul țul lo tak ka ngaihtuah chhuak leh pek a! Kan thawhpui te hnâr hmin lek lek ho chu zu ka’n dil pek a! Ka in an hre ngai lem lo bawk a, min pe phal khawp mai. Zu umruak min zawn tir a, chutah chuan a chanve zet tur hi min hawn tir ta kha a nia.

Han ruih chiam ka tum pawh a ni lo, ngaihven bik leh ngaihsak bik nih duhna vang mai a ni. Mihring kan nih chhung hian tu te pawhin chu thil chu kan duh a lo’m ni? Puii’n zu ka in tih a hriat chuan min ngaihven leh em em dawn asin. A pangchan thlak deuh mange.

Thildang lam em em awm lo chuan ka thleng ve mai a, zanriah pawh ka kil ve thlap a nia aw.

Zan dar 8:00 chho vel bawrah mut dawn hnaiah Puii a inbual lai chuan ka pa nen kan lo ti ti dun a, kan awmdan tur chung chang sawiin.

“Kan sawia mawi chu a ni chiah lova nia, awmphei lam hi chu. Mahse, i u te kan lo hrilh ve uk tawh bawk sia, engtinnge ruahmanna in siam reng reng?” a ti a.

“Chutiang lampawh kan lo la ngaihtuah hleinem, harsatna tur vak a awm lovang. kan sawi lawk vek tawh tho kha a nia. Buaina tur a awm dawn mi’ ka ti ve mai a.

“Han sawi dun ve leh hrim hrim ula, keini tan han sawichhuah kha sawi leh sawihnu awmpui peih lo che u te pawh kan ang thei a, thilmawi ber a ni bawk si lova, nangmahni lamin in sawi loh te chuan..”

“Nia, ka lo sawipui dawn nia. A hmaa ka sawi paw’n engmah a sawi chuang lova, amah zawkin ‘miin indan kherh min tih ka hlau’ te a ti mai mai zawk a, ka u te chungchang te pawh ka hrilh thova, a hrethiam mai ang”

“A țhat chu chutiang a nih chuan, a lo duh ta lo  a nih pawhin i ute chungchang chu ruahmanna dang kan siam a țul a ni mai a, harsatna lutuk tur a awm chuang lova” a tih mek lai chuan Puii inbual zo a lo chhuah tak vangin kan sawi chhunzawm ta lova. Hotupa pawh a lalna ram lamah a motor khalh turin a luh tak daih kha.

“I inbual ve lova.. zingah i inbual bawk silo” a rawn ti a.

“Min sawm ve hleinem” ka lo tihsak chu a ngei deuh a niang ka bengah a rawn pawt chiam pek a.

“Hmeichheho inbual ve lah hi, luhuh mang hlei lo hian inbual te in han inti ve ngawtah, inbual pawh intling emaw nile” ka tih sak zui a.

“Lu te chu suk hun bik a awm alawm, a fai thova” a ti ve mai a.

“Zanin chu țhutthlenga riah a ngai tawh em lovang chu maw” a’n ti zauh pek a. A nuițha duh mang hlek lo lehnghal a, a ngeiawm duh phian mai ka ti.

Țhutthlenga ka bula rawn țhut pah chuan “Khawmaw i beng?” a rawn ti a, dawh pawh ka dawhfel hma hawt chuan amah zawk chuan a rawn bih a, ‘a bal deuh’ tih pah chuan a hmaihnawih bawm chu a hai rak rak a, benghawlhna chu la chhuakin ka beng chu a hawlh zui nghal mawlh mawlh a.

Ka ngaihtuahnaa lo lut ta daih chu ‘Romantic’ an tih teh fo hi thildang teh chiam a lo nih loh hi. Hetiang vel thuartham hi a nih ber zawk hi ka ti. Mahse, nupa tan bik.

