MISSION - I

___________                     ___________

                        ɯıssıou

        *By : P.C Malsawmzuala*

                       CHAPTER

                             - I -

[Tun țum chu thuhma neih a ngai tlat mai. Hetiang lam hawi thawnthu (MISSION-I) hi pawl 6/7 emaw kan nih lai khan bu lianpui mai, a kawm pawh awm tawh lo, Cyclostyle-a her emaw ni ta kha ni ka chhiar a, ka rilru-ah hian a rawn lang leh țhin a, chumi behchhan chuan he thawnthu hi ka ziak thawr mai a nih tak hi.

Kha thawnthu kha thilthleng tak tak a ni em tih fiahna ka neilo tlukzetin a ziaktu leh a bu hming takngial pawh ka hre ta lo kha a nia, thil țul lo tak ka haichhuak emaw a lo nih chuan min ngaidam theitu chuan min ngaidam hram se ka duh viau.]

  

Police lubâwk mai mai min han tifo hi chu tha a na ve deuh țhin. Police pawh ni lo, thawhchhuah pawh nei mumal lo, lubawk satliah ve ringawt an tam vei nen chuan.

Pawl sawmpahnih exam dawn ruaiah Hostel ațangin ka tlanchhuak a, chhungten min tih ngaihna vak pawh an hre tawh lo. Chetmaksak duh hrim hrim tih takah exam tur pawha min beisei loh laiin runluihna ti niawm fahranin kimbiaiin ka exam pek a! Ka exam tih pawh an hre lovang, a hrilh pawh ka hrilh bik chuang lo.

Result chhuah ni-ah pawh ka danglam eih lo! Ka fail chu ka ring hauh lova, țha taka ka pass pawh ka ring chuang lem lo. Țhiante nen kan rui nileng a ni ber mai e.

Ruih reh tawh lamah ka haw ve chhar chhar a, ka nu chu a lo ân leh hluk hluk ka rin vei nen ngawireng chuan min lo en kur a, ka pa chuan țhutkhawmna pindanah lehkha a chhiar bawk a.

Ka pindan lam chu ngawirengin ka pan a, ka inphelh sawk sawk a, towel veng țat chung chuan inbual turin bualin lam ka pansan leh nghal daih a, ka result hi engmah an hre bik lo a ni chêk ang. Exam lovah min ngai dawn si a, an ngaihven chai lovang.

Ka inbual zawh chuan eirawng an la bawl chauh sia tiin chhuah leh mai ka tum a, ka pa chuan min lo au vei dût a.

"Khawnge i kal dawn.."

"Tekima te inah ka han kal lawk"

"Engnge nia, a pawimawh viau lemloh chuan chhuak rih lo la, i u tehovin chaw an rawn  ei dawn a, lo chhuahbo daih chu a fuh lo maithei"

"Aw ka rei lovang, thil ka han zawt lawk" tiin ka chhuahsan ta thova.

Tekima chu ka țhian kawm ve deuh, kohhrana a inhman vanga ka kawm tâk lutuk loh hi a ni a, a fel viau. Keini angin ruihhlo te a khawih ve lem lova, tlangval fel tiin an la sawi ang chu.

An in ka han thleng chu a lo ding hluai a, "Bro, i ti țha lutuk, i exam lo an ti emaw ka lo tia.." min chibai pah chuan a lo ti a.

"E, ka pass elo?" ka ti hêl hâwl a.

"I hre nange, timak thei e bro chu. Khawnge nu result bu kha?" tihpahin an dawhkan vel chu a zawngkual ruai a.

"I pa khan pindan lamah a kenglutin ka hria"

Pindanah chuan lutin result bu pawdal raih mai hi a rawn lek chhuak a, dawhkanah chuan pharhin kan han keu dun ngial a.

Kan school hming hnuaia passed ho list chu kan han en thla dan dan a, Panganaah ka awm, first division a pass zingah a hnuaiberah ka awm phak tlat lawi si!! 

Kan rikhlut hnu chuan kan inlam panin ka chhuk thla leh ta a, first division em em a ka passed chu ka inringhlel rum rum mai dawn alawm le. Lo awm țha deuh ni ila Distinction te chu ka phak var var tur hi nia, mahse a ho emai tih tawhloh lam ngaihtuah zawng.

In ka thleng thla chu kan makpa te pawh an lo awm tawh a, min lo chibai liam liam a, chu ber ai chuan chawei hmaa lem sek tur a ngai a ni.

Chhung inkhawmte kan hman hnu chuan kan upa ber pasal nen chuan ka pindan lamah kan fianrial dun ta kha a nia.

Ruih hrat viau e tilo chuan Table Tennis hi ka khel nasa ve a, School games-ah te pawh ka lo champion ve fo tawh. State aiawhin vawikhat chu ka chhuak ve tawh bawk a, ka dicipline vangin koh nawn erawh ka ni lem lo. 

Chutiang chu a ni ka hringnun bullam chu.

College te chu ka'n han chuangkai ve bawk tak a, engnge kan zir pawh ka hriat loh nî a tam zawk mah awm e. 

Kan zu inpui țhin pakhat chuan Police an la dawn a tih vangin kan bulah a awm țha duh ta lova, exercise la in inlak fit a tum hi a lo ni awm a, in contri puitur kan nei lo ta fo mai a, duh ang paw'n kan regu thei ta lo.

Chutianga a thla a thla kan han vei meuh chuan chaweite pawh a lo tui chhova, taksa a mam ve leh țan ta deuh a, Table Tennis khelh ka țan chho leh ta a, pianpui fit an tih ang chi hi ka nih ve deuh hrim hrim vang chuan karhnih/khat regular taka ka khelh chuan ka fit thawkhat viau tawhin ka hria. Lem zeuh țhin lo phei ila chuan..

Kan police țan tumpa chuan an tlan dawn niah chuan 'min hruai rawh, ke ka nei ve silo' a ti teh tlat pek a, College pawh kal lo chuan ka hruai ta kha a nia, khua a lum si, field sir a mi tlan luai luai lo en chu ninawm lamah a kal zawk mah a ni.

Ka țhiana tlan hun a thlen dawn chuan ka bulah bag dahin a chhuak phei ve ta a, engnge ka ngaihtuah pawh ka hrelo bag chu ka dah țha sawk sawk a, ka'n chhuak phei ve ngawt pek a! T-shirt nghawng nei leh jeans ka la ha zui a. Ka va tlan ve chhin teh ang a ninawm emai.

Chutia tlan tur zinga ka va ding ve ngawt chu Duty pakhat chuan min rawn pan vat a, "Kekawrbul i nei lo mi?" min rawn vin fahran pek a!

Ka Loaffers bun chu phelhin ka kekawr haklai chu ngawirengin ka hlip thla a, kei a boxer ha ve ngai lo ta chu kekawrte nen uluk fe chuan ka'n ding țha leh pek a! Field ko a mi ho chuan min lo au hluah hluah bawk nen, zah chu sawiloh nuam ka ti ta vei phian a!

Ka țhianpa khan min zahpui deuh nge ni a sir lehlam ațang khan min rawn pan nal nal a, a kekawrbul chu phelhin min pek a tum a, ani zawng boxer te a ha vei țat a, ka laksak duh ta lo mai, 'ti hian a thawveng' te ka lo tih sak ta vel mai mai, fiamthu ka thawh leh pek ni a a hriat vang chuan min ngaihven zui ta bik lo.

100mtr -ah chuan ka tlanpui te chuan min um hul hul ringawt! Pakhatna ka ni chiang kher mai.

Arsi pakhat bel hian min lo hui zoh zoh a, keilah chuan kekawr ka halo tih ka lo theihnghilh leh pek a ka'n pan phei ve leh chawr mai a, "Pu Rozuala fapa i ni em?" hi min lo tia, "Aw ni e," ka ti ve mai a. Constable pakhat chu ka thawmhnaw, kan tlan țanna bul a mi kha a va laktir ngeiah!

A tu chu nge maw ni dawn le.

Ka inhak fel hnu chuan an puanin kaihchawpah chuan min hruailut a, ka hming min zawt a, document awm vum thur mai chu ngawirengin a hai mial mial a, "I hming pawh a awm loh hi, lo zawng ve teh" a ti hlawl a.

"E, ka hming i zawng a ni maw, ka submit ve hleinem, ka țhianpa ka lo kalpui a, ka tlan ve mai mai a nih kha" ka ti ta lek sia.

"I va ho e aw, chu'ng te chu sawi ta che.."

"Min zawt si lo alawm" ka lo ti ve mai a, a nui ringawt.

"I document han la rawh,"

"Tih ve kher pawh ka tum hleinem.."

"Han kal mai mai rawh, a hunlai hi bawhpelh loh a țha"

"Ka tlin dawn chianloh chuan ka peih lo" ka ti tlat a.

"Khawmaw i pa phone number han sawi teh" ka hrilh ve mai a, a phone chu a beng nen chuan a chuktuah ta chut a.

"E, Pu Zual, Rinawma ka nia, hei i fapa hi kan Police lakna turah document pawh keng lovin a rawn tlan ve ngawt a nia, kan dah lut dawn nge engtinnge ni dawn?"  a ti a.

Ka pa chhanna chu hre chak viau mah ila ka hrephak mang bawk silova, an inpawh ve viau a niang fiamthuin an in kap zurh zurh mai ka ti.

"I han lak ngei chu a ngai ang" a ti ta a.

"Thlalak te pawh engmah ka nei ve hleinem" ka la ti țalh a.

"Naktukah ilo keng mai dawn nia, min rawn hmu hmasa la. I pa i chhûn ropui si" a ti a.

"Ka pa țhianpa a mi i nih a?"

"Niang chu maw a.. "

Chutiang thuartham vel chu police-a ka luh chhoh dan a ni leh a, duhsakna hmanga lut chho ve mai ka ni. Han inchhuanga in vaivung teh chiam tur ka awm lem lo.

'Contri puitur zawng dûk dûk lovin mahni hlawh hmangin ka la ve thei tawh ang a' tih bak han dream teh chiam ka neih pawh ka hre lo.

PTC lamah kan in pulut ve ta kha a nia, ka fit em em ringawt mai a ni. Zu inturin ka tlanchhuak ve peih bawk silova, ka inkhelh tam phaha a țha phian mai. Training lai hi chu sawi vak tur pawh ka hre lo. Pakhat erawh kan zep hram ange.

Thlathum vel kan awm tawh tihah vawikhat chu zu an thuhruk la-ah min puh pek a, min puhtu chauh kha chu nise ka hlau bik hauh lo, mahse a țhiante pahnih nen an nih vang chuan ka tan chetlak vak theih a ni lo. Vawihnih khat chu min piai liam liam kha maw.

Passing out parade zovin kan chhuah hun kan lo thleng ve ta reng mai a, Ka pa leh kan makpa in min rawn hruai a, ka insiamfel hnu chuan kan tlan chhuak ta a. Ka rilrua thi thei hauh lo chu ka hlenchhuak khawp ang le.

PTC compound chin kan pel chiah, gate pawnlamah chuan ka pa motor khalh chu ka din tir a, 'Mi nghak lawk ang' ka tih vang chuan phur lo zetin a ding ve mai a.

A hnu deuhah zu ru a min puhtupa chu a nu niawm tak nen hian Taxi in an lo tlan ve ta a, gate pawnah chuan ka lo phar ding a, a hming a kohin motor ațanga  lo chhuak turin ka ti a. Hriatthiam hmelloh zet chuan "Engnge nia?" tih pahin a lo chhuk ve mai a.

