AIZAWL FANU
_____________ _____________ AIZAWL FANU [13.3.2016] A hmel en mai chuan High School a rap awrh chauh ang tih mai tur awm hi a nia, hmel fel ving veng, ngo tuihnai zet mai hi a ni reuh a, a pumrua erawh a dâwng nguak mai han tih tur chu a ni bik lo. Cigaratte a chehna kut chu a no nalh takzet! Mahse, rawngdum hi ka ngainat miauloh avangin a kuttin sei hauhlo a hnawih dum ber kher chuan mi lêmlo mai nilovin ka țih deuh roh! A nasat hmel ka'n ti tlat pek a nih chu mawle! Cigaratte chu a vawikhat zukna a nilo tih hriatreng hian a khu chunglamah chuan a ti bial chho pap pap a, alo chhuahna hmui 'chibi' zet nen chuan thlir manhla tak erawh a ni meuh mai. Current a awm miauloh avangin a phone ka siam lai chu khawih chhunzawm theih hek loh le, that chhe zetin k...