Hmeichhe hmangchang hre tak, pasalte ngaihven thiam mi tan chuan nupa hlimlohna hi a awm hleihtheih pawh ka ring lo. Mipa mawhphurhna chu za a sawmnga pawh lo ni tehreng se, mipa rilru chu a lo dang deuh nge nge a, Hmeichhiain mipa tihlawm dan tur hote thleng pawha a hriat miau chuan chubaka chhungkaw vanram chu a awm bik dawn em ni?

Mipa kan ralbang e tihna lam erawh ni lo se.

“Mu tawh ila, i mut a chhuak a ni tih ka hre reng” a ti a.

“Chutia mi…”

“Umh… i awmzawi hmain mu ang..”

Khumlam pan chuan kan kal dun ta ngei kha a nia, zun zunga a chhuah leh hlan chuan Computer dawhkanah chuan ka zu hawn kha ka lo thli chhuak a, lem khat vel chu ka'n lem ve sak a. Computer tihnun tum a ka kun kut lai chuan a rawn lut a, “Engnge ila tih dawn?” a rawn ti a.

“A rei lovang” ka tihsak ringawt a.

Dawhkana ka thil hun chu a hmu lo a ni ngei ang khumah chuan a lawn phei ta tharh a.

“A ho e movie en ringawt, lo mu la” a rawn ti leh a.

Chhang lem lo chuan ngawireng chuan ka en a, a ning ta deuh nge ni a rawn tho chhuak a, no chu a rawn hmu ta ngei ang le. Ka lu-ah chuan a khabe a rawn nghat a, ‘eng film nge a?’ a rawn ti a.

A zawhna pawh chhang lem lo chuan, “Engtin nge sawlama awmphei chu kan tih dawn a?” ka lo ti daih a, min chhang bik lem lo. Computer bula no chu a la kang a, a’n hnim zet a, ngawirengin a chhuahpui a, a va leihbaw dawn a ni ngei ang le.

No pawh chu a rawn keng let lem hlei lova. A va thehthang a ni ngei ang.

A lo lut lai chu ka lo en reng a, a lungawi lo a ni tih hriat tak chuan a tum deuh bar a, “Engnge khatia min en vak?” a ti a.

“I hmuhnawm em a..” ka tih chuan boruak a hip lut hap a.

“Mu tawh ang” a ti ringawt a.

“Ngawirawh, nichina ka thil sawi pawh kha min la chhang hleinem”

“Nangpaw’n min ngai pawimawh bik chuang hleinem..” tiin khum lam chu a melh ran a.

“Engnge ka ngaih pawimawhlohna che chu..”

“Tukina i chhuah dawn pawhin ka chah che a, zu nen bawk a nih kha i lo haw leh..”

“‘Danglam deuhin lo haw tawh suh aw’ i ti ringawt a nih kha, ka rawn haw danglam hleinem, hei tunah ka in chauh alawm” ka tih chuan a mit a nuai zauh chu ka hmu ru reng a, a țah a chhuak leh tawh a niang.

Computer-ah chuan a hla duh a sawi apianga a sawilan ve ziah chu ring vak lo hian ka play a, a lam pana ka che chhuak chu mak tih hmel zet hian min lo en a, a ban chu la in ka nghawngah ka inkuah tir a, keiin a kawngah ka kuah thung a.

A mittui hrukna meng phe riai chung chuan min chhoh en vang vang a, a hmui khur der derah chuan duat takin ka fawhsak vawng vawng a…

____________                     ___________
                        ɯıssıou-ıı

                       [ AFFAIRS ]

              *P.C Malsawmzuala*


                         Chapter

                            - IX -



"Ih maw Mal, i hlimloh hi chuan awmngaihna ka hre lo. I hlim ka duh ber alawm"

"Ka ti hrehawm țhin che em? Ka khuahkhirh lutuk che mi?"

Min kheuh neuh neuh niin ka hria.

A lungawi ta deuh a niang mut a rawt ta kha a nia, computer off pah chuan "Engtinnge sawlama awmphei chu kan tih dawn tak?" tiin ka zawt a.

Min chhan mai loh vang chuan ka va en a, khumah chuan hmel nûr nâng hian a lo țhu a. A phur hmel fahran lo khawp mai.