"I zu ru a min puh kha i la hria maw," tih pahin a hmaiah ka’n beng siah maiah!

Ka pa te chuan min lo dawm bet nghal thuai a, ka che zui hman ta lo.

Chutiang vel chu ka ni. Ka tih tawhloh chinah chuan luhlul leh sehhel ve tak mai hi ka nia..

Aizawl SP hnuaiah eng emaw chen chu ka'n awm ve ren rawn a, zu ka in hauh lo chu ka chhungte chuan mak an ti ngang mai. Châkna em em pawh ka nei hran lo. Inkhelh ka hrat hle a ni mai e. 

Pu Rinawma, police a min thuntu te nen pawh khan kan awmho hman, a fel kher mai. Țawngthu chhe lovah ka pa hi lo boral ta se ani tluka ka tan pa chan han chang zo tur hi ka hmuhbik kher pawh ka ring lo hial. Chutiang khawpa ka tan a mi hlu chu a ni. 

Mahse, reitak kan awmho hman lo, thlaruk vel bawr chu kan awm tain ka hria, District capital pakhatah OC turin an dah chhuak leh mai kha a nia, ka tan chuan chânna a tling chu a ni ber mai.

Hun a liam a, All Mizoram Police meet-ah te pawh Table Tennis Champion hial ka ni phak ta! Office lamah pawh ka tlatlum viau mai. 

Krismas dawn hnaih hian tukkhat chu Pu Rinawma chu a lo lang hlawl mai a, ka pa nen chuan an rihlut a, a duhlo chung chu chaweiah an chelh lui a, țang țung chungin a țhu ve ta thova.

"Englo a nia Mala ka lo kalchhan chu, i pa nen pawh kan lo sawidun tawh a, ka bula awmah ka duh deuh che a, a chhan chu kan OC hmasa khan pending a lo ngah deuh hleka chumi min bawzui puitur chuan ka mamawh che a ni, sipai han rintlak tur midang an awm bawk silova"

"Nangin i tih te chuan kan kal anga nimai lawm" ka tih chuan a nui vur vur a.

"Vawiin lamah SP te rawn hmuh ka tum ang a, kumthar lama posting tifel turin, i chhungte chawm an ngai chuang lova i inkhawlna remchang a ni mai. Kan quarter min zawm ve mai anga"

"I awmloh hnuah hian kan la awm vung vung ange.." nui chung chuan ka ti a.

"Awm lovang, ka hre bik lo le. Service tir inla nia, awmchhuah hma kha intan a țha zawk tho alawm" min tihsak a.

Chawhnu dar 3 velah SP-in min rawn koh chat mai a, ka va inkhengkhawng dawn chu a ni awm phawt mai.

"Insawn chhuah i dil a mi Mala?"

"Sir, dil love"

"I dil a niang nichinah OC pakhatin a rawn sawi a.." a ti khur khur a.

"A.. Sir, Pu Rinawma a nih ka ring a, amah kha ka pa anga ka en a nia, a bula awm turin min duh a niang, keimah chuan ka dil hran lo, tukinah kha chuan ka bulah pawh a sawi tak kha mawle.."

"Helai hi hrehawm i ti em?"

"Ti love sir, nuam ka ti khawp mai"

"Chuti a nih chuan ka sawn lovang che, i kal thei e."

Chu zawng chu.

A tukah chuan SP bawkin min koh leh a, ka va lut chu Pa Rinawma nen chuan an lo awm dun a, insawn chungchang bawk chu an lo sawidun chu niin.

A tawpa an thutlukna chu attached-a min awm tir chu a ni. Transfer tawp chu SP in a phalbik tlat lo. Ka tan chuan a lawmawm viau. Pu te ui han nih ve kha a hlu hi ka tia.

Chhuak ta mai bik lo chuan hna chungchang chu kan sawi zui a, Pa  Rinawma chuan, "Case pending khi a awm nual sia, keimahni mi leh sa ngei bo ringawt te, tualthah case neuh neuh a awm ve bawk nen, khilama kan naute ho khi an țawk hlir hler hlawm bawk si a, han hnuhkual dawt dawt dawl zo tur hi an awm meuh hlawm lova, chuvanga helaia hriatchiansa rawn beisei deuh chu ka nia" a tih chuan kan pu ber pawh chu a lo bu nghat nghat a.

"Ka duh dan tak phei chuan CID tihdan ang deuh hian uniform pawh halovin civil angin rawn awm mai sela, kan awlsam phah zawk angem aw te ka lo tia" a ti zui leh a.

"Khalam kha chu i thuneihna ni rawh se, remchang leh țhazawka nia inhriat ang khan kal mawp phawt ula, hna a chak zawk theih nan" tiin kan pu chuan min thlah kha a nia.

Krismas te kan han hmang liam a, January thla chu SP bulah ka la awm a, February thlabulah chuan Pa Rinawma bial lamah chuan Joining report ka han pe ve ta kha a nia, staff-ho pawhin an hriat vak ka ring lo, Dealing Assistant erawh chu hre lo thei a nilova, midang chuan an hre kher lovang.

Hna hmasa ber tur chu hmalak dan tur a vang khawp mai, police pakhat, station bul maia quarter luah, khuangcher bo hmiah mai chu kan bulțanna tur a ni.

Amah a bona lah chu kumkhat lai a vei tawh lehnghal a, pa Rinawma pawh hi a ti mah mah ve deuh emawni ka ti.

Bulțan dan tur ber pawh ka hre lo, ani lah kei ai aiin a bo zawk leh ta nghal a, 'i kutah ka dah' a ti fel at mai leh nghal a, mangan thlak zawk hian..

Zu in a in lêt tawh khawpa tal nasa ve tak, hawloh zeuh zeuh leh, office lama riah mai mai ching, in loha pangai thei lo tih khawp a bei nasa ve a nih hmel a. A case kan han en țhin a, a bo tawp mai ni. A case buaipuitute chuan hnuhma țha mi hnutchhiah tur eih pawh an nei lo. Khawtlangin ni sarih an zawnga an hmulo tih zawng a ni mai. Rinhlelh man emaw takngial pawh an nei hauh lo, a bul ret ațanga țan a ngai dawn nih chu.

A bo zan lah hi a duty loh zan a ni leh nghal a, lu a hai viau mai.

Zanthum ka riahnaah chuan hmalak dan tur ngaihtuah chhuah ka nei ta a, hun erawh a duh deuh mai thei. Pa Rinawma chu ka han hrilh a, "I kuta awm a ni, i thu thu" tiin phalna min pe a, chutiang tur chuan ka inbuatsaih țan ta nghal a.

Chawhnu dar 3 velah chuan Quarter pakhat kawngka chu ka va kik ta kauh kauh a.

                   

                      CHAPTER

                             - II -

Nu, la vailai tak, kum 40 a kai paw'n a tlingawrh chauh ang tih tur hian kawngka chu a lo hawng a, "Ka pi ka lo thleng thei angem?" ka ti chawt a.

Mak tih hmel zet chuan min han thlek vang vang a, min hlau deuh emawni hial chu le.

"Lo lut phawt teh, khawi lam mi nge i nih a?" a ti a.

"Aizawl lam ațanga lo chho ka nia"

"Engti turin nge, zin mai mai a mi?"

"Aw ni deuh ber mai, inhlawhna tur zawnga lo chho ka ni ber ang chu"

"Aizawlah a tam zawk daih awm sia inhlawhna turte chu.."

"Tam tho.. Mahse, inluah mante a sang ve zel a, khawsak a harsa bawk sia"

Nu khirh tak chu a ni ve awm phawt mai. A awm ve viau tho,  tlangval chêr ria lam, sambuk chhir chher han hmachhawn chuan rinna aiin rinlohna lam a chak zawk ngeiin keipawh ka ring e. 

Ka thleng theilo che han tih ngawt chu a hreh ve a niang, ka bag vel chu țhutmuanna pindan zau lem lo tak kilkhatah chuan min dahtir a, a ngaih erawh a ngam zân lo tih a lang reng mai.

"Nu leh pa ila nei em?" a ti a.

"Nei lo, ka pu te bulah ka awm țhin a, an khawsak a harsa ve bawk sia, mahni in enkawl ve theih beiseiin tihian ka vakchhuak tawp a.."

"A nih tak chu, khalai kha bualin a nia, pawnah sawn tuizem lian a mi tui lo va inkhai chawp mai rawh aw. Tui pawh ka la dah hman lo" a ti zui a.

Tui chu khaiin ka inbual ta phar phar a.

An quarter awmna lai hi Police Thana ațanga tlak lamah Lane hnuaiber a awm an ni a, Concrete chu a ni ve tak nain Contractor duhâm ve tak sak a ni ngei ang. 

An quarter ațanga inhnaiber chu an kawmchhak hlam sawmhnih vel zeta hla turah hian a awm a, a fianral țha phian ti ila kan sawisual awm love.

Ka lo hriat ruak tawh angin ka thlenin nu chu kum 40 lo liam chu a ni hauh lovang, hâng ngaihno bei an tih ang chi hi a ni a, hmaifang țha zet, tlema hmai hlai lam deuh a ni. Han ngo tuihnai deuh pheise chuan  zathum khawnufa al tham tur hi a niin ka hria. Mahse, amah a langsar lo reuh riau a!

Sa nghet țha tlet tlawt, thauchhia ti a sawitur nei hauhlo a ni, incheina pawh a uluk hmel thlerh thlawrh khawpin ka hria.

Fa, sikul kai țan tir hmeichhe naupang a nei a, an nufa chuan an pa boral/bo hnuah pawh pute khawngaihnain quarter-ah chuan an la awm zui ta zel a ni.

Ka inbual zawh chuan bualina chhûnbél lian an hunah chuan pawnlam tui chu ka khai khat nghal vek a, a gas stove tihfai lai chu a fanu sikul bang lo haw a buaipui hlanin ka lo chhunzawm sak bawk a, bulțan nan chuan a țha khat viauin ka hria.

A fanu lah chuan min nêl phian lehnghal a, a nu tan chuan mi han en mihran viau reng theih pawh a ni ngut a nge maw le.

Zanah chuan an kawtzawl kina vawkchaw chhumna an siamah chuan Vawkchaw chhum chu ka vil a, a fanu a mutpui ta niin ka hria.

Dar 8:30 velah chuan a lo chhuak a, |inah favai hi a rawn khai chhuak bawk a, "A hmin hmel tawh em?"

"Hmin tawh chuan ka hria" ka lo ti ve mai a.

Favai chu thlakin ka han chawk hauh hauh a. A chiar khat ta tihah chuan kan suan ta a. Luh mai pawh tumlo chuan khua a la vawt deuh bawk nen meilum chu aiin kan ti ti dun ta reng a.

"I pasal hi a boral tawh tihna mi, inchhungah khan thlalak tar awm tak ka hmuin ka hria" ka tih chuan a kun ran a.

"Umh, kumkhat leh thla 2 vel bawr chu a ni ve leh tawh ang" a ti sap a.

"A nih tak chu, naupang tea pasal sûn chu a hrehawm viauin ka ring, nangni ang kumah pheichuan inthlakhlelh hun vanglai a ni dawn bawk sia" ka ti ve ngial a.

"A hrehawm tih piahlam a ni. Keini pheichu lusûn pangai ang pawh kan bawk si lova..."

"Engatinge, in ințhen zawk tihna mi?"