"Chuan..engtinmaw nidawn?" tihpahin a bulah chuan ka va țhu a.

Ka malchungah chuan a rawn țhu sawt sawt a, "Ka lei a nâ nia, a durh emaw ni han en chhin teh" tih pahin a lei te chu a'n chhuah leh rih a. "A țha lutuk, seh a ngai a nih kha" ka tih sak mai a.

Ka zawhna lah chu min chhang duh malek reuh a!

"Zawhna ka zawt chein ka hria.."

Ka hmui chu a rawn hup a, pangchan hmel zeta min melh pah chuan "Peih lo" a ti sap a.

"Chuti ringawt te chu.."

"Eng nge harsatna a awm a mi?"

"Awm hran chuang love, kan sawilawk sa tho sia ka ti"

"Mahse.. awmphei ngei ngei a ngai a mi?"

Ka u te chungchang vanga awmphei a țul thu chu ka hrilh a, ngunthluk fe chuan a ngaithla a. A hmel awmdan chu hriatthiam har ka tih chi a ni.

"Zing thawhhlima 'nu' ti a koh tur ka nei te, 'pa' tihtur ka nei te hi eng nen mah thleng ka phal tawh lo..." nghet zetin min kuah a, chu thu kher chuan min va hneh kher ve mawle. A dinhmun ka ngaihtuah phei chuan keimah zawk chu ka insum zo lo a chha chu a ni e.

"A țha e, kan awmphei lovang" ka tih chuan mittui parawl kiang chung chuan a nui sen sen a. Kha aia mawia a nui kha ka hmuh awm reng ka la hre lo.

Naute hnute hne ang maiin min fawp tak dawk dawk a.

"I u te chu ruahmanna dang i neihpui a ngai dawn tihna nia, min hua angem le? A nuam chu ka ti chiah lo, ka hma ka sial lutuk a ni, keima hlimna ringawt ka ngaihtuah a.."

"Huatna tur a awm hleinem, keimahni thu thu kha nia awmphei leh phei loh chungchangte chu.."

"Anmahni'n va luah sela nimai lawm" a ti awlsam ta et a.

"A! Chutiang ngawt a ni hleinem, an sumdawnna fuhloh vang a nia, luah ringawt pawh nise eitur an nei chuang nang"

"Pawisa kan ngah em kha, pe țeuh la nimai lawm" ala ti tak deuh deuhah!

Awmphei lam chu kan hlat ta viau mai. A neih zawng zawng pawh thehchhuah a duhzawk hial na chhan 'nu leh pa' hlutna chu tuktina hmu țhin, ngaia nei mai mai aingawt chuan a lo man chiang deuh aniange.

Ka u te pawh a sum lam zawnga vawm loh theih ni ta heklo le, an mamawh tur ang chu kan thehchhuahsak tak kha.

Ka pa te pawh Puii khawsak phung chu thinrimpui a hnekin an lung a awi ngang mai. Mo an nei hliah hliah ta khawp mai. Kan sum kawlzat kan sawi lo mah mah!

Ka hna ațanga bang mai turin min rãwn reng a, 'nupuite chawhlawm nih ka duh lo' ka ti kawh ve tlat si. Mi tihluih ngaihna vak a hre bawk si lo. Min tûmkhum chak thei bawk sia.

Tlaikhat chu Scooter in min peihloh san ta sia, 'ke in haw hma deuh ila a ni mai' tiin ka chhuak hma a. Hmana Scooter bawka ka tlukna lai kha ka pelh hnu deuh lawkah hian hmeichhe naupang kha ka hmu leh ta tlat mai ka ti!

Ka penzui lo chiang kher mai.

Kawngsira Gypsy bulah chuan ka ding ta ringawt a, ka lampana muangchanga Sikul bag nena lo in ak phei hnak hnak mai chuan ka rilru a tina kher mai!

Hun a liam ve ta deuh bawka a țhang dang ve deuh. Mahse, khachen lo in awm dun hrep kan ni bawka hai thu chu a awm lo. A cher riam a, khawpui naupang awm lo takin a pawr deuh chep hian ka hmu lehnghal a! Ka na vawng vawng.