"Ințhen love, a bo tawp a ni ber ang chu. A tlai lengchhuak a rawn haw lo hlen ta a nih hi.." ngaihtuah kal ding tih hriatreng chuan meialh chu a thlek veng veng a, ka khawngaih viau mai.

"A nih tak chu mawle, a chin hriat loh pawh nise, a ruangtal hlawm tur awmlo chu a mak hle mai a!"

"A chang hi chuan a lo haw leh mai ring hian beiseina ka nei țhin a, a chang leh khawilai emawa thi bo ta ni te hian ka ngaihtuah a, beiseina bo thei silo, beisei chhuah tur awm thei bawk si lo.. " a ti chuai raih a.

Han hnem ngaihna vak pawh ka hre lo. Ngawihreng dawna ni thei chiah bawk silo, sawitur em em hre chuang bawk si lo chuan a ríl ber ang hrimin 'ka van ruai' a ni ber e.

"A chhungte hian an rawn ngaihsak che em?" 

"Ngaihsak em em hran lo, a pension te kha an rawn beisei deuh a, mahse nomination-ah khan keimah min lo dah bawk sia, inchuh buai theih hek loh. Kan awm ve tih pawh an hre tawh lovang, kan pa thlan siam hunah te chuan kan la in hrilh ve ang chu" a ti duh ta chauh a.

"A felfai zawk ang, hmundang ațanga rorel an awm hian a buaithlak țhin a nia"

"Nia, tihian kan nufa te hian kan awm thei ve khawp mai, ka nu te lam hian min rawn pur bik em em bawk silova, a tir kha chuan ka nuin min rawn awmpui a, mahse a theih reng bik silova"

"Khawiah i nute chu an awm a?"

"Aizawlah an awm an ni chu, an buai ve sia anni pawh mi hi an tlawh țha hman meuh tawh lo."

"A nih chu mawle, tinge Aizawl lamah chuan i awmthlak ve mai loh a?"

"Chhungte hi chuan an sawi khat tawk reng a, tunah rih chuan a harsa ka la ti deuh a ni. A awmte pawh kan la awm thla ang chu hun te hi han vei deuh se.."

"A ni ve tho mai inboruak tawn nena ngaihtuah chuan.."

Rin aitaka inpawhin kan ti ti dun a, ka chanchin min zawtthui lo hlauh chu ka lawm viau a ni.

Țhutkhawmna pindan lian vak lo tak maiah chuan kilkhatah ka mutna tur a siam sat sat a. Ngaihtuahna phirkak țuai chungin tuitakin ka muhil ta thova.

A tuk, tukțhuan eikhamah chuan inhlawhna zawng tur chuan ka teichhuak ta a, eng ang tak chuan min ngai ang maw!?

Pa Rinawma quarter-ah ka han tawm nileng a ni ber mai. Kan ruahmanna neihsa anga kal a remchan hmel thu ka hrilh chuan ani pawh chuan 'a țhat chu' min tih sak mai a.

Dar 3:00 pelh mahah chuan ka haw thla a,  thlenin nu chuan chhuat a lo nawt hauh hauh a, "E i lo haw thei maw?" a lo ti a.

Hna a van thu leh insa lai te pawhin chhawrlak lawh an neih thu te ka hrilh luam a, țhianho pawlkhat, mi contract hnuaia khawdanga thawk tur an awm thu te, karleh lama kal an tum thu leh zawm ve mai ka rilruk thute chu ka hrilh bawk a.

An SI pakhat sawi, an puberin eirawngbawltur a duh thu min hrilh te, zan lamah ka han leng chhin dawn mawni ka tih thu te ka sawi luam a. 'Chãng tih zauh te pawh a țha a lawm' a ti ve mai a.

Bualin lama tui khailuta ka buai viau lai chuan a phone a lo ri ral ral a, bengkhawn ru deuh, ngaihven awmlo angtaka lang si chuan ka thil tihlai chu ka chhunzawm reng thova. 

"OC i han hmu dawn mi niang, hei office ațangin an rawn phone a nia"

"Khawi office maw?"

"Kawmchhak khi.. Eirawngbawl tur OC in a duh vel chungchang kha nih hmel, a nauten min rawn bia a"

"E a nih chu, amah han hmuh tur tihna mi?"

"A nih mai loh chuan, han chho rawh a tlai hmain office lamah an awm ang"

"Tunge a hming ni reng reng a OC chu?"

"Pu Rinawma, a fel lutuk.."

Faifuk rut rut chung chuan ka chho ta hnak hnak a, office-ah chuan han lutin ka  inhmu ta ngei a, sawibelh tur vak pheichu kan nei chuang lem hlei lova!

Office ban dawn ruaiah chuan ka chhukthla chauh a, hotunu pawhin eirel a lo peih diam tawh a, "Engnge chanchin?" tiin min lo zawt var a.

"A! A buaithlak deuh dawnin ka hria, zawm chu duh viau mah ila ka thei dawn mawni ka tia, a chhan chu an inah a awm theih dawn lova.." beidawn hmel tak chuan ka ti sap a.

"A nih chu mawle. Lehlang chuan...a!"

"In han luah hrang ve nghal dawn ila engmah ka nei lawi silova.. tih ngaihna a awm rih lo chu a ni ber e."

"Han zawm phawt la, i inkhawl chhungte chu hetah pawh i awm ve nawk nawk rih anga a ni mai alawm" a'n ti chiah mai chu a rukin ka nui ver ver lo thei lo. Beng thleng thlenga bawp khai mai ka nap ka ti!

"Ka ti hautak lutuk ang che u, heta awm ve ngawt zawng. Bakah mihrang ta chu mi hmuhah te pawh mawi lo a awm thei a.." ka'n ti leh a.

"Mi hrang i nih tuma'n an hre hleinem, kan nau ka ti mai dawn che lawm, khilamah chaw i ei anga, hetah i riak dawn niringawt a, chutiang harsatna a tling lo. Inchhungkhura mipa awmlo tawp chu mangan nikhuaah a hrehawm emai. I inkhawl chhung na na na chu inthlahrunna tur a awm lo" a ti zui zat a.

"Chutianga nangin rem i tih chuan ka lawm ngawt ang"  

Chutiang chuan bul ka han țan chho ve nawk nawk kha a nia, experience emaw, zirthiamna han hmachhuan tur pawh ka nei chuang lo. Tihtur min pek avanga ti mai ka ni. Ka hlawhtling ngei ang tih phei chu ka tiam ngam lo chiang.

Zingah police ho roll call rualin ka chhuak chho ve ziah a, rawng han bawlpui changte chu awm ve bawk mahse a tam zawkah chuan ka han awm awl a ni ber mai.

Chhunlamah tihtur a awm em em silova, thlenin nu vawkchaw turte ka zawn sak chang a awm a, Lane-ah leh Bahrikah chawnawi dahna tur ka hûng kual a, a hranpaa vawkchaw zawn vak ngailovin thleninnu pawh ka siam ve thei a, kan innel a, kan inpawh ve sawt viau.

Vawk in pahnih kan sakbelh a, vawkte pathum man tharin panga lai kan enkawl ta. Chawnawi vel a tam tham avang chuan harsatna teh chiam kan nei chuang lo. Hunawlah buhdengkhawl neite faivai a bag in kan lei khawl mai bawk a.

A hlim ve viau chuan ka hria.

A fanu lah chuan thisen zawmpui riakah min ngai emaw tih mai tur khawpin mi a ngaina a, ka tan chuan thil lawmawm tak a ni.

Thlakhat chuang mah chutia kan in chenchilh hnuah chuan ka hriat hauhlohin ka khum tur a lo siamtir hi a lo ni awm a, pakhat mut theihna tawk tur, fel at mai hian chhuata ka mutna țhin laiah chuan kan hung a. Ngaih a ngam sawt ta viau mai.

Engtinnge mi bulah min sawi țhin chu ka hre hauhlo nain nu rilru țha lo leh sual tak a ni lo tawpin ka hria. A țawngtam zawk zawk lova, lênglam mi tak a ni lo bawk, a chevel chu mahni inringzo tak tih a hriat a, nuthlawi zuamawm han tihtur ang eih hian a awm hauh lo.

Chutia kan in chenchilh tak rawtah chuan ka 'mission' chu ka ringhlel ta rum rum mai a, amah rilru kawi pu mi leh khirh a ni si lo. Ka bansan mai dawn emawni tih ka ngaihtuah fo mai.

Lane-ah pawh ka tlangnel ve țan a, ka awmdan chu a nuam phian! Thlabi hlawh la reng bawk, duty leh thildang ngai bawk silo,  Thleninnu tihlawm zawng chu a ni mai. Chu lah thil harsa a awm hauh bawk silo.

Ka hlawh lak ve ang chhun niawmtak Rs 4500/- chu ka thlen innu hnenah chuan ka han pe lut vei thlap a, 'kawl rawh, dahțha rawh' min ti a. A kutah ka'n dahțhat thlap kha.

Mi harh vang leh țhenrual ngaina ka nih vang chuan han len luh ngamna pawh ka ngah ta, chutianga ka ngampa chho ve țan ta tihah chuan kawmchhak maia nuthlawi tharlam, um ve zuai kan tih ang chi hian mi lo hmutai viau hi a ni awm a. Ka 'mission' nen a inti buai thei thil ni a ka hriat vang chuan hre reng chungin ka uksak țha duh vak lova, ka țang rei thei ngut ange mawle!

Zanah an inah chuan carrom board kan pen țhin a, in leng chu an nei thei dar dar viau. An chhungkua mizia hian midang a dâwl zo ve hrim hrim niin ka hria, nu ber leh pa ber thlengin mi chhawnchhaih kawngah pawh neu lo ve tak an ni. 

An fanu lah chu thlawi zuai mah nise fanu mal tih takah an duat thiam vei phian a, an chhungkaw nunphung chu a lang maiah chuan awhawm tak an ni. An hlim thei bawk si.

Zankhat chu ruah a hmî seng seng a, chhuah loh ka tum zet nain han mut teh tawp chu a ho ka ti ve deuh sia kawmchhaklamah bawk chuan ka chhuak chho leh a, an lo ri laih laih tawh ang chu tihnaklaiin an lo reh deuh țhiap a.

Kawngka pawh kik lem lo chuan ka lut tawp a, Asawmi chuan thleng a lo sil rak rak a. Ka thawm pawh a hre lo a ni ngei ang.

Leggins leh tawnzau chauh ha hian a lo dingtlawn zuah mai a, a bengah chuan earphone a lo vuah chu niin, ka thawm han hrezia pawh a ni lo. Hla a ngaithla a ni ngei ang.

Mipa, police râwpna an sawi a kara ruitheihthil nena inchiahbuai hauh lo tan chuan țha pelh ngawt chu harsa ve tak mai hi a nia aw.

Kuthnathawk ngai lo tihtakah a no surh mai bawk si, a thau lek lek em aw chu ka ti. Mahse, chu aichuan tlemin han cher deuh se ka ti chuang hauh si lo. A mawngbawr chhah leh kawhlah mai chuan mipa ka nihzia min hrilh nawn awn awn asin!

An chawei dawhkan ngheng meuh chuan ka hmaa thilsiam mawitak, a phianphungah reng mipa lêm tur tih hriat tak maia duan, lungphu thawk leh khata thlak danglam thei khawpa a bik taka duan nu chu ka thlir reng a.

Dawhtheihna ka va tlachham teh lul em ve mawle!

En maia duhkhawp ta lo chuan ka pan hnai a, han kuah thâwr mai chu duh viau mah ila a kawnghmang lo deuha ka hriat vang chuan a ban bulah chuan ka va piai sak zauh a, rangtaka lo hawiletin min han hmu chu a nui ver ver a.