Engtinnge helai bawra awm si hi ka hmuh ngai miah loh le.

Ka bul a lo thlen thleng chuan ngawirengin ka lo en reng a, zawite hian ka lo au a, ka aw hria chuan ding meuhvin min en ta veng veng mai a. A mita zawhna niawm tak chu hmuthei hialin ka inhria.

Țhuthniam pah chuan ka hui a, muangchang chuan a lo kal a, mittui parawl țeuh chung chuan a kutah ka lo chelh sak a, sawimai tur pawh ka hre meuh lo.

“Apa Mal, khawnge i kalbo daih a?” tih zawhna min han zawt kher phei kha chu min tina zualtu mai a ni.

A taksa pawrchap mai chuan min ti hrehawm hle a ni. A uniform lah chu a chulriap mai bawk si. A nu chu awm se hetiang ngawt lo deuh hian a awm dawn asin.

Kawngpui ațanga hla vaklovah, tlem pen deuh ngaiah hian an in chu a lo awm a. An kawt thleng chuan ka thlah a, a luhhnu pawh chuan ka kalsawn mai lo. Ka ngaihtuahna vakthui lutuk chu ka kawm a ni ber mai.

Kawngkapui lo inhawng rawk thawmah chuan naupang pakhat harh hmel zet hi a lo tlan chhuak a, inchhung lamah chuan ‘Va inthlak vat rawh’ awki sang angreng taka tih ri ka hre zui bawk a. Em a tiin ka haw ta a.

Ka rilru a nuam thei thlawt lo a  ni.

In ka thlen hnu pawh chuan ka lo ngaihtuah leh veng veng țhin a, ngaihtuah  loh ka tum poh leh ka rilru-ah a awm nasa nimaiin ka hria.

Puii pawhin min thlek leh fe tawh tih ka hre reng, ka inthup thei lo leh pek chu a ni awm phawt maiah. Chhungkuaa han sawichhuah chi niin ka hre bawk si lo. Chu chuan min tibuai zual viau.

Zanriah eikhamah chuan muangchang lovin ka mu vei than a, mahni chauha awma inngaihtuah veng veng ka duh a. Puii pawh lo mu hman lawk lo sela a țha ang. Min be leh siam siam ang a, engmah ka ngaihtuah leh thei lo ang tih ka hlau.

Nia, kha naupang tan khan tihtheih engnge ka neih tak le?

Naupang hlim thei tak, thuawih leh pawisawi lo tak mai kha fahrah a lo ni ta! Engatinge Pathian pawh hian pawisawilo chungah leh zel pawh lainatna a lan tir loh țhin le. Tihsual a nei lo a sin kha naupang khan. A pa chhuhsak a ni tawh, a nu lakbo sak a ni leh a, mahni pawh in enkawl thei lo khan enkawlna a dawng țha a ngem le? Naupang harh leh ninhlei rual chu a hringtu lo kutah thlamuangin a awm thei angem?

Khum che laihah chuan min rawn țawmpuitu an awm tih ka hrethiam mai.

Ka hnunglama ațang chuan Puii chuan min rawn kuah a, “I awm a nuam lo deuh a mi My Dear?” a rawn ti a.

“Nawmloh pawh ka hre lo, ka țha lawm” ka lo ti a.

“Vawiin tlai chu i rawn haw nguai riauva, engemaw harsatna i tawk a nih ka ring deuh mange?” A mak. Henu hi ka bumthei lo zel mai hi.

“Kan intawnni kha i la hria em? Hruaia te inneihni a nih kha..?” ka ti daih a.

“Hre teh reng mai, ka theihnghilh theih i ring a mi..”

“Khami ni a kan thilsawi, kan sawi zawm takloh hriat ila nei em?” a rawn inbeng kang a, min en chiang set sawt viau mai.

“Chutiang awm ka va’n hre tawh lo ve, tinge a pawimawh a mi?”

“Pawimawh ber chu ni chuang love..Ka rilruah a lo lang thut a..”