A earphone chu a hlip thla sawk sawk a, "I lo luh lai ka hre miah lo, ka lo ngaithla tui lutuk a.." tiin a nui pât pât a.

"Lo țhu la" a ti zui a.

"Aih" ka tih chuan maktih hmelzet hian min en a.

"Tinge?"

Ngawireng chuan ka hnaih a, a hnunglam thlawp rem zet mai chuan ka pawm chilh ta chaih mai kha a nia, 'tihian ka duh zawk țhut aichuan' a bengbulah chuan ka ti sa sa a.

"Mi an lo lut ang, bakah ka buai em hi " a'n ti ve bawk a chu min hnar bik lém lo.

A thil sil lai a zawh thleng chuan a hnungah chuan ka lo bei vang vang a, a turtu turna chu na viau mahse ka insum thei hram hram a ni e.

A kut a sil zawhah chuan inhmachhawn ngei maiin duhthawh takin kan in fawp zui mawlh mawlh a.

"Awmțha ang, mi an lo kal ange" a tih hnuchuan an țhutkhawmna pindanah chuan kan insawn ta kha a nia.

"Khawnge i chhungte hi?"

"Ka pa chu a night, ka nu hi Pi Nghaki damlo a kan ni tain ka hria"

"Kan va free ve chu.." ka nui a.

"I ho e a, i board penpui tur an lo thleng țep ang, ka'n inthlak lawk ang aw" a ti a.

"A ngaikher lo e, tikhan i nalh alawm"

"A! A zia lo heti ringawt te chuan, midang an lo kal phei chuan.."

"A ho e..."

"Hm. midang an lo kal dawn lo tih hria ila chu a pawi lo mai thei a. A! A pawi thovang, i insum zo lo palh ang" nui ver ver chung chuan a room lamah chuan a lut zui a.

Luhthuk lutuk hlau lo ila chuan a room lamah chuan ka luhchilh ruak ruakin ka ring. Kawng min daltu mai a nih ka hlauh vang insum hram hram chauh ka ni. He mihring rilru hi chuan harsa a va ti si em!

Ruah lah chu kal kham tur niawm takin a sur tlawrh tlawrh tawh a, ngaihtuahna chu a 'bedroom scene' ruih tawh mai, pawlna dang ka dawng thei meuh lo chu a ni e.

Kekawr thehlep leh t-shirt lian angreng tak mai hi a rawn ha chhuak a, a nalhpui hle mai tih tur em chu ni lo mahse a inhmeh thlup zel tho mai ka ti.

A âwmbawr chu ka lo thlek uluk deuh nge ni, hup pahin 'en char char awihloh' a'n ti zauh a. Nia, a t-shirt hak thawl hek hawk rawn do pawngtu kha dip daltu nei lo a ang em a, chuvanga han thlek uluk deuh chu ka nia, mit a la bawk em a lawm mawle.

Ka bulah chuan țhuin a ti ti zui mawlh mawlh a, a inrinloh lai chuan ka lo fawp thut pek a!

Thil sawina hun a nei meuh lo chu a ni ta ber e. Țhutthleng nghenchhan chu nghentirin a ke dinglam chu ka malah a rawn hlang chhova, duhthawh zet chuan inkuahin ruahsur chu kan ngaithla dun kar a!

Boruak in mûng vut vut mai chu țhelh a hnêkin ka'n vûr belh sauh sauh a, a âwmbawr kawhlah mai chu kawrchhan maia duhtawk lovin ka zenlut ruk ruk a, tisa hau chuan a mi dehdan a va'n dang leh zual si em!

Ramtiam lam pana thlen chin chin kan bawh en duak duak lai chuan veranda lama thawm awm chu kan hai hauh lo. Kan țhu ngil nghal zawt a ni ber mai! 

Huh chuap chunga tlangval pahnih lo lut te chuan min rinhlelh nachang chauh chu an hre ve chêkin ka ring.

Chumi zan ațang chuan Asawmi chuan min intineitu ta viau mai a, mi hmuha mawi lo khawp emaw, mit tikham khawp phei chu a ni lem lova. Ka duhdan chu a va ni lo angreng tak e aw.

Pa Rinawma  chuan a lo hre ve a ni ngei ang, "I thil tih nen chuan thil țhatak a va ni lo em!" min la tihsak zui a.

Asawmi lah a hman ropui mai bawk si. Chhunah te a lo lêng thla mai zel bawk si a, thlen in nu tan pawh han haider reng theih tur chi a ni tawh lo. Rilru a buai viau mai. Ka tihtur a sukuk phah zo ta vek dawn a nih hi.

Thildanglam tak phei chu thlenin nu lakah chuan a thlen lêm pawhin ka hre lo. A nunphungah danglam hmuh tur a awm lova, harsatna engmah min siam chuang bawk si lo. 

Nikhat chu bazar lama a kal hlanin Asawmi a lo leng thla leh pek a!

Ka khumah chuan chêp zet mai hian kan mu dun a, tupa țawngkam takin emaw 'a remchan chuan chesual mai thei kan ni'. Chutiang chuan venthawn awm lo ta chu puanbih te pawh kan lo inhai kian sak nual a. Chutihmek laia thlenin nu lo lut erawh chu sawitur a vang duh khawp mai.

Amah zawk chuan pangai takin min be zawk hlauh a, Asawmi pawh 'i lo leng a ni maw, i va fel ve' te a rawn ti luam a, chesual lai min rawn phâwk chu ni lo mahse hnâr a lian țha duh viau a ni.

Tlaia zanriah kan kil laite pawh chuan  hlauthawng viau mahila amahah thil danglam ka hmu chuang hauh lova, inthlahrun erawh a na sawt emaw tih mai tur a ni.

Zanriah eikhamah pawh chuan dan pangai ang bawkin ka lengchhuak ve leh ta thova, nuam ka ti lo viau. Ka bêt meuh lo chu a ni e.

Zandang aia hma deuh chuan ka haw ta nge nge kha a nia.

Thlenin nu chuan tualah chuan vawk chaw a lo la chawk hauh hauh a, a bulah chuan meilum aiin ka va țhu ren rawn a, eng engemaw sawiin a ti ti mawlh mawlh a.

"Bialnu pawh i nei chhe lo e" a ti zauh a. Ka nui ringawt a.

"Tak tak a Mala, zep lovah chuan Asawmi ber kher chu i tan a țha ka ti vak lo hle mai, mahse i thu thu chu a nia"

"Engatimaw?" 

"An khawsak dan zawng zawng i hre vek a, amah lah fanu mal duat rawn a ni bawk sia, khiti mai khi chuan a huphurhawm ka ti ve deuh. Hnathawh thiam pawh a nei dawn mawni le!" a ti phawng a.

"Mi dang min duhtu ka hmu bawk si lo a lawm" ka ti ve mai a.

"Hm. Awihawm loh e mai a, tlangval țhalai tan engmah huphurhawm a awm lo hrim hrim, vawikhat pian ve mana nuthlawi neih te chu tum reng reng loh tur" a uang hauh lo lehnghal a.

"Mo atan ka duh miah lo a nia" min melh ralh pah chuan a ti a, a nui deuhin ka hria.

"Midang ka hmu lo ka tih chu mawle aw.." ka ti țha leh a.

"A! An tam nuthlawi hrim hrim i duh paw'n. Ani buhthlei takngial pawh thiam lo chu engtinnge i enkawl theih ang?"

"Hm..i thîk a ni chiang!" nuichung chuan ka ti let a. Min en ralh a. Chhanna ka dawnglo.

"Ka sawi dik a ni maw!!" 

"Hm, i ho emai a, ‘nge ka thîk ngawt ang a,"

"Ele, min star a niang chu" ka nui țha a.

"Awi awi awi Lalmal, i va han over reuh tak e aw..." tih pah chuan ka darah chuan a rawn chum taih a.

"Chubak thîk chhan tur dang ka hre miau lo alawm"

"Ka thîk awkawng lo!!" tih paha min rawn chum leh a tum chu a banrêkah ka lo chelh sak a, ka'n hnûk det chu a țhutna a sâng zawk bawk si a, min rawn bawh ti tih a.

A tlutur veng niawm tak chuan a kawngah nghet zetin ka lo kuah thuai a, "i va harh e" tih pah chuan thawh leh mai a tum a, ka kuahna vang chuang tho thei nghal hek lo, a tal deuh bat a.

"Mala, mi’n min hmu ange."

"A ho emai a"

"Khawmaw min thlah teh, i ho emaiii..."

Ka kuahnghet zual sauh a, a tâl tawh lova, sawi pawh a nei ta lo. Ka kuah ang ang chuan a awm ta hle hle a.

A lu chu kuaiherin ka kuah hnai sauh a, amah lah chu a kun ran mai lehnghal a.

A khabeah chuan dawmsakin ka chawi dâk deuh a, a maimitchhing daih! A hmui chu ka kutzungpui chuan ka nul kual den den a, a khur der derin ka hria. A biangah te chuan ka chul sak heuh heuh a, a beng ka khawih neuh neuh lai chuan min rawn kuah thut a. Ka darah chuan a bei zui tlan a.

A inngaihtuah harh hman a niang min kuahna chu lakiangin a tho chhuak ta a. Ngawirengin inchhung lamah chuan a lut zui nghal daih a...

Eng ang takin dawngsawng ang maw, a thin chu a rim bik em lovang chu maw.

Mei ka thawlh fel hnu chuan ka lut zui ve mai a,  a mu nghal a nih ringin mut mai tum chuan khum lam ka pan nghal a, thlenin nu pindan lam chu han thlithlai ka chak tlat mai pek a nih chu mawle!

A kalh em lovang chu maw tiin dimtein ka han nam a, light chu a lo la eng uarh a, tukverh lam hawi chuan a lo ding vang vang a...

'Eng tak chu ngaihtuah ang maw?' ti rilru chung chuan muangchangin ka pan phei a...

                       CHAPTER

                             - III -

A bul ka thlen hma chuan aw ka han thian kharh a, ka lut tur beisei lawk ang hrim chuan muangchangin a rawn hawi let a.

Nui hmel emaw, thinrim hmel pawh hmuh tur a awm hauh lo chu mak ka ti hle mai, tlemin lungngai hmel lam a pu zawk mahin ka hria.

"Eng nge i lo tih dawn?" a ti fel fak a.

"Hm, i duhloh zawnga ka lo awm a nih chuan min hrethiam dawn nia" chu chu ka sawi tum tak ni pawhin ka hre lo. Ka sawi zo vek tawh bawk sia.

Min hre ngai lo niawm fahran chuan ngunthluk fahranin hian min en a, min ti lai lek lek alawm mawle.

"Chutiang thil thleng a awm a nih chuan ka thiamloh a ni ngei ang" a ti ta lawi a. 

Han chhunzawm ngaihna vak hre bik hek lo, 'muttui le' tiin ka chhuahsan ta a.

Thil thlen dan chu muthmunah chuan uluk fe mai hian ka ngaihtuah a, ka tum leh ka duhna rahbi pakhatna chu ka rap ve ta chuan ka hria, mahse ka thilbuaipui mawlh hi a buaipuitu ber pawh hian ka ring lo a chha chu a ni e.

'Duty first' thupuia neitu kan nih miau vang chuan 'i hlawhchham e' min ti a nih loh chuan a tawp kan si ve rat a niang chu. Penkhat pen ațanga beidawn lailet der pawh a dik ber bik lem lova. Hnara khawn ang lawlh kan nih hma chu kan beih mai loh chuan.