“Engnge chu chu han sawi chhin teh..”

“Sawi nuam ka ti vak lo, mahse i hriat a țulin ka hria..”

“Umh.. Ka ngaithlachak, harsatna a awm loh ka beisei..”

“Khami ni khan Case pakhat kan chhui chung chang kan sawi kha..” “E..ka hre leh si, i sawichhunzawm duh loh tak kha tiraw..” a lo ti a.

“Nia, tun hi ka vawikhat sawichhuahna tur a nih hmel”

“Umh..chuan..”

“Kha case khan ka rilru vawiin chu a tinuam thei lova…” Ka sawi chhunzawm mai siloh vang chuan nghahhlelh hmel takin min lo thlir dauh dauh a.

“Kha thil chhui khan thlariat chhung zet hun ka hmang a, an inah ka chenchilh vangin kan inngaizawng hman hial..”

“Ka bo deuh e, a case ka hre ve si lova, duhaiin i sawi ler mah mah..” a lo ti a.

“Ni dawn tak e, Kan service a mi pakhat hi a bo tawp a, chu mi chuan nupui leh fa pakhat a kalsan a, a case chhuichhuah loh, mi bo anga ngaih niin case close chuang silovin an lo dah reng a, chumi chu nia..”

“Ok, ka hre thiam e, chuan engtinnge nita..?”

“Ka pa țhianpa hi an khuaah chuan OC in a awm a, Police-a min thuntu ber hi a ni nghe nghe Pa Rinawma kha, chaw pawh a lo ei tawh kha. Kha mi khan min la chhova an Station-a case ho chinfel pui turin. Tichuan ka han chhova, Police bo ber chu hnațan nan kan hmang a, bulțan dan tur ka hriat loh vang chuan a nupui leh a fa te chu mikhual angin ka han fin rawih a, kan han awmrei deuh a chhungte pan tur pawh nei lo, mi chuang ang deuh hian ka awm zui a…”

“Chutah chuan police i nih an hria nge hrelo?”

“Hre love, kan thawhpui te paw’n an hrelovang, Pa Rinawma nen, kan file khawihtu nen a ni mai. Chuan thlahnih thlathum vel kan inchenchilh hnu chuan ka case chhui loh lam zawngin rilru chu a kal ta thlat a, ka thlenin nu nen chuan kan inngaizawng ta ringawt mai a, nitina inhmua khawsa dun reng ta chu kan lo inngaina ta deuh a ni mai thei.”

“A awl ngawt ang, nang lah i duhawm ropui si..” Puii chuan a lo ti hmanhmawh a,  mi lo tihphur a thiam reuh phian bawk sia.

“Chuan thlariat zet kan inchenchilh hnuah chuan inneih kan tum ta ut ut mai kha a nia, chutah chuan ka Mission chu ka chhuichhuak ta chiah a,  innei tura kan in vehthlemna lamah a pasal a thahdan leh a ruang a dahna thleng chuan a inpuang lo thei ta lova, chutah chuan kei ka buai let ve thung a, amah kha nupuia neih hial ka lo duh hman kha a ni si a, a pasal a that tih ka hna ber ka hrechhuak ta bawk si. Rilru siam thiam a har ka tih zia kha…” Ka beng lo khawih neuh neuh pah chuan ka nghawngah chuan a fawp a.

“Mahse, nithei ngangin ka hre ta lova, innei pawh ni ila a lanchhuah leh tho ka rin vang chuan ka hna a nih angin Police-ah chuan report ka thehlut ta kha a nia, Tunah hian Central Jail-ah nge khawilamah nge a awm tak ka hre zui ngam tawh lova, ka ngaihven duh ta chiah lova..” ngawirei min tihhmel leh pek viau!

“Vawiinah a fanu kha ka hmu a..” a bengkhawn hmel viau.

“Engtinnge a awm?” a ti var a.

“A pi te bulah a awm niin ka hria, ka rilru hi a dam thei thlawt lo a ni. A nu kha ka va mamawh emaw, ka va duh emaw a ni lo. A fanu khan ka rilru a tina takzet a ni” ka tih chuan ngawirengin min en veng veng veng a.

“Kan awmho lai khan a pa ang chiahin min en a, a hlim thei a, ka bula awm kha nuam a ti ve viau țhin a sin..”

Ka rilru hrethiam tak chung chuan min kuah a, min chul heuh heuh a, ka dam huai huaiin ka hria.

“Engtin nge kan tih ang naute chu?” a rawn ti chhuak hlawl a. Mak ka ti viau a ni.

“Ka tan chuan buaipui a rem tawh lo, Ka intihrehawm zual mai mai dawnin ka hria, a pi leh pute bulah a hlim em ang chu” ka tih liam sak ringawt a. Keimah tak pawh chuan ka thilsawi chu ka ring chiah lo chu a ni e.

Chu chu kan tawpna tur emaw ka tia, a lo ni hauh lo mai.

Chumi ațanga thlakhat dawn hnuah chuan Puii chuan office-a ka awmlai hian min rawn phone a, zinglam dar 11:00 bawr vel hi nitain ka hria.

“Lo haw teh, mitthi vuinaa kan kal a ngai a nia” a rawn ti a. Kan chhungte boral ka hriat siloh vang chuan ama chhungte lamah tur riak ka ngai mai a, peih lo viau mah ila ka haw ta  thova.

Ka chhungte lah chu engtin an lo phusa lem hlei lova. Mak ka ti viau. Puii hian a hrilh lem lo emaw ni dawn reuh le.

Ka inthlak fel hnu chuan Taxi lain kan chhuak zui mai a, ‘Khawnge kan kal dawn?’ te chu ka’n ti he haw a.

"I la hre mai ang" a ti ringawt a.

Kan tlan zel a, kan office kan thleng leh takngial dawn ka ti. Em em a na.

Ka rinloh lamah chuan kan peng ta daih mai a, kha in kawtah khan..

Kawtah chuan mi an lo țhu khat hmur mai a, 'Aw ka ngai partin vulna ram nuam..Chullo tur Lalnunnema siamah chuan..." tiin nuvalai aw tlawk țha zet mai hian hla a lo hril dap dap a. Chu ngawt pawh chu nghilhdup tham niin ka hria..

"Tunge boral?" chu kan ti chawp leh rih a.

"Nuber kha.."

"Tunge chu chu..engtinnge in inhriat a, inchhungte maw!?"

"Naute nu kha..."

Chu zet chuan min deng ta dawt mai! Ka hawikual ruai ringawt a, mitthi signboard ah chuan engkim mai chu a lo intar chiang em em mai bawk si.

A hmingpum nen, kum, vuitu engkim mai chu a thlalak fiah tak nen chuan..

Thihchhan : Malaria

Jail chhungah malaria vangin a boral tihna mi niang le? Ka khawhmuh a tawi viau a ni. Puiin ka banah dawm lo phei se chuan ka let leh daih duh hialin ka ring.

Kawtzawl kilkhatah chuan kan nupa chuan kan țhudun ve ran a, sawitur ka van hrelo ber mai. An hlasak lah ka zawm a zeng pawh a ni si lo.

Kha naupang kha engtinnge nge a seilen zel tak ang le?

Kuhva a siamsa chu min pek pahin 'a chhungah kan lut ve angem?' a rawn ti a.

"Ngai lo e," tih zawng chu ka chhanna.

Mi zawng zawng chuan min en țhup ni hian ka hre tawh mai, 'nangmah vanga thi a ni' tih melh chuan min melh vek mai hian ka hre tlat a, ka kun a, ka dakchhuak a.. Chuti reng reng chuan bet lo zetin ka awm reng a.

Vuina hunserh a zo chiah chu ka dinghluai a, kal mai ka duh. Ka ti tak tak.

"Tinge?" tiin min rawn dinhnaih thuai a.

"Haw ila.."

"Tinge, a van laklawh awm ve. Thlate han la zo sela" a ti a.