A tuka tukțhuan eikhama ka chhuk thlak chuan thildanglam han hriatbelh leh hmuhtur hi a awm lo reng reng. A diktak chuan a nunah danglam hmuh ka inbei ve deuh a sin mawle.

A thawmhnaw sûk chu tlangbanah a lo zar mawlh mawlh a, 'I lo chhuk tlang thei maw!" tiin a lo nui vur vur a.

"I ho emai a.." ka tihsak ringawt a.

Inchhungah chuan kan inzui lut a, "Vawiin inleng i nei dawn em?" a'n ti leh kher a!

"Nei lovang, inleng neih tur zawng zawng phei chu ka hrelawk bik lova.."

"Chuti chu rawng lei ila, bêlbawm hi kan hnawih țha dawn mawni le, a rawng hi a thim bawk sia, a balh hmel emai enkawl a buaithlak" a ti a.

"Ni ang hmiang, hotu ten in tih te chuan keini te chuan 'yes ma'am' a ni vek mai e" ka ti chu a run hmel kher mai. A ner nãng nâng a.

Rawng leitur chuan bazar lampanin ka chhuk thla a, nu pakhat kawngsira bengkang um zuar hi a bekang ka rap thawithuak a niang chu min la ankhum hrep leh ta nghal a! A zia viau lo.

Rawngbur khai chuan ka haw leh ta vang vang kha a nia.

Bêlbawm chu pawnah kan zawn chhuak a, puanchhia a uluk zeta kan hrukfai hnuah rawng hnawih țan chu ka'n tum a, Brush ka lei tel pek lo!

"Mal lianpui ringawt i ngaihtuah a ni maw!?" a lo ti fahran a. 

"Ka va'n kal peih tawh lo tak!" ka ti ringawt a.

"Kal mai mai teh, an tuizem bulah a lo țhulang mai thei a nia" a'n tikherah!

Leichhuah khum chung chuan ka kal leh ta poh kha a nia.

Ka hnawih uluk a ti deuh nge mawni min rawn fiam sek a, "A va mak hliau hliau ve, khita mi emaw i ti ni lo maw" tih mai mai chuan min chhaih sek a.

A changin min rawn hnawihpui lawp lawp bawk a, chutiang chuan kan nileng ve mai.

Tlaiah chuan Pa Rinawma bulah hma ka sawn ve hret hret thu chu ka report a, "A țhat chu, hna a tam si theihtawp chhuahin han ti la, muangchang lutuk lovin" a ti ve mai a.

Chutiang kan nih chhoh meklai chuan All India Police Meet, Goa lama neih turah kal tura min hriattirna lehkha OC, Pa Rinawma chuan a'n lo dawng kawi ve leh a, kalchhuak thei ka nih loh zia chu min sermon khum nghek a, Office pui lamah cancel tir tumin a tlan thla nghal hmak mai bawk si.

Ka va han kal châk kher ve leh e. Mahse, ka hnathawh lai tan hian thil ,ha ber a ni silo. Vanneihthlak takin medal te lo zu la nawlh ila, chanchinbu lamah an tarlang ngei ang a, chu chuan engkim mai hi a ti sukuk zo vek thei a ni tih ka hriatthiam hnu chuan ka châkna lam chu dahțhain ka hnaah chuan ka lungawi thei ta.

Kawmchhak nu thingthlain a aia u deuh zawk leh vun rawng pawh tak țha zawk, pianhmang thlannahawm lo zawk chu ka cheihnum a ngai zawk dawn ta a nih hi.

Lenchhuah chang pawhin remchang ka melh țha duh meuh lova, ka hlat hret hret a ni tih chu mipangai a nih zawngin a hai hauh lovang le. 

Zan khat chu carrom board kan pen lehpek alawm mawle, țhiandangte an țin fel hnuah a tuifal pahnih hi kan la awm a, dar lam ngaihtuah map lo chuan kan ri kauh kauh reng a, kan zova sana kan han bih chian dar 11:00 a lo pel fel der tawh mai a, ka khelh pui pa lah chu a in vaw fai phawrh phawrh a, 'mangțha u' tiin min kalsan zui daih mai lehnghal a.

Ka duh loh deuh nge duh reng zawk, hun remchang a awm ta tlat mai.

"Thingpui inlawk ila" Asawmi chuan a ti ta ngei a, "A tlai tawh e duhaiin" ka ti ve bawk tak a.

"Hm, ho e, ka chhuang a nia" ka chhuanlam ber a hnawl tak si-ah chuan vawnban nei lo ta chu țanchhan dang nei heklo an chawei dawhkan kil chuan chairah ka țhu leh ta ringawt a.

Ani lah chu ka bula țhu țha ta mai lo chuan ka malchungah mi kapkalak zawngin, inpawm lothei lo hian a rawn țhu pek a! Thîrhlûm ringawt ka ni lo tih ka inhrechiang kher mai!

Hetiang thil a lo thlen hian police nihna hmachhuana tharum thawh vak lam chu ngaihtuah a har fova, mi țhintu mah ni ila man lêtin kan awm a ni tih kan inhriatthiam meuh chuan kawi hnih kawithum tal kan lo liam hman leh nge nge țhin chu a nih hi mawle.

Ka beng khalh neuh neuh pah chuan duhâm tak mai hian min fawp hiam hiam a, a laibu per thlawm khawpa ka âwma a nawr vang chuan ka thaw pawh a dik thei meuh lo chu a ni e. Amah lah a țang bawk e maw.

A hnungzang chulin a mawngbawrte chu ka dap ve lo thei lo.

"I chhungte an lo tho thut ange.." 

A tho tharh a, a thingpui chhuanlai chu off in kawngka a kalh zui a,  light a tithim nghal vek bawk si.

"Ka roomah awm ang" a ti sap a.

"A chi loh, thawm an hre vek ang"

"Hre lovang"

"Hria ang, zandangah nimai rawh se"

"Hm.." tih nghat pah chuan min rawn kuah zui nghal zat a. 

Mihring pianphung in ang lo leh duhzawng in ang ni bawk si chu lanchhuahtir dan dang vak a awm thei meuh lo chu a ni ber e. Kawngka lam hawichuan ka kalphei pui hret hret a, dimtea kawngka hawngin kan chhuah dawn chuan pawn light a off zauh!

An kawta barrel lian behchhan chuan chesual map lovin kan han che țha dun teh reng a nih kha!!

In ka thlen meuh chuan dar 12:40 vel lai a ni tawh a, choka lamah chuan ka thleninnu chu a lo la țhu nia mawle!

"E he.. i va mengrei ve" ka tih chuan min melh zawk a, sana lam a melh zui leh zat a.

"I nuamsam lo nge?"

"Chutiang a awm hran lo, ka mu lo ve mai mai a nih hi"

"Mu ila, a hma tawh vak lo a nia" ka ti leh mai a, min chhandan chu eng rilru pu nge a nih ang ka hrethiam chiah lo.

"Lo va mu  rawh" tiin.

Ka hâ te ka nawh zawh chuan hna inti  thawk zo ka chau ve deuh bawk nen ngawireng chuan ka mut san a. Mahse, a awmdan chu ka rilru a tinuam hauh lo mai ka ti. Ka ngaihtuah vang vang hnuah ka mut kekawr bul leh tawnzau chauh inbel chuan ka va pan țha leh a.

Zahzelah fridge-a tui te chu ka'n in kawi leh rih a, ani lah chu a awm ngai chuan a la awm reng a.

"Harsatna i neih chuan sawi la, tun ang hunah i meng ngai si lo" ka ti tawl a.

Min melh ringawt a.

"Min ngaihtuah a mi?" min en reng a.

"Ngaihtuah loh theihloh a lawm, zandangah hetiangin i awm ngai si lova"

"A va lawmawm ve" a ti ringawt a. A zia chu min runluih a tum tlatin ka hria.

"Enge i mutloh chhan chu ni ta?"

"Dawt sawi lovin maw?" a ti kher a.

"Ni sela.."

"I lo haw har lutuk a ka muhil thei lova" min en lo, a kun daih a.

"Ka tihpalh lutuk, min lo nghak tih ka hre lova. Lo phone mai tur che nia"

"Hm, em em a"

"Em em vak a mi, hetia ngawirenga innghah tawp aite chuan"

"A ngaikher hleinem, tihian ka lo nghak thei tho che lawm"

Ka kuah a, a che map lo!!

"Zandangah chuan lenrei dawnin inhrilh țhin a țha khawp ang" a ti zui sap a.

A khabeah chuan ka dawm kang a, a țang khawp mai, țang viau e ti lo chuan a kut chu a thawh duh bik der lawi si lova!

A hmai zangthal hâ khawpa ka chawi chhoh meuh chuan a maimitchhing tlat a, a mawina zawng zawng hmu lo mah ila a hmui khur der der chuan min va hîp si em!

Ka kut veilam chuan a nghawngah chelhin ka kuai awn sauh a,  venthawn tur awm mawlh hek lo ka fawp lo thei lo a ni.

Chhanna ka dawng lem lo.

Ka uar zual sauh a, ka nghawngah chuan min rawn kuah ta chawih a, min kuahnghet mah mah țep a ni. A uar thiam phian, beisei phakbakin a duhthawh reuh a, kan inthlah meuh chuan thawpui a la halh halh mai a sin le.

Bulțan leh tuma ka hnimhnaih mek lai chuan, "Ka muhil thei tawh thovang" a lo ti khauh pek a! 

Lai zet chuan ka nui ringawt a.

"'Nge..?" tih pah chuan a inthiam lo deuh a niang ka biangah chuan a rawn 'muah' zeuh a.

"Mu ila, i tho hma thei lo palh ange" tiin a ding hluai a, chu veleh a kawngah chuan kuahin ka lamah chuan ka pawt hnai sauh a. Ka samah chuan a țham ringawt a, mi tih vak ngaihna a hre lo.

A kawrchhungah chuan a hnungzang lamah zenlutin ka chul sak a.

"Mal.."

"Umh.."

"Mut a hun"

Ka chhang lêm hlei lova.

"Mizo țawng i hrethiam tiraw..?" ka samah chuan min kuaidak a. Ka nui ringawt a. A lo kunhniam a, min fawp ngawng ngawng a.

"Mu ang ka tih chu" tihpahin a ke chu a per dat a.

"Umh le" tihpahin ka pawmkang nawlh a khumlam pan chuan ka phei pui ka khuma ka nghat tur chu a țang țâk a, ka nghat lui ta thova. Uluk fahrana ka fawhlai chuan a talchhuak a, khum bulah chuan dingin a inhuih țha mawlh mawlh a.

"Kan kalthui lutuk dawn a țha lo, mu tawh rawh" a ti a. Ka lo ner khum ringawt a.

"Muttui le" tihpah chuan ka banbulah a piai zauh a, an room lamah chuan min luhsan nghal daih a.

A ho ta der mai!

Thuneihna ka chunga neih a tum hauh lo chu mak ka ti deuh viau, a in a cheng ka ni a, ka țanpuina aiin ka tih hautakna a tam zawk mahin ka ring a, kum lamah nise u zawk a ni a han khirh deuh pawh nise ka hriatthiam dawn teh reng nen. A la fel em em zui a, hlêp hlang a ni ringawt.