"Lo nghak mai rawh, ka lo va kal ang" ka ti ringawt a. Ka awmthei tawh lo a ni ber mai.

Kuang an rawn zawnchhuak lai chu a va melh zawk a,  "Kal mai ila nih leh" tih pah chuan hma a hruai zui mai a, muangchang chuan kan tawlhliam san ta a.

Ka te chem chem nge ka vang hluai hluai zawk ni. Engtin emaw ka awmdan ber pawh hi ka hrethiam teh nuaih tawh lo ka ti.

Khuma ka thawmhnaw thehthlak pah chuan "Engtinnge kha thihnaah khan kan kal theih?" tih zawhna chu ka nupui chu ka zawt nghal a.

"Intifel phawt ila..muangchangin ka hrilh ang che..Thingpuite kan siam phawt ang, ka ril a țam deuh a" tihpah chuan kekawrbul min pe zui zat a.

Ka inbel zo ta. Khumah chuan Zawng kahthlak ang der chuan ka let a. Ka zawi hle bawk a ni.

Thingpui leh chhang chu a rawn chawilut a, "Țhu lawk la thingpui inchhung chu" tihpah chuan ka malah chuan a rawn hmet a.

“I ngaihdan chu a ni chiah lo mai thei a..” a tih chuan phawk fe hian ka melh a. Ka hlauthawng zo vek tawhin ka hria.

“Eng chu?”

“I fanu kha kan enkawl turin ka tifel!!” Ehe…Engnge awmzia? Ngatinge chuti chuan ka nupui hian a tih a?

“Ka rawn duh ta lo che a, ka thiamloh a ni. Min hrethiam dawn nia” a ti zui a. Chutiang ngaihtuahna aimah chuan mak ka ti zawk. Ka chhungte pawn engtinnge nge an ngaih ang. Engtia min khawsakpui nge maw a tum le?

“Ka nu ten..” ka tih lai chu a rawn pawtchat thuai a, “Ka nu leh pa te nena kan relho a nia..” ala ti zui ta dah a, chhan mai ngaihna pawh ka hre lo. Min lehkhalh vek bawk si.

Mak ti zet chuan ka en reng ringawt a. “I hlimna ka duh ber alawm” tih pah chuan ka lu chu a rawn chul a.

“Kuri nen kumthar lamah an an awmdun mai ang chu..” a ti a.

Ka kuah a, ka fawp. Nia, ka fawp vawng vawng.  Chutiang chuan ka ti lo thei lo alawm. Chu aia nasa chuan lanchhuahtir ngaihna ka hre bawk si lo. Ka hnuk a ulh rum rum hialin ka hria.

“Engtinnge i tih theih?”

“A chanchin min hrilh hnu khan ka zawngchhuak a, a tirah tak phei chuan chutianga adoption anga kalpui tum pawh ka ni bik lo. Mahse an chhungkaw in enkawl dan ka hmuh khan ka rilru ka thlak ta a, Jail-ah a nu ka zu tlawh a, i nupui ka nih thu ka sawi chuan min lawm vak lo niin ka hria. Mahse puitling zawk na na na chuan thil awmdan ka han sawi chuan a dawngsawng thiam mai a.”

“Jail-ah te i lo zu kal amaw?”

“Umh.. Ka pa nen pawh kan kal” tak deuh deuh chuan leh!

“A hriselna a țha vak lova, amah pawhin a dinhmun a țha vak lo tih a inhria, a beidawn ruk thu te pawh min hrilh nghe nghe a sin. Damdawi te ka theih ang angin ka ken sak a, Mahse Malaria a lo vei leh bawk nen enkawlna Jail-ah a țha si lo, a chhiatpui hman ta tho a nih kha. A fanu enkawl kan duhthu ka sawi chuan a hrethiam lo viau a, a thin a rim hialin ka hria, mahse thilawmzia leh enkawlna a dawn ka hmuhdan te ka sawi takah chuan a nem ve ta deuh a.