Chutia boruak nei taka kan awm hnu pawh chuan a miziaah emaw han danglam vak hi a tamlo khawp a, nidang aichuan min ngaihvenin min 'care' deuh tih chu ka hrethei mai a, midang phei chuan inngaizawng hmuh a min hmuh ka ring hran lo khawp mai.

Kan inkarah lah 'ka hmangaih che, ka duh lutuk che' han intih thluaithlum vel awm ve nghal hek lo, kan nih ang ang chuan kan inpawm a ni ber ang chu ka ti mai.

Nguntaka muthmuna ka ngaihtuah hian ka mission vang chauha ngaizawng tur ni si kha ka tihtur zawka chu a sir zawkah a awm tlat hian ka hria, nula tlangval inngaizawng boruak diktak a keng tel tlat. Mahni thangkamah te hian kan awk nulh lovang tih pawh a sawi theih ta love.

A invawng uluk si, chengdun reng e ti lo chuan a awmbawr takngial pawh ka la khawih hleithei lo a nia, sex hman te chu 'ka ha se' hi a ni ringawt mai. Ka hrechiang tial tial a, a zahawm tulh tulh mai ni hian ka hria a, chu'ng te vang chu nimaw a hmel te pawh a chhe lo ka ti leh tawh!

Mak ka tih deuh chu Asawmi a thik miah lo hi a ni. 'Tlangval i nia, a chintawk chu i hre ve ang chu' a ti duh chauh a, Asawmi lahin min zar hneh phian bawk sia, nei hlei lo nghei hleilovin min dah a ni ber a, rilru pe lem lo mah ila he tisa hi chu a va inhlan zing si em!

Thlathum chuang mah kan awmho tawh a, a tira kan thu ang khan mahnia in vawmhran tumchhin ve ang hmiang, a rilru en nan te pawh mawle. 

  A fanu lehkhazir zo a mutthilh tir hnuah zankhat chu ka sawichhuak ta nge nge a, min thlek ha a. "A nuam lo i ti viau a ni maw" a ti daih a.

"A nuam lo tihlam chu ni love, nangni nufa tihbuai reng mai che u hi a inthlahrunawm ve alawm"

"Ngawiteh, min hne viau te a nih lem loh chuan chulam chu nakina sawiah dah teh ang" a tih tak tlat vang chuan ka sawi chhunzawm duh ta bik lova, dinhmun sawhngheh chian leh zual a nih tak vang chuan lawm mai tur ka lo ni.

Chutia enghelh pawh nei em em lova hun kan hman mek lai chuan Thlenin nu chu police station lamah an rawn kova, thildang tehchiam a nih a rin loh vang chuan a chho ve mai a.

A hmaa Pa Rinawma'n min hrilhlawk tawh vang chuan koh a nih chhan chu ka hre vek thova, a pasal boralta chhungte khan ka cheng ve tih an hria ningei tur hi a nia, an rilru na thar deuhin FIR an rawn tharthawh leh deuh hi a ni awm a, min man a ngai maithei a ni.

In a lo thleng chu a lungawiloh hmel khawp mai. Ka biak pawhin min chhang hleithei meuh lo chu a ni e.

Zan riah eikhama ka chhuk thlak chuan min hrilh ta hram a, a sawi țeuh mai-

"...chuan nangmah hi an ringhlel che niberin ka hria, i chanchin min zawt chik khawp a, kan inhriat țan dan te, kan inchhun dan te, ka nî fapa ka ti tawp che nia, engtinnge kan tih tak ang case an kalpui ngei a ngai awm sia.." a ti a.

"I pasal thihna nen inkungkaihna kan neilo chiang em a, chubak sawitur dang a awm chuang hleinem, diktakin kan hmachhawn ang a, eng em a thleng lovang" tiin ka thlamuan a.

"Nia, Bawihtei pite rilru kawi thil tikual vel bak a nih ka ring lo. Nangmah leh zel i kangkai tur hi ka duh lo a ni, a hma daiha inngaizawng tawh, ruahmanna engkim nei fel vek tawh angin min ring deuh a nih ka ring an țawngkam an sawi khan"

"Chu chu an rindan tur a ni reng alawm, engpawh nise, ka fihlim miau mai bawk si a, diknain ro a rel em ang chu mawle"

A sam chul heuh heuh chung chuan ka han ti a. Ka âwmah beiin a mittui a hru zauh a.

Thil tih 'secret' kan tum luat tukna lamah keima'n ka buai phah dawn a ang viau mai. Ka police puite hmaah chuan ka duh phawt chuan ka fihlim thei nghal ang, dan mitah pawh. Mahse, chu chuan kan mission hi engmah lovah a chantir mai dawn si.

Pa Rinawma lah chuan tumah hrilh hriat a duh lo bur, 'bang chen hian mit leh beng an nei vek, fimkhur tluk a awmlo, a țul a nih leh Thana lamah te pawh i riak ve lawp lawp anga ni mai, i thil tihlai hi ngaihtuah tawp rawh, helam chu ka kutah dah rawh" a ti hmiah mai bawk si.

Chuti na na na tiin case kal tur chu ka vei zui teh chiam lo.

Zana ka mutuilai chu ka kuta chelhtu an awm vang chuan ka harh hlawl a, han hlauhna hman pawh a awm meuh lo, "Mal, ka muhil thei lo"  a ti sa sa a.

Light chu ka han ti eng a, fenhnuai dum leh tawnzau chauh hi a lo inbel pek a!

Ka bulah chuan ka kuai mu a, mutchhuak deuh bawk si nen chuan ngawirengin ka kuah vang vang a. 

"Ngaihtuah buaiin awmzia a nei hleinem, a lo thlen hunah diktakin kan hmachhawn mai dawn alawm" ka ti a.

"Ka hria alawm, mahse kan tawrhna baka nang leh zel i buaiphah tur hian ka rilru a tinuam theilo a ni. I dik a, i fihlim tih chu a hriatreng a, chhuichhuah mumal nei silo hian mualpho deuhin i awm phah thei alawm"

"A ni khawp mai, eng em a thleng lovang, Pu Rinawma pawhin hlauthawng duh s’u a tih kha"

" I ngai awlsam thei bawk si.."

"In ngaihtuah hah vak kha awmzia a awmlo alawm, nangpawh ngaihtuah vak vak tawh suh" 

A hmuiah chuan dimtein ka fawh sak a, min chhanglet lo chu mak ka ti angreng viau a, vawihnih vawithum hnuah pawh beisei ang a ni theilo.

"Ka concentrate thei lo, min hrethiam rawh" a ti ringawt a.

Nia, hmeichhe vei nei tawh laileng hi chu an buaithlak țhin. An rilru lak pen hleihtheih pawh a ni țhin love.

Ka âwm ngheng chial chuan a muhil a, zingah pawh duhai tlaiah ka thawh phah.

Pa Rinawma sawi ang chuan office-ah chuan ka han in report ta a, midang bulah pawh nilovin ama bulah vek an mamawh tur ang chu ka han hrilh a. Midang hmuhlai chuan bond te chu min han sign tir ve bawk a, mi pawh man duh lovin min hawtir leh mai kha a nia. 

Ka thlenin nu hrehawm ti chu a khawngaihthlak reuh khawp mai. A chi-ai niberin ka hria, hnem han tum ngial pawhin a harsa lam deuh chu a ni e.

Hun a liam ve zel a, Pa Rinawma chuan a up hlum thei dawn niang hma han lakzui an neih awm pawh ka hre ta lo. Lungngai lutuk pawh a kiang ve hret hret e.

Zankhat chu kawmchhaknu ka rimna lamah duh aia rei ka leng leh pek a, min lo nghah leh ring rilru chung chuan chhuanlam siamdan tur ngaihtuah lawk thlapin ka haw a, mahse a lo meng awzawng lo chu niin! Ka inbuatsaih nasat ve teh reng nen a le.

An room lamah chuan ka lut tlang a, an nufa chuan tuitakin an lo mu hnár sak sak a, eng khaw sawi set set lo chuan ngawirengin a bulah chuan ka inthawlh ve a, phawk zet a a rawn meng chu a hmui hup nan ka fawp zui nghal zat a, thawm chhuah tur a nei ta lo.

A fanu kan bula a mut ve vang chuan nuam lo a ti deuh a niang 'i khumah phei ang' a ti sap a. Phurzet chuan ka thova, zanin chu a siruk kan la ngei dawn e ka ti rilru a. Pindan ațanga phurtaka ka chhuak tur chu min zui ve mai a, kawngka ka kan fel chiah tih chuan kawngkhar inkalh ri rakin a zui nghal a, "Mal, tihpalh, min hrethiam rawh aw" chhunglam ațang chuan a rawn ti zui a.

Thinrim ngaihna pawh ka hre lo, a thluak ka chelh lo lutuk chu ka nuih a za mah zawk. Nui ru vur vur chung chuan ngawirengin ka mu ve mai bawk a.

Chutiang chu a ni ka bitum nu hi.

A fin ka chelhloh chu thuhran, a mah hian engemaw ti tak hian min thunun deuh tlat hian ka hre pek a! Rinhlelh ngaihna ka hriatloh mai piahlamah amahah hian ka inpumpek ni ta berin ka hria. 

Ni, chutiang deuh chuan ka awm alawm.

An pa chungchang sawichhuah lahin 'sawi nuam a ni lo chutiang' a ti tlat zel bawk si. Kei a kara BA chawhma kal thluak hian han finkhalh dan vak ka hre lo chu a ni ber e.

Pa Rinawma bulah in withdraw mai ka dil lah chuan a rem ti lo nasa mai bawk si.

Ka talbuai dawna inhriatna ka neih vang chuan Aizawl lamah karkhat vel tal teiharh tumin rilru ka siam a, a bula ka sawi chuan kalbo tur riakah min ngai a niang chu a ngaihven țha duh der lo.

Chhuanlam tur pawimawh ka nei mai si lo,  sawinawn sek ngam chiah bawk si lo chuan karhnih dawn lai chu ka khawhral leh a. A karthumna turah chuan min phalsak ve ta hram a, pawisa 5000/- min kentir a, thawmhnaw tlem nen.. Ka insiam pawh phallovin ama'n ka bag vel tur nen lam a siam vek a, ka sumkawltir chu min rin theih nan ka dil buai duh ta bik lova.

Aizawlah, nu leh pa te bul ka han thleng ta cheng a, rilru dam huai huai te chu a hnai lo lutuk lungleng reng rengin hun ka hmang a ni ber a. Zan mut dawn mawlh ka huphurh țhin. Karkhat vel thang tura insawi siin zanthum ka riahnaah chuan ka awmthei ngang lo chu a ni ta ber mai.

Kir leh mai tura ka inbuatsaih chu ka chhungte chuan an hrethiam lo viau. Pathianni hman tum ang te khan ka lo insawi ve laklawh sia. Nia, anni chuan an hre thiam ngai lovang, an fapa hi nuthlawi zunah ka uai tih an hre tlat si lo alawm mawle.

Tlai lamchhuak Sumo seat hnungberah chuan zan lina pawh riak hman lo chuan ka kir chho leh ta a.

Kawnglakah motor chhiain kawng a dal vang chuan darkar fe mai kan tang țhup mai a, khawchhung kan luh chuan zan dar 8:30 a ri hial tawh a, kan awmna quarter chhak deuh kawngpui zau laiah chuan min lo hmuak a, kuah vawng vawng mai ka van chak tak! 

Ka zahpuiawm mange aw...

Inlam pan chuan kan inzui thla dun hnak hnak a, kawngka ka pen lut ve chiah chu a bag khai chu a thlauh tawp a...!