Ka pa nen khunkhan takin an sawi dun leh bawk a, amah a taksa a chaklo ve tial tial bawk nen a duh reng vang pawh nilovin thutlukna a siam lo thei ta lova. I kuta a seilen chu a duhber thu pawh a sawi nghe nghe a sin.

A ngai thei lutuk che, engahmah demna tur che a hriatloh thu damdawiin khuma a awmlai pawh khan min hrilh nghe nghe asin.

Damdawiina a awmlai chuan a chhungte nen pawh kan indawr zawm kha a nia, a hringtu nu berin a rem ti bawk a, anni pawhin harsatna min siamsak tak silovah chuan ka pa khan Adoption chung chang chu a buaipui zui nghal a, nimin piah khan kan tifel zo chiah a, amah pawh hian a nghak hram hram niberin ka hria.

Nu leh pa fel tak kan nei hi kan vannei hle a ni. A chang chuan ka tibuai lutuk ni te hian ka hre țhin a, ka inthlahrung deuh țhin” a ti zawm zat a.

Engmah sawi tur ka nei lo. Ka ngawi veng veng ringawt.

“Harsatna a awm loh hram ka beisei” a tih zawm leh a.

“Ka hmangaih che” tih pah chuan ka kuah a. Lungawi tih hriat zet chuan ka awmah chuan a bei hle hle a.

A nu a boral ațang karkhat hnuah chuan Naute thar kan nei leh ta. A sikul kaina a hlat deuh tak vang chuan ka hna kal tur ka kal hma deuh a, ka thlah kual nghal mai zel a. Hotuten Bike te min lo laksak thliam mai bawk sia. Hawlam erawh chu Bus a hawdan tur uluk fein kan inzirtir bawk a, a rawn bo ngai bik em lo e.

Chhungkaw pangai ang takin kan awm leh ta, naupang kan nei leh ta bawk si a. Inchhung pawh a khawharthlak loh țan viau. Ka nu mawlhin nuam a ti. Inkhawm kalpui tur te, mutpui tur te a nei tawh a, kan naute thar pawh kan buaipui chang ve meuh lo. Rilru a tihlim tak zet a ni.

Kumtawp lamah chuan Kuri lam turin kan inbuatsaih a, kan chhung chuan kal kan tum a, kan inbuatsaih ve nasa mai.

Zin chhuak khat ve tak ka pa thleng chuan kan phur tlang a, innghak indah tur pawh kan inhmu zo dawn lo a ang viau mai.

Hna pawh kaltluang, chhungkaw boruak nuam bawk. Nupa in kar 'nuam over' bawk si. Nun hi a va'n thlakhlelhawmin a va nuam veng veng tak em.

Chhungkaw țobul fuh, in enkawlna țha hi leia vanram kan temlawkna leh kan hmuhtheih a lo ni reng a ni tih ka hriatchian phah hle mai. Chhungkaw din ve tur zawng zawng ten engnge chhungkaw tan kan tih theih tih hi ngaihtuah teh ang u.

Mipa nih vanga inlak pa tum em em ringawt te, inchhunga tawng pawng inlâkmûk ve hle ringawt te hi a sawngsawhlawt teh chiam lo.

Hmeichhia pawh bak hler mai, țeu hlar thei reng te, phun reng chunga chet te, sawisel tur hriatreng mai te hi inchhung boruak tinuamlotu a ni tih hriat a țha.

Engkim hi kan duhdan vekin a thleng theilova, mi duhdan zawng zawng pawh kan puitlin zo vek bik lo a ni tih hi pawm thiam tur. A dik famkim ber ang hrima kan khawsak hian midang tan sual leh ninawm mai kan ni tih hriat a țha.

Mi famkim lohna te hi pawmchin nei ila, chu chuan lungawilohna tam zawk hi a sukiang ngei ang. Tichuan chhungkaw hlim tak kan nih theih ngei ka ring tlat a ni.

Kuri awmna lam pan chuan thlasik nisa vawl vawl mai hnuaiah chuan Lengpui Airport ațang chuan phur takin kan thlawk chhuak ta a...

                  A tawp ta...

©________[ɐʞızɹɐp]________®