                       CHAPTER   

                             - IV -

Makti taka ka en lai chuan ka lam hawiin a rawn inher a, sau zeta rawn penin min kuah chawih a, min fawp mawlh mawlh a..

"Ka ngai tawh che a" a ti sap a.

Thinrim engphiar chuan ka lo insehruh bik hauh lova, lawmtakin ka lo pawm mai a ni.

"Mal, nupuiah min nei duh em?" 

Ngawireng chuan ka en ringawt a. Ka ngawirei a ti deuh a niang, "Ka thiamloh a ni; ka sawiloh tur ka sawi, min hrethiam rawh" inthiam loh hmel tak chuan a ti leh a.

Ka bag chu khaiin ka khumbulah chuan a dah phei a, khumah chuan a phawrh zui nghal mawlh mawlh a.

"Ngaihtuah tur tam tak a awm asin" 

Ka thusawi ngaihthla awm lo tak chuan a awm a, a ruk tak chuan a bengkhawn hle awm tho sia. Hmeichhia hi chu an lo mak deuh nge nge e.

"I pasal thlan siam te.." ka tih chuan a rawn hawichhuak ta nge nge a.

"Keimahni ringawt kan inngaihtuah hma hian tih hmasak tur a awm nual ang"

"Harsatna ka siam dawn che a nih chuan ka tilui lo che a nia" a ti khauh a.

"Keima lamah chuan harsatna ka nei hran lo asin, ka sawi ang khan bawihi pa nen nupa in ni a, chulai kar chu chinfel phawt a ngai, kohhran lam thlengin..."

"Ka hrethiam alawm, chuan...?"

"A fel hunah kan ngaihtuah ang"

Ka ti tak tak! Amahah rinhlelhawm hmuh a hnekin ka hmangaih ta chu a nih ber hi le. A pasal thihnaah emaw bonaah hian inhnamhnawihna neiah ka ngai lo ta bur mai. Hun khawhral tam hmain hna dangah peng vat ila kan hlawk zawk hial ta ve ang.

Chutiang khawp chuan thinlung inhnaihin tisa tak pawhin kan inchenchilh tam ve a, mak ve deuh chu sex ka hmanpui thei hauh lo chu a ni. Nuthuri zuama han zuam ngawt chu thil tih hleihtheih pawh a ni meuh lo.

Tharum emaw, engtin emaw han tilui ,alh duh ila chuan theihloh hul hual turah chuan ka ngai lem lo. Mahse, kei chu 'a hmangtu mipahnih an nih ang ngeiin chumite pahnih chu an lungrual dun ngei tur a ni, tiluihna awm lovin' tih hi ka ngaihdan a ni ve tlat. Inlungrualna tel lo sex hman hi a nawm viauna tur ka hre lo. Inhrikthlakna satliah mai a ni ngei ang.

Tichuan hun chu a kal  ve bek bek zel a, a pasal thlan siam a rawt chhuak chho ta a, chumi awmzia ber chu inneih a duh tawh tihna a ni ber ang chu.

Thlan siam hrim hrim chu a tan pawh thil țha zawk turah ka ngai a, thil inawhai rei lutuk chu a țhaber lo ang. Keilahin ka chenchilh mauh mai bawk si. Chu lo rengah a pasala chhungte han thinthlakna remchang ber a lo ni bawk nen.

"Kan inneih hunah chuan Aizawl lamah awm thla ila tiraw?"

"Nia, mahse, i pasal pension thlabi a i lak te hi i chang thei dawn lo a nia.. Engtinnge ei kan zawn anga?"

"Lungngai hma si ve, tihdan a awm mai ang chu, tak tak a kan pa pension hlawmpui ka lak kha pakhat mah ka la hmang hleinem. A GP Fund kha nuaihnih vel kan hmang a, a bak chu khawih kan neilo hrim hrim alawm, nuaih sawm chuang mah a la nia, chu chuan bul kan țan thei ve em ang chu."

"Nangmah behchhan ringawta chhungkaw han din chu ka tan chuan a zia lo lam deuh dawn a nih chu"

"Chutiang zawngin ngaihtuah vak vak lo la, duh ang thlip thlepin thil a awm thei hleinem. Kan pa pension thlabi a kan lak pawh kan in report loh te chuan a lak theih reng ang chu. Aizawla kan țhenawm a mi pawh khuan a la reng alawm pasal nei reng chungin" a ti a.

"Chutiang tur a ni hleinem, dan kalh a nih chu, pasal i neih rual rualin i hminga i lak hi a tawp nghal ang a, i fanu hming erawh hi chuan kum a tlin hma chu Guardianship-in i laksak thei ang. Kum a tlin hnuah chuan ama hmingin a kal ang a. Thil dik lo tih hriatreng tihluih kha a țha lo"

"A nih chu, ka var ta uar e i zarah, i duh ang thlap chuan kan ti dawn nia" tiin ka kut zungțang chu a khal niap niap a.

A chhungte pahnih remruatna ang chuan a pasal thlân chu kan siam ta a, a kianga cheng ka ni vang chuan awmdan a lai viau, intihthuna chi a ni bawk si lo. Min rawn zel mai bawk si. Dinhmun chu laklawh ve tak a ni.

'Kan lo kal zel e' tih hla ang deuh khan ramtiam lam chu a nitélin kan hnaih zel nihian a hriat a, chakawm tho mahse miin engtinnge min sawi ang? Tih ringawt chu ka rilru-a awm a ni. Mutmawh hnarmawhah chuan nei em lo mah ila rilru a kap tlat lawi a.

"Hetah innei lovin Aizawl lamah awmthla phawt ila, a țha zawk angem aw ka lo ti deuh a?" ka ti a.

"Engatinge?"

"Helaiah chuan mi mitmei ven a na dawn emai, engtinnge mi'n min sawi ang"

"A ni khawp mai, khulamah chuan boruak a dai zawk ngeiin ka ring"

"Hetah chuan thlâ a ngam thei meuhlo a ni. A chang phei chuan inpa hi lo lêt leh mai tur ang te hian ka ngaihtuah fo țhin asin"

"Ti mak e mai a"

"Sawitur a vang dawn em alawm mawle"

"Chutiangin ngaihdan maksak pui pui nei suh"

"Neih loh theih pawh a ni lo, in pa chin hi a hriat miau bawk si lova, a ruang te tal hmuh nise chuan ngaih hi a ngam tur a nia, khawiah emaw a tlanbo satliah te a lo nih lek phei chuan i tan pawh a mualpho thlak dawn asin" 

"A lo kir tawh lovang.." a ti sap a.

"Chutianga sawi ngawt theih pawh a ni lo asin"

"Min ring rawh ka sawi thei alawm"

"Ka rin che vang a hei chen kal hi kan niin ka hria" ka ti a.

"Chuti a nih chuan harsatna a awm loh chu tiraw"

"Engmah fiahna tur a awm loh chu"

"Mal, min ring la.."

"Ka ring che, mahse fiahna tur i neih ve chu a ngai alawm"

"Khawngaih takin ka ngen che nih chu"

"Ngen ngai lo turin a fiahna chu min pe mai la.."

Ka malchungah chuan țhuin min kuah a, dimte chuan min fawp veng veng a.

"Sawi hi kan tan a nuam lo viau asin. Ka thuruk tawpkhawk a ni si a"

"A ,ha lawm, ka tilui lovang che, min rin loh chuan i thu a ni e"

"Mal, khawngaihin thinrim lo la, min hriatthiam țhin em kha, ka tan a harsa ve bawk em a ni"

"Thinrim love, mahse, min ring lo erawh hi chu a nâ ka ti ve deuh"

A khur der derin ka hria.

Ka awmah chuan a bei chial a, ka beng hmeh neuh pah chuan tihian a chanchin chu min hrilh a.

"Kan pa nen khan college kan kal laia intawng kan ni a, Final year exam lovin police-ah a lut ta kha a nia, training an zawh fel hnuah kan innei zui deuh mai a, mi pangai tak a nih țhin vei nen chhim lam post pakhata a va awm kha a chhiatpui ta a ni.

Zu in a ching chhova, mi in ang hian a inthiam ve leh bawk si lo. Chhunzan zawmin a rui hi a ni ta ringawt mai a, hmundanga a awm pawhin a insiam țha zo tawh lo. Zu tel lo chuan a awm thei ngang lo a ni ber mai. 

A insiam țhat theih nan tiin an pute paw'n an suspend chang te a awm hial a, warning te pawh an in pe nasa. Duty tur hi chuan a chhuak ve ziah a, office-ah pawh a kal ve ziah, mahse a duty a hlenchhuah theih miau loh vangin banah hial an vau a, chuti chung pawh chuan a țha chhuak zo chuang lo. 

A hlawh kan hmu ngai lova, chuti a nih a hnekin ka vawk vulhna ka khawl ve te pawh a eitla ran zova, helai post a kan awm hnu phei hi chuan zu zuar nuthlawiinah a riak lut reng hi  ni ringawt mai a, ka zir lo deuh nge ni mi han hauh a, kut mi thlak mai te pawh a hreh lo sawt viau a.

Zanhnih zan thum laite chu nu hnenah chuan riahbo chang a nei a, a chenchilh nu lah chu nuthlawi lungfing tihtakah ani zantam riak pawh pai lo tih hriatreng kha pasala neih tumin a lo kherh tumhrang bawk si.

Chu chuan kan nupa kar țha lo sa chu a ti chhe leh zual hle a, a rawn haw apiang hian thinrimna tur zawngin kut mi thlak hi a chak zek zek a ni ber mai.

Chhuahsan turin vawitam min hrilh a, karah fate an awm tawh vangin thildik niin ka hre si lo. Hun harsa tak ka paltlang ve asin" a mittui luang chuan ka kawr awm a ti hnawm phak ta hial mai!

October 3, thlabial zan a ni a. Chhunlamah a chhuah peih loh vangin a mu nileng tawh a, zanriah pawh a kil ve lo. Thleng ka seng fel hnu chuan thingpui lum sakin ka va pe a, thingpui aia zu laksak zawk tur chuan vin fe hian min lo ti a.

Chhan pawh chhang buai lovin ka chhuahsan leh mai a, a hnua ka va lut leh chu 'khawnge zu chu?' a lo ti khû khû a. Zu la a min beisei lo tura ka hrilh chuan a thin a tirim hle ni tur a ni.

A lo tho chhuak a, a taksa chak lo khur sai deuh ngar ngar hian min rawn beng țhuai mai a. Ka insum hman ngang lo chuan a âwmah ka lo nem nawk a, ani taksa chak lo ta chu khum tlangah ribur khawpa intauhin a tlu phei a.

Ka inthiam lo leh bawk si chuan buaipuiin khumah chuan ka mut țhat tir ta kha a nia.

Mahse.. khatihlai pawh khan a nih tur ang chu a lo ni vek tawh a ni ngei ang.

Bawihtei ka tihmut hnuah a bulah chuan ka va muttir a, a awmdan chuan ka ngaih a tihțhat zanloh deuh vang chuan ka va sawi chhin a. Che tur a awm hauh lo mai!

Ka tho thuai a, a lu te chu ka va sawi nawk nawk a, engtihna mah a ni lo. A marphu hmuhtur a awm tawh lo!

A thi tawh!

Khami zan khan awmngaihna ka hre hauh lo. Inchhungah ka vei zankhua țhakin ka hria. Ka va en leh țhin a, thil danglam hmuhtur a awm bawk si lo.

Ngaihtuahna fim pu thei lo chuan ka vei khawvar țhak a, khua a var fel chuan hlauhthawnna ka nei ve țan ta a.

Ngaihtuahnaah engnge thil thleng chu ka ngaihtuah thiam țan a, khatih lai a ka mangan zia kha aw..

Police hnena in report mai tur nge tiin reitak ka in khâp a, a insawhna a tukkhumah chuan hliam a awm vangin rinhlelh ka ni tho dawn tih a chiang reng a, in report loh chu ka duh ta zawk a.

Engtia dahțhat tur nge tih ka hriatthiamloh vang chuan nilengin ruang chu puana khuhin khumah chuan ka dah reng a, dahbo dan tur chuan ka rilru a tibuai tak zet a ni.

Vawkin hnuaiah sawn vawkek leițha khawlna tur khur ka siam tir a awm a, chumi chu remchang berah ka ngai ta a. Zanlaiah mi mutreh hnuah chuan bawngtuthlawh hmangin ka va hai fai a, vawkek pawh khuh leh nan tiin bucket-ah ka rut vek a, chutah chuan kan pa ruang chu ka dah ta a.

A tukzing vawk chaw pek pah te chuan hnu thup tum chuan ka bei ta ngar ngar a, vawk chaw te ka leih bua a,  en mai chuan hnutharlam hmuh tur chu ka thupbo viauin ka hria.

Zan hnih zanthum te a riahbo țhin vang chuan chet rum rum kher a ngai lova, a tukah chuan zu zuar in a kalna ?hin te, a riahna țhin te hnenah te chuan nau paw chung chuan ka zawng kual ta a, tuma'n an hmu lo!

Asawmi te inah khian zanriah an eimek laiin ka tlan lut a, kan pa chhuahbo reitawh thu leh ka ngaihțhatloh thu chu a pa khi ka hrilh mawlh mawlh a, second OC a nih vangin amah pawhin a lo ngai thutak hle a, a zan la la chuan police ho chuan an zawng ta rum rum a.

Hmuh tur erawh a awm si lo.

YMA lamah te information pein an phek buai zo ta a, min rinhlelh ngaihna an hre hauhlo chu ka lawm hle. A mak pawh ka ti hial zawk a ni.

Ni sarih lai police leh khawtlang, chhungte leh țhianțha te nen an zawn hnu chuan dan angin hnu an khar ta kha a nia.

Engemaw chen chu chu thilthleng vang chuan ka pangai hleithei lova, a chhanber pawh tualthattu ka nih vang a ni. Min ngaihtuah vangin Aizawl lamah te min hruaithla a, mahse nuam ka ti thei chuang bawk si lo. 

A kum a kum kha chu ka nunphung a pangai hleithei lova, mahse hun hian min lo hnem a lo nih dawn hi, ka pangai chho viau tihah nang i lo lang leh ta bawk nen tunah chuan nunphung pangai zawh turin ka inpeih tawh.

Nang chuan kha thilthlengah khan thiamloh min chantir lovang tiraw? Ka tumrenga thil thleng a ni silova..."

"Tihpalh liau liau a nih chu" sawi chhunzawm tur ka hre tlat lo.

"I bula hlimtaka awm a, nunthar neih hi ka chak ber tawh, he thil lak ațang hian nang chiahin min lachhuak thei tih ka hriat vangin ka thuruk tawp khawk ka hrilh che.  I rinhlelhnate fiah kher i phut bawk si" a țawngzawi ta sap sap khawp mai. 

A khum lam pana min kalsan hnu chuan thlan tla bawrh bawrh khawpin ka inngaihtuah!

Nupuia neih te chu ka tum ve bawk chu a nia leh! 

Nupuiah nei ta ila ka thlâ a muang thei tak tak dawn em ni? Engtikah emaw he thil hi rawn irhchhuak leh ta se chumi hunah chuan fate nen lo inkaihnawk duah tawh ila chhungkawnu ber chu rawn man ta se! Ni lo, nih leh police-ah tunah hian report ziak ta ila amah hi man ta se..

Ka duh em em, nupui atan hial pawha neih ka duh hi a tumreng vang pawh nilova a tihpalh thil vanga ka mantir chuan ka rilru a dam chuang dawn em ni le?

Sana chek ri te chuan min rawn pan nihialin ka hria! Khawvar hma deuh hian a lo tho chhuak a, engtak chu a ti dawn nimaw ka lo ti rilru a, ka lo muhil der tlat a,  bualin lamah chuan kalin a va zung ni ta berin ka hria.

A lo let leh lam chuan ka khumbulah chuan a penthawm chu a reh ta daih a, ka muhil der laklawh bawk si, a diktak chuan ka hlauthawng!

Ka khum hniamsat chu a rawn țhut a nih ka ring a, a hnulawkah chuan ka awmbawr leh nghawng thleng mai chuan a thawkkhum lum ham ham hi ka hre zui a, ka va han auchhuak teuh țhin tak em ve aw..

Kut humruh țeuha men ka tum lai tak chuan ka hmuiah chuan damthlap hian a rawn fawp lawi a.

Hlauh ang he hu chu a va ni si lo ve le.

Reiloteah a khum lam min pansan leh mai a, keilah inngaihtuah buai atalangin ka khawvar țhiai thung a. Zankhuaa inngaihtuah e ti lo chuan a engtia hmalak tur nge tih chu ka ngaihtuah chhuak chuang hauh bawk si lo.

Khawvar veleh chuan thovin vawk inhnuai a sawi chu ka va thli thlai a, a sawi ang tak chuan han rinhlelh chhan tur chu en mai chuan vang tak a ni. A rawn thawhchhuah hma chuan Pa Rinawma quarter lam pan chuan ka kalsan leh ta daih a.

Ka chauh deuh vang chuan țhutthleng seiah chuan ka'n mu ren rawn a, mutthilh lam chu a lang lo nasa mai.

"I va nguai ve na i nei em ni?" Pa Rinawma chhuak tur chuan min ti a.

"Nei love, ka țha, nizan ka mu tlem deuh a" ka ti mai a.

"Tunlai chu i chanchin ka hriat a nalh vak lo thei khawp mai, i fimkhur deuh a țha ang, inneih tum ang tein an sawi che u a. I hna nena inkungkaih thil mah nise midang hriattur chin hi a awm ve a nia, Police i nih angin 'Duty First'. Hlimna liam leh mai tur aichuan thudik a pawimawh, chumi hmuhchhuah chu tum la, a bak chu a hnungah a rawn kal mai ang.." ka lu-ah a tuai thuak a, min chhuahsan ta a.

A thilsawi chu ka ngaihtuah zui hman vak lo, Pen leh Blank paper lain ka hnuchhui report chu ka ziak ta zung zung a. Ngaihtuah chawp ngai lo, thil thleng hriat chian vek a nih vang chuan chawei a hun meuh chuan A4 paper phek nga ngawt ka ziak hman a, ka hming pawh ziak duh lovin chaw ka kîlsan ve ta kha a nia.

Tukțhuan eikham fel hnu deuhah chuan tihtur dang awm lo ta chu ka hawthla ve leh mai a. 

Parda vel hlipin sûk a tum mek hi a lo ni a, ka'n hmu chiah chu ka rilru a dang zo leh vek tawh! Report ka ziah chu pawtthlerin ka halral vek! 

Ka mangang tak zet a ni.

A bula ka awmin ka ngaidam chiang em em a, Pa Rinawma bulah lêm report ka ziak lawi bawk sia, thutlukna siam tur hian ka huaisen tawk lo deuh a ni awm mang e aw.

Chutiang chuan ni a vei leh hial tawh. A fanu ka hmuh phei hi chuan ka mantir ngam ngang lo ni hialin ka hria. Tunge tuamhlawm ta ang le?

Thutlukna chu ka siam fel khat ta. Ka damchhung atan harsa ka tihber a nih ka ring hial a ni.

A pa biak theihna tur number chu a phone ațangin ka la a, a tuk tlaiah chuan ka biak hreh vangin Pa Rinawma chu ka biaktir a, an fanu chungchanga an nupa emaw a lo chho turin.

A hmain Pa Rinawma chu ka ruahman dan zawng zawng ka hrilh lawk vek avangin țha deuh chuan a be ve mai a. Rawn chhoh an tum tur thu chu kan ngenna mah nise ngaihthlak nuam ka ti mawlh lo a ni. 

Engkim chu danglam awm lovin a kal muah muah vek a, keimah ber chu a danglam chu ka ni. Awmngaihna ka hre thlawt lo a ni ber mai.

A nu leh pa lo thleng chho chu Pa Rinawma chuan zanah lengah a sawm a, an makpa in motor a rawn khalh vangin a ni pawh a lo tel ve bawk a.

Keimah ber chuan ka ngaithla ngam leh silova, ngawirengin ka chhuak bo ta daih a. Police station awmna tlang hmawr lamah te chuan kalin ka vei sek a, awmngaihna ka hre lo. Ka țah a chhuak a, țap tur ka awm lawi si lo.

"I nu leh pa lo zin chhung chu khilamah kan riak chho ange" tiin ka chhuak kha a ni a, duat takin min fawp vawng vawng asin mawle.. 

Dar 11 dawnah inah chuan ka lut chauh a,  Pa Rinawma nen chuan kan ti ti a, ti ti e ti lo chuan engnge kan sawi ber pawh ka hre mumal hauh lo thung.

Chu zan chu zanthum ka tlaivarna a ni ta.

Tukțhuan eikhamah Police uniform kimchang nen a infamin Pa Rinawma office-ah chuan amah nen kan țhu dun ran a, ka thlan chuan min bual zawih zawih a ni ber e. Chakna ka nei mawlh lo a ni.

Darkar chanve kan țhu tling țep tihah chuan an rawn hruai lut ta!

En loh ka duh. Kan hawina lamah an rawn lut bawk si hmuhloh theih hekloh le. Chutia police form nena ka awm min han hmuh chuan a meng kawk a, a angzuau a, richhuak tur a awm lo. 

Ka mualpho mai dawna inhriain ka tlanchhuak ta ringawt a.

Engtinnge an tih a, enge a chungah thleng ka ngaihtuah zui ngam lo. Room pindan zimte-ah chuan ka inkharkhip tlat a, Pa Rinawma te pawh chuan min hrethiam khawp mai. 

Aizawla chawl hahdam turin chawlh min pe a, ni hnih a vei hnuah Police Bolero chuan min phur liam thla ta daih a.

Pa Rinawma'n a hrilh hria ni ngei tur hi a nia, ka chhungte pawh chuan danglam takin min lo ti chuang lem lo. Dawhkana chanchinbu a ka thlalak chuang kuau mai chuan englam nge an ziah dawn ka chian em avangin bih pawh ka bih ngam lo!

Țhiante an rawn chuangkai țak țak a, ka hlawhtlinna min lawmpui tura lo kal an ni. Keilah chu damkawr ang maiin ka lo mu bul mai bawk si.

A tuk chawhnu lamah chuan kan office lamah banna thehlut turin ka va kal a, țhiante hovin min lo au sap sap nain ngaihven hman ka ni lo.

SP room-ah chuan ka tlang pawrh a, ka lehkha pek chu ngawirengin a bih a.

A lo dakchhuak chu huphurhawm tak hi a ni ringawt mai. A tarmit chu a'n tihniam te te a, muang fan raih hian "Hei hi hawn la, thlakhat hnuah min rawn hmu leh dawn nia" a ti sup a.

                          Continued...Mission - II

©__________[ɐʞızɹɐp]__________®